عشقها ازرق ويطربها الهلالي - نادي الهلال السعودي - شبكة الزعيم

سامي صعب يتكرر · #1 25/11/2009, 10:41 PM

ليلة(ن) مرت مثل باقي الليالي ..
الهوى نفس الهوى ونفس القمر

بغمرة احزاني وتفكيري بحالي..
اشرقت دنياي في لحظة عمر

بالعيون اللي توصت في اشتعالي ..
بالحنان اللي كسر قلبي كسر

زينها عادي ولا هو بالخيالي ..
بس كل الملح فيها منحسر

زاهيه بالخصر وبالطول المثالي..
ولا هي بيضاء ولاتعد من السمر

عشقها ازرق ويطربها الهلالي ..
وترحم اللي مبتلى بحب النصر؟

ليتها بالوصل وفت في وصالي ..
هيمتني لين زادتني قهر

اشغلتني بعشقها رغم انشغالي ..
وقبلها ماحب قلبي كالحجر

غيرت مجراي مدري وش جرالي ..
لو بغيت الهجر ياصعب الهجر؟

ارسلت لي تقول: ماغيرك طرالي ..
بس عندي ظروف ايام وتمر

بنتظر مشتاق لك ياراس مالي ..
بنتظر رجعتك لو طال الصبر !

اخوكم /
محمد عبدالله العتيبي
6/12/1430
22/11/2009

صِبآ نجّد · #2 26/11/2009, 06:01 AM

ما شاء الله لا اله الا الله

صح لسـآنك
قصيده روووعهـ بكل اوصافها ومعانيها

عشقها ازرق ويطربها الهلالي ..
وترحم اللي مبتلى بحب النصر؟

تسّـلم يدينك

, ولا تحرمنا من هالقصيد الزين

leader ksa · #3 26/11/2009, 08:47 AM

ارسلت لي تقول: ماغيرك طرالي ..
بس عندي ظروف ايام وتمر

بنتظر مشتاق لك ياراس مالي ..
بنتظر رجعتك لو طال الصبر !

انا اشهد يالبى قلبك يابو عبدالله على هالقصيدة وصح لسانك والله لايضرك

اسمح لي اسجل نفسي من معجبينك

واذا لقيت جزء من القصيدة جاية على جوالك بعد دقايق لاتستغرب لاني اباخذ منها كم بيت

تمنياتي لك بالتوفيق

فنون هلاليه بجنون · #4 26/11/2009, 10:30 AM

صح لسااانك ياابن العتيبي ..!!
قصيده فوق الرائعهـ والله يهنيكم يارب ..!!

عشقها ازرق ويطربها الهلالي ..
وترحم اللي مبتلى بحب النصر؟

افضل بيت

بطلة · #5 26/11/2009, 10:35 AM

روووووووووووووووووووووووووووووووووووعه القصيدة ماشاء الله ,,

سامي صعب يتكرر · #6 26/11/2009, 01:57 PM

صبا نجد .. حياك الله وماعليك زود وسيتاهلون اشقائنا الكديش كل خير

leader ksa .. حياك الله اخوي واهلا بك وبمرورك الكريم اخجلتني بكلماتك

اشكرك على نبل مشاعرك وطيبتك الله يوفقنا وياك لكل خير

فنون هلاليه بجنون .. حياك الله اختي واشكرك على نبيل مشاعرك ومثل ماقلت اخواننا واحبائنا الفقراويه يستاهلون كل خير

بطلة .. حياك الله اختي واهلا بك وبمرورك الكريم

هلالي معالي · #7 27/11/2009, 02:43 AM

ما شاء الله لا اله الا الله

صح لسانك وناخوك قصيده حلوه و جزله ما شاء الله

يعطيك الف عافيه عليها

سامي صعب يتكرر · #8 28/11/2009, 09:28 PM

إقتباس

الرسالة الأصلية كتبت بواسطة هلالي معالي


	ما شاء الله لا اله الا الله صح لسانك وناخوك قصيده حلوه و جزله ما شاء الله يعطيك الف عافيه عليها

هلا فيك اخوي هلالي معالي وماعليك زود

6l8 elm7ya · #9 29/11/2009, 09:00 AM

بالعيون اللي توصت في اشتعالي ..
بالحنان اللي كسر قلبي كسر

زينها عادي ولا هو بالخيالي ..
بس كل الملح فيها منحسر

زاهيه بالخصر وبالطول المثالي..
ولا هي بيضاء ولاتعد من السمر

رووووووووووووووووووووووووووووعه ..

صح لسانك وتسلم يمناك ..

ولا تحرمنا من جديدك ..!

سامي صعب يتكرر · #10 01/12/2009, 07:18 AM

صح بدنك ياطلق المحيا وماعليك زود

دحوم القصيم · #11 01/12/2009, 07:29 AM

قصيده اكثر من رائعه
لا من ناحيه الوزن ولا من ناحيه القافيه
ابو عبدالله تقبل مروري

هلاليه محترفه · #12 01/12/2009, 07:36 AM

بنتظر مشتاق لك ياراس مالي ..
بنتظر رجعتك لو طال الصبر !

الله الله..
صح السانكـ اخوي ..

سامي صعب يتكرر · #13 01/12/2009, 11:05 PM

دحوم القصيم ..
هلاليه محترفه ..

ياهلا ومرحبا فيكم وماعليكم زود