حملة نصف القمر للتحويل من stc الى موبايلي السلام عليكم ورحمه الله وبركاتة حملة نصف القمر للتحويل من STC الى موبايلي http://www.haf-moon.com/up/uploads/i...cf783fc469.jpg http://www.haf-moon.com/up/uploads/i...203e520179.jpg مساء الخير اخواني واخواتي من اعضاء منتديات الزعيم الكرام : الوضع مع الاتصالات السعوديه صار غير مرغوب فيه ابداً ..... قسم بالله اني خلال شهر فقط تم التسديد ثلاث مرات الجوال الاول الرئيسي اول تسديد مبلغ 560 ريال ثاني تسديد مبلغ 452 ريال ثالث تسديد اليوم طبعاً 730 ريال طبعاً هذا خلال شهر تقريباً ..................................... الجوال الثاني وهذا قليل مايتم التحدث فيه اول تسديد 310 ريال على ايش مدري ثاني تسديد 292 ريال بعد حتى هذا غير ثالث تسديد 333 ريال وهذي المصيبه اني ماتحدث ..................................... الجوال الثالث عاد هذي الشريحه في البيت لم تستخدم فقط عشانه رديف مميز تابع للجوال لاول محتفظ فيه بس عشان اقهرهم تم تحويله موبايلي شحن فقط اول تسديد مبلغ 60 ريال ثاني تسديد مبلغ 80 ريال ثالث تسديد مبلغ 70 ريال وعلى ايش هذي المبلغ خلال شهر فقط ؟؟؟؟ ..................................... المهم نبي تسجيل هنا اي شخص قام بتحويل الى موبايلي يسجل هناا عشان نعرف كم العدد اللي قام بتحويل وان شاء الله نشوف عدد كبير |
انا والله ما لقيت الراحه الابعد ماحوولت لموبايلي حبيبت قلبي والله معنا الــــــــــــــى موبايلي |
انا ان شاء الله راح احول قريب وكل البيت تقريبا راح يحول معاي ( 6 خطوط ) .. لكن بعد شهر عشان احلل الشهر المجاني تعويضا لنهبهم لنا طوال السنين ,, |
إقتباس:
اليوم هيئة الإتصالات رفضت هذا العرض من الإتصالات السعودية لانه نصب في نصب مو مجاني لاتتوهق تتصل وآخرتها فاتورة دسمه |
إقتباس:
الاتصالات اليوم ارسلت مسج وأكددت لنا إن الموضوع صح يعني بالعربي وسعوا صدوركم والله احس ذا الشهر بيصيرون العالم واصلين مره:s2: ومن ناحية التحويل والله انا ناويه أحول بس يوم جاء ذا الشهر قلت خلنا نستفيدمن ذا الشئ بعدين نحول:naughty: |
مصدق أنت شهر مجاني اليوم هيئة الإتصالات رفضت هذا العرض من الإتصالات السعودية لانه نصب في نصب مو مجاني لاتتوهق تتصل وآخرتها فاتورة دسمه |
مشكووووورين علي المووووضوع يعطيكم العاافيه |
تم التحويل لموبايلي من يومين تقريباً والحين شغال على شريحة موبايلي والوضع ماشي زي الفل تحياتي ,, |
والحمد الله امس تم تكسير ثلاث شرايح الاتصالات الحراميه , بعد التحويل الى موبايلي وتم تفعيلها والحمد الله .. http://www.haf-moon.com/up/uploads/i...fe9d759852.jpg الله يوفق موبايلي يارب اخوكم تعب قلبي واذا عن الشهر قسم بالله اذا ماتوهقتوووو لا تسلاموون علي |
موبايلي في على الثابت؟؟ لأن انا عندي زين مو موبايلي |
أنا بأحول بإذن الله قريبًا مبروك وعافية عليك شكرا للحملة |
أنا لي شهـــر طلبت من الاتصالات احول رقمـ لموبايلي وللحين ماتحـــول تكفففون ساعدوووني ايش اسوووي؟ الاتصالات شكلهم مابيحولون لي |
إقتباس:
سوى ازعاج على الاتصالات كل يوم اتصل عليهم وقول برفع شكوى عليكم بس قبل كل شي الازم تتأكد من تسديد جميع حقوقهم مع انهم مالهم حقوق حسبي الله عليهم المهم روح المكتب الرئيسي مو فرعي الرئيسي قول عطوووني تصفيه نهائياً على رقمي ابي تحويل وشوف وشي عليك الازم بيكون عليك مبلغ عشانك لك شهر واكيد في رسوم اشتراك ويمكن بعد مسوي اتصل انت واحد اعرفه رفضوو التحويل والسبب 25 هلله فقط ؟؟؟؟؟ حقد فيهم الله يوفق الجميع يارب |
ياشباب كيف أحول رقمي لموبايلي اللي أعرفه إني أصفي الفاتورة وأسددها كلها ثم أروح لأقرب فرع موبايلي وأحوال رقمي إلى موبايلي يعني مايحتاج أروح لشركة الإتصالات وأطلب تحويل رقمي |
يا كباتن .. انا ودي أحــول اليوم قبل بكرا .. بس مابي أجـازف .. أبي معلومات .. هل تغطية موبايلي حالياً صارت تخلي الواحد يريح باله وين ما كان ؟ |
انا حوووووووووووووووولت موبايلي اليوم تحولت الشبكة حمدلله |
إقتباس:
ومتأكده مالهم شي سددت كل الفواتير بس يقولون تحول رقمك في الجهاز عندنا من الاتصالات لموبايلي لكن يبغالك وقت والله انهم يتعبووون |
والله الراحه مع موبايلي .. تم اشتراك في موبايلي قبل شهر والله مرتاح معها ..حتى احس اني مرتاح نفسياً |
انا طلعت رقم جديد .. وكنت بلغي رقمي الاول .. لكن صبرت شوي .. قلت خلني شوي اخلص الشهر حقهم ذا .. |
ياشباب انا رقمي رديف هل اقدر احول على موبايلي ولا لازم مايكون رديف؟؟ |
أنا بصراحة حولت خطين من الاتصالات الى موبايلي والأمور تمام |
مارضيو يحووووولوني يقولووووون انت عميل مميز لدينــا ... قلتلهم طيب بسدد الي علي قالولي ماعندنا تسديد لازم عن طريق البنك. والبنكـ مايسدد المبالغ الغير مفوترهـ وش اسووووي يعـنـي ؟!! |
يـــآخي مدري وش بلآهم أنــآ سوآآ ,, وأبي أحول لموبآيلي وسوآ مآ يحتآآج لك أنك تصفي اللي عليك بس لازم الرقم يكون بسمك وانا رقمي باسمي والوضع تمآآم رحت أبي أحول رحت لموبآيلي قلت أبحول وقآلوآ لي أصبر لك 6 أيــآم ورآح تجيك رسآآلة من موبآيلي تعلمك إذآ جتك شغل شريحة موبآيلي بس ألحين لي شهر وزيـــــــآدة ما جاني لا رسآلة ولا هم يحزنون وإظآهر اني مطوووووول ما جتني وأنآ والله ودي أحول لموبآيلي سروقونآ ذولا الله لا يوفهم ولا يجزآهم خير يآخي قهررررررررر والله الله ينتقم منهم سرقة عينك عينك الله لا يوفقهم |
إسـتفســار : هل أقــدر أحــول من سوا (رسمي) .. إلـــى موبـايـلـي ؟!! |
انا جوالي شحن مو فاتوره اقدر احول ؟:d وبعدين اقدر احطها الموج الازرق؟:d بدون اسم تراها |
خطوه موفقه خطوهن موفقه وانصح الجميع بالتحويل من stc الى موبايلي وراح ترتاح |
يعطــــيك العااااافيه,,, طبعـــا موبايلي أفضــــل,,,, |
تخيل اني اعطي الاتصالات ريال من جيبي !!!! شركه بايخة |
إقتباس:
اضطريت اعطيه اهلي وطلعت زين ومع زين عالمك جميل ريحوني الله وشبكتهم فاضيه ومررره مريحه 100 % المهم ابعدو عن STC وتكونون بخير؛؛ |
أنا بأحول بإذن الله قريبًا مبروك وعافية عليك شكرا للحملة |
ان شاء الله انا الحين بصفي الحقوق ( السرقه ) وبحول موبايلي فديت هالشركه هي و زين.. STC حياة أصعب لسرقه أفضل.. تحياتي ومعاكم عالحمله الجميله والمفيده لتوعية المواطن.. |
تم وبحمد الله نقل كامل بياناتي وأرقامي الاربعة إلى المشغل الأخر:alzaeem: موبايلي بعد عنا أستمر لمدة شهرين ( 60 يوم وفوقة كم يوم والله مو ذاكر بالظبط ) . ومخاطبة هيئة الإتصالات . ولذا تم أعلامكم يذالك |
يعطيك العافيه بس ابي اعرف كم قعدت وحولوك لموبايلي لي شهرين ولا تم التحويل وواحد من اقاربي له 4شهور ومابعد حولوه لموبايلي كل ماراحنا للاتصالات يقولون من عند موبايلي وموبايلي يقولون من عند الاتصالات وعجزت مايمسك على هيئة الإتصالات مشان ابلغهم عن الموضوع تعبت شكلي بهون واطلع شريحه جديده ياليت تردون علي يالي حولتو لموبايلي |
والله انا انتظار تقريباً اسبوعين طبعاً اخوي في شي مهم جداً وهو اول شي تروح مكتب رئيسي حق الاتصالات الحراميه وتقول ابي نصفيه نهايئاً للفاتورة ولاتقول بحول ماعليك منهم اذا اخذت الفاتورة مثلاُ كانت 400 ريال سدد 430 ريال زياده عشان مايكون لهم عذر في التحويل اخوي يوم جاء يحول قعد شهر والسبب 25 هلله فقط وهو مايعرف انه عليه هذي 25 هلله انا مسوي كذا ثلاثه ارقام كله زيادة 30 ريال تقريباً .. وبعدها رحت شركه موبايلي وطلبت التحويل وعطوني الشرائح في هذي الفترة لم استخدم الثلاث الارقام ابداً فقط استقبال يعني حاول انت ماتتصل ولا ترسل رساله واذا عندك خدمات مثل موجود تسوي الغاء ضروري وبعدها ان شاء الله يتم التحويل بس نقطه مهمه وانا الحين في مشاكل مع الاتصالات وهي بعد التحويل وتشغيل شرائح موبايلي واللي الحين شهر وشوي جاتني قبل ثلاثه ايام رسائل على ثلاثه ارقام من الاتصالات الحراميه يقولوون تم اصدار فاتورتك ؟؟؟؟؟؟ فيها الاول 137 ريال الثاني 120 ريال الثالث 97 ريال ؟؟؟؟؟؟؟؟ على ايش هذي الفواتير مدري وكذا عرفت انه اصدار الفواتير عشوائيه من عندهم ؟؟ يوم رحت الاتصالات قال قدم شكوى ونشوف اذا غلط مع انه الموظف قال حقي انه النظام حق الاتصالات السعوديه خربان عشان كذا يصدر الفواتير وانت طالع من الاتصالات ؟؟؟؟ شفتوووو انه الدعوة نصب |
الحمد لله انا لي تقريبا 3 اسابيع من حولت رقمي الى موبايلي وارتحححت الحمد لله حتى الشهر المجاني سحبت عليه :naughty: بس يا ليت يشوفون لهم حل مع مسألة وقت التحويل انا من طلبت التحويل جلست اكثر من اسبوعين انتظر تجيني رساله من موبايلي يعني اسبوعين ما كلمت بالجوال ابد :cry: ,, فيه ناس ما يقدرون يمسكون انفسهم اسبوعين ما يكلمون احد وبيضطرون للبقاء مع stc ,, موبايلي لازم تتصرف في هالموضوع :mad: |
انا الحمد لله حولت قبل يومين من النصابين إلى شركة موبايلي وصديقي بعد حول من النصابين الى موبايلي واشتركنا بالموج الازرق |
انا رحت لااحد فروع موبايلي بتاريخ 3_1_ 1431 العصر وقلت لهم في تحويل من اتصالات الى موبايلي قالو لي حالياً موقف ايش السواة طيب مع ان جوالي مغلق من شهر 4 - 1430 ومشغل شريحة موبايلي |
اللهم لك الحمد لي سنه الأن محول من الأتصالات الى موبايلي فاتورة وربي انه رااااحه بال اول المكافأءة تروح لفاتورة الجوال 800 او 700 الأن 180 ريال او اقل مع مووووبايلي رااااااااااااحه |
أنا الآن لي شهرين وإلى الآن ماتحول لموبايلي\ وربي تعبت وكل مارحت للإتصالات قالو المشكله من موبايلي وإذا رحت موبايلي قالو لي من الإتصالات تكفون داخل على الله ثمن عليكم اللي يعرف وش الحل يبلغني وإذا تكرمتو تعلموني مكان هيئة الإتصالات لأن شكلها أحلى شكوى مع العلم إني سددت وصفية حسابي مرتين |
إقتباس:
قال خويي السبب لانه في مشكله بينهم بخصوص نقل الخطوط من هذا القبيل اللي فهمت ان اس تي سي النصابه زعلانه ولخبطة الفواتير اللي صار لهم جات من مصلحتهم منعتهم من تحويل وتعطيلهم |
ابشرك انا حولت لموبايلي السبوع الي فات وسبب تحويلي انهم ضحكوا علي في الاتصال المجاني ثانيا الفواير الي هطلت علي خلال اسبوع 329 و465 و 351 ريال قمت فصلتها والغيت الرقم واشتري شريحة موبايلي الاتصالات نصابين |
تم التحويل ياطويل العمر من stc الى موبايلي |
من قبل موبايلي وانا ادعي ان شاء الله تجي اي شركة ولو اغلى بس تحترمك كمشترك وتفكني من s121sstc بس موبايلي والنعم على طول ...راقيs13s |
تم التحويل ياطويل العمر من stc الى موبايلي |
يا ناس انا لي ثلاثة اسابيع والى الأن مانقلواخطي إلى موبايلي وموقف الأتصالات ومصفي المبالغ !!!!!!!!!!!!!!! أعطوني الحل؟؟؟ ارجوكم.......... |
هلابك اخوي موضوع جميل ومهم اقسم بالله اني استخدم جوال الاتصالات اكثر من عشر سنوات ولاكن مازالو ينصبون علينا وكنت اسدد1000ريال الى 1500ريال ... وفيه قصه طريفه مره سافرت الى مصر وتصلت وحطيت الحد الأتماني 1000ريال وبعد مارجعه فصلوه اتصلت عليهم قالو الفاتوره 3500ريال قلت ليش انا حدي 1000ريال قال لا احنا نساعد المواطن السعودي خارج البلاد ههههه الله لايعطيكم عافيه تساعدوني 3500ريال ههههههههههههههههههههه والله انا لي سنتين على موبايلي والله اني اسدد كل شهر تقريباً270 الى 280ريال شوف الفرق الكبير يالبيه ياموبايلي لاهنت اخوي على هذا الطرح |
تم التحويل ولله الحمد .. بصراحه فرق مو طبيعي بين موبايلي والانفصالات . موفقين |
السلام عليكم ورحمه الله وبركاتة مساء الخير اخواني واخواتي من اعضاء المنتدى الكرام : نبداء في الموضوع بدون مقدمات .............. واحد معصب فضيحة الاتصالات السعوديه اصدار فواتير غير صحيحه بالصورة طبعاً قبل فترة تقريباً شهر مسوي تحويل من الاتصالات السعوديه الى شركه موبايلي.. طبعاً بعد التصفيه كامله للجميع الارقام الثلاثه من أجل إتمام عمليه التحويل بسرعه ... وهذا والحمد الله بعد تقديم الطلب اسبوعين تم التحويل الى موبايلي وتم تبديل الشريحه الاتصالات الى شريحه موبايلي يعني مافي امل الاتصالات السعوديه توافق على التحويل اذا عليه مبلغ ان شاء الله 25 هلله عشان كذا كنت مسدد مبلغ إضافي من اجل السرعه في التحويل وتم التحويل والشريحه الاتصالات ماعاد تشتغل عندي عرفت انه تم الموافقه والحمدالله طبعاً قبل خمسه ايام جاتني فاتورة من موبايلي عشان الفاتورة شهريه وكان المبلغ ماشاء الله اول مره يجي هذا ياربي لك الحمد فاتورة حقت الشهر 78 ريال للجوال لاول والثاني 53 ريال حقت شهر بس والله الفرق بين الاتصالات الحراميه وموبايلي المهم وهو شي صار اليوم معي وعرفت انه الاتصالات السعوديه فيها نصب في الفواتير والدليل موجود اليوم جاتني على الرقم الاول المفوتر اللي تم تحويله الى موبايلي.... :::رساله عزيزي العميل تم إصدار فاتورتك للحساب رقم ....... المبلغ 137,7 ريال::: وطلعت الشريحه وركبت الشريحه الشحن موبايلي اللي كانت مفوتره في الاتصالات السعوديه وانا سويت تحويل شحن موبايلي ::: رساله عزيزي العميل تم إصدار فاتورتك للحساب رقم .......... المبلغ 120,3 ريال ::: والرقم الثاني المفوتر وهو مو معي بس اتصل علي وقال جاتني رساله من الاتصالات السعوديه ::: رساله عزيزي العميل تم إصدار فاتورتك للحساب رقم .......... المبلغ 92 ريال ::: وهذا الدليل الصور حق جوالي اني استخدم شركه موبايلي http://www.haf-moon.com/up/uploads/i...2e4284419d.jpg وهذي صورتين حق الرقم الاول المفوتر والرقم الثاني الشحن موبايلي http://www.haf-moon.com/up/uploads/i...6f59b1d51f.jpg http://www.haf-moon.com/up/uploads/i...1845420f75.jpg هاااااا شووو رايكم فيهم الشغله واضحه انه تصدر فواتير بدون اي إجراء اتصال ؟؟؟؟؟؟؟؟؟؟ اللي فقع قلبي الرقم الثاني الشحن اللي من يوم سويت تحويل شحن موبايلي ماستخدمته ابد وين جات منه 120 ريال ؟؟؟؟؟؟؟؟؟؟؟؟؟؟؟؟ عاد انا رحت اقرب مكتب فرعي في الدمام قسم بالله الموظف الاتصالات بنفسه استغرب وقال مالهم اي حق عليك واذا تحب تقدم شكوى روح حق المكتب الرئيسي واذا تبي تطنش ماعليك منهم وقام يضحك ويقول كذا الله يعينكم ؟؟؟؟؟؟؟؟؟؟ وشي المعنى هذا اهو عارف انه في نصب لاحول ولاقوة لابالله اخوكم تعب قلبي |
.. أنا الحمدلله .. من أوائل مشتركي الموج الأزرق .. و المحولين إلى موبايلي .. .. دمتم زعمآآآء :smilie47: ,, |
اقول (الخطوط السعودية والاتصالات السعودية ... مالنا غنااااااااااااااااا عنها مهما كان) انا والله احس انها فشيله اذا قلت جوالي موبايلي وبيني وبينك فية ناس حولت ونفس الفاتورة بس الفرق ان موبايلي شهري والاتصالات كل شهرين (بس الفرق ان الاتصالات السعودية افضل تغطية وافضل شبكة ويكفي انها وطنية) |
حولت اليوم .. جوالي .. من الاتصالات لموبايلي .. |
يعطيك العافيه ولا هنت ............ |
هلا وغلا اخواني واخواتي الف شكر على مروركم ... يارب ماننحرم منكم ابد... اخوكم تعب قلبي |
انا حولة بس معلق الى الان |
الحمد لله البيت كله موبايلي وزين كانت 5 ارقام كلها الاتصالات واحد منها شحن اول رقم هو جوال الوالدة حوله الوالد الى باقة الزعيم عشان كان فيها عرض اذا انتظمت شهرين باقي السنة بدون رسوم بعدين انا جوالي كان سوا وكنت اشحن شهرياً قرابت الـ 200 ريال وحولته لباقت ديرتي وكان 6 شهور بدون رسوم وهلحين برسوم لي تقريباً 8 شهور اعلى فاتورة جتني 117 ريال بعدين جوالات اخواتي اثنين كلهم حولناهم لباقات نجمة قبل اسبوع بالملعنة وبعد شهرين اخيراً حولو جوال الوالد حتى سوينا حفلة طبعاً ما حولوه الا بعد بخشيش مو يقولون لك سدد المستحقات الي عليك في الاخير سدد الي عليه وزود 100 حقت البخشيش وبعدها باسبوع تحول وسلامتكم stc حياة جزمة |
هلا وغلا اخواني واخواتي الف شكر على مروركم ... يارب ماننحرم منكم ابد... والله اني جاتني فاتورتين من موبايلي الاول فاتورة حقت شهر 50 ريال والثاني الشهر 90 ريال شفتووو الفرق قسم بالله يوم كنت في الاتصالات اقل 500 ريال في الشهرين ؟؟؟؟؟؟؟؟؟؟؟؟؟؟؟؟ حراااااااااااااااااااااميه اخوكم تعب قلبي |
والله كلهم حراميه لا موبايلي والا الاتصالات موبايلي سحبت على الجماهير بالنقاط والرسايل ماتجي كامله سلملي على زين وانا اشهد انها زينه شهر عليك وشهر علينا وريح راسك |
مرحبا بالزعماء انا حولت جوالي منذ اكثر من سنة ونص من الأتصالات الى موبايلي وايكم تجربتي 1) حولت من اتصالات مفوتر الى موبايلي مفوتر وهذه اكبر خطاء لان الجميع يثني على ((الشحن)) 2) في موبايلي الفواتير شهرية واليكم نبذه عن فواتيري اول شهر 80 ريال الي بعده90 ثم 100 ثم 120 ثن 150 ثم 180 وهكذا زيادة كل شهر الى ان وصل هذا الشهر الى 333 ريال شهريا 3) عند الأتصال على موبايلي وطلب تحويل الرقم الى شحن بدل مفوتر رفضو الطلب 4) ارغب في الوقت الحالي في التحويل الى الأتصالات سوا |
الأتصالات اكلوا خلق الله ولا فيه شئ اسمه حماية مستهلك !! الله لايحللهم ولا يبيحهم ويشوفونها بعيالهم |
اخوي تعب قلبي انا شغال في الجبيل وساكن في الدمام وابي شورك النصابين شركة الاتصالات صاكين علي بفاتورة فوق 600 وشوي منها 400 ريال وشوي رسايل !!!! انا لو ارسل بيديني ورجولي ما وصلت رسايلي في الفاتورة 50 ريال كيف وصلت 400 ؟؟؟؟!!!!! المهم بغيت شورك لاني ابي اشتكي وانا كلمت 902 بس مثل البهم ما افادوني تعرف احد في مكتب الجبيل او الدمام او اي مكان اقدر اقدم شكوى ؟؟؟ بيني وبينك بعد الملعوب هذا كرهت حتى شريحتي واستنى الفرصة اني الغي الرقم نهائي واطلع لي مميز من موبايلي أو زين |
الوقت المعتمد في المنتدى بتوقيت جرينتش +3.
الوقت الان » 02:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd