إقتباس الرسالة الأصلية كتبت بواسطة ملك الثواني9 ...هلا أختي ... بالعكس ما أشوف إنك غلطتي بتصرفك هذااا.. أنتي تنظرين الفاتورة..ومنتهية أمورك .. ليش تعطلين الزبونات <<مادري ايش دخلها يقولون بالعاده قدم الغشيم وألحقه<<مادري له دخل تتوقعون؟ههههههههاااااا بالعكس عادي ولاتشيلي هم على شيء مايستاهل أهم شيء الفاتورة وصلت لك بالسلامة أتمنى لك التوفيق تحيتي قبل مودتي

هذا مجرد مثال على مواقف بالهبل تصير
لنا ولاي واحد المقصود من الموضوع هو
رد اعتبار الشخص لنفسه في الوقت المناسب
انه يكون رده جاهز لا ي موقف معين

إقتباس الرسالة الأصلية كتبت بواسطة ابو طـــــلال الرد المنا سب في الوقت المناسب مربوط ( الفطنه ) و ( الذهانه ) وسرعة البديهة .. بس مربوطه بعد بالبثارة .. بحيث إنك تدقق على كل شي وتبلش العام بردودك وتعليقك على جزئيات تافهة .. انا مثلك .. مرات بالسيارة وانا جاي من العمل .. اقول .. ليتني قلت كذا .. راحت علي .. ولو كان ردي في ذاك الموقف كذا كان أفضل من ردي اللى صار .!!! بس مع إحترامي لإختك .. تصرفك كان هو الصحيح .. عند الخياط .. حتى لو تحسفتي .. لأن اللى حسف فيك ( إبليس ) وانتي نزلتي لأنك عارفة إنها بتاخذ حاجتها وتمشي .. والموضوع مهوب مطول ..

صراحه كلامك منطقي

مشكور على مرورك اخوي

أقول كيف الحال ؟؟؟


.............................

.
.

هلا والله وسن ..

كنك تعيشين دآخلي والله في موقف صآر لي السنه اللي رآحت
في نهآية شهر 10 <-- من القهر حآفظه حتى التآريخ
والله اني للحين منتدمه انه الجزمه وانتو بكرآمه مآجت على رآس المعنيه
للحين أقول يآليتني قلت ويآليتني سويت ,,

بس يالله كل شي بوقته حلو <-- برآسهآ شر

هو هالشي مو ضعف بالشخصيه
بس هو أحيآن في بعض الموآقف مآ تعرفين كيف تتصرفين من الربكه
أو انه يكون عندك دآفع طيبه وحيويه من الموقف نفسه فـ مآتعرفين كيف تتصرفين
او تتكلمين أو تعطين رآيك



يعني حتى لو أنك دربتي نفسك ألف مره
رآح يتكرر الموقف , ورآح يتكرر نفس الندم

وهذي طبيعة كل شخص

تسلمين وسن ع الموضوع الفنتاستك

.
.

أنا عن نفسي ما أحب أكبت مشاعري و أجامل أو أسكت..
إذا صار بخاطري شي طلعته ولا علي من أحد.. بعض خوياي يقولون
إني دفش و ماأجامل وأعطي وجه حتى لو مع أحد أول مرة أقابلة.. لكن أنا ما عندي
إستعداد أتحمل و أجامل لما أني أنجلط والا تجيني سكته اخر عمري بسم الله علي *_*

أما موقفك أنا أشوفه عادي ولا يستاهل

عليكم السلام ورحمة الله وبركاته

حيا الله وسن

إقتباس الرسالة الأصلية كتبت بواسطة وسن الهلالية يجهز لي الفاتورة

الله كل هذا صار...............!! الا قوليلي كم طلعت الفاتوره؟

إقتباس الرسالة الأصلية كتبت بواسطة وسن الهلالية لما قربت البنت مني انا لاإراديا نزلت من على الدرجة ووقفت تحت

شوفي حبيبتي انا معاك دايم تصير معاي
لكن احب اقولك شي .............
مجتمعنا همجي مايعرف النظام وان من الادب اني انتظر الي قبلي تخلس واجي بعدها
ومشكلتهم كلهم متابعين خواطر ويقولك ليش مانصير مثل اليابان


اقولك مثال صار لي امس
واقفين طابور عند زارا نحاسب قدامي حرمتين حاسبت وحده وراحت
جا دور الثانيه وانا بعدها وراي حريم كمان
الا تجي وحده خاشه عرض وتحط ملابسها ع الطوله وقالت حاسب بسرعه
قال لا ماعليش يا مدام فيه طابور؟
قالت لا انا صايمه؟؟؟<<عذر اقبح م ذنب
قال اسئلي المدامات
قالت هي موب قايلين شي وراحت تجيب رجلها يعني بتخوفنا
قلت انا الا انا بالنسبه لي لا ماحتحاسبين قبلي
قالت حرام عليتس انا صايمه قلت عمل الخير يكون بالسر مالو داعي تعلمين خلق الله كلهم انك تصومين
واذا انتي صايمه روحي افطري حاسبي بعدين وترى موب انتي لحالك الي صايمه وكلهم صافين معي طابور
وجلست تحلطم ورجعت ورىبس مرا انبسطت حسيتني خذت حقي وحق الي وراي

إقتباس الرسالة الأصلية كتبت بواسطة وسن الهلالية انا إلى هذاك الوقت ماني فاهمه اختي ليه معصبه

الله يعين اخيتس بيجيها قولون والسبب برودك وفهاوتك عزيزتي


تحياتي

وسن منزله موضوع لا لا ما اصدق ..

برب ولي عوده .. بس استوعب ارجع ..


باكو ..


الحمد الله اني استوعبت بسرررعه


ياوخيتي ياوسن ياقليبيتي لو افتح لك قلبي ..

بتشوفين مصاايب ..

كل دقه بقلبي تقول ليتني سويت وليتني سويت ..


اه يالقهر .. <<< ذكرتيني بالامي واحزاني .. والسبه لان الرد يطلع بعد الموقف ..
بس الحمد الله مو دايم تصير معي ..
بعض الاحيان تصير مواقف لاشعوريا ارد رد قوي وجاارح واتندم بعدين ..

فخليني ما ارد واتندم بعدها احسن ..
وش رايك بالاخير استسلمت


الف شكر خيتووو وسوووووونه ع الموضوع الراااايق والجميييييييييييييييييل جدا جدا جدا << وربي مو مجامله ..

وتعالي توني ادري ان لك اخت ..

احوووووووبتس ولك وحشه وربي ..

اختكم .. ميمي

هلا حبيبتي وسن

صراحة لا أرى أن تصرفك خاطئ

بل العكس إحترام من هم أكبر منك يزيدك رفعة

أما عن المواقف التي نقول فيها ( ياليت قلت وياليت عملت )

فهي تحتاج إلى سرعة بديهة وفطنة

وكثيراَ من الأحيان أحمد ربي أني لم أرد على من أخطئ في حقي

لأني وقتها سوف أخسره

تحياتي لك ويعطيك العافية عالموضوع الرائع

إقتباس سؤالي الذي يسدح نفسه مامر عليك موقف تحسفت بعده انك مارديت فيه بشكل يرضيك او تصرفت فيه بحزم او بطريقة ترد لك اعتبارك او فيه مرة احد اهانك اوضايقك ولما راح انقهرت انك ما رديت عليه رد يسكته

اي والله كثيييير صار لي زي موقفك وافول المره الجايه برد او ولا أرد شي غريب والله

باقي دقايق نقول صباح الخيرات
صراحه انا احيان اعتبرها اهانه وتدخل بالكرامه
وهذا الشي ما يسمح لي
كل شي الا الكرامه لو فيها موت
اول شي اختي على حسب الناس الي تتعاملي معهم
تخيلي طيب رحتي مره ثانيه ولقيتي نفس المرآه قدامك
تتوقعي بتعطيك مجال وهي تنتظر تقريبا خمس دقايق وتعطل الناس او لا

كثير تصير
في ناس يستاهلو وفي ناس لا
على الاقل المفروض المرآه تقول لك شكرا شي كذا
اما من الباب للطاقه ما كأنه صار شي قدامها
فهذا هو الغلط

مره دخلت كفتريا الصبح
جاء واحد بعدي واخذ قبلي
انا شفتهم كذا بنص عين وامشي
عساني ما فطرت ان شاء الله

اروح ادور بوفيه ثانيه مافي شي زين
رديت للاولى خخخخخخخخخخخخخخ
مالت بس
المهم اني سويت شي اقتنعت فيه وحفظت كرامتي

بعدين نفسي اعرف
اختك وش عليه ماسكه مكانها
على الاقل كان طلبت الفاتوره وانتهت الحكايه
افضل من يوم تمسكي مكانين وطلب واحد

إقتباس الرسالة الأصلية كتبت بواسطة مَاهِينُورْ .. وعليكم السلام ورحمة الله وبركاته أهلين وسهلين وَسَنْ ما شاء موضوع راائع وفكرته مميزة دائماً تمر علينا مثل هالمواقف ونندم ليش ماقلت أو ليش قلت , وياكثر ماتحدث لي أحيانا أتمنى إن بعض المواقف إذا تذكرتها بعد ماانتهت أقوول ليت في خاصية تعديل للكلآم عشان نعدّل مثل الردود بالمنتديات ~> تأثر بالتقنية الحديثة لكن دائما نقوول لعها خيرة من الأمور الي تقهر وأندم عليها ,, إني أكون جالسة بين مجموعه أو شخصية واحدة ومافي سالفة نتكلم عنها , أحاول أفتح موضوع لكن مافي شي ببالي أبداً , ونستمر ساكتين لكن بعد مانتوادع أتذكر مواضيع تستاااهل النقاش لكن مافتحنااها أو بالأصح ماتذكرناها !!! .. بالنسبة لموقفك عند الخياط أعتقد ما أخطيتي لأنك خلّصتي شغلك , والمره الي جت بمكانتس تستاهل لأن بعض الحريم الله يهديهن تُدفك وتجي بمكانك بدوون إستئذان كأننا طالبات متوسط عند شباك المقصف إيه والله ياريت>>>>>>>>>ياكثر ماتقول هالكلمة كثراه صراحة قمة القهر الوحده لما تقول كلامة وتندم عليه لانها ثقلت العيار او انها ماترد وتندم لانها ماردت بحزم اكثر فالحالتين بننقهر وتضيق صدورنا:: .. الله يعطيك العافية وسن موضوعك جميل ومأخفيك إني قد فكرت بموضوع شبيه له يقوول : لو استقدمت من أمرك ما استأخرت ماذا ستفعل ؟ لكن أشوى إني وأدت الفكرة قبل ما أتهور وأكتب الموضوع .. إي تذكرت لو إستقدمت من أمري مااستأخر كان ردّيت على موضوع استضافة الشيخ القطامي مجهزة الأسئلة لكن كل يوم أقوول بكرى إلين راح الموضوع لكن لعلّها خيرة شكراً وسن واعذرينْ كثرّت حتسي

وش دعوة عاد نزلتي الموضوع او انا نزلته كله واحد
ترى مابين الخوات فرق>>>>>>>>>>>>>تسمع في الاخوة

إقتباس الرسالة الأصلية كتبت بواسطة Meme وسن منزله موضوع لا لا ما اصدق .. برب ولي عوده .. بس استوعب ارجع .. باكو .. الحمد الله اني استوعبت بسرررعه ياوخيتي ياوسن ياقليبيتي لو افتح لك قلبي .. بتشوفين مصاايب .. كل دقه بقلبي تقول ليتني سويت وليتني سويت .. اه يالقهر .. <<< ذكرتيني بالامي واحزاني .. والسبه لان الرد يطلع بعد الموقف .. بس الحمد الله مو دايم تصير معي .. بعض الاحيان تصير مواقف لاشعوريا ارد رد قوي وجاارح واتندم بعدين .. فخليني ما ارد واتندم بعدها احسن .. وش رايك بالاخير استسلمت الف شكر خيتووو وسوووووونه ع الموضوع الراااايق والجميييييييييييييييييل جدا جدا جدا << وربي مو مجامله .. وتعالي توني ادري ان لك اخت .. احوووووووبتس ولك وحشه وربي .. اختكم .. ميمي

هلا والله بميمي شلونك يالشينه

عاد شفتي شلون منزله موضوع بالمجلس العام
في العادة ما اوط وط في ذا الا عشان اقرى المواضيع
عاد صار عندي اخت بس للاسف نصراوية فقراوية
ياليتني اقدر اخليها تسجل هنا بس مشكلتها نصراوية

ياقلبي على القهر بعد مثل هالحوادث نفسي اروح افقع وجهإللي غلط علي
بس وش نسوي مثل ماقالت ماهينور لويصير عندنا مثل مافي المنتديات تعديل الردود كان افضل
والله حالتنا حالة

إقتباس الرسالة الأصلية كتبت بواسطة لحن الروند هلا حبيبتي وسن صراحة لا أرى أن تصرفك خاطئ بل العكس إحترام من هم أكبر منك يزيدك رفعة أما عن المواقف التي نقول فيها ( ياليت قلت وياليت عملت ) فهي تحتاج إلى سرعة بديهة وفطنة وكثيراَ من الأحيان أحمد ربي أني لم أرد على من أخطئ في حقي لأني وقتها سوف أخسره تحياتي لك ويعطيك العافية عالموضوع الرائع

نفس الشعور نخاف اننا نقول كلام نندم عليه
عشان كذا نبلعها ونسكت




ياهلا والله بصقيقاتي
ياهلا فيكم صقيقه تنطح صقيقه>>>>>>>>>>>>>اعذروها متأثرة بالاضاحي
يااحسن صقيقات وازين وافضل واكمل واجمل>>>>>>>>>>>>>اقول طسي ياوسن الاغاء

إقتباس الرسالة الأصلية كتبت بواسطة kalasnikov اذا مارديت ماراح يصير شي لكن اذا رديت يمكن تصير بلاوي انا ادمي الرد عندي جاهز مافرق صغير كبير على قولة واحد اعرفه يقول انت يا **** لسانك مثل الرشاش يثوّر في كل محل >>>>اسم على مسمى ^^^^^^^ داري ان ماعندي سالفه بس يالله وش نسوي تقبلي مروري.............

هلا فيك اخوي
انا مشكلتي ردي جاهز كمان بس اخاف يطلع ويسوي مشاكل وارجع اعتذر من فلان وعلان