يا جماعة هالتشيلسي ما يستحون على وجيههم صحيح الوولفز مهوب مكثرين عمارهم في البريمر بس دايم ما يعوقون معنا لا و شغل الخمسات و الاربعات ماشي سوقه

مبروك يا جمهور تشيلسي على هالفوز المهم جداً بالرغم من سهولته

غيابات تقصم الظهر على الفريق [ بالاك - ديكو - لامبارد - دروجبا ] غيابات مهيب بسيطة أبد .. و الحمدلله ان مباراة الوولفز جت في هالوقت و إن شاءالله انها تكون فادتنا كثييييير .. لاعبين تقريباً منذ مبطي ما لعبوا مع بعض من بداية المباراة لكن الفريق قدر انه يقدم أداء مميز جداً و بنتيجة ممتازة

هالمباراة ما خفت و لا واحد بالمية منها لكن كانت مهمة للمباريات القادمة اللي بيلعبها الفريق و تقريباً بتكون التشكيلة نفسها .. يمكن التغيير الوحيد اللي يصير فيها هو دخول إيفا بدال بيليتي اما غيرها ما هقيت حتى لو كان بالاك او ديكو جاهزين لمباراة بورتو .. عاد لامبارد ان جهز بيلعب غصب



شوفوا مسألة اني أخق مع الاهداف اللي بالراس هذي خالصين منها .. لكن مبطي ما خقيت مع هدف بالراس بمثل خاقووقية هدف ايسيان .. ارتقاء راااااائع .. مدري وش سوى بجسمه و حطها بطريقة روووعة .. ايسيان هذا يمكن ثاني هدف له بالراس بعد هدفه الراااائع على القنرز

ما أقدر اتكلم عن المباراة بشكل عام لأني ما شفتها كاملة .. لكن انبسطت من اشياء كثير فيها غير اللي كتبته فوق مثل تسجيل جوي هدف و مشاركة كذا لاعب شاب من ضمنهم كاكوتا تألق مالودا و هالفترة نحتاجه بقوة شوفة الكابيتانو اساسي





معليش معكم شخص مهوب مصدق بعد .. المباراة ما شفتها بالاساس .. اللهم هدف السبيرز الثاني .. بعدها طلعت .. بس توصل البجاحة فيهم يسجلون بعدها 8 أهداف .. هذا شيء مهوب معقول أبد .. حتى في الدوري البنغالي ما تصير

ويجان ما ادري وش جايهم بصراحة .. مع ان عندهم لعيبة كويسين و مدرب كويس .. تركي وخر عنهم و يصيرون بخير

هالموسم فيه شيء غريب فعلاً في الدوري الانجليزي .. ما ادري هو قوة هجومية أو ضعف دفاعي او وش السالفة .. تصدقون ان فارق الاهداف عند 12 فريق طالع بالسالب غريب فعلاً !

ما أدري يمكن اول مرة ألاحظها .. رحت اشوفها في الدوري الاسباني لقيته نفس الشي .. و رحت للدوري الايطالي لقيت عندهم 13 فريق بالسالب ! شكل العلة مني



امس فيليبس بدع مع اني حاسه مهوب متحمس مرة بس مع ذلك قدم مستوى ممتاز جداً و اقلق ليفربول بقوة .. حال الريدز بصراحة يُرثى له حالياً .. فريق لعبت فيه الاصابات ... هاردلك لجماهير الريدز و الله يعينكم مبروك للسيتزنزاوية

فيه كم نقطة بقولها عالطاير :

* الفنرز هزيمته قدام القطاوة مهوب غريب أبد .. مهوب ضعف فيهم لكن بسبب تميز القطاوة هالموسم بشكل قوي .. صحيح ما كنت متوقع انهم يفوزون لكن فوزهم مهوب غريب

* هدف فليتشر مجنوووووووووون مهوب في انه شاتها في وضع انبطاحي و علق هاورد فيه و بس .. تمريرة اوين بالراس مجنوووووونة و محلية الهدف زود

* +5 طمعها صار ازين اللحين و إن شاءالله تصير أكثر الاسبوع الجاي بعد ما نحسم الصدارة الاوروبية بإذن الله قدام بورتو

* بينت هذا يستهبل .. ما ترك فريق من الاربعة الكبار الا سجل فيه

* أقرا اخبار الدوري من شوي .. يقول لكم ان جوردن حارس القطاوة مصاب بكسر في يده و ان الفريق بياخذ فوستر اعارة [ أقرب شي ] او بيجيب حارس سيسكا موسكو اللي يبون فيه 25 مليون !

لاهنتوا شباب