( مشكوووور ) طيب ليش ؟! - نادي الهلال السعودي - شبكة الزعيم

iLoOshy · #1 16/11/2009, 06:25 AM

بسم الله الرحمن الرحيم

صبآآآح / مسآآء الخير

طبعاً بدون مقدمات ولا شيء

بدخل بالموضوع على طول

كل الموضوع عشان توي مسوي فآصل للموضوع وحبيت أجربه

ندخل بالموضوع,,,!

جربناه

كلكم تسألون من LOoSHY

أتمنى من الإداره تغيير إسمي إلى LOoSHY

لأن الاسم حقي صعب وإذا حطيته بالفوتو يطلع إستفهامات

فأتمنى تغييره

خلاص بدخل بالموضوع << لك ساعتين تقول بدخل

موضوعنا كلللله عن كلمتين !

وهي ( مشكووور ) و ( يعطيك العافيه )

تخيل نفسك تكتب موضوع 3 ساعات أو أكثر

ويجيك وآحد يقولك مشكووور أخوي أو يعطيك الف عافيه إلى الأمام << إلى الامام ذكرتني بنكته

يقولك عجوز بمحو الاميه حلت الوآجب وصححت له المدرسه وكتبت ممتاز وإلى الأمام

العجوز أخذت الكرسي ورآحت بأول الصف

<< برآ

نرجع للموضوع !

وشسمه ايه كنا نقول عن مشكور

عآرف إني ولا مره كتبت موضوع طويل بمنتدى الزعيم

بس أحس ببعض الأعضاء شيء يقهر

كأن وآحد غاصبه يرد

ولا يجيك وآحد يكتب موضوع طويل وبآخر الموضوع يكتب ( على الأقل كلمة شكر تقديرا لمجهودي )

وإذا جا وآحد قاله مشكوور يجي طآب محيفره وهو معصب

أنا تعبت بالموضوع وبالآخر تقولي مشكوووور

طيب ليش تكتب من بالأول ( على الأقل كلمة شكر )

فـ يليت نحسن ردودنا على الأقل 3 أو 4 سطور بأي موضوع يستحق

أما المواضييع المنقوله حدث ولا حرج

أنواع التسليك هناك

لأن العضو ماتعب ليش نروح نتعب برد

فأتمنى من كل قلبي نسوي حملة

( لا للتحطيم )

أو

( لا لردود التحطيم )

أتمنى أتمنى أتمنى

حطيته مره ثانيه

وهذي صوره لقيتها ما أدري وين

ولطشته لكم

وفي النهايه لكم مني أجمل تحيه,,,

LOoSHY

ملك الثواني9 · #2 16/11/2009, 06:43 AM

أنته شايف إنه كلمة (( مشكور)) قليلة ؟.؟
ممكن ماتكون عند العضو إضافة بس حاب يشكرك على الموضوع ؟
بعدين نسيت الردود اللي تكون نسخ ولصق هذه اللي مالها داعي (=
وتذكر إنه لا يشكر اللهَ من لا يشكر الناس
مشكور

أتمنى لك التوفيق
تحيتي قبل مودتي

بندر الهلباني · #3 16/11/2009, 06:43 AM

ماقصر المنتدى , طلب من كل واحد انو يكتب رد مايقل عن 50 حرف

بحيث انها تكون هادفه وساميه

وياخذ الموضوع حقه من التشجيع

لكن ربعنا او بالاحرى بزورتنا مايقصروا ويكتب لك هالرد ( مشكووووووووووور ويعطيك العافيه )

ويضل يمط في حرف الواو

إقتباس


	( مشكوووور ) طيب ليش ؟!

لان المخ فاضي , اذا تبيه يكتب لك رد مايقل عن سطرين

راح يجلس لك اكثر من ساعتين وهو يطلع الكلمات

يعصر مخه عصر لين يدوخ , ويمكن يطلع معه شي ويمكن لا

والفاصل حقك بصراحه خنفشاري

( ومشكووووووووووووووووور ع الموضوع ) هههههههههه

iLoOshy · #4 16/11/2009, 06:56 AM

ملك الثواني 9

إذا ماعنده إضافه ليش يرد

يعني لازم يزود مشاركاته

أكيد ( لا يشكر اللهَ من لا يشكر الناس )

بس يقدر يعلق على الموضوع وبالآخير يشكره

تسلم عالمرور

بندر الهلباني

50 حرف فكره حلوه

وعلى كلامك ان الوآحد يمط الـ و والشيء الثاني الي يحط نقآآط

إقتباس


	لان المخ فاضي , اذا تبيه يكتب لك رد مايقل عن سطرين راح يجلس لك اكثر من ساعتين وهو يطلع الكلمات يعصر مخه عصر لين يدوخ , ويمكن يطلع معه شي ويمكن لا

ههههههههههههه

من جد فآضي وساعتين عشآن كلمه وحده

إقتباس


	والفاصل حقك بصراحه خنفشاري

مرورك الخنفشاري

الـمـشـاغـب · #5 16/11/2009, 07:27 AM

إقتباس


	أتمنى من الإداره تغيير إسمي إلى LOoSHY لأن الاسم حقي صعب وإذا حطيته بالفوتو يطلع إستفهامات

وأنت وشوله طيب تسجل بهاليوزر دامه صعب؟

مسكينة يا إدراتنا كل ما سجل أحد وتفعل يوزره راح يطالب بتغيير اليوزر

<< كان يبي يغير يوزره بس محد عطاه وجه

نرجع لموضوعك يالنشمي

بصراحة النقطة اللي تكلمت عنها مهمة .. بس ما تصلح عندنا لأن الردود هنا ( أغلبها إن ما كانت كلها ) من أجمل ما يكون

عشان كذا المجلس غير

أكثر الردود اللي تنرفزني هي كلمة مشكور ..!
في بعض مواقع الأفلام .. أشوف بعض الأعضاء يكتبون مواضيع يطلبون فيها فيلم أو يسألون عن شي معين .. ثم تجيك هالردود : ( مشكور) ( موضوع جامد أوي )

هالشاكلة ودك تربطها بالمروحة وتشغلها ثم تستخدم مهارتك في رمي السهام

بس تبقى كلمة الشكر أهون من نسخ الردود ..
أذكر مرة من المرات .. كنت مع مستر قول بالمسن نتناقش في أمور الرعية

فقال لي أنه بينزل خبر بأن التفاوضات فشلت مع اللاعب الأجنبي ( نسيت اسمه ) ..
ووقتها كنت من المعارضين السياسيين لإدارة محمد بن فيصل

المهم نزل الخبر مستر قول وعطاني الرابط ..
أنا على طول كنت أبحجز بس يطريقة مؤدبة شوي

كتبت على ما أظن ( خبر يبشر بالخير .. بعد كل هالمدة الطويلة في المفاوضات كسبنا صفقة مدوية )

وبديت أعدّل ردي بما يتناسب مع الخبر المحزن ..!
شوي ومستر قول يقول لي بالمسن : وش هالرد؟ أنت قريت الخبر؟
قلت لا طبعاً بس كنت أحجز وعدلت ردي ..
قال : رح شف وش سويت ..!
حدثت الصفحة وأشوف أغلب ردود الصفحة الأولى : ( خبر يبشر بالخير .. بعد كل هالمدة الطويلة في المفاوضات كسبنا صفقة مدوية ) ههههههههههه

بس أبشركم راح مستر قول وحذفها قبل ما تتشوه سمعة المنتدى

إلى متى وبعض الأعضاء ما يدرون أن ردودهم بالمنتدى هي أهم من مواضيعهم؟
لأن الردود هي اللي تبين عقلية العضو وتكشف جوانب كثيرة من شخصيته ..
أتمنى نشوف اهتمام من بعض الأعضاء بردودهم ويطورون منها حتى تكون لهم بصمة في المجلس العام وغيره من المنتديات ..!

شكراً لك د.علوش على الموضوع الحلو

iLoOshy · #6 16/11/2009, 07:49 AM

إقتباس

الرسالة الأصلية كتبت بواسطة الـمـشـاغـب


	وأنت وشوله طيب تسجل بهاليوزر دامه صعب؟ مسكينة يا إدراتنا كل ما سجل أحد وتفعل يوزره راح يطالب بتغيير اليوزر << كان يبي يغير يوزره بس محد عطاه وجه نرجع لموضوعك يالنشمي بصراحة النقطة اللي تكلمت عنها مهمة .. بس ما تصلح عندنا لأن الردود هنا ( أغلبها إن ما كانت كلها ) من أجمل ما يكون عشان كذا المجلس غير أكثر الردود اللي تنرفزني هي كلمة مشكور ..! في بعض مواقع الأفلام .. أشوف بعض الأعضاء يكتبون مواضيع يطلبون فيها فيلم أو يسألون عن شي معين .. ثم تجيك هالردود : ( مشكور) ( موضوع جامد أوي ) هالشاكلة ودك تربطها بالمروحة وتشغلها ثم تستخدم مهارتك في رمي السهام بس تبقى كلمة الشكر أهون من نسخ الردود .. أذكر مرة من المرات .. كنت مع مستر قول بالمسن نتناقش في أمور الرعية فقال لي أنه بينزل خبر بأن التفاوضات فشلت مع اللاعب الأجنبي ( نسيت اسمه ) .. ووقتها كنت من المعارضين السياسيين لإدارة محمد بن فيصل المهم نزل الخبر مستر قول وعطاني الرابط .. أنا على طول كنت أبحجز بس يطريقة مؤدبة شوي كتبت على ما أظن ( خبر يبشر بالخير .. بعد كل هالمدة الطويلة في المفاوضات كسبنا صفقة مدوية ) وبديت أعدّل ردي بما يتناسب مع الخبر المحزن ..! شوي ومستر قول يقول لي بالمسن : وش هالرد؟ أنت قريت الخبر؟ قلت لا طبعاً بس كنت أحجز وعدلت ردي .. قال : رح شف وش سويت ..! حدثت الصفحة وأشوف أغلب ردود الصفحة الأولى : ( خبر يبشر بالخير .. بعد كل هالمدة الطويلة في المفاوضات كسبنا صفقة مدوية ) ههههههههههه بس أبشركم راح مستر قول وحذفها قبل ما تتشوه سمعة المنتدى إلى متى وبعض الأعضاء ما يدرون أن ردودهم بالمنتدى هي أهم من مواضيعهم؟ لأن الردود هي اللي تبين عقلية العضو وتكشف جوانب كثيرة من شخصيته .. أتمنى نشوف اهتمام من بعض الأعضاء بردودهم ويطورون منها حتى تكون لهم بصمة في المجلس العام وغيره من المنتديات ..! شكراً لك د.علوش على الموضوع الحلو

أنا والله كنت ماأبي أغيره بس بعد مادخلت عالم الفوتو صرت أبي أغيره عشان أقدر أحط اسمي عالتصميم

الله يعينك إن شاء الله يتغير اليوزر

وعن موضوعك انت ومستر قووول

فقعت ضحك هههههههههههههههههههههههه

حركة حلوة عشان تحجز لك الأول

بس كشفتهم بالنسخ واللصق

أنا الصرآحه معجبني المجلس عشان ردوده في بعض المواضيع عندي تعليقات

أكتبها

وإذا ماعندي شيء ليش أكتب ( مشكووووووور ................................. )

وإن شاء الله تتطور الردود

ويعافيك ربي عالمرور

الهلالي دائماً · #7 16/11/2009, 08:44 AM

مشـــــــكــووووور

^
^
^

يبي يرفع ضغطك

تصدق قبل 5 سنوات كتبت موضوع مثل هذا وانحذف

بس الفرق موضوعي ما كان فيه فاصل

حياك يالغالي ...
وبالفعل الواحد مفروض يجبر قلب راعي الموضوع بكلمتين حلوين

وان شاء الله يغيرون يوزرك

سلام ,,,

سع ـود · #8 16/11/2009, 09:14 AM

هلا علوش

الحمد لله على السلامه يقولون انك تعبان

والله وجبتها ع الجرح يعني الواحد يكتب موضوع ساعتين وتصاميم يجلس عليها يومين
ويجيه واحد يكتب مشكور والا يعطيك العافيه

والله ياهم يرفعون الضغط
ياخي رد زي الناس والا لا ترد
ومثل ما قالو الحبايب
مشكور اهون من النسخ
لان اللي ينسخ يبي يكثر مشاركاته
طيب وبعدين اذا كثرت مشاركاتك وش تبي تستفيد
المهم الكيف لا الكم

الشيهـانه · #9 16/11/2009, 09:42 AM

مشكـــــــــــــــــــــــــــــــــــــــــــــــــــــــــــــــــووور

يام كتبت عن اللي يكتبونهاويمشون
ولايكلفون انفسهم اصلا يقرون

همهم تثبيت اساميهم بالمنتديات

بكل صراحة بعض الاحيان اناوحدة منهم

بس موهنالانه هنا ممنوع

بمنتديات ثانية لاني بكثر مشاركاتي علشان يصير لي حقوق بمنتداهم

وخصوصا بعض المنتديات النسائية الخالصة لانهم مايسوون خدمة ولايجاوبون على استفسار الابمشاركات وقدرها!!!واضطر اكثَر من هالكلمات بمواضيعهم

ونقطة ثانية ترى موكل الردود الطويلة مفيدة احيانا ردود مملة وفلسفة زايدة عن حدها
تطلعك من الموضوع تقول ياليته كتب مشكور والى الامام وطلع
ولاخرب الموضوع برده

مشكـــــــور يالمقهـــــور من كلمة مشكــــــــور

ملك الثواني9 · #10 16/11/2009, 10:51 AM

إقتباس


	في بعض مواقع الأفلام .. أشوف بعض الأعضاء يكتبون مواضيع يطلبون فيها فيلم أو يسألون عن شي معين .. ثم تجيك هالردود : ( مشكور) ( موضوع جامد أوي )

ياسلام عليك وربي تعرضت لها مليون مره وشكلك مثلي معاني فيها .. مو بس بالافلام حتى إذا أطرح مشكلة بجهازي بمنتدى يجيني رد مشكوووووور
هههههههههاااااااااااا
سامحني صاحب الموضوع على الرد الثاني
أتمنى لك التوفيق
تحيتي قبل مودتي

I B R A H E M · #11 16/11/2009, 02:10 PM

يعطيك العافية مشكوووووووووووووور

ام متعب التميمي · #12 17/11/2009, 05:21 PM

إقتباس

الرسالة الأصلية كتبت بواسطة I B R A H E M


	يعطيك العافية مشكوووووووووووووور

^

^

فيه ناس ماتحوب اللعانه ابدأ

ياخوي الحين قولي رد ابراهيم ضايقك

انا بالنسبه لي اعجبني

شوف هي تفرق اذا الموضوع نقاش لازم الواحد يناقش

لكن اذا الموضوع خاطره مثلا لازم الواحد يمدح
اذا الموضوع ديني مالنا الا نقول جزاك خير يعني اتفلسف من راسي

يعني من الاخر حسب الموضوع

تحياتي

iLoOshy · #13 16/11/2009, 02:29 PM

ماجد مقبل

ههههههههههههه

لا أجل موضوعي أزين فيه فوآصل خخخخخخخ

والله المفروض الوآحد يقدر التعب

وإن شاء الله يتغير

يعافيك ربي

سطيح

الله يسلمك يالغلا

ايه والله كنت مخنزر

بس الحمدلله شفيت

وعن الردود المفروض أي رد بايخ أو منسوخ ينحذف

على الأقل يقدرون التعب لصاحب الموضوع

أكيييد مشكوور أهون من النسخ

مايستفيد من مشاركاته شيء

يعافيك ربي

بنت فله ومعاهادله

مشكوووره

ايه والله ناس تكتب مشكور ولايدري وش الموضوع

بس يبي مشاركات , ماأدري وش يستفيد منها

أجل انت منهم

ههههههههههههههه

ايه بمنتدى ثاني برآحتك بس بمنتدانا لا

صح ان مو كلهم مفيده بس زي ماقلت

يعطي تعليقه ولا يقول مشكور

حتى لو كان تعليقه نص سطر بس لا يقول مشكوور

يعافيك ربي ياللي من يقولون مشكوور

ملك الثواني 9

أخوي المشاغب صدق باللي قال

أنا ماصارت لي بس أشوفها كثييير

يعني وآضح انه ماقرا الموضوع

الموضوع بوادي ورده بوادي

إقتباس


	سامحني صاحب الموضوع على الرد الثاني

لاعادي وش دعوه

رد 30 مره بس لاتقول مشكووور

هههههههههههههههه

يعافيك ربي

I B R A H E M

شفتوا وش أقصد يبي يزود مشاركاته

هههههههههههههههه

الله يرجك

يعافيك ربي

‏Mr.RęLǻҗ · #14 16/11/2009, 04:15 PM

,,

مشكور أخوي

الله يعطيك الف عآفيه = (

,,

مخدتي زرقاء · #15 16/11/2009, 06:06 PM

أحيانا يكون فيه أشخاص ردو على الموضوع وكان ردهم نفس الكلام اللي بتقوله ....فلذلك ماتقدر

تقول إلا مشكور وماقصرت على الموضوع ...غير كذا يحب يساعدك ويرفع موضوعك خذها بنظره إيجابيه .....