على طريقة ( صيد ) و ( قول على قول ) خاصة بأعضاء المجلس - نادي الهلال السعودي - شبكة الزعيم

ابو طـــــلال · #1 09/11/2009, 09:53 PM

المهتني أللّى من البال خـــالي

خالي أخو أمي .. لا

خالي من الكحول .. لا

خالي من الهــــمممممم

الهـــم هم .. اكل .. لا

هم هم .. هذولا .. لا

الهم من الضيــــق

ضيق بالثوب .. لا

ضيق بالمكان .. لا

ضيق بالصـــدر

الصدر حق دجاج ساديا .. لا

الصدر إمام الشيعة بالعراق ... لا

الصدر بالنفـــس

النفس الشهيق والزفير .. لا

النفس حقت العين والحسد .. لا

النفس اللى تعفس حالي

حالي من حلى السكر .. لا

حالي من الحلحله .. لا >> مدري وشي الحلحله

حالي من ( تنشد عن الحال .. حالي كيف ماشفته ) >> هذي هي

^^^

أمحق موضوع

==

وش رايكم بالحرب على الحوثيين .. وإعفاء الصحفية من عقوبة الجلد .. وبيان النصر الجديد

الحوثيين .. ورى تونا ندري إنهم مجرمين ؟؟ ورى ما انكشف المستور إلا بعد مايجينا منهم مصيبه !!

والصحفية ... أتوقع بيكون خطابها في المستقبل ديني وفيه مسحة إيمانيه .. مثل المغازلجي أول ماتمسكه الهيئه بمصيبة ماتدري إلا وهو حاط لحيه !! ومتغير وتقول إنه إهتدى .. وبعد ( الكفشة ) بكم شهر يبداْ يحدد .. وبعدها يخفف .. وبعدها ( يحلقها وينعم ) ويعود أدراجه

إلا من رحم الله ( حجرت للي يبي يحجر لي )

بيان النصر الجديد .. مايصلح هنا لانه رياضي .. بس المفروض اكتبه هنا لأن البيان ( إنساني ) اكثر منه رياضي .. أمحق بيان .. كان بودي اوجه لصاحب البيان بعض الكلمات التربويه ..

(حفاظاً على الذوق العام) .. يازنها من كلمة .. بس تنصدم لاشفت الخدش وصل لحد الجرح العميق للحياء .. تبي ترقع ماتنترقع !!

غداً ... غداً .. غداً تفاصيل غياب العضو البارز ( ..... )
^^^
أخس ياأسلوب التشويق ..؟

لقيت مثل هالكلمه في إحدى الجرايد .. والله ياهي قديمة !! شكله هو نفسه الصحفي اللى كتبها قبل ثلاثين سنة ...

قبل اللابتوبات والبلاك بيري ... كان فيه جوال ..

قبل الجوال ... كان فيه بيجر ..

قبل البيجر ... كانت الرسايل والسلامات بين المحبين تكون بشكل ظريف ..

البنت اللى تحب ولد في السابق .. كانت وهي بطريقها للمدرسة .. تعرف سيارة فتى أحلامها .. وطبعاً السياراة ياتكون ذاك الوقت (جيب شاص) .. أو ( هايلكس غمارة ) وإن طلع كاش الولد تكون سيارته ( كراسيدا ) وحاط لزقة كاتب فيها قراندي

البنت تمر من عند السيارة وتكتب على قزاز السيارة ( احبك ) أو ( معجبه فيك ) ومن هالكلام .. يجي المطفوق يكتب على قزازة سيارته من بكرا ( من أنتي ) ؟؟ وإلا إنتي فلانه ؟؟ وتبدا الرسايل على غبار قزاز السيارة .. عاد لو باع الموتر تنتهي وسيلة الإتصال ..

بعده جاء البيجر .. وهو الإختراع اللى سهل من مهمة المحبين في التعبير .. مثل ماكانت ( الــ 999 ) على البيجر يعني ظروري تكون الــ 444 يعني احبك .. 222 اموت فيك .. ويتفقون على أرقام تعبر عن مشاعرهم

يعني يتفق معها لاأرسلت لك على بيجرك 15469 ... يعني تراني ولهن عليتس

وجاكم الإعصار .. الخبيث المخبث على قولة الشيبان .. الجوال .. وصار التعبير أدق .. يكتب احبتس .. يعني احبتس .. مهيب 1873 ؟؟؟

بس كانت برسايل مكتوبة .. تطور الوضع للرسائل المرئيه او الوسائط .. وأصبح التعبير عن الحب اكبر .. وأشمل .. وأسهل .. ويقدر يقولها صوت وصورة وبنفس الوقت .. وهي ترد عليها على الهوى مباشرة >> مباراة هع هع

وجاء البلاك بيري ... والابتوبات .. عاد وش بلاك بيري .. صارت المواعيد عينك عينك .. عادي ...

الملاحظه .. كل ماسهل الحصول على الشي قل قيمته !!

ماودي اتفلسف واجد .. بس كان الحب ذاك الوقت موجود .. وفيه وفاء .. هاالوقت رغم سهولة وسائل الإتصال والتواصل .. إلا إن الحب ( ركيك ) ( بسكوت هش ) وكل ماصعبت الامور .. زاد الصدق في العلاقة .. يعني على وقت الرسائل بواسطة الحمام الزاجل كان الحب أصدق من الكتابة على قزاز السيارات .. وقزاز السيارات افضل واصدق من البياجر

وحب البياجر أكثر وفاء من حب الجواويل .. وحب الجواويل أبرك من حب البلاكبيراااات

ياليت أخوي سليمان .. والأخ قرقاص .. يكلمونا شوي عن تجاربهم عن تلك المرحلة .. مراحل حب قزاز السيارات .. والبياجر .. ودنا نسمع من الجيل القديم

الموضوع كله ( خمبدزه )

اخوكم الصغير ابو طلال

عاشق فن الموهوب · #2 09/11/2009, 10:06 PM

بآآك

المقطع الاول من الموضوع روووعه

اما عن البيجر يازييينه زيناااه

ذاك ما ادري وش فايدته يطلع لي رقم اللي دق علي وبعدين اقرب تلفون

ومشكوور ع الموضوع الونيس <<متعوب عليها

مجنون الزعامه · #3 09/11/2009, 10:07 PM

حجز

باك

إقتباس


	أمحق موضوع

بقوه

قلت وشسمه يمكن تأثرت بموضوعك اللي بذاك بالهلالي

إقتباس


	وش رايكم بالحرب على الحوثيين .. وإعفاء الصحفية من عقوبة الجلد .. وبيان النصر الجديد

شكل الموضوع بتاع كله هع

إقتباس


	الحوثيين .. ورى تونا ندري إنهم مجرمين ؟؟ ورى ما انكشف المستور إلا بعد مايجينا منهم مصيبه !!

كالعاده ياخيي ماطرا علمن جديد

إقتباس


	والصحفية ... أتوقع بيكون خطابها في المستقبل ديني وفيه مسحة إيمانيه ..

ياليت

إقتباس


	مثل المغازلجي أول ماتمسكه الهيئه بمصيبة ماتدري إلا وهو حاط لحيه !! ومتغير وتقول إنه إهتدى .. وبعد ( الكفشة ) بكم شهر يبداْ يحدد .. وبعدها يخفف .. وبعدها ( يحلقها وينعم ) ويعود أدراجه إلا من رحم الله ( حجرت للي يبي يحجر لي )

ياااااااااليل ابو لمبه وراك تسذا ياخيي لاتعمم >>> مطفي اللمبه

إقتباس


	بيان النصر الجديد .. مايصلح هنا لانه رياضي .. بس المفروض اكتبه هنا لأن البيان ( إنساني ) اكثر منه رياضي .. أمحق بيان .. كان بودي اوجه لصاحب البيان بعض الكلمات التربويه ..

تسان مايكفي الا بذاك بالهلالي ؟؟

تسان مايكفي زيدهم بذا ولايهمك

بس انا بقول زي ماقالوا الاعضاء ردا على وشسمه

لايكذب المرء إلا من مهانتٍ ,, أو فعله السوء أو من قلة الأدب

لبعضُ جيفة كلب خيرُ رائحة ,, من كذبة المرء في جدّ وفي لعب

إقتباس


	غداً ... غداً .. غداً تفاصيل غياب العضو البارز ( ..... )

الله يسلمك مير

داري ان مابوه احد فقدن واني غبت عن القسم العام الا انت

إقتباس


	البنت اللى تحب ولد في السابق .. كانت وهي بطريقها للمدرسة .. تعرف سيارة فتى أحلامها .. وطبعاً السياراة ياتكون ذاك الوقت (جيب شاص) .. أو ( هايلكس غمارة ) وإن طلع كاش الولد تكون سيارته ( كراسيدا ) وحاط لزقة كاتب فيها قراندي

اروووووووووووووح كشنه على التمووووووووووويه

إقتباس


	بعده جاء البيجر .. وهو الإختراع اللى سهل من مهمة المحبين في التعبير .. مثل ماكانت ( الــ 999 ) على البيجر يعني ظروري تكون الــ 444 يعني احبك .. 222 اموت فيك .. ويتفقون على أرقام تعبر عن مشاعرهم يعني يتفق معها لاأرسلت لك على بيجرك 15469 ... يعني تراني ولهن عليتس

No Comment

إقتباس


	الملاحظه .. كل ماسهل الحصول على الشي قل قيمته !!

إقتباس


	ماودي اتفلسف واجد .. بس كان الحب ذاك الوقت موجود .. وفيه وفاء .. هاالوقت رغم سهولة وسائل الإتصال والتواصل .. إلا إن الحب ( ركيك ) ( بسكوت هش ) وكل ماصعبت الامور .. زاد الصدق في العلاقة .. يعني على وقت الرسائل بواسطة الحمام الزاجل كان الحب أصدق من الكتابة على قزاز السيارات .. وقزاز السيارات افضل واصدق من البياجر وحب البياجر أكثر وفاء من حب الجواويل .. وحب الجواويل أبرك من حب البلاكبيراااات

اروووووووووووح كشنه مع طماط وبصل على الرومانصيه

إقتباس


	ياليت أخوي سليمان .. والأخ قرقاص .. يكلمونا شوي عن تجاربهم عن تلك المرحلة .. مراحل حب قزاز السيارات .. والبياجر .. ودنا نسمع من الجيل القديم

يالله باانتظارهم اكودهم يردون مهوب مانشوف الا غبارهم

أبو طلال

لاعدمناااااااك ياخيي

إقتباس


	من وين جبت ذا الأصفراني ؟؟

جبته من وشسمه بعدين اقولتس

بطلة · #4 09/11/2009, 10:10 PM

^
^
من وين جبت ذا الأصفراني ؟؟

لي عودة ياأخونا الصغير ,,
-----------------------

عدنا

------->سبيس تون على غفلة ,, ولا تهون القناة الأولى

موضوعك

= البيجر بالله اللي كان عندهم وش يحسون فيه ؟؟

أحس مشوار وتعب على الفاضي اللي يبغاني يدق على تلفون البيت وانتهينا .

= الحوثيين وماأدراك ما الحوثيين ماأقول إلا الله ينصرنا ويرحم كل متوفي ويشفي كل مصاب ,,

= فرقة يحلمون بصراحة ماأعرف اش عندهم ماتابعت أخبارهم
بس اتوقع منهم أي شيء عشان كذا غاسلة إيدي منهم

اللي يشجعونه ماأدري ليش يشجعونه ؟؟ حتى أهازيج زي الناس ماعندهم ارحمهم وربي ,,

شكر ياأخوي الصغير

تذكرني هالكلمة بــ سعيدان وعليان

اللي تحت ياخي ليه التجريح ليه ؟؟ تهي تهي
علمني ولا اسكت وربي كل ماأشوف اسمك اتذكر مدينة الخبر ------------>

‏Mr.RęLǻҗ · #5 09/11/2009, 10:19 PM

^^

ياشين القراوة ذا فيس عنده بالجهاز

لي عوده ابو تلال و1

Fahad Al Sudais · #6 09/11/2009, 10:26 PM

سلام الله على صقرِ تعلّى نايف المرقاب

هلا وغلا بتوأم روحي المجلساوي وعدوي اللدود الجمهوري

حي الله ابو طلال رجل المرحله وساحر البسمة

إقتباس

الرسالة الأصلية كتبت بواسطة ابو طـــــلال


	حالي من الحلحله .. لا >> مدري وشي الحلحله

الحلحله هي على قولة جدتي الله يغفر لها واموات المسلمين : ياحلالات صحَفة مريقيقه

إقتباس

الرسالة الأصلية كتبت بواسطة ابو طـــــلال


	ياليت أخوي سليمان .. والأخ قرقاص .. يكلمونا شوي عن تجاربهم عن تلك المرحلة ..

وانت صادز... كلامك على متمّه

حنا ياحقّون الثانوي لازم نعرف بعض التفاصيل عن تلك الحقبه << متعوب عليها

alhilali15 · #7 09/11/2009, 10:51 PM

سؤال بس يبو طلال وأبيك ترد علي هنا...
شرايك نقلب الموضوع شات بقولك ليه

...

الجزء الأول مبهم

الجزء الثاني خمبقة

.
الجزء الثالث يعني إني كنت حبيب وحق بياجر وقديم

...

الجزء الرابع الله لايحرمنا منك ياصانع البسمة في شفاه اليتامى والثكالى

I B R A H E M · #8 09/11/2009, 11:10 PM

الحين وش المطلوب

موضوعك وش يتكلم عنه

شبوط · #9 09/11/2009, 11:56 PM

اهلين يالسمي

إقتباس

الرسالة الأصلية كتبت بواسطة I B R A H E M


	الحين وش المطلوب موضوعك وش يتكلم عنه

هذا طال عمرك يقول

إقتباس


	الموضوع كله ( خمبدزه )

وتعني テストでは、旧世代

ابو طـــــلال · #10 10/11/2009, 12:41 AM

إقتباس

الرسالة الأصلية كتبت بواسطة عاشق فن الموهوب


	بآآك المقطع الاول من الموضوع روووعه اما عن البيجر يازييينه زيناااه ذاك ما ادري وش فايدته يطلع لي رقم اللي دق علي وبعدين اقرب تلفون ومشكوور ع الموضوع الونيس <<متعوب عليها

يامرحبمبم اخوي عاشق الموهوب ...

حياك كأول عضو يرد على موضوعي ... و ترى جائزتك أرسلتها على إيميلك .. إستلمها .. وإفلقني إن لقيت شي

ابو طـــــلال · #11 10/11/2009, 12:44 AM

إقتباس

الرسالة الأصلية كتبت بواسطة شبوط


	اهلين يالسمي هذا طال عمرك يقول وتعني テストでは、旧世代

شبوط ودي أرد عليك .. بس مهوب رد ( تعليق ) ودي أرد عليك بصطرة تخليك تصحصح إنت وسبحتك اللى من شينها للحين ماضاعت .. وانا احطها بمكان وأخليها .. القاها بمخباتي هع هع

للحين تشيك على سجل الزوار عندي .. وش تبي بالظبط !! فين تشتغل ؟

تحياتي لأبو الشبابيط

لأجــل الوعــد!! · #12 10/11/2009, 01:12 AM

إقتباس


	وحب الجواويل أبرك من حب البلاكبيراااات

لا لا مايمدينا عالجمع اما عاد جواويل وبلاكبيرات

وبعدين دوختنا بالمقدمة واخر شي ماتدري وشي الحلحلة

كل ماسهل الحصول على الشي قل قيمته !! >>هذي الزبدة

إقتباس


	ياليت أخوي سليمان .. والأخ قرقاص .. يكلمونا شوي عن تجاربهم عن تلك المرحلة .. مراحل حب قزاز السيارات .. والبياجر .. ودنا نسمع من الجيل القديم

يعني الموزوع مش لينا يابو

تشكرات افندم.

miss zozo · #13 10/11/2009, 01:19 AM

ابو طلال وش هالموضووووع هع

اول الموضوع مدرررري وش يبي ولا يهون اخره بعد هع

بس حلو انكـ ذكرتنا بالاختراااع الغبي البيجر

كل ماذكرته اموووت ضحك طيب دق عليك وبعدين مشوووار ادور تليفون ادق عليه عاد تخيل انه يستهبل وانت يالله لقيت التليفون وش شعوركـ وقتها عاااد

بالنسبة للحوثيين الله ينصر جنوودنا عليهم يااخي لاشفتهم بالتلفزيون وشفت همر الجيش والشرطه العسكرية يضيق صدرري كنها حرررب صدقية

اما بيان النصررر لاتعليييييق وقسم يضحكووون من رئيس النادي مروراً باعضاء شرفه ولاعبيهم وجماهيرهم لا ومستانسين على هتلر حقهم

انا توقعت عقب هالفضيحة ان النصراويين يعتزلوون التشجيع

تشكررررررات اخووونا الكبير

باسكن روبنز · #14 10/11/2009, 01:23 AM

هلا أبو طلال الله حيه

إقتباس


	ضيق بالصـــدر

إقتباس


	الصدر حق دجاج ساديا .. لا الصدر إمام الشيعة بالعراق ... لا الصدر بالنفـــس

<< قاعدة تضحك

إقتباس


	وش رايكم بالحرب على الحوثيين ..

الحوثييين اول مرة اسمع بهم هذي السنة لما جت الحرب في اليمن

إقتباس


	وإعفاء الصحفية من عقوبة الجلد ..

إعفاء << معناها انها مذنبة

لكن اعفي عنها << لكن من أمن اعقوبة أساء الأدب

إقتباس


	وبيان النصر الجديد

ذكرتني ببنت اختي النصراوية تقول ان الامير فيصل بن تركي اختاروه سفير النوايا الحسنة

<< الا واضحك وبقوة انا والهلالية الي جنبي

ردت علينا وقالت ايه انتوا غيرانيين

ودكم ان فيصل بن تركي رئيس الهلال

ادركت حينها ان جمهور النصر العظيم

مغسول مخهم بكلور

إقتباس


	وتبدا الرسايل على غبار قزاز السيارة ..

ياليت تحكي لنا خبرتك يا بو طلال في هذا المجال

يسلمو أبو طلال

وسلم لي على طلولي

الصغير وفروسي

Financial 3ziz · #15 10/11/2009, 01:24 AM

يمكنّي مافهمت..

بس العنواااان ما(يمتّ) للموضوع بأي صلة..! (و إلا أنا غلطان)

موضوعك يوسّع الصدر..
و أنت توسّع الصدر..

لا هذا وأنت توّك صغير و في بداية مراهقتك..
أجل لا كبرت.. وش بتصير..

أتوقع لك مستقبل باهر ماشاء الله عليك..

ياعضو لجنة..
و الا استشاري ..
والا حتى عضو مجلس ادارة.. ليش لا..!؟

الله يوسّع صدرك على الساعة وحدة بالليل..!

شكرا