♥ ¨°•√♥ كيف نعيش بلا كلوركس ؟ ♥√•°¨ ♥ - صفحة رقم 3 - نادي الهلال السعودي - شبكة الزعيم

تميــــ100ــه · #31 12/11/2009, 01:09 AM

وعليكم السلام
موضوعك ماشالله مرره حلو وتشبيهك للكلور بأشيا نقدر نسويها

عن نفسي لو بستخدم الكلور
استخدمته لكل شخص له يد بالواسطه بكل المجالات
لدرجه صار العلاج بالمستشفيات بواسطه
مع اني اكره الواسطه بس مجتمعنا يفرض عليك تدور على واسطتك

بس المشكله فيه ناس ماعندهم واسطه وش يسوون>> شطحت

واشيا كثيره يبي لها كلور
بس عموما الموضوع يهبل من غير مجامله والله

يعطيك العافيه

هلالية والعز عنواني · #32 13/11/2009, 08:53 PM

حيــــــــاالله أبو عرقوب

موضوعكــ روعــــــــــه صراحه
بس مدري ليه أختفى فجأه رجعت أبي أرد مالقيته أهم شي رجع

شوف حنـــــآآ نحب نحلم وآجد << ليكون نصراويه
ودي في كلوركس للمنافقين (أبووجهين) اللي يمدحكـ ويمجدكـ قدامكـ ويذمكـ من وراكـ
ودي في كلوركس بعد لبعض الناس اللي يحومون تسبدي اذا شافوكـ كاشخ وأرتب منهم
تغيرت وجيههم ويتكلمون من خشمهم واذا أنكـ عادي يسولفون معكـ ويحبونكـ وكلش تمام
ودي في كلوركس للنــــــاس اللي اذا شافو معكـ شيء قالو وع وش ذا موبزين وبعد فتره
تحصل معهم نفس الشيء ودي ودي بكثيـــــــــر بس خلها على ربكـ الله يصلحهم ويهدينآ

ننتظر جديدكـ

R D H · #33 14/11/2009, 02:24 AM

كيف عزفت لنا هذه السمفونية يا بيتهوفن زمانك ؟

أخبرني بالله عليك !

أراضع أنت مع ( أفلاطون ) ؟

أم كنت تمزمز الميرندا برتقال مع ( برنارد شو ) ؟!

أهل ألقت بك والدتك في نهر (الفن ) و ( الإبداع ) وأنت طفلاً . ؟

أم أنها كان تحممك بماء ورد .. ثم تنشفك بالمنديل !

موضوع جميل جداً جداً من جميع النواحي . كفكرة وكأسلوب طرح وكتصميم وكتنسيق .

على طاري التنسيق .. أخبر تنسيقك أول كان ( أبو كلب ) .. أمداك تتغير بيوم وليله ؟ ..

هالمره انت ما مزمزت مع برنارد شو .. بل مزمزت مع آخر

بالنسبة لموضوعك .. ودي بكلوروكس لأنظف فيه المجتمع من الناس المتعصبين برشلونياً ..

وأيضا ودي به لأنظف الأشخاص اللي يتقمصوا دور الدبلوماسيه المقرف .. والرسميه المقززه .. ويتحدثوا مع الناس وكأنهم هم الوزراء .. ويخافون يقولون كلمه وحده للناس وتنمسك عليهم . ويعتبرون أن النقاش معهم ( تعدي للصلاحيه ) وأنك يجب أن تكون على غرار ( لا أسمع لا أرى لا أتكلم ) .. كي لا تدخل في قائمة المغضوب عليهم .. لديهم

وأيضا ودي به لتنظيف شارع بيتنا من اللي ( ينصبون ) سياراتهم في الطريق .

اسمتعت حقاً بهذا الموضوع .. وقد كتبت ماكتبت خصيصاً من أجلك .. وحضرت هنا رغم أني لا أرغب ذلك .. خصيصا من أجلك يا أبا محمد !

دمت كما أنت .

نبيلاً أصيلاً ..

الله يخلي لك الماما .. واختك .. وكل احبابك يارب .

وياريت تتعب دايم على تنسيق مواضيعك بهذا الشكل .. لأنها اعطت للموضوع بعداً آخر

.

شكراً قيصرنا .

دمت بأجمل حال

alhilali15 · #34 15/11/2009, 01:19 PM

إقتباس

الرسالة الأصلية كتبت بواسطة مَاهِينُورْ


	// وعليكم السلام ورحمة الله وبركاته هلآ ومرحبا أبو محمّد ما شاء الله موضوع جميل وكُتب بطريقة راائعة ربّما يأتي يوم يكون في مُنتج من الكلور يستخدم للي ذكرت التغيير يبدأ من أنفسنا ولا ننتظر أن يُنتج كلور باستخدامات خاصّة نتمنى بس بشرط تدّبر لنا كلور يحقق أمانينا أمنياتي أحتفظ في لنفسي أما عن النقد كنت بنتقد الكلوركس لأني مانب من محبين الكلور خاصّة للمواعين لكن مراعاة لمشاعرك هوّنت .. .. شُكراً ابو محمد وشكرا للقيصر ., وعوداً حميداً ياعلي ما شاء الله التصاميم راائعة , بتخلين أفكر أحب الكلور

هلا وغلا بالأخت ماهينور

..
نعم هو الهدف من الموضوع لماذا لانغير من أنفسنا وواقعنا بدون كلور أو حتى إريال

دامك ماقلتي لنا أمانيك فأسمحي لي ما راح أعطيك من المنتج

وثانيا أنتي مو من محبين الكلور فخلي الفيري ينفعك

.
مشكورة ماهينور على ردك وإضافتك

alhilali15 · #35 15/11/2009, 01:32 PM

إقتباس

الرسالة الأصلية كتبت بواسطة ABO-SAAD.K.S.A


	والله عجبني موضوعك وعجبني كيف تصورك للكلوركس بالفعل موضوعك اعطيه عشره على عشره

تسلم على إعجابك ومرورك وعلى الدرجة الي عطيتني إياها

.
شكرا لك مرة أخرى

إقتباس

الرسالة الأصلية كتبت بواسطة مواصل من عام 1413هـ


	ألحين الشغاله تقولك ( بابا ) ماش ماني مستوعب إن شغالتنا تقولي ( بابا ) أحسها بدري عليّ ____________ على العموم يا عم هذا مكاني وأنا دوبي صاحي من النوم وقريت موضوعك بس ما جت الفكرة براسي بس أصحصح إن شاء الله يكون خير

تقول لأخوي الصغير بابا عبدالرحمن بعد

وإنت الحين لاتشغل بالك بالشغاله إشغل بالك بما هو أهم

.
إنت النوم مو هو الي ما خلا الفكرة تدخل براسك أكيد كنت مشغول بليلة الخميس الماضي أعانك الله

.
أنا عاذرك ياصاح لعدم عودتك فقد دخلت نفقا ربما لن تستطيع الخروج منه بالوقت القريب

alhilali15 · #36 15/11/2009, 01:46 PM

إقتباس

الرسالة الأصلية كتبت بواسطة Blue Sun


	هلا والله وغلا ابو محمد .. فكرة الموضوع حلوة جدا واسلوب رائع ودعاية مجانية للكلوركس .. مدري ليه اول ما دخلت موضوعك صكت ريحة الكلوركس براسي .. مشكلة اللي عنده حساسية من الكلور .. بس والله جد فيه استخدامات واجد للكلوركس ما تخش بالعقل .. اجل المواعين يغسلون بكلوركس لو ادري ما كليت منها .. هلالي ..[ ياليت عندي مقل هالمنتج وانظف قلوب اخوياي الاتحادية المتعصبين من حقدهم على الهلال ] .. ياخي عندي اثنين من اخوياي اتحادية بالدوام اول ما اجي وهم ماعندهم سالفة الا الهلال سوى وسوى .. بس اليوم الصباح وصلت وهم على غير العادة مالهم حس وهاجدين .. واستلمتهم شوي وبردت حرتي فيهم << اول مرة احس اني نذل .. القيصر رهيب .. مو حرام تحرمنا طلتك البهية في المنتدي .. الف شكر لك على التصاميم الرائعة .. يعطيك ربي الف عافية ابو محمد على الموضوع الرائع ..

أهلن أخوي فهد

مشكور على ردك وإضافتك وحقدك على الإتحاديين

...
بس يا أخي إنت تقول ليت عندك مقل هالمنتج

..
بأي لغة هذي أخبرها تنقال مثل

...
مشكور على طلتك وإضافتك يالغالي والقيصر رهيب وقع عقد حصري معي عن طريق الخاص مايصمم إلا لي

Mr.Scrub · #37 15/11/2009, 05:33 PM

حجججججججججججججججز ..!

كنت متحمس برد , بس جآني ظرف طآرئ

رآجع لك

alhilali15 · #38 16/11/2009, 08:54 AM

إقتباس

الرسالة الأصلية كتبت بواسطة هلاليه سنعه


	وعليكم السلام ورحمة الله وبركاته اهلا اخوي ابو محمد وانا اقول قبل ما ادخل المجلس ريحة كلوركس تشرق والله الكلوركس زين شين ينظف ويخلي كلش يلمع وبنفس الوقت يمرض وخصوصا اصحاب الربو وحساسية الصدر هو عدوهم اللدود الله يشفيهم .. يعني استخدامه يكون بحذر .. وانتبهوا تخلطونه مع فلاش وحده الله يرحمها ماتت بسبته .. الله يرحم الي ماتت ويسكنها فسيح جناته يارب يمكن فيه عراقيل كثيره تمنع الشخص انه يحاول فيهدي نفسه بكلمة ياليت وودي .. او فيه ناس محبطين وسوداوين كل شئ عندهم مستحيل .. او شخص مايحب التغيير وتعود على حياته بس يحاول يرد على اللي حوله ابحاول وبقرارة نفسه ماراح يجرب .. مهما كانت العراقيل إلا وفيه حل والمحبط والسوداوي لازم يغير نظرته ولا بيجلس طول عمره سوداوي والشخص الي مايحيب التغير هو شخص ممل وروتيني الكلوركس والله نحتاجه كثر وامثلتك ماشاء الله وافيه ومعبره انا ودي استخدمه لبعض الناس من المنافقين والكذابين اللي يجونك بوجه ووراك بوجه .. وايضا للناس اللي شافوا انفسهم بالمناصب العاليه من مدراء ورؤساء .. ويتعاملون بتسلط وغروور للموظفين اللي تحت ايدينهم .. وفيه اشياء كثيره لايتسع لذكرها .. يعني يبيلنا كراتين بالجمله اوفر . آه يالسنعة كل أمثلتك تهون والمنافقين والكذابين أصحاب الوجهين بكفة لحال... هؤلاء تحديدا هم الأغبياء وشخصيات والله مقرفة ومقززة عرفنا بعضها بحياتنا وليتنا ماعرفناها كل ما أتذكرهم أحس بحالة غثيان غير طبيعية لقذارتهم ودنائة أنفسهم اخوي ابو محمد بدينا نحب الكلوركس وابشرك ترى فيه كلوركس للثياب الملونه هذا ينفع للي يتلون بكذا شكل .. يعطيك العافيه اخوي ابو محمد على الموضوع الجميل والرائع ولاننسى نشكر اخونا القيصر الحاضر الغائب على التصاميم الروعه .. واسفه على الاطاله دمتم بخير ..‘‘

مشكورة يالسنعة على ردك الوافي ومن جهة الكلور للمتلونين فهم لا ينفع معهم لا كلور ولا منظف آخر...
هم الحل الوحيد الحقران والنفي من المجتمع....
شكرا ياسنعة مرة أخرى

هلالي من ارض اليمن · #39 16/11/2009, 08:57 AM

يا ابو محمد

.. أكراما للوالدة يحفظها الله ويرعاها أترك عنك اللكاعة

استمتعت وانا اقرأ عبارة ( دواء الغسيل )

.. الله يسامح التطور يا شيخ

موضوع لا يمكن التعليق عليه .. فقد اجدت تناوله كما أجدت بارك الله فيك استعراض نماذج واقعية وأهمها ( صخ صخ )

مع عالم اليوزرات الانتحارية ! فهد الله يصلحه جعلني أوسوس معه

ولكن من جانب آخر دعنا نتخيل الحياة كلها ( دواء غسيل ) ! لا ادري شعرت اني اشاهد شاشة باللونيين الأبيض والأسود .. يجب ان تكون في حياتنا بعض المنغصات حتى تنفر العروق وتتشنج الأعصاب وتمارس عملية تمزيق من حولك

( بسم الله علينا )

صدقا يجب أن نعود أنفسنا دائما أن نتطلع بها نحو الأفضل .. فكلما كانت هنالك فرصة أن نتقدم معها خطوة نحو الأمام .. فعلينا أن لا نتردد ونوهم أنفسنا بمبررات واهية تجعلنا قابعين مع أخطائنا ،،،

ملاحظة .. لدي سؤال : ختمت مشاركتي اعلاه بعبارة ( صدقا ) !! أذن الحديث الذي يسبقه ماذا يمكننا وصفه !!

يحفظك ربي يا ابو محمد

والله يعطيك الف عافيه

وجاء عن قس بن ساعده قوله : دوك

.. ما يقلد الصخرة

هلالي من ارض اليمن · #40 16/11/2009, 09:03 AM

يا عيباه .. يا عيباه

نسيت علي ابن العلا الكرام

الله يعطيه الف عافية ،،،

الصراحة يا ابو محمد أنت تحتاج أن نزيح قليلا النظارة السوداء باستخدام الأبهام والسبابة ( واخذ بال حضرتك من دقة الوصف

) مع نظره من عينين مزمومتين وحاجب ايسر أرتفع جانبا وحبذا لمعة من بؤبؤ العين اليمين تحديدا .. سؤال : كيف استطعت احضار القيصر رهيب .. وهو شاب رهيب بالفعل

بارك الله عملكما ،،،

حتى ظلالي هلالي · #41 16/11/2009, 02:12 PM

إقتباس

الرسالة الأصلية كتبت بواسطة الـمـشـاغـب


	أخوي هلالي 15 .. تجاهل رد حتى ظلالي هلالي لو سمحت .. من يقرأ ردها يحس انهم مسوين لها شي وهي جاية من الكلية .! بصراحة أنا ما أحبش اللي يتكلم على الناس ويعمم بسبب تصرف واحد منهم !! ويبقى السؤال : وش سووا لك يا حتحت؟

حتى انا اطالب بتجاهل ردي السابق

لانهـ كان مكتوب وفق ضغوط نفسيهـ

مي تو ماحبش

فيه صالح وطالح

بس زي ماقلنا وفق ضغوط كان

ويبقى الجواب /
احب احتفظ فيهـ لنفسي

مراعاة للذوق العام

هلالي

اهنيكـ على فكرة الموضوع بصراحهـ

ولا يهون علاوي على التصاميم

باللهي جرّهـ مع شوشتهـ وجبهـ لنا

مسوي يتغلى هو ووجههـ الحين

M!ss 7up · #42 16/11/2009, 06:09 PM

،
،

اهلا وسهلا اخوي الهلالي 15
بصراحه فكره الموضوع اعجبتني بالحيل

فيه اشياء كثيره ودك تمحيها من حياتك لو كان بالفعل هالمنتج فيه

الله يعطيك العافيه
مشكور وماقصرت

6l8 elm7ya · #43 17/11/2009, 10:51 PM

والله عجبني موضوعك وعجبني كيف تصورك للكلوركس

بالفعل موضوعك اعطيه عشره على عشره

alhilali15 · #44 19/11/2009, 11:50 AM

عودة لبقية الردود ومعذرة على التأخير...

i am here

بداية القلب الطيب مو عيب وأنا شخصيا ما أحب الي يقول قلبي طيب.
خل الناس يحكموا عليك والإنسان منا له شخصيته المستقلة..
مشكورة على مرورك وأتمنى بإذن الله ألقى الناس زي ما أتمنى بس ما أتوقع...
مشكورة على مرورك وإضافتك

دوق فليد

كلام جدا رائع وجميل ولكن..
هل أنت يادوق ممن يتقبل الرأي ولا يصر على رأيه..
هل أنت ممن يغير قناعاته حتى لو كانت خطأ..
هل أنت ممن يحتاج لتنظيف بالكلوركس أم لا

..
لا زلت أعدك بموضوع أتمنى وقتها لا أحتاج إلى كلوركس لتغير قناعة خاطئة وراسخه لديك

...

$naro$

صحة صحة

إنت الأحلى ومشكور على مرورك

f*y*d

بداية ليس كسلا بقدر مو هو حب إستطلاع وعرق لقافة متأصل

إقتباس


	الكلووركس ودك لو ينظف الانانية من قلوب الناس والنفاق والكذب والغش !

إقتباس


	ودك لو يخلينا نطبق حديث الرسول صلى الله وعليه وسلم حب لأخيك ما تحب لنفسك هالحديث يغنينا عن الكلوركس بس مشكلتنا يا اخوي ندور المستحيل وللي ما عندنا !!

ياليت الله يافياض نقطة الأنانية نعاني منها كثير وربما السبب فيها أن كل منا يبحث عن دور البطولة...

مشكور على مرورك وإطرائك وإن شاء الله أكون عند حسن الظن

marsal · #45 19/11/2009, 11:12 PM

فكرة جميلة و فريدة تستحق الاشادة

ليس لدي تعليق يستحق أن يضاف لكن حبيت اطلبك ان تواصل في طرح المواضيع لاننا مستمتعين

تحياتي