والله عزيزي إذا على المهازل اللي قاعدة تصير بالجامعات حدث بلا حرج
للامانة إحنا جامعتنا كمباني أغلبها روعه ماشاء الله مو زي اللي بالصورة
بس أمور ثانية تقهر وخذ عندك :
= الجدول نفس الحالة كل سنه أول تسويه من النت وبعدها تروح تعدله من عندهم بالغالب شيء يرفع الضغط
= المواد الحرة والاختياريه ماتنظاف من النت للبنات بس الشباب يقدروا يضيفوها
ماأدري ليه العنصرية وش مستفيدين من الحركة هذه !!
= ظلم بعض الدكاترة إلى الآن موجووووووووود >> لاتقولوا ليه موجودين ؟؟
الواسطة وماتسوي حسبي الله ونعم الوكيل , بيشوفونها بكره بعيالهم نتيجة دعاوي المظلومين عليهم ,,
= الأسعار بالكفتيريات !!!!! الظاهر أحد قايلهم الطالبات قاعدين على كنز
ولا عالم زي النافورة تعطي من جهة المكافأة وتأخذها من جهة !!
إذا أنا قدرت اشتري غيري ماعنده ,,
لأن عد واغلط كم شاب عزوبي يدرس بالجامعة برى ديرته الولد المسكين
وراه إيجار وراه لبس وراه أكل وراه يعبي بنزين يبغى يشتري كتب ,,, الخ
= أسعار الكتب والأغراض بصفة عامة بمكتبات الجامعة اللي موزعة بكل مكان !!
حدث بلا حرج أجل اشتري كتاب سعره حول الـ 50 ريال وألاقيه برى بـ 30 ريال هزلت
== لحظه لحظه لسى بقلبي كلام
المبلغ اللي ينأخذ منا كطلاب وطالبات كله شهر ليييييييييييييييه ؟؟ بأي حق ؟؟؟
في شي اسمه حق خااااااااص ولا مايدرون
بكيفي أبغى ادفع !! بكيفي أبغى ارفض !! عيب النهب عيني عينك عيب
بالبداية كنت أقول ويعني 10 ريال لا راحت ولا جات مايهم ,, بس لما شفت الظلم بالدرجات وغيره تضايقت
تبون تعرفون قيمة الـ 10 ريال ؟؟؟
روحوا اسألوا اللي مشتركين بالأسهم والاكتتابات
روحوا اسألوا اللي على وجهه زواج وقاعد يجمع من يومه
روحوا اسألوا اللي مو لاقي شحن لجواله وكل شوي وهو جالس يرسل كول مي على العالم
روحوا اسألوا اللي مو لاقي يعبي بنزين بسهولة
وقتها تعرفون قيمة العشرة ريال ,,
شوفوا كم مجموع المبلغ اللي ينأخذ منا بشهر واحد بس بشهر واحد
على بالكم عدد الطالبات والطلاب بالجامعة قليل آلالاف
الشخص الواحد ينأخذ منه بالسنة 120 ريال احسبوا لو أخذتم هالمبلغ من 100 شاب فقط
تدرون كم يطلع 12000 ريال ------> ترى ثلاث أصفار ماغلطت
والله ماأظن إننا دولة فقيرة ولا اش رأيكم ؟؟
= اش سالفة الـ 850 ريال ؟؟؟
حاسب مادة اساسية بكل الكليات عندكم تدرسونها بفلووووووووووووس !!!
إذا ايوه روح ادرسها برى بأي معهد أقلها تضمن إنك تعرف كل شيء
وبنفس الوقت إنت تختار الوقت اللي يعجبك ,, وكمان إن شاء الله تضمن درجات وماتنظلم ,,
ترى عادي تقدر بالنظام ,,
بس تجيب لهم الشهادة حقت دورة أي سي دي ال
وفي شيء عزيزي تأكد منه أنا مو عارفته إلى الآن ,, كيف تنرصد الدرجة ؟؟
يعني تنظاف الدرجات للمعدل التراكمي ولا بس يقولوا إنك خلصت 3 ساعات بدون إضافة الدرجة
لأن مره قالت وحدة أخذت الدورة من معهد إنو مو مكتوب عندها كم أخذت بالمعهد مافي درجة بس التقدير
وهما الجامعة كيف يرصدوا الدرجة على أي أساس ؟؟
لان في فرق بين ممتاز وممتاز مرتفع زي ماإنت عارف تأكد ,,
= بالنهاية أقول بعد كل هذا والله أحب جامعتي
ودوم احمد ربي إني قدرت ادخل الجامعة واكمل تعليمي غيري ماقدر
إما النسبة ماكانت أوكي أو انظلم بسبب التحصيلي وغيره لان بعضهم معدلاتهم عالية ومادخلوا
وربي احزن عليهم ,,
بس حبي لها مو معناتها إننا مو متضايقين من بعض الأمور ,,
الملك وربي ماقصر بس المسؤلين !!
شكر لك
وه خليتني اطلع اللي بقلبي ههههه
بطلة
انضرو يا جماعة الخير الى الظلم الواقع على طلاب جامعة طيبة 
.. 
.. 
.. 
.. 
الوضع العادي
