السلام عليكم ,,

أهلاً هلالي الشماسية

بالفعل التعليم و خصوصاً الصفوف الدنيا رسالة عظيمة و أجر كبير لمن أخلص النيّة لله . و أنا لا أزال أذكر من درّسني في السنة الإبتدائية الأولى و ألمس الأثر العميق الذي نقشه فيّ و أدعو له كل حين.

لا تأسَ من هذا القرار , فأنت كالجندي الذي كان يُحارب في ثغر ثم انتقل لآخر .

الله يوفقك في حياتك العملية
دمت بخير

مشكور والله يهينيك في حياتك اما الطالب سعود سمي خخخخخ مهوي

السلام عليكم ورحمة الله وبركاتة
اخي الغاااااااالي والعزيز ابن الشماسية
تدريس المرحلة الابتدائية بشكل عام والصفوف الاولية بشكل خاص
متعة مابعدهاااااااا متعة
لانك تشوف الطالب على طبيعته
المواقف مع الطلاب جملية ومضحكة
اخوي احسن شيء يستانسون علية الطلاب
اذا جيت وجلست على الكراسي وفحطت وسحبت جلنطاااااااات داخل الصف
اخوووي الطالب
كنت ادرس طلاب رابع وطنية
وكان عندي طالب ولد اخوه في اول
وكل يومي ثلاثاء واربعاء يجي عندنا هذا الطالب الحصة السادسة
وكنت دايم اجلسه بجنبي واضحك معه
وفي احد المرات قال لي استاد قرب لي
وقاااام وقبلني على خدي
انا صار وجهي اشكال والوان

اخوي بالنسبة لكم يالجامعيين ليش تنقلووون من الدياااااار اللي عينتوا فيهاااااا اول
زي خويي من اهل بريده وجامعي كان عندنا يدرس ابتدائي ولما نقل للمجمعة ثم القصيم
على طول عطووه ثااااانوي
لان دايم مدرسين الابتدائي يشتكون وبالاخص العلوم والدين
يقولون حنا ندرس متوسط والجامعيين يدرسون ابتدائي والمعروف ان المرحلة الابتدائية
الاولوية لخريجي كليات المعلمين ثم الجامعيين اللي معهم دبلوم تربوي
وللعلم لما يدرس الصفوف الدنيا معلميين جامعيين يبدعووون
وافضل من خريجي كلياااااااات المعلمين بمراحل كثيرة

اخوي شكلك درست في حفرالباطن اعترف

وتقبل تحيااااااااااتي

اهلاً وسهلاً بالاستاذ عبدالله

اسعد الله اوقاتك بكل خير , جميله هي رسالتك التي قدمتها باسلوبك الرآقي ..
جميل ان يحب الانسان عمله , وان يخلص به , وانت كذلك , ونعم الاستاذ والمربي ,, وهذا مايجب ان يكون المعلم ..

صدقت .. لن تجد انقى واطهر من قلوب الصغار , حتى بشقاوتهم اللطيفه ..
اسال الله ان يجزاك كل خير , وان يحقق لك امانيك , وان يكثر من امثالك ..

استمتعت كثيراً بالمواقف , وخاصه عمته ,,, والثعلب

وتقبل فائق الاحترام .. دمت بخير

يا قلبي عليهم هالأطفال عن جد يجننوون ... الله يحفظهم ويرعاهم .

إقتباس قال : إذا نجحت أبصير مدرس مثلك وأدرس البزور هذولي ويؤشر بيده على زملائه !!! ( ياحبني لك ياسعود )

ههههههههههههههههه

أحلى يا كبير


أعجبني حُبك لتعليم الصغار وأكيد مهنيتك عالية ماشاءالله تبارك الله ، ياليت كل معلم يكون كذا .

وجزاك الله خير على المرفقات بدرس أختي فيها .. وبدعي لك ان شاءالله ،

شكراً لك

إقتباس الرسالة الأصلية كتبت بواسطة باسكن روبنز هلالي الشماسية << من زمان ودي اعرف الشماسية هذي ايش

باسكن كل الفتره ودك تعرفينه ولا سالتي وش اللي مخليك ماتسالين
ترى فيه موضوع اسأل والمقلس يقيب
المهم هذا الجوووواب ..

هلالي ---> لانه يشجع الهلال هذي واضحه قاضين منهابس الشماسيه ---> هذي المظله اللي تحط فوق الراس عن المطر
فهو يشبه الزعيم بالمظله بكسب البطولات والتتويج بالمنصات


اهنيك على اختيارك للأسم ماشاء الله عليك ياهلالي الشماسيه















مجرد مزززحه اللي فووق ..
الشماسيه هذي محافظه بالقصيم تبعد عن بريده تقريباً 35 كيلو والأخ الكريم منها ومن حبه له حط اسمه على محافظته ( هلالي الشماسيه )
اتمنى انه وصلت


اما المدرسيييييييييييييييييين احمدوا ربكم والله مرغدينكم اول مربوط حول الـ 8000
لي عوده لقراءة الموضوع كاملاً سطراً سطراً حرفاً حرفاً

السلام عليكم ورحمة الله وبركاته ,,,

هلا بك اخوي عبد الله
بصراحة موضوع رائع عن احباب الرحمن ..
تصدق ود الواحد يدرس ابتدائي لانهم على الفطرة ..
اما المتوسط والثانوي الله يكفيك شرهم انواع الدشارة واللكاعه

حقيقة مواقف جميلة استمتعت بها وببرائتها ..
شكرا ابو عابد ..
والله يوفقك الى كل خير ...

دمت برعاية الله ,,,

يعني سويتها ياعبدالله وتركتني وحدي مع صف أول !!.

بصراحة من ذاق حلاوة تدريس الصفوف الأولية .. ووصل إلى المنهجية المناسبة في التعامل مع الأطفال .. لايمكنه أن يبتعد عنهم طويلا .

لذلك أثق بعودتك أيها الجميل حتى مع تعنت نظام أعوج .!

كن بخير - إن شاء الله - .