أحبتي ، أبغاكم تفرفشون شوي مع هالمصطلحات النجدية ، آمل أنها تعجبكم



" مير "

اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك



" غديه "

وتعني : كوده !! ،، وفسر الماء بعد الجهد بالماء



" ومصع "

دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن



" ياهملالي "

...منتشرة عند النحوتين والنظولين ، مثال : مزنة : مادريتي نورة توظفت ؟ ،، حصة : ياهملالي عنده واسطة ،،، منقهررررة



" من تلالتنا"

من حمبنا



" واخزياه "

مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق "



" أويق "

هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مزنة : أبد ، أويق على اللي يفحطون



" أعبطه "

أعجنه واسويبه فطاير



" قوه "

كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضه



" حوّل "

وراكم طيرتوا عيونكم بي ، ترى منيب بالنجدة ، بس حوّل يعني : انزل



" شنق "

تعني : جهة



" هماه "

وتجي بمعنى " مب كذا - مو "



" نيم "

وتعني : نائم



" تهقى "

تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟



" بوه "

أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي



" يهوجس "

سرحان ، يفكر



ملاحظة : حصة ومزنة أبطال المشاهد التصويرية هنا

تحية طيبة للجميييييييع..

وشكر خاص لأخي أخر العنقود وبقية الأخوة والأخوات على هذا "الدكشنري" للمصطلحات النجدية..

وان سمحتم نضيف بعض المصطلحات الطائفية بما ان الدنيا صيف "والطائف أحلى"

عاني .....ناظر

أزريت....عجزت

جبا....تفضل

أعقب....أسكت

فالي....حظي

نطعة.....طعم

ونعود بعد الفاصل بحول الله..


جوى

شوي

عاين .....ناظر برضه كلمة شوف منتشره بكثرة

أزريت....عجزت فيه كلمة برضه مضحكه شوي يقولها تبع الشعب الاحمر وماجاوره

جبا.... تفضل او خذ يعني هيه بنفس المعنى !! المهم مو بعيد المعنى

أعقب....أسكت مو لكل اهل المنطقة بعض منهم برضه كلمة اص منتشره بكثرة

فالي....حظي وبرضه مو كل اهل المنطقة يقولوها

نطعة.....طعم هذي اول مرة اسمع بها

فيه صراحه كلام خصوصا من العامي وايضا من اهل القرى المجاورة للمدينة شيء عجيب

فيه برضه تبع كان اقوله وكان يقلي وهذولا كاَ ههههههه ماودي اطولها عليهم حقين القُتال بضمة

وخذو هلكلمة وفسروها لي

لكعنيِ - بكسرة