نظــرهــ سريعــه على احوااال سيسكا موسكوو ..




* الفريق الروسي يبحث عن اول فوز لــه على الاراضي الانجليزيٌه ..

* عندهم ذكريات حلوهــ .. تعادلوا مع استون فيلا في الفيلا باركـ العام 1-1 .. وتأهلو بــ مجموع المباراتين.

* الفريق لــه ثلاث نقاط في المجموعــه .. يحل في المركز الثالث خلف المان وفولفسبورغ.






* الجناح ماركــ غونزاليس-لاعب الليفر السابق- استبعد من القائمه بسبب الاصابه في الكاحل.

* سيكو اوليسيه سيغيب للاصابه في ركبته .. غويلهيرم بيغيب برضوو .


تصريح مدرٌبهم الجديد سلوتشكي

" فرصه جيٌدهـ لــ روئة الفريق يلعب مباراهــ صعبه ..
الفريق يملكــ لاعبين جيٌدين .. وبــ نهااجــم.. "

sky

بأذن الله الفوز مدريدي وان شاء الله يرجعون بالنقاط الثلاث


يعطيك العافيه

انتهت المبارياات

اليوفي فاز على الصهااينه بــ هدف ..

بوردو فاز على البايرن بــ هدفين..

ميلان والريال تعادلوا وامتعووونا ..

تشلسي تعادل مع اتلتيكو بهدفين

فولفسبورغ فاز على بشكتاش بــ 3

مرسيليا زلخ زيورخ بــ نص درزن

بورتو فاز على القبرصي بــ هدف


المان تعادل مع سسكا موسكو بــ 3

مبروووك للي فازواا

هارد لكــ للي خسرووا

يعطيكم العافيه جهد تشكرون عليه والصراحة الجوله لدوري الابطال افضل من الجولات السابقة

مبروك للمان
اييييوا كذا نبغى نطقطق عليهم "

نبي حماس شوي ونتاهل كذا متعتنا وفرحتنا ..

بس حارس سيسكا مجنون الصراحه..

الدفاع عليه علامة استفهام لكن مانلومه تقريبا اول مره يلعبون بجانب بعض

ابي اتكلم كثير

بس وراي دراسه حسبي الله عليكم

صح
حكم مباراة الميلن مكثر صح ؟

واهـ بس لو جت حقة انزاغي بس :p

بنزيما اعتقد مستواه حلو اليوم مع كاكا ومارسيلو مباراة ممتعهـ

وش سالفه اقويرو مع الزرق

اهداف حلوهـ والله يعيننا ع ديديه :S

مبروك عيال "

<~ ازين واحد ماوده يتكلم كثير

سي يآ

اليوم تأكدت ان لاعبين مانشستر لاشتهوا يلعبون .. وخّر عنهم .. الفريق ما بدأ يلعب وماشفت مانشستر اللي اعرفه الا بعد الـ 3-1 .. بعدها شفت فريق متوحش يهاجم من كل مكان وفعلاً طلعنا بتعادل ولو زاد الحكم دقيقة متأكد بنفوز .. بيجي احد يقولي الفريق يفكر بتشلسي اقوله صحيح بس لو الفريق هذا هو نفسه اللي راح يلعب الاحد .. اتوقع فليتشر و سار و روني وايفانز فقط هم اللي راح يلعبون الاحد

عموماً المباراة ممتعة لأي احد راح يتفرج عليها خصوصاً الشوط الثاني .. إثارة ومتعة وهجوم من كل مكان .. الفريق الروسي بطل بصراحة وعنده لاعبين صغار وممتازين ناقصهم فريق كويس يلقطهم .. ليت فيرغي يتقضى منهم كم واحد .. خصوصاً الجناح الاشقر كرازيتش هذا ابصم انه افضل من ناني 1000000000 مرة

عن إكنفيف حدث ولا حرج .. بصراحة الحارس هذا اعجوبة .. مباراة الذهاب ومباراة الاياب صد حوالي 7 اهداف محققة لو حارس غيره ما راح يسوي اللي سواه .. نقول خليفة ابو سار ؟ .. الرياكشن عنده عجييييييب


انا اكره ما علي يجي حكم مسوي قافط وهو من جنبها .. فيه لقطة بالدقيقة 50 بعد هدفهم الثالث على طول كورة داخل المنطقة فليتش يعدي المدافع ويواجه الحارس ويصكه المدافع على ساقه ويطيح فليتش اللي كان يمديه يسجل لولا الاعاقه .. ويجي الحكم بكل بروود ويعطي فليتش اصفر .. سلامااات يبو ؟! .. الفريق لازم يستأنف على الكرت اللي ماله داعي والحكم لازم ياخذ كف على اللي سواه

عموماً وضعنا سليم لحد الآن .. ما نهزمنا والرقم القياسي لازلنا محافظين عليه .. الجولة الجاية حنا وبكشتاش بالاولد .. وسسكا و فولفو بروسيا يتقابعون .. فوزنا وتعثر فولفو بأي نتيجه يضمن لنا الصدارة قبل الجولة الأخيرة

اقول ملاحظين اني معصب وحنا ضمنا التأهل ؟ صدق اني بجيح خخخخ




انت وفريقك شي جميل بصراحة الشغل اللي مسويه لوران بلان مع بوردو يستحق الاحترام و التقدير .. ثلاث مواسم مع بوردو اول موسم نافس على الصدارة وخسر بآخر الجولات .. الموسم الثاني جاب الدوري .. الموسم الثالث ماشي صح بالدوري وبالابطال تأهل قبل جولتين وترك العريقين اليوفي و البايرن يتنافسون على البطاقة الثانية .. لاحظوا كل هالاشياء بإنتقالات بسيطة جداً جداً .. يعني يجيب لاعب لاعبين فقط كل صيفيّة .. شي جميل بصراحة وانا مبسوط له قبل كل شي اهم شي إبعد عن تدريب منتخب فرنسا اللي اتوقعه راح يمسكه لو فشل دومنيك بالملحق .. بالمختصر لوران و بوردو نموذج مثالي للخطط العلمية المدروسة

مبروك للي فازوا وهاردلك للي تعادلوا وانهزموا .. نقدر نقول اليوم بننام مرتاحين دام القمه انتهت تعادل .. بس خلوا عنكم الحكم ظلم باتو بالهدف <--- يبي يشبها خخخخ

تصبحون على خير

^^

ابوحميد خل عنك بلان شف جوركوف وش مسوي معهم يالبى قليبه هالادمي


السلام عليكم ..

حبايب اجل .. اربع نقاط قدام الريال دفعة معنوية هائلة من وجهة نظري ..!

نقاط من المباراة :

# - المباراة جميلة جدا في شوطها الأول .. وهدت شوي الشوط الثاني ..

#- الحكم كان النقطة السوداء في المباراة ! كل الفريقين تضرروا منه .. وكانت له اخطاء مؤثرة جداً في المباراة !

# - رجل المباراة من وجهة نظري هو لاسانا ديارا .. الصراحة ابثرنا بثارة مب طبيعية وكل هجمة لنا اذا تعدته تراه خطيره .. بيما رجل المباراة من جانب الميلان هو الكابيتانو وهـ بس وتلوموني

# - باتو Vs أربيلوا ... كاكا Vs أمبروسيني

# - باتو نجم وربي .. لمسات ساحرة وسرعة خيالية .. الله يهنينا فيه ..

# - الرود .. يوم شفته يحمي جتني احساس مدري وشو بس توقعته ان كلمة الحسم برجليه !

#- من جانب الميلان جميع اللاعبين ادو اللي عليهم طوال وقت المباراة .. بينما في الريال شفنا هقواين الشوط الثاني مختلف عن الاول ..

# - بوريللو هاللاعب خاقن معه لي كم مباراة .. توقعت انه يبدا به اساسي على اداءه الفترة اللي راحت وفعلا بدا فيه .. والبيبو ماقصر دخل وحرك الهجوم شوي ..

# - مرسيليا يلزخ زيورخ ويلحق بفارق نقطة عن الاول والثاني .. بس باقي له مباراتين كل وحده اصعب من الثانية ..

لي عودة بإذن الله

هاردلك للميلان على التعادل

للمرة الثانية على التوالي يتم الغاء هدف صحيح للميلان على الريال .

هدف باتو صراحة خرافي بمعنى الكلمة الملعب انهز من الهدف بس الحكم كان لة راي ثاني .

فريق الشيبان يثبت انة رقم صعب في دوري الابطال .

هاردلك لمشجعين مدريد وميلن

المباراة بشوط واحد بس .. نص ساعه الريال يخوّف فيها مستواه كان ممتاز بس المشكله بالتهديف .. واتوقع هذي مشكله مدريد من بعد غياب "رونالدو" إلى الآن

الفريق بكل مبارياته يوصل للثلث الأخير من ملعب الخصم .. بس تمركز الـ 5 لاعبين في المقدمّه ماهو بالمطلوب

كم مره هيغوين يكون يمين وبنزيما يلعب ع القوس وكاكا يسار .. ماحسيت ان فيه مهاجم صريح .. المره الوحيده يمكن بالهدف كان بنزيما ماخذ مكان كويس وقدر يكملها .. وماتقدم بنزيما إلا عشان كاكا ضمّ للنص

الونسو غريييييب .. هذا حق ليفربول ؟ ولا بيليغريني حايس الدعوه بالنص ؟ المشكله اي كوره تطلع من رجل هاللاعب يكون منها هجمه خطيره ، وانت مقيّده ودافنه بالثلث الأخير

في المقابل امبروزيني ولاس .. قدموا مباراة لا يعلى عليها ابداً .. افضلية المباراة راح تكون بينهم .. بالنسبه لي افضّل لاس


الحكم كان تحفه صراحه ، سوالييييييييييييييييف ! مافيه اي خطأ كارثي .. بس فيه ترفيس بالنص مهوب طبيعي .. مدري وش وضعه

ميلان قدم مستوى بس بربع ساعه من وجهة نظري ولا احد ينبرش

بس

,,

بما إنه انتهت حبايب .. نقدر نقول الدوري الإسباني قوي نفس الأيطالي عشان الريال تعادل مع ميلان ؟



اخيراً سؤال لمشجعين الريال .. جرانيرو مصاب !؟