ابتدآ وقت المفارق وانتهى حلم السنين

وان حكينا ما حكينا ما يفيد أبنا الكلام

كان حلم وكان عشق وكان وصل وكان دين

كان يا ما كان كيف نكتب عن تفاسير الغرام

كان صاحب كان قلب وكان خشم وكان عين

كان يعني كل شيً وأصبح الواقع حطام

كنت عايش وسط قلبً ما كشف سرً دفين

كنت ضايع كنت تايه ما عرف درب السلام

لين بانت كيف كانت منهج القلب اللعين

انتهض فكري و أنا اللي لا نهض فكره علي بالحرام

لا هجره و أنساه وارحل دام لي ربً يعين

ما بقى له شي عندي من معزه واحترام

أسمه اللي لا لمحته خاطري عقبه يشين

يا الله أنك تمحي اسمه من ملفات الكرام

يشهد الله لا محيته خاطري عقبه يزين

إيه بالله يا عساها للمنيه والعدام

دام قلبي هي تخونه من بعد حينً لحين

كيف بسكت يا جماعه عن خيانات ام اللثام

زودتها تحسب إني غافل(ن) ماني ذهين

ضايعه يا بنت روحك صابها وضع انهدام

يوم تلعب من يسار ويوم تلعب من يمين

يوم زايد يوم يعني ناتج اللعبه حطام

واخساره كل لحظه عشت معها بالحنين

و المصيبة كل يوم(ن) تمتحني بالخصام

ليه ما رحل عن غرامك دام بانت بالجبين

من عرفتك والمحبة مابنت عندك خيام

طول ماني كنت طيب طول منتي تغدرين

كان قلبي هو لحالك ما حصل فيه انقسام

كان عندي شي غالي كان بالدنيا ثمين

كان همي كيف يسعد في حياته بالتمام

كان ودي يوم أشوفه لو دقايق لي يبين

كنت أسهر لجل عينه وكان همي له ينام

كنت صابر طول وقتي يادفى بردي تحين

أتعبتني هالليالي من ظلام(ن) في ظلام

واحسايف كان اكبر هم عندك في حياتك تجرحين

ما يهمك لو دموعي فوق خدي مثل همال الغمام

من قساوه في قليبك لا جرحتي تفرحين

تحسبين إن المحبة لا قسيتي لك طعام

ما رحمتي من يحبك لو قضى عمره حزين

كيف مدري بس هانت دمعتي يام الزمام

ودعيني واذكريني كان ودك تذكرين

وان نسيتي يعلم الله ما على مثلك ملام

ولا أنا راحل ولا لي رجعه بلحظه وحين

باتذكر كل طعنه من يمينك باهتمام

والله الله لا بغيتي غير خالد تعشقين

لا تظني كل عاشق يملك الطيبة وسام

كان عندك شخص والله ما يذل ولا يهين

طول عمره في حياته ما يعرف الانهزام

كان عنده عيب واحد طيبت القلب السجين

قد ماني كنت أحاول من يفك أبه اللحام

ما قدرت ولا لقيت ولا حصل لك تنتمين

وش بسوي بالقضيه دام ما فيها انسجام

مير يمكن لا قريتي حرف واحد بالمدامع تنثرين

و إنتي اللي قد بديتي بالمشاكل كل عام

انتهت كل الحكاية وانتهى حلم السنين

وابتعدنا كل أبونا والختام أحلى ختام


الشاعر
خالد النفيعي