ياجيريتس خلك مثل ابو شهاب وقل ( شكلين مابحكي ).. من بغى الدح ماقال أح
حيـــــــــاكم
ياجماعة ترى الاحتراف قبل لايكون ( وظيفه ) هو بالأساس ( فكر )
ومافيه حل وسط بين الاحتراف والعاطفه... خطّين غير متوازيين بكل تاكيد
خط الاحتراف بكل شفافيته... وخط العاطفه ( صب قهوة )
جيريتس قبل لايجينا كان له موقف احترافي صارم مع حاتم بن عرفه
كل شي كان ضد جيريتس
جمهور مرسيليا... اعلام مرسيليا... عشاق اللاعب
ولكن الرجال صارم وانضباطي وماتغيّر شي في قراره ضد اللاعب الى نهاية الموسم
والنهاية كانت سعيدة للكل... فاز مرسيليا بالبطولة... وفاز جيريتس بتطبيق النظام
والأهم من ذلك.. فاز حاتم بن عرفه بصياغة نفسه ( انضباطياً ) من جديد
لكن عندنا
الوضع للاسف ( صب قهوة )
ارجعوا لموضوعي اللي كتبته قبل بداية الموسم وقبل يبدا جيريتس بصناعة هلال المتعة
وفعلاً..
هذا هو نفس الوضع وعند اول مشكلة ( انضباطية ) وحنا توّنا في بداية المشوار
عضو شرف يتدخل و ( يتوسط ) للاعب غير منضبط... والادارة تقبل الواسطة
وكانك يابوزيد ماغزيت... وانت ياجيريتس ( بقريح ) انت وانضباطيتك
ما أمدانا نفرح كم يوم بهلال ( يملى العين ) الا ورجعنا للـ( مطرسة ) من جديد
سمو الامير عبدالرحمن قطع على نفسه عهد امام الجميع قبل بداية الموسم بدعم المدرب
وقال ان جيريتس هو صاحب الرأي الاول والاخير ولن نتدخل في عمله
ولكنه امام ( احراج ) فضائي مباشر يجد نفسه مرغماً على نقض العهد
لياتي جيريتس بفكره الاحترافي ويرفض تلك الوساطة
ليزيد احراج رئيس النادي اكثر واكثر... في موقف لايحسد عليه
رسالة من مشجع هلالي بسيط الى اعضاء شرف الزعيم
انا واحد من ابنائكم
أدين لكم بالفضل بعد الله لكل ماوصل له فريق القرن
انتم وقود الهلال... وروح الهلال... ورموز الهلال
وانتم أسعد الناس بما يتحقق لهذا الهلال من بطولات وقفزات باتجاه الاعلى
واجزم تماماً انكم تتراقصون طرباً وفرحاً بمايقدمه الزعيم هذه الايام من مستويات رائعة
ومن اجل ذلك... ومن اجل الهلال ولاشيء غيره
اناشدكم بقلب محب وصادق
ان تتركوا الادارة تعمل كما رسمت لنفسها... ثم حاسبوها في نهاية المشوار
.
.
.
الليله... بريده سوف تهتز بزلزال الكاسر الآسر
الليله بتشوفون ياسر ( غير ) 
وبتشوفون ابداعات غير من افضل لاعب آسيوي 
ياسر بإذن الله بيكون له اكثر من هدف... وبيكون عريس المباراة
مباراة الرائد ستشهد انفجار قنبلة موقوته على ساعة القناص
ياويلك ياخوجلي من ياسر... جاك الموت ياتارك الصلاة 
اقول هالكلام وكلي ثقة... تذكروا كلامي بعد المباراة
عشان نسميه مبدع ... طيب ويلي والشلهوب وش نسميهم 
الوضع العادي
