بسم الله الرحمن الرحيم والصلاة والسلام على نبينا محمد وعلى اله وصحبه وسلم اجمعين اما بعد:-

في البدايه احمد الله واشكره دائما وابدا (وان شكرتم لأزيدنكم) على قوة ترابط الاسره الهلاليه والي هي السمه المعروفه عن الهلاليين واحتفالية قناة الرياضيه السعوديه بلقب نادي القرن والي من خلالها جمعت اربع من رؤساء الهلال ونجوم الفريق وما لمسناه من الفه ومحبه وترابط شي يجعلني افتخر واحمد الله بأني جزء من هذا الكيان الكبير برجاله وأدارييه ولاعبيه وجماهيره.


والان ابدخل بموضوعي ..

في مباراة الهلال والفتح كان الهلال كاعادته بدرا وهو يسطر ابداعاته في ارضية الملعب من مستوى كبير واهداف كل هدف يقول الزود عندي وخصوصا هدف ويلي والي جاء بعد 21 تمريره حتى اصبحت تلك الاهداف ماركه اسيويه بأسم نادي الهلال والي خلاني اقول ماركه اسيويه لانه بصراحه مثل هاذي الاهداف مانشوفها الا من الفرق العالميه والهلال هو الفريق الوحيد في هاذي القاره الذي يسجل بطريقه الكبار في قاره هو كبيرها وسيدها

وبصراحه كنت محظوظ بحظوري المباراه في الملعب والي اذهلني بصراحه عشق جماهير الاحساء الي اقدم لهم كل شكر على مابدر منهم من حماس وتشجيع من بداية المباراه حتى نهايتها جمهور يشجع لايكل ولا يمل هذا هو المطلوب من جميع جماهير الهلال في جميع المناطق وكلهم فيهم الخير والبركه


في الفتره الاخيره اشوف غالبية المواضيع عن ان كل منطقه في المملكه تتحدى المنطقه الاخرى بالحظور الجماهيري من وجهة نظري اشوف كل المناطق بصراحه حظورها قوي جدا والتحدي الحقيقي بين الجماهير والي المفروض يصير مهو بعدد الحظور لانهم راح يكسبون الرهان كلهم لاكن يجب ان يكون بتفعيل هذا الحظور يعني بالحماس والتشجيع من بداية المباراه حتى نهايتها لانه بصراحه هذا مالمسته من جماهير الاحساء جمهور فوق الخيال حماس منقطع النظير.


اسف على الاطاله و اتمنى التوفيق للهلال وجماهيره وين ماراح والله يجعل افراحنا ماتوقف ... اللهم امين




هاذي صوره لنا في الملعب انا واعضاء روم الهلال نادي القرن بالبالتوك ...





من اليمين لليسار .... (بحر الهلال ) ..... (ووالشيخ القليب )......(وكريزي بيبسي )