اسعد الله مساكم ,,,


شنت الطائرات الافغانيه هجوم عنيف على المواقع الامريكيه .. موحدثتاً اضرار جسيمه ( اوووه .. ما عليه شطحت شوي .. حلمت اني مذيع في الجزيره )

والله من كثر ما نسمع عن قندهار وكابووول .. تأثرنا فيهم ... بعد ما كنت متأثر بالمحقق كونان في سبيس تووووون ..


عاد البارح قبل ما انام جاتني وحده من بنات افكاري وهم ياكثرهم وماني ناوي اتزوج ولا وحده منهم ... المهم جاتني اصغر وحده فيهم وصكتني بهذا الموضوع ؟؟؟؟

كالعاده اطمروا هالسطر وانتبهوا على ركبكم البيضه ..

-----------------------------------------------------------------

في يوم ما مثله من ايام السنه الهجريه ولا الميلاديه .. والله مدري ,,,

اجتمعوا اعضاء المنتدى العام في قاعة الاجتماعات ( البوفيه ) .. لطرح الافكار المشلاخيه واكبر نصبه ,,,

وبينما كان اعضاء المنتدى العام في اجتماعاتهم الذي يقام كل اسبوع ... والذي يتكون من :

البارق - بوسليمان - حبي تيماوي - بوالذهب - جاج - سليمان سمن - قلبي الزعيم - قم بس قم - الحكم - الفيروسه الزرقاء - الملكه - جلتنمان - شموخ - هلالي الجوف - بوالتماسيح ( اللي هو انا )..

وبعد حديث طويل .. وبكسات وطراقات ... قرر بوسليمان الذهاب الى افغانستان لمساعدة بن لادن !!!

ودار بينهم الحديث التالي :

بوسليمان : اقوووول ؟؟؟ احنا بنرووح افغانستان نجاهد معاهم في احد عنده اعتراض ؟؟؟

الاعضاء كلهم ساكتين يطالعون جاج ...

جاج : الله يهديك بس يا بوسليمان حبيب البي .. مو بهذي السرعه عااااد ..

ويقطع كلامه بوسليمان !!!

بوسليمان : يلا يلا جهزوا نفسكم ... انا عطيت الرجال كلمه لا تفشلوووونا !!! ( قصده بن لادن )

ويعترض البارق ..!!!

البارق : انت اشفيك ؟؟ ... انتحاري ؟؟؟ ... روح بروحك مو معانا ؟؟؟

بوسليمان : بس اسكت .. اصمت !!! ... بتجي غصبن عنك !!!

البارق : لا حول ولا قوة الا بالله ..

المهم وبحكم علاقتنا المميزه مع الاستاذ ( زكي زكريا ) والملاكم الشهير ( الفس بريسلي )

طلبنا من الخطوط السعوديه طياره نجربها قبل ما نركبها ..( ايييه بعد تبغونا ناكل شيء ما نعرفه ) ..

فوالله الاستاذ زكي , والفس ما قصروا وقبل الرحله بيوم عطونا الطياره نجربها وطلعنا الثمامه

وخذت انا فيها دوره , وعطيت كل الاعضاء دورة مياه ...

اما بالنسبه لي صراحه اكتشفت ان الطياره شييييء .. اطلق من البيجو حقي ...

يا ناس جاني شعور غريب وأنا اسوق الطياره مثل الشعور اللي يجيني اول ما ادخل الحمام ....!!!

عاد يوم طلع الليل ( حلوه طلع الليل ) ...

رجعنا الطياره للمطار وراحوووا الاعضاء لسوق الخضره عشان يشترون ملابس ,

عاد انا ما رحت معهم لان الملابس اللي في سوق الخضره ما تناسب ذوقي ,

يعني لو انهم رايحين يشترون ملابس من سوق الغنم كان رحت معهم

لكن للاسف ما راحوا ... ففضلت ان ابقى في الحمام على ان اذهب معهم ,,,


وفي الصباح الباكر وعلى زقزقة العصافير ( اييه افلقني قال زقزقة العصافير قال ) .. انطلقنا الى المطار بالباص حق ( عارف الهلال ) ..

والله ياهووو باص تصدقووون الشيء الحلو اللي فيه ... هووو اذا حطه في الريس ( R ) تطلع لنا اغنية دندني دندني ... لبسكال مشعلاني

والمهم ركبنا الطياره ... وبعد الوصول الى افغانستان كان في مقدمة المستقبلين مستر بن لادن ..( على قولة بوووش )

قم بس قم : هلاااا والله ؟؟؟ .. هلا شخبارك ؟؟ ( يكلم بن لادن )

بن لادن : وعليكم السلام ورحمة الله وبركاته يا اخي .. ( ما فهم كلامه )

ويتدخل بوالذهب : فشلتنا ؟؟ ... شنوو شخبارك ؟؟ ... واحد من الربع هووو ؟؟؟ .. اقووول سا محنا يا طويل العمر ..( اشدعوه .. وش حاكم )

بن لادن : ومن انت ؟؟؟ ... من تكون ؟؟؟ ..( يقاله سامع نبيل شعيل )

بوالذهب : أنا ... أنا بوالذهب الي شرا السمكه وفتحها وما لقى الخاتم ؟؟!! <<<< والله من التنسيم الي في راسه

بوسليمان : مستر بن لادن أنا مستعد اساعدك .. يلاااا عطني الرشاشات والبنادق والصواريخ ... أما الشباب تصرف فيهم , تبيهم يطبخون لك ولا يغسلون ثيابك كيفك يعني ..( الشباب ساكتين كأنه عاجبهم )

ويتدخل هلالي الجوف : لا والله ما نخليكم ؟؟؟ ... انا من امامكم والبحر من خلفي ( قام يخربط الرجال )

سليمان سمن يرد عليه : اقول يابوجويف بسك فلفسه .. قصدي فلسفه ؟؟

قلبي الزعيم : بس انت وياه ؟؟

بن لادن : اسكتوا جميعاً من فضلكم .. يجب ان نستعد للغارات ..؟؟؟

حبي تيماوي : ولييييييييييييييي بعد غارات .. الله يسترررررررررررر .

وبعد ما تجهز الفريق خرجوا الى ساحة القتال كالتالي :

بوسليمان : رابط راسه مثل بن لادن .. تقول حاط حنه ( لا هم ) .. ولابس بنجابي ...

جاج : لابس وزار مقلم باصفر وازرق .. وطاقيه ام جنيه وحاط خنجر في خصره ...

بوالذهب : لابس سروال وزارة المعارف وفانيله علاقي امقطعه ونعال زنوبه ...

قم بس قم : متلحف بكنبل ( بطانيه ) .. ويشرب حليب السعوديه

قلبي الزعيم : لابس ثوب وعمامه سودانيه فوق راسه عشان يخبي الردار ...

شموخ : لابس لبس المنتخب السعودي وجوتي رياضه .. تقول سامي الجابر ...

البارق : لابس شورت وتي شرت وشايل مسجل .. يسمع انغام ( سيدي وصالك )..

حبي تيماوي : لابس شورت برتقالي مع فانيله بنيه علاقي .. ومسوي بشعره سبايكي

هلالي الجوف : رافع طرف ثوبه وعاضه بسنونه .. وشايل نعوله تحت اباطه

سليمان سمن : لابس بنطلون الجيش وفانيلة حفر سوده وشايل طلقات الرشاش على كتفه .. ( تقول عادل امام )

الفيروسه الزرقاء : لابسه بنطلون جلد اصفر وتي شيرت عليه صورة تويتي

الملكه : لابسه فستان عروس ابيض مع طرحه بنفسجيه وجزمه خضراء ,,

جلتنمان : لابس بنطلون جينز مع فانيله عليها صورة شاكيرا ..

الحكم : طبعاً لابس بدلة التحكيم السوده .. مع الصفيره وطول الرحله وهو قاعد يصفر ..

بوالتماسيح (( جايب دفتر وقلم عشان يكتب الأحداث أول بأول )).


ويتحدث القائد بن لادن ( وشكله فاقد الامل ) : السلام عليكم ورحمة الله اخواني المسلمين ... ستكون الخطه ان نضرب الطائرات الامريكيه من مواقع بعيده عن قواعدنا العسكريه ...

ويتفلسف شموخ : ليييييييش ؟؟ .. اجل وش فايدة القواعد هذي ؟؟؟

ويرد عليه جلتنمان : اشفيك انت هذا تمويه ..( يعننه فاهم ;) )

الفيروسه : يعني نضرب ولا لا ؟؟ ( مستعجله البنت تحسبها هاريسه )

الملكه : يا ربيييي على ذكائكم الرجال قصده نضرب القواعد نفسها ؟؟؟ ..<<<< عفست ام الخطه

بن لادن سأقسمكم بالتساوي :

الفريق الاول ..( بوسليمان - جاج )

الفريق الثاني ..( جلتنمان - قم بس قم )

الفريق الثالث ..( الفيروسه الزرقاء - الملكه )

الفريق الرابع ..( شموخ - الحكم )

الفريق الخامس ..( سليمان سمن - قلبي الزعيم )

الفريق السادس ..( حبي تيماوي - هلالي الجوف )

الفريق السابع ..( البارق - بوالذهب )


جاج يقول في نفسه ... الله يسترررررررررررررر

بوسليمان يطالع في جاج ويقول في نفسه ( شكله بيوهقني ) ...

بن لادن : اراكم بعد الحرب ..؟؟؟

وهذا حال كل فريق بعد الحرب ......

الفريق الاول ..( بوسليمان - جاج ) : رجعوا الى مقر بن لادن وبوسليمان شايل جاج مغمى عليه لانه طاح من فوق جبل ؟؟؟

الفريق الثاني ..( جلتنمان - قم بس قم ) : جلتنمان ماسك عصا مووو قادر يمشي وعينه زرقه ... وقم بس قم ما قام يسمع من قوة صوت الغارات ؟؟؟

الفريق الثالث ..( الفيروسه الزرقاء - الملكه ) : سافروا على أول طياره للسعوديه عشان الفيروسه عازمه الملكه على السينما .. ؟؟؟

الفريق الرابع ..( شموخ - الحكم ) : طقوا طياره .. وطلعت في الآخر حقت الافغان ؟؟؟

الفريق الخامس ..( سليمان سمن - قلبي الزعيم ) : ضاعوا في جبال افغانستان ؟؟؟

الفريق السادس ..( حبي تيماوي - هلالي الجوف ) : رجعوا يضحكون ومستانسين ..( الظاهر عجبهم الوضع ) ؟؟؟

الفريق السابع ..( البارق - بوالذهب ) : انطقوا طق ..؟؟؟ ... عشان مشغلين انغام ( سيدي وصالك ) ؟؟؟

( بوالتماسيح ) : قرر يأخذ استراحه في كهف بن لادن ..


وفي الآخر رجعهم بن لادن وقال : اقسم بالله .. لم ارى مصرقعين مثلكم ياااا اعضاء شبكة الزعيم ؟؟؟؟



وسلامتكم ,,


انشاءلله تعجبكم ,,


تحيات قائدكم المبجل ابوالتماسيح ,,


دمتم ظهراً ,,


تشا111ووو