السلام عليكم ورحمة الله وبركاته ..
اول شي مبروك فوز الزعيم على الأهلي وبصراحه كنت طامع بأكثر من هالنتيجه وزيادة الفارق والتفوق بشكل اكبر بس وش نسوي بالكوره ..

الى القلوب العاتبه والحزينه اهديها ابياتي الخفيفه المتواضعه بعنوان ( ملت الارواح ) متمنيا بأن تكون بلسما وعزاء للقلوب المكسوره




تستفزيني وتطرين الفراق ..
وتحسبيني من فراقك بنكوي !

لاتظني البعد عنك مايطاق ..
قلبي لوتدرين وضعه مستوي

ملغي بقاموس حبي (اشتياق)..
من جروح الوصل يكفي مرتوي

وش يفيد الوصل من دون اتفاق..
وصفحة الايام تطوينا طوي ؟

ملت الأرواح من وضع الطلاق ..
في دروب الصمت كلن منزوي !

كنت اجامل لين ضيقتي الخناق ..
وصار طبعي الصد هاوي ومهتوي

يوم عيدي يوم اطلقت الوثاق ..
عايش بدنياي لو مالي خوي


صادق شعور
29-8-2009
8-9-1430

محبكم / محمد العتيبي ( صادق شعور)

للجميع محبتي وتقديري

سلمت يمناك ويعطيك العافيه

الله يعافيك اخوي اخوي ابن المروج