^^^^^^^^^
بس عندهم مدربين فاشلين وخصوصا فياريال

^ ^ ^


الأتلتيكو دفاعه سيئ سيئ سيئ ... لو أجلس أقولها الى محاضرة الظهر !



بالله شف هدف بندياني الثاني هذي وقفة مدافعين ؟! الفريق يعاني بشكل كبير بالخط الدفاعي كل الأهداف بسبب دفاع سيئ بدرجة كبيرة جدا ً !


مدربهم ماوقف مثل الصنم بعد أحد الأهداف ماأذكر أي واحد بالظبط جابوا الصورة عليه كانت تعابير وجهه تقول وش هالمدافعين !



***


أكبر مفاجأة بالليقا هالموسم واللي صدمت كل متابعين الليقا : فياريال بالمركز الأخير !!! من سبع مباريات 3 نقاط ماسجل الا 5 أهداف وقبل 10 !!!!

هالفريق هو اللي فعلا ً تسأل وش اللي جالس يصير فيه ؟! عناصر مميزة بكل المراكز ومع ذلك بعد 7 جولات الفريق بوضعية غريبة جداً ، متذيل الترتيب لوحده بـ 3 نقاط فقط !!!

شيئ محير ولايمكن تفسيره اللي يصير للفيا !






***



بالمقابل فيه فرق جالسه تسوي انطلاقة صاروخية الديبور ومايوركا بادين الموسم بشكل مميز ومحتلين مراكز متقدمة بالجدول ، الديبور الرابع ومايوركا الخامس !


اسبانيول جالسين يقدمون هالموسم أداء أفظل من الموسم الماضي بكثير ، بوتشينو بوجهة نظري مدرب مميز وبدت تظهر بصماته على الفريق !


حتى سبورتينغ خيخون عنده 11 نقطة والمركز السابع وهذا شي مميز ، وتعتبر انطلاقة أكثر من رائعة لهالفريق الصغير !

اعتقد هالفريق مشكلته الاصابات اكثر .. بدأ الموسم وهو عنده اصابات عديده .. خصوصا القائد ماركوس سينا .. وهاالشي فرق معاهم كثير ..



هالفريق .. من زمان .. دفاعهم .. منتهي ..

لكن اعتقد هالفتره مشكلتهم الثقه بالنفس اكثر .. الفريق فاقد هويته وحظه سئ برضو ..

إقتباس لكن اعتقد هالفتره مشكلتهم الثقه بالنفس اكثر .. الفريق فاقد هويته وحظه سئ برضو ..

ومن المتسبب يا حسين في فقدان الهوية

ابي اجابة مفصلة ....

إقتباس ماطلعوا من هالهاجس ابد الفيا .. نفسياً الفريييق دماار

اوما هاجس .. مو خروج مدرب هذا .. الا يقرا كلمتك يقول .. طالع ليهم جني

خلاص مايهمك يافيصل .. السبب خروج بيليغريني .. بسسسسسسسسسسسسسسسسسسس

اوكي بيليغريني معاهم من زمان ومن هالكلام .. لكن هالشي مايمنع انه الفريق تأثر بعوامل ثانيه ..

وليه الاصابات ما تأثر .. على راسهم ريشه ؟ .. الحين لو انتو مثلا غاب منكم رونالدو .. قلتو لا حرام ومادري ايش .. لأنه لاعب له قيمته .. الحين فياريال هالمساكين .. مااحط لهم عذر الاصابات ؟

هم وش عندهم اصلا في الاحتياط ؟ .. قوته اكثر في الفريق الاساسي .. الاحتياط متفاوته قوته مع تفاوت المراكز .. ومااعتقد من الناحيه الدفاعيه في الوسط والدفاع عنده احتياط قوي ..

الفريق يلعب على بطولتين .. معاهم مدرب جديد .. داخل على بيئه جديده ..

كلها عوامل مهمه .. تأثر على الفريق .. لكن اعتقد وبشكل كبير ماركوس سينا يفرق مع الغواصات بشكل كبير .. حتى مع ايام بيليغريني ..

===

سليمو ..

ماعندي شرح بالتفصيل ممل عن اتلتكو مدريد .. انا متابع من بعيد للنادي ..

لكن انا بحسب علمي .. اتلتكو مدريد عندهم مشاكل اداريه كثيره هالسنه .. واظن سيريزو كان بيستقيل او شئ كذا ..

ريسينو .. جت له غيابات مهمه واصابات في فتره حرجه .. وتزامنت مع خسارة الفريق لمباريات عديده ..

المدرب مهدد بالاقاله بحسب كلام الصحف ..

حظهم زفت صراحه .. يهجمو ويسوو شغل بس مايجيبو اهداف ..

كل هالاجواء .. احسها شكلت ضغط على ريسينو .. وممكن ماعرف يعمل حاجز بين الا يصير في النادي وبين اجواء فريقه .. وبالتالي نشوف فيه نتائج غريبه عديده نسبة لقدرات الفريق الكامنه ..

صحيح انه فيه اخطاء فنيه وتكتيكيه .. منظومة الفريق الدفاعيه يوم زين وعشره ايام شينه .. لكن برضو المناخ العام موصحي في النادي ..

إقتباس يعني النكتة انه باع افضل مدافع عنده بالصيف ..

ماعتقد هيتينغا كان احسن مدافع عندهم .. هيتينغا كان في اياكس زين وفيه كلام زين عنه وكذا .. لكن من وصل اتلتكو مدريد مااشوفه سوى شئ ايجابي .. ممكن الفريق بشكل عام ماساعده .. لكن برضو هو كانت له اخطاء فرديه عديده ..

اذا طلع هيتينقا .. فـ اتلتكو استقبل واحد احسن منه اعتقد .. هو خوانيتو ..

الفريق كأسماء بطل , لكن مدري وش قصتهم !!
حتى المدربين الادارة ما قصرت وفرت لهم أفضل المدربين
انا الى الحين ماني مستوعب كيف الذئب الابيض بيانكي فشل معهم ؟!!!
الفريق ذا فيه شىء موب طبيعي , بس عقلي الصغير يقولي
يمكن يكون فريق مسحور , ولا هيبة الريال مهيمنه عليه
خل يشوفولهم مدينه ثانيه يهاجرون لها يمكن يفلحون
حالهم ما يسر بالمره يا شيخ حتى مباراة الموسم بالنسبة لهم (ضد البرسا)
فقدو السيطرة عليها و صارو يلقمون بالجملة

عبود

إقتباس حسين ما عليش بس وش هالاصابات اغلبها لاعبين غير مؤثرين !

مثلا يعني .. لما لعبو ضد برشلونه .. خوانيتو اظن ماكان موجود للاصابه .. ولعب بابلو الضعيف .. واللي كان اظن صار له فتره بعيد عن جو اللعب ..

واسينخو كان مع منتخب اسبانيا حق الصغار

قارسيا اظن مصاب من فتره

مشكلتهم وحده .. أنعدام الثقه ..!!!
فريق يدخل المبارة و هو جالس يفكر شلون بيفوز .. أو بكم بيخسر ..!!
يعني روح ما فيه .. هنا المشكله
بلجريني رحيله أثر أيه .. لاكن الفريق ما حاول ينسى بلجريني .. اللاعبين أنفسهم ما قدرو يطلعو من صدمة رحيل الكوتش بلجريني ..!!!
و مدرب زلابه .. ما عرف يعطي لاعبينه ثقه .. ولا عندك هالمجموعه و الأخير





وضعهم حووووووووسه .. !!!
و ربي تحتار .. كل هالأسماء و نتايجه بالأرض
بس خلهم على هالحال و أردى الا الديربي بعدين يصحصحون أن شاء الله


~~

شفت الاقوال الاجت على فياريال قبل شوي ..

قول جابوه على روحهم من ركنيه ..

وقول فيه خطأ نسبي من دييقو لوبيز .. اللي لو سواه فالديز .. كان شفنا انواع الذب عليه ..

الفريق يمر بفترة سيئه .. حظ مافيه وضغط كبير على الفريق .. نشوف وش نهايتها ..

حسين .. افهمني .. انا الي اقصده .. انه ممكن يكون هالعذر " الاصابات " قدام الريال .. البرسا .. فالنسيا .. لكن قدام خيريز وتقول اصابات !؟ .. يااخي فياريال بدون سيينا .. فاز علينا الموسم الي راح !! .. انا ماقلت خروج بيلي هو السبب انا قلت اشياء نفسيه باللاعبين .. وقلت يحتاج مدرب قوي شخصية .. ويعمل على هالناحية " النفسية " .. ويرجع للفريق شخصية الفوز . ركز ياخالي ..


لي رجعة , ..

إقتباس الرسالة الأصلية كتبت بواسطة PUYOL Carles .. نشوف وش نهايتها ..

نهايتها هبوط يا بعدي

فريق يلعب بدون روح .. وش منتظرين منه
داخل المبارة و هو مجهز نفسه أنه بيخسر .. تتوقعون يفوز


والله أني منقهر على حالة فياريال

هو نفسه الفريق الي أخذ الثاني قبل موسمين


~~