السلام عليكم ورحمة الله وبركاتة

صباح الخير على الجميع وحي هالصباح على كل الطلاب والطالبات حبيبات قلبي

شلون اول اسبوع معاكم باقي يومين بس احس الوضع متوتر زيادة عن اللزوم..

الله يحمي الجميع

خلوني ادخل في موضوعي<<تحس في احد ماسكها

في الاونة الاخير لاحظت اقبال الفتيات وبشكل ملحوظ على الماركات وخصوصا الشنط
يعني عندنا بالجامعه تلاقي الوحدة تجمع لها مكافئة كم شهر وتروح وتطق لها ذيك الشنطة اللي عليها الكلام
وتجلس تكرف فيها في 4 سنوات ليه وش اللي حادك
عشان مايصيرون احسن مني
وطايحين في قاعدة اشتري شنطة غاليه تجلس معاي طول السنه خير ان شاء الله الوحدة تطفش
حلو التغير


..


في يوم من الايام كنت مع الوالد اشوف برنامج على الجزيرة او ام بي سي نسيت بضبط وين
وكانوا يتكلمون على الجينز وشلون الناس ماتقدر تستغني عنه لانه عملي وخرابيطه

المهم من ضمن البرنامج جابو جزء عن الجنوز بس ماركات يعني جينز ماركة مثل ربرتو كفالي او ارماني
ان الماركات صارت تحط اسعار جنونيه عشان اسم الماركة
بيني وبينكم ابوي عصب تذكر مجاعة افريقيا قال ناس ماتلقى تاكل وناس تشتري جينز 10 الاف

قال التجار هم اللي لاعبين في الاقتصاد يعني ليه كل هذا؟
عموما في ناس تلبس ولا همها بس في ناس تبي تلبس مثلهم بس مش عارفة شلون
تخيلوا اعرف ناس والله انهم متسلفين عشان يشترون لبنتهم شنطة قيمتها 5000 الاف هو نهبلتم

الحمد الله على العقل

هل فعلا صار عندنا هوس ماركات ؟؟

صحيح شباب لازم تشاركونا فيه فئه منكم تحب تلبس ماركات وتايد هذا الشي

موضوع ماادري وش يبي بس الطفش له دوره