السلام عليكم ورحمة الله وبركاته

وشخباركم عساك طيبين مع بداية الدراسة

أول شيء هذا أول موضوع لي بالمجلس العام وان شاء الله ينال على رضاكم

نجي لموضوعنا

اليوم وبعد ما جيت من المدرسة تغديت ورحت أتصفح جريدتنا الغراء (( الجزيرة ))

شد انتباهي خبرين
لدرجة إني كل ما شفت أحد اسأله ..

يقول موضوع الخبر

في بداية (متوجسة) للموسم
قاعات الدراسة تتحدى (الخنازير)




الخبر الثاني

إقتباس نسبة الغياب في مدارس البنات تجاوزت 50% استعدادات مكثفة لاستقبال الطلبة والطالبات في أجواء صحية آمنة

ما أدري استغفال لعقولنا أو وش السالفة ؟

اللي راح منكم للمدرسة - مدرسة حكومية - اليوم وقبله
يقولنا

هو شاف مثل اللي بالصورة وإلا لا


أنا بقولكم اللي شفته

فصلنا 7×6
وعدد الطلاب 32 طالب

لدرجة إن اللي بجني إذا تثاوب وإلا عطس - الله لا يوريكم بس

وعن المعقمات وإلا الكمامات
هذي أشياء نسمع بهن ونقراهن بالجرايد
ولا نشوفهن

ومثل ما قلت لكم حبايبي

اللي شاف بالأجواء الصحية والآمنة يقولنا


تحياتي لكم

الصوره للشبآب , والخبر الثآني عن البنآت
الشبآب معروفين بأجتهآدهم , أما البنآت الله يخلف بس !! , وغير كذآ خوآفآت
أمآ المعقمآت , كل وآحد يروح ومعه كمآم ومعقم , ولا أقول مايحتآج وشو له الوسوسه
غير كذآ لاتصدق أي شي يكتب في الجرآيد لأن أخبآر الجرآيد , مثل بيض الصعو نسمع به ولا نشوفه
,
بس تبي الجـد , يوم السبت طلعت من الكليه وخذت فره على مدآرس سدير كلهآ
مالقيت أحد يآخوي , مدري أنا متأخر ولا ماأحد دآوم !!
< معقب الأخ

مستر حمص
لاهنت .

والله يا اخوي انا بالكلية وبادين لنا اسبوع ،، ولا شفنا شيء من هاللي يقولون ،،

او يمكن لأن احنا الجامعيين المرض ما يقرب مننا ،، عجبي

انا مدرستي الحكومية مجهزة تجهيزات قوية جداً

حاطين كل اللي كتبوه

لكن نقلت لأهليه أنا ومافيها اي تجهيزات

تسلم اخوي صادق

احمد ربك حنا صفنا فوق الخمسين

الخبـر صـدق بـس تسـليك !

يـعني حاطيـن مـقعمات وصـوابين ! والله الـصوابين نصـها مويه ! والمعقمات ريحتها خيـاس

يـاهم لاعـبين عـلينا بس الله يخـلف

حيآك الله ..

من ناحية التجهيزات المدرسيه ماعندي خبر

بس عندنا فالجامعه فكل جدار وعند كل سيب موفرين المعقم بـــس !!

اغلبهم فاظين وحده من ثنتين يا البنات يستخدمونه بكثره

والمفروض يزيدون الكميه ,.

او انه منظر و شكل وهذا ما اتوقع

والله يكفينا شر الامراض ,, ويشفي كل مريض

والله راح اتكلم من ناحيتي بالكلية عندنا يوجد معقمات مثل اللي بالصورة

اومااا من ناحية مدارس البنات هالايام لاطلعت بامر اخوياي امر على مدرستين للبنات اشك اني عايش بعالم اخر الساعة 7 وربع والمدرسة جوها مثل جو العطل ماتشوف الا الفراش حقهم حاط الدلة بالشارع وقاعدن يسولف مع خويه والباب مفتوح

إقتباس بس تبي الجـد , يوم السبت طلعت من الكليه وخذت فره على مدآرس سدير كلهآ مالقيت أحد يآخوي , مدري أنا متأخر ولا ماأحد دآوم !!

أخاف إنك رايح لمدرسة ابتدائية
تراهم ما بعد داوموا

إقتباس احمد ربك حنا صفنا فوق الخمسين

من شاف مصيبة غيره .. هانت عليه مصيبته

إقتباس الخبـر صـدق بـس تسـليك ! يـعني حاطيـن مـقعمات وصـوابين ! والله الـصوابين نصـها مويه ! والمعقمات ريحتها خيـاس

خل ريحيته تصير وش
أهم شي الوقاية


كل الشكر لكل من شرف الموضوع

اي ولله حتى انا انغبن لا قالوا معقمات و كممات و مدري وش

ما شفنا منهن شي ؟؟؟

حتى ماعطونا دروس بس يجي مدرس يتفلسف و يطلع !

مدري ليه نجي و نعرض انفسنا للخطر

إقتباس زلفونيا.. هكذا رأيتها!!

انت بالزلفي

المهم

اذا انت بالزلفي لاتخاف المرض توه ماوصل

لحد الحين مافيه الا حالتين بس


ولله الحمد


ع العموم اهم شي الوقاية يابعدي

يعني اروح الزلفي بس وارتاح تهقون

إقتباس الرسالة الأصلية كتبت بواسطة GOLDEN BOoOy يعني اروح الزلفي بس وارتاح تهقون

خخخخخخخخخخ

رح رح والله معك