المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات الرياضية > منتدى الرياضة العربية و العالمية > المواضيع المتميزة
   

إغلاق الموضوع
   
 
LinkBack أدوات الموضوع طريقة عرض الموضوع
  #46  
قديم 13/10/2009, 01:41 AM
الصورة الرمزية الخاصة بـ أسيــ الزعيم ــر
مشرف سابق في منتدى الرياضة العربية والعالمية
تاريخ التسجيل: 06/09/2003
مشاركات: 14,481


السلام عليكم

أبوحمد هيا قسم انك ثروة

ما شاءالله تبارك الله موضوع مميز فعلاً و شخصت فيه حالة ميلان مع بيرلسكوني بشكل رائع و سلس لا يُتعب القارئ و لا يصيبه بالملل منه أبداً بس لو انك حاط اسئلة نقاشية بس

شف منيب ضليع في الميلان .. عرفت أشياء كثير عن طريق هالموضوع

لكن اللي واضح للجميع ان المشكلة في ميلان هي مشكلة إدارية بحتة و متمثلة بشكل شبه كامل في برلسكوني .. بدايتها كانت بالتفريط بشيفشنكو و لو ان البعض يراه مناسب نظراً لمستويات شيفا بعد الميلان لكن هذا لا يشفع أبداً للتفريط بنجم له مكانة خاصة في ميلان

بعدها انفرطت السبحة بكاكا ثم أنشيلوتي .. الا صحيح ما تهقى ان تشيلسي هو اللي ضعفكم يوم خذا افضل اثنين عندكم << جوك يبو

طيب ابوحمد بسأل سؤال .. اللحين ما تشوف ان ميركاتو ميلان جيد لكن المشكلة هي في أداء اللاعبين أنفسهم و بحدد لك مجموعة بسيطة كمثال [ فلاميني - هونتيلار - جيلا - بوريللو ] بالاضافة الى هذولي فيه تدعيمات جيدة مثل المدافع الامريكي اللي بنظري انه يملك امكانيات أكثر من جيدة .. إضافة إلى تياجو سيلفا !

بعد فيه سالفة أحياناً اسمعها من الميلانية و منك انت تحديداً يا ابوحمد عن عيال بيرلسكوني و انهم يحاولون يأثرون عليه بترك ميلان .. وضحت لي النقطة لكن ان كان بك حيل توضحها مرة ثانية لاني ناوي اكرفك لا صحيح يبيلها توضيح حتى لعموم الشعب






الله يعطيك العافية يا ابوحمد امتعتنا

  #47  
قديم 13/10/2009, 02:02 AM
الصورة الرمزية الخاصة بـ hilalemooot
مشرف منتدى الرياضة العربية والعالمية
تاريخ التسجيل: 07/09/2003
المكان: جــــ الجــوفـ ــــوفـ
مشاركات: 20,208
السلام عليكم

يعطيك العافية عبدالملك .. ولا يهون عزوز .. بصراحة موضوع خطير .. سرد مميز وتنسيق بطل وتسلسل جميل يخليك تستمتع وانت تقرأ الموضوع وماتحس بالملل .. ياخي احرجتنا شكلنا بندخله بالافضليات

الموضوع يطول الحديث فيه .. انا ما عندي اي شك ان بيرلسكوني من البداية كان يخطط للي وصل له .. واتوقع عرف كيف يلعبها صح لما دخل السياسة من باب الرياضه .. هو يعرف ان ايطاليا تعشق شي اسمه كورة .. ودخل هالمجال عشان يوصل سياسياً وهالشي نجح فيه باقتدار

طبعا الاحداث اللي تصير مؤخراً ممكن تكون ملل .. وممكن المشاكل السياسية اللي يمر فيها مؤخراً خلته ما يهتم كثير بالفريق وهالشي انعكس سلباً على ميلان ككل .. اشوف ميلان حالياً من جد تحس انه فريق عايش على مجهودات فردية بحته .. ميلان جالس يلعب باسمه بس .. فريق مفكك يعاني كثير مع اصغر الفرق .. هالموسم راح يكون سيء جداً لو ما تحركت الادارة

شخصياً اشوف بيرلسكوني يقدر يرجع يكسب ثقه المشجع الميلاني لو تحرك بالميركاتو الشتوي وعزز الفريق .. وهالشي راح يرجع مكاته السياسية ولا استبعد يكون تفكيره كذا لان المنصب يهمه بشكل كبير

شكراً لكم على الطرح الخرافي
  #48  
قديم 13/10/2009, 11:57 AM
الصورة الرمزية الخاصة بـ أبوحمد _ Mi
عضو استشاري بمنتدى الرياضة العالمية
مشرف سابق بمنتدى الرياضه العربيه والعالميه
تاريخ التسجيل: 24/03/2005
المكان: نجد 
مشاركات: 4,116


عوافي شباب

الشكر لكل من مر من هنا سواءً رد .. أم اكتفى بالمشاهدة


لوفر سامي

إقتباس
و الغريب ان كل لاعب ينتقل من الميلان يكون السبب ان اللاعب هو من يريد هذا..!




وهذا اللي خلانا نقول انه ثعلب .. اللي ابوصل بسرد قصة بيع شيفا هو هالنقطة .. انه يبي يبيع اللاعب وبنفس الوقت يخلي الذنب على اللاعب نفسه .. يعني يطلع منها .. وهالشي اللي كنت اقصده يوم قلت ان كاكا استفاد من قضية شيفا .. لان كاكا كان يصرح انه يبي ميلان الين طلع ووضح للعالم ان بيرلسكوني هو اللي يبي يبيعه .. علشان كذا طرطع من هالسالفة وصرح ان كاكا مايرد على مكالماتنا وانه متغير ويوم شاف العالم مب مصدقة قال ما عندنا دراهم



زعلوه


إقتباس

يالقفكم لقفاه ابو حمد ذبحك البطريق




اول شي ولكم باك .. وطالعن من الشر ان شالله

الشي الثاني .. مدري وش تقصد بالبطريق ؟؟ بس اتوقع انك تقصد حق الدانة .. ترا حنا بالدانة اللي بالفحص مب حقت الثمامة




هلالي من ميلادي


إقتباس
وبالنسبة للصفقات الخمس نجوم التي تتكلم عنها
اتوقع اخوي عبداللمك انك تقصد رونالدينيو وبيكهام



حيالله علي منورنا يالذيب

بالنسبة للصفقات .. ايه اقصد هذي لكن بالنسبة لي ما شفت اي بصمة لهم بصراحة .. فالفريق قبل مجيئهم كان افضل من وجهة نظري .. وهالشي واضح حتى في الانتاجية .. فالميلان لم يقدم شيء يذكر في البطولة الاوروبية الاضعف ! كاس الاتحاد اقصد .. عموما تبقى وجهات نظر .. ولازلت انتظرك تجينا ترا ناقصنا واحد ونكمل اربعه


عصير الزعيم
إقتباس

طيب ابوحمد بسأل سؤال .. اللحين ما تشوف ان ميركاتو ميلان جيد لكن المشكلة هي في أداء اللاعبين أنفسهم و بحدد لك مجموعة بسيطة كمثال [ فلاميني - هونتيلار - جيلا - بوريللو ] بالاضافة الى هذولي فيه تدعيمات جيدة مثل المدافع الامريكي اللي بنظري انه يملك امكانيات أكثر من جيدة .. إضافة إلى تياجو سيلفا !




لا ما اشوف كذا .. عبدالله انت تتكلم عن مريكاتو خمس سنين مافيه الا ذا اللاعبين اللي جازو لك ؟

من ناحية جيلا .. ان اشوف ان عدم تاقلمه جاي من سببين ..

اولا قد يكون اللاعب نفسه مب لاعب فرق كبيرة ..
وثانيا قد تكون طريقة لعب الميلان بمهاجم وحيد أو مهاجمين كلهم راس حربة صريح (السوبر بيبو وجيلا ) .. لا تناسب جيلا .. وهو مب خطأ من الادارة من وجهة نظري ..

لكن البقية .. مع احترامي لمحبي فلاميني .. ترا هالادمي اربع او خمس سنوات مع الارسنال كلها احتياط الا اخر موسم يوم صار غابري صانع لعب وتوهق ماعنده محاور .. أضف الى ذلك انه ابدع في مباراة امام ميلان المتهالك .. وجاز لربعك خصوصاً انه بلاش جاينا ..

بالنسبة لبوريللو هذا سالفته نكته الصراجة .. هاللاعب ميلاني من زمان .. وما نجح او ما اثبت وجوده .. واعاروه لـ اسكولي همن انتقل للسامب وما صلح لهم همن اعاروه لتريفيزو ورجعوه ميلان للمرة الثانية بعد ماقدم مستوى حليو مع تريفيزو .. ويوم رجع ماقدم اي شي يذكر الا الظاهر هدف واحد على سيينا بالكاس الظاهر .. واعاروه اعاره مع نصف بطاقة اللاعب لجنوى .. وقدم مستوى قد يكون جيد في نظر البعض ورجعوه مرة ثالثة عن طريق شراء نصف البطاقة اللي باعوها يعني صفقة أضرت بالميلان اكثر من ما نفعت .. وتدل بصراحة على ان الادارة تبحث عن اسكات الجمهور بالصفقات الاعلامية ..

هونتيلار .. انا اقول لك تفاءلت بجيته .. لكن معليش مب هو الصفقة اللي ترضيك بعد بيعة كاكا .. ومع ذلك هذاوه ما سوى شي ابد ..


بالنسبة لعيال بيرلسكوني .. اللي كنت اقول لك وكتبته قبل لأبو ثامر إنهم أبخل منه عايلة حضارم وانهم يقولون له اقتصد وخل النادي يقوم بنفسه .. طيب كيف يقوم بنفسه وايرادات النادي بمخابيكم يا عيال الكلب << خروج عن النص

هم في نفس الوقت مشجعين للنادي .. وأحد اولاده بغى يمسك النادي يوم استلم بيرلسكوني الاب رئاسة الوزراء مرة ثانية .. لكن الاب رفض وقال خلك بشركتك وخل قالياني لمهمة الصعبة


يعطيكم العافية جميعاً


  #49  
قديم 13/10/2009, 12:40 PM
الصورة الرمزية الخاصة بـ F-C-Barca
زعيــم مميــز
تاريخ التسجيل: 29/12/2008
المكان: .
مشاركات: 2,759
السلام عليكم ورحمة الله وبركاته

مشكور ابو احمد على الموضوع الرائع
وصرراحه برلسكوني الموسم هذا مضيع الميلان
وماصرنا مثل اول نشوف ميلان تهابه فرق اوروبا
وكان دائما يناافس على التشاامب اما الحين كآس اليورو
الموسم المااضي برضو طلع منه
  #50  
قديم 13/10/2009, 12:46 PM
زعيــم مميــز
تاريخ التسجيل: 28/04/2008
المكان: إذكــر الله
مشاركات: 2,669
إقتباس
هونتيلار .. انا اقول لك تفاءلت بجيته .. لكن معليش مب هو الصفقة اللي ترضيك بعد بيعة كاكا .. ومع ذلك هذاوه ما سوى شي ابد ..

ابو حمد اعذرني على الانبراشة الثانية

بس النقطة هذي تكلم عنها الكثير وشككوا في موهبة هونتيلار
وانا اقول للي يقلل من امكانيات هونتيلار ماعنده سالفة

هونتيلار من نوع اللاعبين اللي مايبدعون الا اذا كان وراه مهاجم ثاني + اطراف سريعين
وهذا الشيء شفناه وعشناه مع اياكس وهولندا ..مع اياكس هونتيلار كان وراه سواريز
والاطراف اللي معه روميدال وبابل قبل لايتم بيعهم وكان سجل هونتيلار خيالي حيث ينهي كل
موسم متعدي الـ 25 هدف في جميع البطولات
وايضا مع هولندا هونتيلار في التصفيات الاوروبيه لكاس العالم شفنا الصياد يسجل
في اغلب المباريات اللي يلعبها ليه لان معه روبين وفان بيريسي وشنايدر
وهذا الشيء غايب في الميلان ..يعني قبل لاتاحسبون هونتيلار شوفوا المسببات اللي ادت
إلى عدم تسجيله للاهداف .. يعني تخيل يابو حمد ان هونتيلار يسجل ووراه امبروسيني وقاتوزو
وبيرلو ولا روني المتهالك بصراحة ولا سيدروف اللي ماتجي الدقيقة 60 الا وهو يلهث

اذا بيستمر الوضع كذا اتمنى هونتيلار يرجع لـ اياكس ويسجل ويمتع كما عهدناه

سامحني ابو حمد على الخروج عن النص لاكن والله منغبن من حال ذا اللاعب اللي مايسر
  #51  
قديم 13/10/2009, 01:10 PM
الصورة الرمزية الخاصة بـ فيلسوف
زعيــم مميــز
تاريخ التسجيل: 25/09/2005
المكان: بلاد الحرمين
مشاركات: 7,147
^^

هو يتكلم عن هونتيلار واداءه مع الميلان ما يقصد التقليل منه

مثل لما اجي اتكلم عن شيفا في بداياته مع تشيلسي وأصفه بالسيء

لك


نروح لحفيظ ابو حمد

كيف حالك ان شاء الله بخير

ممممم اتفق معك تماماً في سالفة بيرلسكوني ,,

لكن عندي استفسار ,,

مدري هل ذكر في تصريحاته وين راحت 100 مليون حقت التشامبيونز

ومدري كم مليون حقت كاس العالم !

مو معقولة الميلان من عقب 2007 وهو متراكمه عليه الديون ,

زيادة على كذا صفقة كاكا وين راحت دراهمها ؟


عوافي ابوحمد




.
.
  #52  
قديم 13/10/2009, 02:26 PM
زعيــم نشيــط
تاريخ التسجيل: 21/12/2008
المكان: في قلب الهلال
مشاركات: 616
نتمنى التوفيق للميلان وعوده سعيده ان شاء الله
  #53  
قديم 13/10/2009, 07:10 PM
زعيــم مميــز
تاريخ التسجيل: 14/06/2006
المكان: روم الهلال بالبالتوك
مشاركات: 3,926
إقتباس
الرسالة الأصلية كتبت بواسطة أبوحمد _ Mi






هلالي من ميلادي



حيالله علي منورنا يالذيب

بالنسبة للصفقات .. ايه اقصد هذي لكن بالنسبة لي ما شفت اي بصمة لهم بصراحة .. فالفريق قبل مجيئهم كان افضل من وجهة نظري .. وهالشي واضح حتى في الانتاجية .. فالميلان لم يقدم شيء يذكر في البطولة الاوروبية الاضعف ! كاس الاتحاد اقصد .. عموما تبقى وجهات نظر .. ولازلت انتظرك تجينا ترا ناقصنا واحد ونكمل اربعه




هلا بك اكثر
ياخي ما الومكم تبون يسون كل شي , لكون الاسماء التي اتت لها
ثقلها العالمي , بس انا بتكلم فقط الان عن رونالدينيو ومايفعله المدرب
ليوناردو في الجولات الماضية من الكالتشيو , واسلوبه المخيف من
ناحية اخفاء رونالدينيو وجعله على دكة الاحتياط
شفنا رونالدينيو الموسم الماضي عندما حقق اكثر من 10 اهداف
على مستوى الدوري وكاس الاتحاد الاوروبي , ما اقول ان رونالدينيو
في مقة مستواهـ الي معروف عنهـ عندما كان في البرشا
بس لازال لديهـ من الابداع مايجعله اساسي ويكون لهـ ثقلهـ على
مستوى المنتصف الميلاني
امام البيسك ايضا لايقل شاءن عن رونالدينيو العام وضع لهـ بصمة ليس
بيكهام كما عهدنها ولاكن شي احسن من شي
انا متفهم اخوي عبدالملك ان الشباب هم الداعم الاول للفريق
ولاكن انا الان اتكلم على الموجود لدينا وسياسة برلكسوني في بيع
نجوم النادي امثال كاكا وشي الي متوفر للميلان
وهالصفقات افضل من لاشي , امثال صفقة هونتلار الي مدري وش
يبون فيه؟

وابشر قريبا باذن الله بنزوركـ ونلعب سواء بلوت
ولاعدمناك
  #54  
قديم 14/10/2009, 03:06 PM
الصورة الرمزية الخاصة بـ سمو الآرسنال
أرسنالي مميز
تاريخ التسجيل: 21/03/2006
مشاركات: 2,856
تسجيل إعجاب بموضوعك الرائع

بصراحه أستمتعت بقراءته بالإضافه لردود الأعضاء

مافيه شي أقدر أقوله بعد كل هذا

في الأخير

حال الميلان لايرضي متابعي كرة القدم فما بالك بمحبيه

أبو حمد ولايهون المصمم
  #55  
قديم 08/11/2009, 05:36 AM
زعيــم نشيــط
تاريخ التسجيل: 17/03/2008
المكان: ..!
مشاركات: 701
مشكووووووووووووووووووووووووووور
  #56  
قديم 10/11/2009, 11:56 PM
الصورة الرمزية الخاصة بـ هـ بحت ـلالي
زعيــم مميــز
تاريخ التسجيل: 23/10/2005
المكان: حـائـل
مشاركات: 28,050
كلامك لا يقبل المزايدة عليه

الله يعطيك العافيه

ولي عوده
  #57  
قديم 15/11/2009, 01:58 AM
الصورة الرمزية الخاصة بـ Super Hilali
زعيــم مميــز
تاريخ التسجيل: 02/03/2009
المكان: الجموم . صبة حمد ، خط الشبكة ، الجبل الصغير ، القرن ، مسجد الحاره ، الريع
مشاركات: 1,744
ميلان في قولبنا <<< بينجلد




شكراً لك ياباشا على الموضوع
  #58  
قديم 18/11/2009, 02:29 AM
زعيــم مميــز
تاريخ التسجيل: 25/09/2009
المكان: تـــايــه مــن حـــبـــك يــا زعـــيــم
مشاركات: 2,588
صراحه بيرلسكونى له ايادي بيضاء مع الميلانيلو

ولكن في السنوات الاخيره جاب واطيها

يعني تبيع افضل مهاجم باوربا يومها تشيفا

ولا تاتي بمن هو في مستواه

وتبيع اللاعب المبدع كاكا

وينتهي الصيف ولا لاعب له قيمته

ولا لاعب بالميلان يستحق ارتداء شعار الميلان

بخلاف بيرلو وجاتوزو ونيستا وباتو

مشكور على الموضوع الذي اتوقع

بل اجزم انك كتبته والقلب ملى بالحزن على نادي احببته

وعلى نادي كبير يهوى الى السقوط
   

إغلاق الموضوع


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:41 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube