كلامك واقعي ولازيادة عليه أبداً ... وأنا أعتقد أنه خلاص انتهى زمن بيرلسكوني لاسيما انه في الوقت الحالي قام أبنائه بالتدخل بشؤون النادي ومنع جالياني من القيام ببعض الأعمال ..<< من زين أعماله بعد يمنعونهن <<
الله يخلف على كل مشجع ميلاني لإن الميلان يحتاج لترمييييم من جد وجديد وهذا يبيله واحد زي بيريز وأكيد صعب يجي واحد مثل فلورنتينو بيريز
يعطيك العافية موضوع شامل وما بقيت لنا شي يستحق الإضافة لكن ما يمنع نعلق على بعض النقاط
أعتقد إن أهم أسباب سوء الميلان حاليا هو عدم التجديد بالفريق في آخر 4 سنوات تقريبا رغم إن الفريق حقق إيرادات عالية بعد فوزه بدوري الأبطال
لكن للأسف ما شفنا لاعبين يخدمون الفريق فعليا والأسوء من كذا إن الفريق جلب لاعبين منتهين فنيا ( روني - شيفا - ايمرسون )
حتى لو اشترى النادي مالك آخر فالنادي يحتاج على الأقل لسنتين + مدرب فاهم , عشان يرجع الفريق لواجهة إيطاليا وأوربا
المشكلة المالية للميلان على افتراض انها حاصلة فعلا فهي مب عذر كافي للميركاتو الفاشل بالسنوات الأخيرة الفريق بإمكانه يجلب أكثر من لاعب مميز بأسعار ممتازة
وأقرب مثال الإيطالي روسينا انتقل لنادي روسي بـ 6.4 مليون ومتأكد لو إنتقل للميلان بيضيف كثير للفريق
شوفوا تعامل البرشا مع بطولاته الخمس المتتالية وتعامل ميلان مع شامبيونز 2007 وبتعرفون الفرق , برشلونة يبحث عن تجديد فريقه ويدور على بديل لهنري ( روبينيو ) رغم إن عنده مواهب ممتازة
والميلان يكتفي بلاعبيه الشيبان على أساس إنهم أبطال أوربا وما فيه أحد أحسن منهم !!
شخصيا أتمنى بيع النادي لأن بيرلسكوني ما راح يقدم أكثر مما قدمه
بس وضعه الحين قاهرني .. ولا أدري متى برلسكوني بيصحصح و يتذكر أن عنده نادي أسمه ميلان ..؟؟!!
الي مستغرب منه .. بحث ميلان عن أي لاعب كبير .. يعني النادي يقدر يشتري لاعب صغير بـ 20 مليون مثلاً لاكن لا ..!! يروح يشتري لاعب شايب .. بـ 10 مليون ..!! ولا يجي نص مستوى أي لاعب شاب طيب هذا بيخدمك سنه سنتين .. و هذاك بيخدمك أقل شي 5 سنوات
سياسة ما قل سعره و كبر عمره مدري مى بيتركها رئيس وزراء أيطاليا
عوافي أبو حمد .. ولا يهون الغالي القاطالوني F.C.Blugrana
ابو حمد .. كيف حالك طيب
مبطين عنك ..
بالنسبة لبرلسكوني .. انا اشوفه أنه أدمى جلد الميلان .. يعني لا هو قدر يديره بشكل مقبول .. ولا هو اللي باع النادي ..
بيني وبينك يا ابو حمد .. كنت افرح لما اشوف الميلان بهالحالة واقول من هالحال واردى .. لكن الحال اللي الحين ما يقبل به لا عدو ولا صديق ..
الميلان صار يلعب مع اندية الوسط ويحرص ع التعادل .. ثقافة الفوز وعدم تقبل الخسارة انمسحت تماما من لاعبي الميلان ..
فضائح هالخبل صارت ماليه الدنيا .. سياسيه ورياضية وجنسيه ..
المشكلة انه مهوب ناقص فلوس .. لكن هو حمار مع احترامي لفصيلة الحمير ..
اعيد وارجع واقول .. دهاء برلسكوني بيوديه في داهية .. بعد قرار الغاء الحصانه اللى عليه ممكن تتوقع اي شي ..
ما راح اتكلم عن البوق غالياني .. لكن استغرب من شخصية مثله عايشت الميركاتو سنين وسنين .. ما يقدر يضبط له فريق ..
بس جيد انه يقول نحن نمر في ازمة ..
والله سلفيو بكبره ازمه على الرياضة ..
عضو استشاري بمنتدى الرياضة العالمية مشرف سابق بمنتدى الرياضه العربيه والعالميه
تاريخ التسجيل: 24/03/2005
المكان: نجد
مشاركات: 4,116
السلام عليكم
الله يعطيكم العافية جميعاً
فالدانو
إقتباس
اذا الكلام هذا صحيح وأن برليسكوني يريد جني فوائد اخرى
من النادي غير البطولات فـ هذي مشكلة بحد ذاتها وتتفرع منها مشاكل اخرى اولها عدم اعطاء النادي اي اهتمام من الناحية الفنية وايضا عدم الاهتمام بـ مستقبل النادي والادهى من كذا انه اذا جاء احد خلفاً لـ برلسكوني بتكون الامور عليه معقدة ولازم يبني كل شي من اول وجديد ..لان بيرلسكوني الان يهدم كل مابناه
هذه هي الحالة اللي يعيشها الميلان حالياً للأسف , وهذا هو الواقع المرير اللي بدت تطلع مقدماته .. لاهنت يالغلا ..
هلالي ثنياني قلوب من هنا الين مقهى النورس
إقتباس
ولكن يبقى بيرلسكوني ومافعله سابقا (واسطة) له عندي
خالد يا خلفهم ما دهورنا وضيعنا الا هالقضية
لو بيرلسكوني بكرا يطلع ويقول بنلعب بفريق البريميفيرا في الكالشيو كان قالوا الجماهير انت الصح وحنا الغلط
والسبب هو الاشياء اللي سواهن قبل , وخلت الميلانيستا يقدسونه من زود الحب
كلنا نذكر ان اغلب الميلانيين كانوا يسبون ويلعنون في انشيلوتي وصرت كل ما اشوف شجره في الشارع اتذكر انشيلوتي والسب الي يجيه ..
احمد ربك انك قلت اغلب لانك لو قلت كل الجمهور الميلاني كان انبرشت عليك انبراشة تصل الى حد الايقاف اسبوع وثلاثت ايام .. يالغالي متنا وحنا نقول كارليتو ماله دخل كارليتو مظلوم كارليتو واجهة وشماعة بس مهنا احدن مقتنع بهالكلام .. حتى اني اذكر تناقشت مع ثلاث ارباع اعضاء الرابطة على هالشي في وقت سابق
خله على ربك بس !
إقتباس
لكن هل خروج بيرلسكوني بيكون مصيره مصير خروج انشيلوتي ؟!
هل صحيح ان بيرلسكوني اكتفى من الميلان ؟!
هل صحيح ان بيرلسكوني صار اخر اهتماماته الميلان ؟!
هل بيرلسكوني اخذ من الميلان اكثر مما عطى ؟!
هل بيرلسكوني يكره ان الميلان يأخذ بطوله كبيره تسجل في سجل بيرلسكوني الذهبي { القديم } ؟
هل بـ الفعل بيرلسكوني تغيّر او بـ الاحرى { نظامه قديم } وماقدر يواكب التغيرات الحاصله في ادارات كره القدم ؟!
هل الدعوه في بيرلسكوني نفسه أو في طريقه عمل الاداره كـ كل !! من ناحيه { تفكير , تنفيذ , وعقليه اداريه ناجحه } ؟!
بصراحة تساؤلات بعضهن مب لم بعض
بالنسبة للتساؤل الاول فهو مستحيل .. لان كارليتو طلع بموافقة الطرفين .. بس بيرلسكوني ما اتوقع يتنازل عن النادي الا وهو مجبر على هالشي .. والله اعلم .
بالنسبة لسؤال هل اخذ اكثر من ما اعطى .. اقول لا وهالشي من وجهة نظري الخاصة .. فالرجل قدم للميلان الشي الكثير .. وانقذه من وضع صعب بالحيل ووصله الى افضل المراتب الاوروبية .. وتخاذله في السنوات الاخيرة تفداه .. بس حنا مانبيه الين توصل الى حد انه ياخذ اكثر من ما يعطي ولا تصل لحد اننا نجحد انجازاته مقارنة بسلبياته على الفريق .. ودنا نقول ماقصرت كفيت ووفيت بس لا تزودها وتفلها في النادي زود
بالنسبة لبقية التساؤلات واضح انها عن كيفية تعامل بيرلسكوني مع ميلان حاليا .. وهالشي انا وضحته في الموضوع ولا مانع اني اوضحه بطريقة اخرى :
بيرلسكوني يالغلا اشترى النادي وكان طموحه انه يوصل بالنادي لمراتب عليا ولا مانع من الاستثمار في النادي بحيث يحصل على المال وفي نفس الوقت يرفع من شان النادي ومكانته .. لكن هالهدف تغير بعد ما زاد طمع الرجل في السياسة بحيث جعل الهدف من النادي ليس بناء النادي بل استغلال الجماهيرية والشعبية لانصار النادي في مصالح التصويت والترشيح وغيرها ..
مثال بسيط : يعني لو انت جالس تجمع فلوس علشان تشتري سيارة خاصة لاجل مشاويرك الخاصة وفعلا جا الوقت اللي جمعت فيه الفلوس كاملة وشريتها واستمتعت فيها .. بعد كم سنة تبي تستخدم نفس السيارة لجمع اموال ثانية لشراء بيت او سيارة ثانية او عرس هنا اقول لك اختلفت نظرتك للسيارة حقتك من انها لمشاويرك الخاصة الى انها وسيلة لجمع اموال لشيء اخر .. << داري المثال شاطح بعيد بس لا تشره مبطي ما كتبت كذا
اي كيو ارقام
اخبارك يا شنب ,, واخبار عزوز
والله من جد مبطينن عنكم بالحيل لا مريت الشرقية دق بس تكفى
إقتباس
المشكلة انه مهوب ناقص فلوس .. لكن هو حمار مع احترامي لفصيلة الحمير ..
أبو حمد يعافيك ربّي على الموضوع
الموضوع جداً جميل ، بالنسبة لـ برلسكوني ! أعتقد إن الخنبقة اللي يسويها
حالياً للتشبع دور كبير فيها .. برلسكوني صار له حول الـ 20 سنة وهو
على رأس هرم ميلان ، وحقّق اللي يبيه من مجال الرّياضة .. الحلّ هو
بيع الميلان ، برلسكوني أفضل رئيس على مرّ تاريخ الميلان صحيح !
لكن السؤال وش اللي ممكن يقدّمه برلسكوني غير اللي قدمه .. ؟! أعتقد
الإجابة ولا شيء ..
استمتعت حقيقة بقرائة الموضوع ، أبو حمد لا تحرمنا جمال قلمك
وشكراً على المجاملة ، واللي سويته جداً بسيط ولا يستحقّ الذّكر
يغيب ويغيب ويغيب ويجي بقنبلة الموسم ,, ما توقعت كل ذا يطلع منك يبوحمد ,, لبـّا قلبك تفاصيل وكلام وافي وكافي ,,
بالنسبة لبرلسكوني ,, ما أتوقع أن فيه أي ميلاني ينكر جهود السابقة وصناعة المجد سواءً له أو للفريق في الثمانينات ,,
سيلفيو كان يقدم عمل ممتاز في بداياته أوروبياً ومحلياً ,, لكن بدون فلسفة أبتكلم عن الألفية الجديدة للميلان وبرلسكوني
من عـام 2005 كان له تبريرات وحجج كثيرة ,, بعد الكالتشيو بولي أعتقد أنه عذر تقبله الجمهور مع المستويات وقتها
وبعدها الفوز بدوري الأبطال بطريقة غير متوقعة ووقتها الميلان ما كان مشرح قوي ,, ومن بعد مرحلة 2007 أبعطيك " الزبدة "
سبب ضعف ونزول المستوى أولاً عدم التجديد في عناصر الفريق لمدة 4 سنوات ,, أعتقد أنها مدة كبيرة جداً !!
حتى مع التعاقدات برلسكوني " البخيل " وجالياني " التابع له " يدورون على الأرخص وتكفى نقص مليون
عشق برلسكوني وجالياني الاعب المجاني أو الرخيص ,, كيف تبي تبني فريق ناجح وأنت هذا تفكيرك ؟!
إذا عندك الأساس مشاكله سياسية وإقتصادية وتلاعبات " على غير سنع " تتوقع فريقك بيكون ناجح ؟!
الاعب اللي كان ينفخونه وهو اللي بيخلف كاكا " سربوت " كبير وسهر قبل المباراة بليلة !!
لكن وش يقولون اللي شافع له حتى الآن عمله السابق وشغله بالفريق ..
عموماً الحل الوحيد إما بتغيير العقلية أو بيع النادي لشخص واعي ويدفع ويحب النادي
احمد ربك انك قلت اغلب لانك لو قلت كل الجمهور الميلاني كان انبرشت عليك انبراشة تصل الى حد الايقاف اسبوع وثلاثت ايام ..
آسف ., وماعاد اني راد على موضوع من مواضيعك ..
ع العموم انا اعرف ان كل كلامي ماهو لم بعض لأن الموضوع واضح ان بيرلسكوني داجن هآآج ..
ورفيزه الاقرع بقرتن مثله ..
عبدالملك , ارحب توماتيكـ الى مالا نهاية لبى قلبك على هالموضوع الرائع
برلسكوني حكاية عندما قال ان ميلانو عرفت بالموضة والازياء وقال ايضا سوف يجعل العالم يعرف ان ميلانو فيها نادي يشار اليه بالبنان وهو ميلان سيد اندية العالم وبالفعل فعل ذالك ولاكن في السنتين الاخيرتين بداء يتلاشا كل شي حققهـ بل برلسكوني وسياسته الاخيرهـ وهي بيع النجوم وطمعه الاكبر بالمال , اصبح يفكر في بيع النادي بعد مافعلهـ وبعد ان باع عقد النجم كاكا وايضا الغاء عقد كارلو انشلوتي اجابيات برلسكوني تطغى على سلبياتهـ , ولاكن نخشى ان تكون السلبيات في الايام القادمة هي الذكر الوحيد لهـ وبالنسبة للصفقات الخمس نجوم التي تتكلم عنها اتوقع اخوي عبداللمك انك تقصد رونالدينيو وبيكهام انا اشوف انهم ليسو بس صفقات اعلامية بل كان لهم الاثر في وضع بصمة خاصة لهم , اما برلسكوني الان اصبحت سياسته واضحه وهو عدم الاهتمام بالكيان الميلاني وايضا اللامبالاهـ للجمهور الميلاني نتمنى ان ينصلح حال الميلان وان يحدث تغيرات جذرية وخاصه في المدري ليوناردو , ثم سوف يائتي الخير تباعا للميلان , وتعود الهيبه الاوروبية والسيادة في الكالتشيو
اخوي عبدالملك لاعدمتكـ يالغالي على هالموضوع الاكثر من رائع في فكرتهـ وطرحهـ وسلاسة افكارهـ الله لايحرمنا من ابداعكـ
![][ عذراً أيها الثعلب .. فـ لم أعد أثق بكـ !! ][](iconimages/t822274_rtl.gif)
...!!
..!! ولا يجي نص مستوى أي لاعب شاب 
F.C.Blugrana 
كارليتو مظلوم كارليتو واجهة وشماعة بس مهنا احدن مقتنع بهالكلام .. حتى اني اذكر تناقشت مع ثلاث ارباع اعضاء الرابطة على هالشي في وقت سابق 
..
, ارحب توماتيكـ الى مالا نهاية 
الوضع المتطور
