ابو حمد .. كيف حالك طيب
مبطين عنك ..
بالنسبة لبرلسكوني .. انا اشوفه أنه أدمى جلد الميلان .. يعني لا هو قدر يديره بشكل مقبول .. ولا هو اللي باع النادي ..
بيني وبينك يا ابو حمد .. كنت افرح لما اشوف الميلان بهالحالة واقول من هالحال واردى .. لكن الحال اللي الحين ما يقبل به لا عدو ولا صديق ..
الميلان صار يلعب مع اندية الوسط ويحرص ع التعادل .. ثقافة الفوز وعدم تقبل الخسارة انمسحت تماما من لاعبي الميلان ..
فضائح هالخبل صارت ماليه الدنيا .. سياسيه ورياضية وجنسيه ..
المشكلة انه مهوب ناقص فلوس .. لكن هو حمار مع احترامي لفصيلة الحمير ..
اعيد وارجع واقول .. دهاء برلسكوني بيوديه في داهية .. بعد قرار الغاء الحصانه اللى عليه ممكن تتوقع اي شي ..
ما راح اتكلم عن البوق غالياني .. لكن استغرب من شخصية مثله عايشت الميركاتو سنين وسنين .. ما يقدر يضبط له فريق ..
بس جيد انه يقول نحن نمر في ازمة ..
والله سلفيو بكبره ازمه على الرياضة ..

مشكلة الميلن معروفه ، اداريه بحته
الميلانيه العام لجونا وحطوا كل الخلل براس انشيلوتي
والحين انشيلوتي ماشي صح بالبلوز ، والميلن محلك سر
مشكور على موضوعك ، فكره جديده وحلوه

السلام عليكم

الله يعطيكم العافية جميعاً


فالدانو

إقتباس اذا الكلام هذا صحيح وأن برليسكوني يريد جني فوائد اخرى من النادي غير البطولات فـ هذي مشكلة بحد ذاتها وتتفرع منها مشاكل اخرى اولها عدم اعطاء النادي اي اهتمام من الناحية الفنية وايضا عدم الاهتمام بـ مستقبل النادي والادهى من كذا انه اذا جاء احد خلفاً لـ برلسكوني بتكون الامور عليه معقدة ولازم يبني كل شي من اول وجديد ..لان بيرلسكوني الان يهدم كل مابناه

هذه هي الحالة اللي يعيشها الميلان حالياً للأسف , وهذا هو الواقع المرير اللي بدت تطلع مقدماته .. لاهنت يالغلا ..



هلالي ثنياني قلوب من هنا الين مقهى النورس

إقتباس ولكن يبقى بيرلسكوني ومافعله سابقا (واسطة) له عندي

خالد يا خلفهم ما دهورنا وضيعنا الا هالقضية

لو بيرلسكوني بكرا يطلع ويقول بنلعب بفريق البريميفيرا في الكالشيو كان قالوا الجماهير انت الصح وحنا الغلط

والسبب هو الاشياء اللي سواهن قبل , وخلت الميلانيستا يقدسونه من زود الحب

يلله واسطة واسطة مادامه ناشبن بحلوقنا غصبن علينا اصلاً


خالد 88

إقتباس كلنا نذكر ان اغلب الميلانيين كانوا يسبون ويلعنون في انشيلوتي وصرت كل ما اشوف شجره في الشارع اتذكر انشيلوتي والسب الي يجيه ..

احمد ربك انك قلت اغلب لانك لو قلت كل الجمهور الميلاني كان انبرشت عليك انبراشة تصل الى حد الايقاف اسبوع وثلاثت ايام .. يالغالي متنا وحنا نقول كارليتو ماله دخل كارليتو مظلوم كارليتو واجهة وشماعة بس مهنا احدن مقتنع بهالكلام .. حتى اني اذكر تناقشت مع ثلاث ارباع اعضاء الرابطة على هالشي في وقت سابق

خله على ربك بس !

إقتباس لكن هل خروج بيرلسكوني بيكون مصيره مصير خروج انشيلوتي ؟! هل صحيح ان بيرلسكوني اكتفى من الميلان ؟! هل صحيح ان بيرلسكوني صار اخر اهتماماته الميلان ؟! هل بيرلسكوني اخذ من الميلان اكثر مما عطى ؟! هل بيرلسكوني يكره ان الميلان يأخذ بطوله كبيره تسجل في سجل بيرلسكوني الذهبي { القديم } ؟ هل بـ الفعل بيرلسكوني تغيّر او بـ الاحرى { نظامه قديم } وماقدر يواكب التغيرات الحاصله في ادارات كره القدم ؟! هل الدعوه في بيرلسكوني نفسه أو في طريقه عمل الاداره كـ كل !! من ناحيه { تفكير , تنفيذ , وعقليه اداريه ناجحه } ؟!

بصراحة تساؤلات بعضهن مب لم بعض

بالنسبة للتساؤل الاول فهو مستحيل .. لان كارليتو طلع بموافقة الطرفين .. بس بيرلسكوني ما اتوقع يتنازل عن النادي الا وهو مجبر على هالشي .. والله اعلم .

بالنسبة لسؤال هل اخذ اكثر من ما اعطى .. اقول لا وهالشي من وجهة نظري الخاصة .. فالرجل قدم للميلان الشي الكثير .. وانقذه من وضع صعب بالحيل ووصله الى افضل المراتب الاوروبية .. وتخاذله في السنوات الاخيرة تفداه .. بس حنا مانبيه الين توصل الى حد انه ياخذ اكثر من ما يعطي ولا تصل لحد اننا نجحد انجازاته مقارنة بسلبياته على الفريق .. ودنا نقول ماقصرت كفيت ووفيت بس لا تزودها وتفلها في النادي زود


بالنسبة لبقية التساؤلات واضح انها عن كيفية تعامل بيرلسكوني مع ميلان حاليا .. وهالشي انا وضحته في الموضوع ولا مانع اني اوضحه بطريقة اخرى :

بيرلسكوني يالغلا اشترى النادي وكان طموحه انه يوصل بالنادي لمراتب عليا ولا مانع من الاستثمار في النادي بحيث يحصل على المال وفي نفس الوقت يرفع من شان النادي ومكانته .. لكن هالهدف تغير بعد ما زاد طمع الرجل في السياسة بحيث جعل الهدف من النادي ليس بناء النادي بل استغلال الجماهيرية والشعبية لانصار النادي في مصالح التصويت والترشيح وغيرها ..

مثال بسيط : يعني لو انت جالس تجمع فلوس علشان تشتري سيارة خاصة لاجل مشاويرك الخاصة وفعلا جا الوقت اللي جمعت فيه الفلوس كاملة وشريتها واستمتعت فيها .. بعد كم سنة تبي تستخدم نفس السيارة لجمع اموال ثانية لشراء بيت او سيارة ثانية او عرس هنا اقول لك اختلفت نظرتك للسيارة حقتك من انها لمشاويرك الخاصة الى انها وسيلة لجمع اموال لشيء اخر .. << داري المثال شاطح بعيد بس لا تشره مبطي ما كتبت كذا


اي كيو ارقام

اخبارك يا شنب ,, واخبار عزوز

والله من جد مبطينن عنكم بالحيل لا مريت الشرقية دق بس تكفى

إقتباس المشكلة انه مهوب ناقص فلوس .. لكن هو حمار مع احترامي لفصيلة الحمير ..

جازت لي الصراحة << والله ياهو حاقد

لاهنتوا جميعاً على المرور

وبصراحة شي يثلج الصدر

إقتباس المشكلة انه مهوب ناقص فلوس .. لكن هو حمار مع احترامي لفصيلة الحمير ..

ههههههههههههههههههههههههههههههههههههههههههههههههههههههههههههههههههههه

كلمة القرن

موضوع مميز

صراحة حرام يبيع لاعبين كبار مثل : كاكا * شيفا *
المدرب : انشلوتي
وشراء لاعبين قاضين مثل : رونالدينهو * بيكهام
وكل هاذا لمصالح شخصيه

تحياتي

ابو حمد .. بصراحة وش تركت لنا كميلانيين لنعبر عنه

كتبت كل ما نريد ان نتحدث به

لي عودة بعد ان اعيد قراءة هذه الاسطر مرة اخرى واخرى

هلا بك يابو حمد
موضوع خالع .. و للمفضلة على طول .. لان فيه سرد تاريخي و أمور تخفى علينا و هنا تجي فايدة الموضوع

البداية .. قوية و تكلمت بعنف عن رئيس النادي " برلسكوني " و آنا شخصياً أكرهه ما آدري ليش

إقتباس وكان مما وضعه بيرلسكوني كأهداف لنادي الميلان أن يعيد هيبة الميلان في أيطاليا , كما أن الهدف الأبرز هو جعل النادي الأفضل عالمياً , وجعله وجه ايطاليا المشرق !! وبالفعل حقق بيرلسكوني ما وعد به .. حيث أصبح الميلان أحد أفضل أندية العالم .. ففي فترة التسعينات استطاع النادي أن يجعل من اسمه بعبعا لأوروبا وايطاليا حيث استطاع الحصول على الدوري الايطالي ودوري ابطال أوروبا أكثر من مرة

كلآم جميل جداً .. و شي يُحسب للرجل بلا شك ، فـ الميلان أصبح بلا مبالغة النادي الاشهر على مستوى العالم ،

إقتباس بداية بانتقال ريفا , ومن ثم انتقال روي كوستا , واعتزال كافو وسيرجينهو وانتقال شيفا .. الخ .. لكن بيرلسكوني لايزال يعد الجمهورالميلاني بأنه سيأتي بالأفضل للنادي

نجوم مميزة .. و آهـ على أيام المبدع المظلوم عالمياً سيرجينهو

إقتباس فـ منذ 2003 وباستثناء صفقة باتو .. أين هم مستقبل الميلان ؟؟ وبمن سيراهن الميلان في قادم المواعيد ؟؟ بل إن جيل العمالقة انتهى الان برحيل كاكا واعتزال مالديني واحتمالية ابتعاد نيستا وسيدورف عن القائمة !!

أعتقد انها هي مشكلة ميلان الواضحة .. و مع الاحترام حتى الصفقات الاخيرة تعتبر عادية .. أمثال هونتلار ..!
و لا تنسى ان ميلان ابقى الحارس ديدا وحيداً في هالمركز و بعد الإصابة راح فيها موقع الحراسة ..! حتى حضر
وقت الرائع في نظري ستوراري ،

إقتباس أن الميلان أصبح مجرد شريحة خيالية من الإيطاليين مضمونة الأصوات لصالح سيلفيو في أي انتخاب سياسي أو حزبي .. كما أنه مصدر دخل هائل لسيلفيو ووجاهة اجتماعية !

يعني تغير الأمر من إهتمام بالنادي إلى بحث عن مصلحة .. و اصبح النادي بشكل واضح وسيلة له فقط ،

إقتباس قد يقول قائل .. إنك في كلامك هذا قد اتهمت بيرلسكوني باتهامات لانرى أنه يستحقها .. فأين المكر والخديعة في ذلك ؟

و آنا لا زلت اقول .. ان الرجل خدم النادي بشكل غير طبيعي .. و بشكل يجعلك احياناً تقول ليت عندنا برلسكوني
و السلبيات موجودة في الكل .. و برلسكوني لا يعمل وحيداً

إقتباس 1- بيع شيفا .. بطريقة غريبة .. 2- بيع كاكا .. وأنا 3- الصفقات الإعلامية وفكرة الخمس نجوم

و الغريب ان كل لاعب ينتقل من الميلان يكون السبب ان اللاعب هو من يريد هذا..!
و إذا تحدثت عن الصفقات الاعلامية فـ هي مثل سحابة الصيف .. لانه في شكلها رائعة لكن لدى النقاد و المحللين
يعرفون انها لا فائدة منها ابداً .. مع ان الاسماء كبيرة لكن الجماهير تنتظر اكثر ،

إقتباس 4- طردة كارليتو ..

تبي الصراحة .. اسعدني هالخبر .. لان انشلوتي مدرب بالإضافة كونه يعرف كيف يتعامل مع المجموعة فـ هو
ايضاً مدرب محظوظ بقوة ..! بعكس طيب الذكر الخبير كوبر مدربنا السابق المنحوس

إقتباس 7- ليوناردو كسابقه .. ترى ماهو المميز بليوناردو حتى يكون مدرباً لأحد اكبر اندية العالم ؟؟

تحليل منطقي لـ فكرة جعل ليــو مدرباً و لان ليــو بيقول في النهاية زين اني مدرب ميلان بس ..
ليش اطالب و أتكلم ..؟ و لانه بـ يحقق مطالب و أفكار برلسكوني بشكل سريع

إقتباس 11- قاصمة الظهر : الغاء

يا كثر مشاكله اشكركـ يابو حمد .. بصراحة نصفها لا أعرف عنها شي ..!

موضوع متكامل ماشاء الله عليك شغل جامد وسرد لمواضيع كثيرة تخص البيت الميلاني

بصراحة ميلان قتله برلسكوني بسبب سياسته الفاشله
في استقطاب نجوم كبار في السن وغير مؤثرين

بيرلسكوني له سلبيات وايجابيات

جاب صفقات حلوه للميلان

بس خورها باخر شئ

الوقت الحالي بيرلسكوني وشلته ما يستاهلون ادارة الميلان

وهم السبب الاول والاخير في تدهور اللفريق

اتوقع ان الفريق وده بضخ دماء جديده باللاعبين ، المدرب ، الاداره

عشان يرجع الميلان اللي نعرفه

ابو حمد كاتب مبدع بصراحه

وودي اعرف ليه مغبي هالابداع عنا ؟

برايفت ابو حمد بس
يالقفكم لقفاه ابو حمد ذبحك البطريق


سلام

عواافي ابو احمد
موضوع اكثر من رائع
وعن جد الميلان في تدهور مع بيرلسكوني
حاجات كثيره دهورت الميلان من بيع شيفا وبعده بيع كاكا
ومن بعده طرد انشلوتي
وغير هذا صفقاته الاعلاميه بيكهام ورونالدينيو

الميلان من اهرام الانديه في اوروبا
لذلك نتمنى عودته وعوده مستواهـ

-
-

عساك على القوهـ أبو حمد