08/10/2009, 01:25 AM
|
| زعيــم مميــز | | تاريخ التسجيل: 26/05/2008
مشاركات: 5,604
| |
وش رايك ما احضر زواج اختي؟
هذي قصهـ ما آدري حقيقيهـ ولا من نسج الخيال تقول ....
كان فيه سعودي و قطري زملاء يدرسون في بريطانيا
وبعد انتهاء فترة الدراسه قرروا يرجعون لاهلهم
فقال القطري للسعودي
قبل ما تروح للسعوديه تعال معي لقطر و بعدها رح للسعوديه فوافق السعودي وهم في الطيارة رايحين لقطر دق اخو القطري من قطر وقال لاخوه ان جدتي توفت
فقال القطري لاخوه انا معي زميلي من السعوديه وعازمه فلا تقولوله شي حتى ما يضيق صدرة ولا احرجه نصلي على الجنازة وكنها لاحد من جماعتنا
لما وصلوا
صلوا على الجنازة وقعد السعودي له مدة في قطراعجب ببنت جيران القطري و قال لزميله اني ودي اتزوجها
فرح القطري وقال انا مستعد اخطبها لك و فعلا خطبها له وخبر السعودي اهله وسوو الزواج ورجع السعودي لديرته
وبعد مدة طويله كبرت تجارة السعودي وطلع تاجر وغني
والقطري خسر كل امواله وتجارته فقال مالي الا اروح لصديقي السعودي اكيد بيساعدني
وفعلا راح للسعوديه وهو منتظر شوفه زميله بفارغ الصبر لما سال عنه ووصل بيته صار مو بيت ساكن صار ساكن في قصر وتاجر وكان الوقت متاخر فقال للبواب قل لراعي البيت ان زميلك من قطر فلان بن فلان عند الباب وانه محتاجك مرة مرة وان حالته كذا وكذا
و بعد مارجع البواب عطى القطري شيء من عشاء السعودي
تخيلوا
--------------
فضاق صدر القطري
وقال هذا جزاء الصداقه المهم
وهو راجع رجليه في الطريق!
لقى رجالين (من رجال الاعمال) يتراهنون على مليون اللي بيجيهم الاول بيعطونه المليون وكان من حظ القطري
انه هو اللي جاهم الاول واخذ المليون و تاجر بها في السعوديه وقبل ما يرجع لقطر لقى عجوز معاها بنت وقالت له العجوز:
ابي اخلي البنت عندك واروح احج اذا مارجعت تزوجها وخلها عندك
لما طولت العجوز عقب الحج تزوجها وسوا حفله الزواج بقطر وفي اثناء الزواج وكان من ضمن المدعوين زميله السعودي
لما شافه القطري غضب وقال للحضور اطردوه هذا خاين العشرة والصداقه
تخيلوا انه لما جا معي لقطر
وكانت جدتي ميته ما علمته عشان مايضيق صدرة علي وخطبتله بنت الجيران اللي كانت في الاساس خطيبتي وفضلته على نفسي ولماجيته محتاج عطاني فضلة عشاااااه
---------------
تدرون وش قال السعودي....؟!؟؟؟
قال اسمعوا واحكموا علي .......
انا يوم جاني القطري وهو محتاج ماحبيت اشوفه على حالته هذي عقب ماكان تاجروكبير اشوفه صغير ومحتاج واتفضل عليه بشي من عندي عشان كذا عطيته فضلة عشاي
وبالنسبه للتاجرين اللي متراهنين على مليون هذولي اخواني انامروحهم له عشان يفكون ضيقته
اما با النسبه للعجوز اللي معاها البنت فهذي امي والبنت هذي طبعا اختي
وش رايك ما احضر زواج اختي؟
 
 |
الوضع العادي
