جمل سخيفة .. ورسائل غثيثة - نادي الهلال السعودي - شبكة الزعيم

ابو طـــــلال · #1 07/10/2009, 07:48 PM

موضوع ورى موضوع .. ماعندي وقت .. احسن إني متأخر واجد

كتبت موضوع أمس ونقلوه للإتصالات .. كان خارج عن الذوق العام

والله ماكان القصد الخروج عن الذوق العام .. بس كنت ناوي أوسع صدور الأعضاء بصور هالمبزرة .. بس خل عنكم اللى ماشاف الصور فاته نص عمره

==
عندي محاولتين لخاطرتين .. وحده كتبها شخص أمه معها دكتوراه ومثقفه جداً وأبوه ( سلتوح ) معلق شهادة الخامس ومبروزها بالمجلس وهو أحسن أخوانه وعائلته شهادة

طلع مع الولد هالخاطرة

اللى أمه مثقفه وابوه متخلف

في حياتنا المروحة .. نبحث عن الأمل .. الأمل المفقود .. اللذي لطالما بحثنا عنه ولم نجد سوى بعض الذكريات المخيسة .. هنا أقف فاغراً لإسترجاع مايمكن إسترجاعة من ذكرياتي .. ليست في الذاكرة سوى البربسه .. لايوجد في ذاكرتي مايسوى ذكره ...

والحين دور الولد اللى أمه ( بسيطة ) وابوه مثقف ودارس بأمريكا وحياته مابين بحوثة العلمية .. ومكتبتة في البيت وأمام القنوات الفضائيه العلمية ..

طلع مع ولدهم هالخاطرة

أين الأمل .. وينهوبه ؟ ... أردالي إن غديت بليّا أمل .. وان عشت دون حلم .. أو هدف .. تسنيبي كل من حولي يبلغ حلمة إلا انا أهش الذبابين .. الله لايوزي بحالي .. كيف للإنسان ان يقود حلمة دون ان يكون لحلمة تخطيط ..

نكتفي بهذا القدر

.. قدر وإلا قلايه نياهاهاهاها

أكتفيت لأني ماعرف أكتب خواطر وأتفلسف واجد .. كل الأثنين عندي ( رابعه إبتدائي )

الله يخليهم لي

هل تلاحظ مدى تأثير الوالدين على ثقافة الأبناء .. وأفكارهم .. وسلوكهم .. وحتى خواطرهم .. الخاطرة الأولى فيها تأثير من دخول بعض كلمات الأب البسيطة .. الذكورية .. وفي الخاطرة الثانية تطلع كم كلمة فيها حس أنثوي بسيط .. وفي الثنتين هي نفس المعنى بس بتبهير وزبرقة الكلمة ... يعني بدال ماتقول ( بوسه ) تقول ( جغفة ) أو بدال مايقول ( حضنة ) تطلع كلمة ( خمة ) >> قديمة داري

مثل قولة ( بصق في وجهة) في بديل وهو ( تفل بوجهووه )

وفيه كلمات واجد .. مثل : كما تشاء = بصرك .. او بسلامك .. او بقريحن يطيربك

الناس عندنا تهتم بزخرفة الكلمات والحرص على إخراج الكلمة ( متعوب عليها ) ويكون عند البعض = مثقف

ومرات الكلمات البسيطة رغم عمق مظمونها تدل عند البعض عن شخص ( متخلف ) او جاهل

يقولون الرجال مخابر مهيب مظاهر ... ويقولون الحرمة فرمة مهيب شرمة >> من عندي ذي يامعاشر النساء

======

وقفة .. مخرج .. دخول خروج .. أمامك تحويلة >>> بعض المواضيع مدري ليه فيها هالكلمات . بس حلوه

أكره ماعندي بعض الجمل والرسائل اللى تطلع بوقت مهيب وقتها .. مرات احلم فيها من المغثة ..

مثلاً

* ودك تكلم ظروري مايدق ويطلع مسج ( الإتصال خطاء ! ) ودك تكسر الجوال باللى فيه لاهو مقفل وترتاح .. ولامشغول وتعيد الإتصال !

* عند مكينة الصراف ومطفرررررررررر وتد خل البطاقة وكل شي صح والرصيد مليان

>> توه طالع الراتب .. وتتاخر البطاقة .. وتتأخر .. وتقول أووووف !! تبيها تستحي على وجهها وتسرع

وبرضه ماصار شي .. وبالأخير يطلع مسج يقول : تم سحب بطاقتك الرجاء مراجعة أقرب فرع ؟؟ واليوم الإربعاء وبكرا خميس وجمعة .. ومابمخباتك إلا ريال مشقوق !!

* واحد عطاك موقع مهم .. او رابط لشغل ظروري وقالك أدخل عليه .. او مثلاً واحد قالك تراني أرسلت لك على إيميلك مسج ظروري .. وينتظر ردك .. تدخل البيت .. تفصخ الثوب .. تشغل المكيف .. تسوي شاهي وانت بطريقك بفتح الجهاز تلقى الشاشة مكتوب عليها ( لقد نفذ إشتراكك )

* تكتب موضوع ... تتعب فيه .. تنزل وتحط وتعدل وتنسق .. وآخرتها تضغط على إرسال الموضوع تطلع كلمة ( إيرور ) اقبح كلمة شفتها في شاشات الكمبيوتر !! وللأسف يروح الموضوع ومايرجع .. يعني يروح التعب والله يستر من هالموضوع لاتطلع إيرور أو لايمكن فتح الملقم .. تشش

* مباراة مهمة ... تعنيلك الكثير .. تحتريها لك أسبوع .. طالع من دوامك علشان تريح شوي قبل ماتبداء .. أول مايصفر الحكم .. بعدها بشوي يطلع مسج بالتفزيون ( لم أتمكن من إيجاد القناة ) وتوها مشتغلة ؟!!

قد صارتلي ..

إذا الموضوع أعجبكم فهو من الله .. وإذا الموضوع ماجازلكم تراه مني ومن أبليس لعنة الله عليه التسلب

> فاهم غلط

أخوكم الصغير ابو طلال

رسالة لجميع الاخوة الأعضاء .. الدعاء لوالد العنود بالرحمة والمغفرة .. ولجميع المسلمين
ورجاء من العضوات الوقوف بجانب العنود حتى تطلع من هالصدمة .. وإبلاغها التعازي واصدق المواساة
رحم الله والدها وجميع المسلمين

alhilali15 · #2 07/10/2009, 08:03 PM

إسمح لي أبا طلال سأحجز مساحتي هنا قليلا ثم أعود<-------منمق الكلمات

********************************************************************
عدنا والعود أحمد

.

أخوي أبو طلال موضوعك كله على بعضه حلو وزين وجميل ورائع بكل الكلمات والاساليب

.

نفصل موضوعك وعسى أن نوفق

إقتباس


	هل تلاحظ مدى تأثير الوالدين على ثقافة الأبناء .. وأفكارهم .. وسلوكهم .. وحتى خواطرهم .. الخاطرة الأولى فيها تأثير من دخول بعض كلمات الأب البسيطة .. الذكورية .. وفي الخاطرة الثانية تطلع كم كلمة فيها حس أنثوي بسيط .. وفي الثنتين هي نفس المعنى بس بتبهير وزبرقة الكلمة ... يعني بدال ماتقول ( بوسه ) تقول ( جغفة ) أو بدال مايقول ( حضنة ) تطلع كلمة ( خمة ) >> قديمة داري

بالفعل فهنالك من يؤثر على ولده فيصبح علمانيا كأبيه وللأسف هذا حاصل مع أحد المعارف

.
وهنالك من يؤثر في ثقافة ولده أمور قديمة كأمور الخناجر والسلاح

.
وهنالك من يؤثر على ولده فيصبح نصراويا فيضيع مستقبل الولد مسكين

.
والأمثله كثير ولعلك تؤثر على طلال فيخرج لنا ولد ذو دم خفيف مثل أبيه

.

أما الكلمات فأغلب مجتمعنا يؤمن بمقولة لكل مقام مقال.
فأصحاب الكلمات المنمقة تلقاهم بحياتهم الواقعيه يقولون كلام عادي جدا وحسب نوع المحيط الي هم فيهم والمجتمع وصعبة يبو طلال بيني وبينك واحد يجي يسوي خاطرة ويبي يقول مثلا لحبيبته إرحلي كما تشائين وبدالها وبعد كلمات بالفصحى يقول إرحلي بصرتس

.
صعبة شوي يبو طلال وعط كل شخص جوه

.

إقتباس


	* ودك تكلم ظروري مايدق ويطلع مسج ( الإتصال خطاء ! ) ودك تكسر الجوال باللى فيه لاهو مقفل وترتاح .. ولامشغول وتعيد الإتصال !

تحصل كثيرا وتحديدا في شرائح شركة الإتصالات للأسف

إقتباس


	عند مكينة الصراف ومطفرررررررررر وتد خل البطاقة وكل شي صح والرصيد مليان >> توه طالع الراتب .. وتتاخر البطاقة .. وتتأخر .. وتقول أووووف !! تبيها تستحي على وجهها وتسرع وبرضه ماصار شي .. وبالأخير يطلع مسج يقول : تم سحب بطاقتك الرجاء مراجعة أقرب فرع ؟؟ واليوم الإربعاء وبكرا خميس وجمعة .. ومابمخباتك إلا ريال مشقوق !!

تخيل هالموقف يا أبا طلال يحصلك بويكند وإنت في إحدى دول الخليج ومامعك لا أخ ولا صديق تتوهق يبو طلال وتكره البلد بالي فيه

مو لازم تكون الدولة البحرين لجل ماحد يبقق عينه

إقتباس


	تكتب موضوع ... تتعب فيه .. تنزل وتحط وتعدل وتنسق .. وآخرتها تضغط على إرسال الموضوع تطلع كلمة ( إيرور ) اقبح كلمة شفتها في شاشات الكمبيوتر !! وللأسف يروح الموضوع ومايرجع .. يعني يروح التعب والله يستر من هالموضوع لاتطلع إيرور أو لايمكن فتح الملقم .. تشش

تعود يبو طلال إنك قبل ماتسوي مشاهدة للموضوع أو إنزال تظغط زر كنترول وحرف السي بعد ما تضلل على جميع المحتوى .
لجل إن راح الموضوع تسوي له لصق من جديد وتريح راسك

.

إقتباس


	مباراة مهمة ... تعنيلك الكثير .. تحتريها لك أسبوع .. طالع من دوامك علشان تريح شوي قبل ماتبداء .. أول مايصفر الحكم .. بعدها بشوي يطلع مسج بالتفزيون ( لم أتمكن من إيجاد القناة ) وتوها مشتغلة ؟!! قد صارتلي ..

لو إنك مشترك بالقنوات من مصدرها وما تعتمد على الدريم بوكس كان ريحت راسك

.

إقتباس


	رسالة لجميع الاخوة الأعضاء .. الدعاء لوالد العنود بالرحمة والمغفرة .. ولجميع المسلمين ورجاء من العضوات الوقوف بجانب العنود حتى تطلع من هالصدمة .. وإبلاغها التعازي واصدق المواساة رحم الله والدها وجميع المسلمين

الله يجزاك خير يبو طلال والله يرحم والد العنود ويجعله من سكان الفردوس الأعلى .
وأعان الله أختنا العنود وأهلها وذويها وألهمهم الصبر والسلون.
طريق كلنا ماشين عليه والله يحسن ختمانا.

شكرا يا أبو طلال على المجهود الي هاليومين بكل مكان بالمجلس وبالجمهور وبالاتصالات وإستمر بارك الله فانت من فواكه المجلس التي تجبر المتابع على تصفحه دائما

أخوك أبو محمد

صمت الخفوق · #3 07/10/2009, 08:09 PM

إقتباس


	* مباراة مهمة ... تعنيلك الكثير .. تحتريها لك أسبوع .. طالع من دوامك علشان تريح شوي قبل ماتبداء .. أول مايصفر الحكم .. بعدها بشوي يطلع مسج بالتفزيون ( لم أتمكن من إيجاد القناة ) وتوها مشتغلة ؟!! قد صارتلي ..

بوظبي تنقل كل مباريات العالم

قسم كني عرفت اي مباراة تقصد

على فكره فاز منتخبنا توه

توه = الحينه

سأعقب على الموضوع لاحقا

ابو طـــــلال · #4 07/10/2009, 08:22 PM

إقتباس

الرسالة الأصلية كتبت بواسطة صمت الخفوق


	بوظبي تنقل كل مباريات العالم قسم كني عرفت اي مباراة تقصد على فكره فاز منتخبنا توه توه = الحينه سأعقب على الموضوع لاحقا

وانا اقراء تعليقك توني شايف مباراة منتخب الإمارات .. عزالله جابوها الرجال .. مبروك

تذكرت بكتب موضوع عن الإمارات وأبارك بس في القسم المخصص لذلك ( اخس يالنظامي )

أتمنى منتخب الإمارات يحصل على البطولة .. وتر ى إحتمال ( شوف إحتمال يعني مو أكيد ) اخذ صورة توقيعك .. حتى احبج يابلادي إحتمال الطشها بالمرة

الله يذكر دلع الإمارات بالخير

A.K.N 505 · #5 07/10/2009, 08:37 PM

أهلاً و سهلاً أبو طلال

كيف حالك ؟
ما شاء الله أكيد خلف هذا النشاط الملحوظ شيء

بالنسبة لتأثير الوالدين على الأبناء في سلوكياتهم و أفكارهم فهذا شيء بديهي و مفروغ منه في نظري فالأبناء أول ما يتأثرون بآبائهم و يرونهم قدوة لهم في الحياة و ينعكس ذلك في حياتهم بنسبة قد تتجاوز 70% و الـ 30% الباقية تتوزع على العوامل الأخرى .

إقتباس


	وقفة .. مخرج .. دخول خروج .. أمامك تحويلة >>> بعض المواضيع مدري ليه فيها هالكلمات . بس حلوه

إقتباس


	ودك تكلم ظروري مايدق ويطلع مسج ( الإتصال خطاء ! ) ودك تكسر الجوال باللى فيه لاهو مقفل وترتاح .. ولامشغول وتعيد الإتصال !

صادق .. من أكثر الجمل التي تثير أعصابي خصوصاً أنها ما تظهر إلا بالأوقات الصعبة

شكراً على الموضوع الظريف

محب الجنه الخرج · #6 07/10/2009, 08:39 PM

خخخخخخخخخخخخخخخخخ اوما هالايرور اللي يجي ان سويت ارسال موضوع شي يرفع الضغط ومثل ماقلت خصوصا لكنت تعبان بالموضوع او الرد

صدق موضوع كشكول وفلة بس عساهم ماحذفوا موضوعك اللي البارح ودي اروح اشوف الصور

Blue Sun · #7 07/10/2009, 08:44 PM

هلا وغلا ابو طلال ..

كثرت مواضيعك هالايام , اشوف الدعوة صارت منافسة بينك وبين الصخرة اكثر واحد ينزل مواضيع ..

بنسوي بينكم موضوع ديربي المجلس العام ونشوف من اللي رح يتاهل ..

بالنسبة للخاطرتين فهذا شئ طبيعي ان الشخص يكسب شخصية اكثر واحد من والديه مخالطة له ..

ومثل ما ذكرت تلاقي التاثير مو بالمصطلحات بس حتى افكارهم ونظرتهم للحياة عامة ..

وهالايام صار مو بس الوالدين لهم تاثير على الابناء ..

حتى الاصدقاء تلاقي الشخص 23 ساعة في اليوم مع ربعه مقابلين خشش بعض والساعة الباقية مقسمها بين الجلسة مع اهله والنوم ..

إقتباس


	ومرات الكلمات البسيطة رغم عمق مظمونها تدل عند البعض عن شخص ( متخلف ) او جاهل

كثير من الناس يعتقد ان الثقافة مصطلحات وليس مضمون , وهي للاسف وجهة نظر اغلب الشعب ..

يعني اذكر شخص كنت اسولف معه عن احد الاشخاص وذكر انه شخص مثقف لدرجة كبيرة ..

وصادف ان صار بيني وبين المثقف نقاش للاسف اكتشفت ان الثقافة بوادي وهو بوادي وكل اللي عنده كم كلمة يلعب فيها على العالم اني مثقف ..

إقتباس


	وقفة .. مخرج .. دخول خروج .. أمامك تحويلة >>> بعض المواضيع مدري ليه فيها هالكلمات . بس حلوه

احس انها فكت ازمة اغلب الشعب لانهم فاشلين بالمقدمات ..

وعادة وجودها يغني عن كتابة المقدمة ..

واستغل هالمنبر واشيد بمخرج موضوعك ..

إقتباس


	* ودك تكلم ظروري مايدق ويطلع مسج ( الإتصال خطاء ! ) ودك تكسر الجوال باللى فيه لاهو مقفل وترتاح .. ولامشغول وتعيد الإتصال !

اكثر من مرة بغيت انجلط والسبة هالمسج الي ما يجي الا باوقات سامجة ..

شكل شريحتك موبايلي ..

إقتباس


	* تكتب موضوع ... تتعب فيه .. تنزل وتحط وتعدل وتنسق .. وآخرتها تضغط على إرسال الموضوع تطلع كلمة ( إيرور ) اقبح كلمة شفتها في شاشات الكمبيوتر !! وللأسف يروح الموضوع ومايرجع .. يعني يروح التعب والله يستر من هالموضوع لاتطلع إيرور أو لايمكن فتح الملقم .. تشش

احد مواضيعي كتبته وتفننت في تنسيقه وما خلصت الا الساعة 1 ونص بالليل وقلت بنزله الحين واروح انام لان الصبح وراي دوام ..

ويوم ضغت ارسال طلع لي ايرور والمشكلة اني ما سويت منه نسخة ..

وحلفت ذاك اليوم ما انام حتى انزله وكتبته سريع سريع بدون تنسيق وخرابيط ونزلته واذكر يومها اني رحت الدوام مواصل ..

اسال الله ان يتغمد والد العنود بواسع رحمته ..
وان يلهمهم الصبر والسلوان ..
جزاك الله خير على التذكير ..

يعطيك ربي الف عافية على الموضوع ,,

/
/
اسال الله العظيم رب العرش العظيم ان يشفيها وجميع مرضى المسلمين ..
وان يفرح والديها بردها وهي باتم صحة وعافية ..
صمت الخفوق ..
لا تنسين تطمنينا عليها ..

صمت الخفوق · #8 07/10/2009, 09:32 PM

إقتباس

الرسالة الأصلية كتبت بواسطة ابو طـــــلال


	وانا اقراء تعليقك توني شايف مباراة منتخب الإمارات .. عزالله جابوها الرجال .. مبروك تذكرت بكتب موضوع عن الإمارات وأبارك بس في القسم المخصص لذلك ( اخس يالنظامي ) أتمنى منتخب الإمارات يحصل على البطولة .. وتر ى إحتمال ( شوف إحتمال يعني مو أكيد ) اخذ صورة توقيعك .. حتى احبج يابلادي إحتمال الطشها بالمرة الله يذكر دلع الإمارات بالخير

تعقيب بسيط وباخرج

على طاري دلع الامارات

عرفت انه بنتها مرقده في العناية المشددة

الله يصبرها ويشفي بنتها ان شاء الله
ادعولها

marsal · #9 07/10/2009, 10:01 PM

ابو طلال ماذا اصابك يا رجل ..؟؟

قريت الموضوع و لا فهمت شي مطلقا ...

kalasnikov · #10 07/10/2009, 11:47 PM

إقتباس


	* ودك تكلم ظروري مايدق ويطلع مسج ( الإتصال خطاء ! ) ودك تكسر الجوال باللى فيه لاهو مقفل وترتاح .. ولامشغول وتعيد الإتصال !

دايم تصير اذا كنت ابتصل من المكالمات الصادره

اروح افتح سجل الاسماء واطلع واسمه وادق

>>>>ماينفع الا كذا

إقتباس


	* تكتب موضوع ... تتعب فيه .. تنزل وتحط وتعدل وتنسق .. وآخرتها تضغط على إرسال الموضوع تطلع كلمة ( إيرور ) اقبح كلمة شفتها في شاشات الكمبيوتر !! وللأسف يروح الموضوع ومايرجع .. يعني يروح التعب والله يستر من هالموضوع لاتطلع إيرور أو لايمكن فتح الملقم .. تشش

اول حاط موضوع برامج وتعبان فيه

وكل برنامج له شرحه ومواصفاته وروابط وصور له

وكل برنامج له لون

وقبل لاخلص بشوي طفيت الشاشه قلت ابرجع

يوم رجعت لقيت الشايب على الجهاز

بكل برود رعص على الاكس
وقعد يتصفح

^^^^^^^^

شطحه مشابه للوقف المطروح مالها دخل في السالفه

............

والا دايم احط موضوع ويطلع نيتوورك ايرور

ويروح كل اللي سويته

والا يفصل النت

إقتباس


	إذا الموضوع أعجبكم فهو من الله .. وإذا الموضوع ماجازلكم تراه مني ومن أبليس لعنة الله عليه التسلب > فاهم غلط

موضوع زي الفل يابيه

فالك المليون

ومافيك حيله

تقبل مروي................

عاشقة الآسر · #11 08/10/2009, 01:07 PM

إقتباس

الرسالة الأصلية كتبت بواسطة ابو طـــــلال


	* ودك تكلم ظروري مايدق ويطلع مسج ( الإتصال خطاء ! ) ودك تكسر الجوال باللى فيه لاهو مقفل وترتاح .. ولامشغول وتعيد الإتصال !

أڪرة شيء بالدنيا إذا جوالڪ ضايع وتدق عليه ويطلع مقفل

سموّ الحرفّ 2006 · #12 08/10/2009, 01:32 PM

أهلن اخو نآ الصغير <

إقتباس


	كتبت موضوع أمس ونقلوه للإتصالات .. كان خارج عن الذوق العام والله ماكان القصد الخروج عن الذوق العام .. بس كنت ناوي أوسع صدور الأعضاء بصور هالمبزرة .. بس خل عنكم اللى ماشاف الصور فاته نص عمره

له له له ... الله يآخذ بليسسك .. مآتعرف ترسسل خآص قبل يحذف

<

إقتباس


	* تكتب موضوع ... تتعب فيه .. تنزل وتحط وتعدل وتنسق .. وآخرتها تضغط على إرسال الموضوع تطلع كلمة ( إيرور ) اقبح كلمة شفتها في شاشات الكمبيوتر !! وللأسف يروح الموضوع ومايرجع .. يعني يروح التعب والله يستر من هالموضوع لاتطلع إيرور أو لايمكن فتح الملقم .. تشش

قهرررررررررررررر دآيم تصير لي

لآ هنت

alhilali15 · #13 08/10/2009, 02:13 PM

إقتباس

الرسالة الأصلية كتبت بواسطة marsal


	ابو طلال ماذا اصابك يا رجل ..؟؟ قريت الموضوع و لا فهمت شي مطلقا ...

عزيزي مرسال من أين أتيت بهذه الجملة

ربما عدم فهمك للموضوع أثر على لغتك

عقد الياسمين · #14 08/10/2009, 02:33 PM

يا هلا بك أخوي بو طلال , ترى كنت بدخل موضوعك السابق بس نقلوه قبل أدخله

إقتباس


	* عند مكينة الصراف ومطفرررررررررر وتد خل البطاقة وكل شي صح والرصيد مليان >> توه طالع الراتب .. وتتاخر البطاقة .. وتتأخر .. وتقول أووووف !! تبيها تستحي على وجهها وتسرع وبرضه ماصار شي .. وبالأخير يطلع مسج يقول : تم سحب بطاقتك الرجاء مراجعة أقرب فرع ؟؟ واليوم الإربعاء وبكرا خميس وجمعة .. ومابمخباتك إلا ريال مشقوق !!

ههههههههههههههههههههه

رحمتك

لا أنا صارت لي سالفة ثانية .. كنت في الجامعة و مامعي ولا ريال بس معي بطاقتي الصراف , وكنت أبي أصور أوراق مهمة في المكتبة ..المهم رحت للصراف وأصف باللاين في عز القايله أكثر من نص ساعة ..وأزيد من الشعر بيت كان عندي محاضرة ومتأخرة عنها

المهم بعد كل هذي المعاناة يوم وصلت للـ الصراف الا يقولون البنات أنه عطلان

المحاضرة راحت علي و الأوراق ما صورتها !! والمحاضرة كانت آخر محاضرة والحضور بدرجتين

<<< صرت أضحك على نفسي من كثر ما حزنت خخخخخخـ

خلاص تعبت وأنا أكتب

بنوتة**هادية^_^ · #15 08/10/2009, 02:38 PM

احلى يامجتهد

ماشاءالله جيم سؤال قابلت مثقف قبل ماتكتب الموضوع ؟؟ <<<

بس في ناس تطلع كلمات بالغلط يعني عندك انا كمثال

اكون اتكلم مع وحده موجاهله بس عاديه تطلع مني كلمات انجلش بدون قصد عاد شوف النظرات

..ولما اتكلم عن شي عادي اتفاجأ انو الموجودين يقولون ماشاالله مثقفه

<< يرفعولي معنوياتي

في احد مايعرف (الانجيله)العشب ؟؟؟؟؟؟؟؟؟؟؟؟؟؟

<< هذا اللي كنت اتكلم عنه شي عادي
كنت في قمة الاندهاش ..

إقتباس


	* ودك تكلم ظروري مايدق ويطلع مسج ( الإتصال خطاء ! ) ودك تكسر الجوال باللى فيه لاهو مقفل وترتاح .. ولامشغول وتعيد الإتصال !

الشبكه مشغوله

<<< ارمي الجوال

إقتباس


	* تكتب موضوع ... تتعب فيه .. تنزل وتحط وتعدل وتنسق .. وآخرتها تضغط على إرسال الموضوع تطلع كلمة ( إيرور ) اقبح كلمة شفتها في شاشات الكمبيوتر !! وللأسف يروح الموضوع ومايرجع .. يعني يروح التعب والله يستر من هالموضوع لاتطلع إيرور أو لايمكن فتح الملقم .. تشش

يوووووووووه كل الناس كذا

الحمدلله ماني لحالي اللي انقهر

<<<

بس مدري الايام هذي اعتقد اكثر الناس اللي انقهرو هم الجامعيين

اكثر شي يقهر حقت الايرور

<<<احس الكلمه بالعربي مدري كيف

مافي احد انقهر زيي انت قول مباراه والثاني موضوع لــــــــــــــــــكن انا كنت بودي اختي بداهيه مع جدولها هذا الغبي

تخيلو طلبت منى احذف لها ماده واضيف لها ماده عشان تصير زي صاحباتها وتكون بنفس شعبهم لأنهم يخلصو الساعه 11<<<<<انتبهو للساعه تكفون

قلتلها يابنت الحلال اضيف وبعدين احذف لأنو عندك مكان قالت لأ احذفي
قلت لها مالي شغل باللي يصير..حذفت <<< مأموره
تم الحذف بأضيف جاني ايرور شفتو كيف <<<< حرقة اعصاب مافي زيها
المهم
جلسنا نص ساعه عشان حظرة الافندي يفتح وفتح .. الشعب امتلت <<<
مالقينا الا شعبتين وحده تبدأ 1 الظهر وتخرج بعد 50 دقيقه بالتمام
والثانيه 4 العصر .. وشعب غيييييييير عن صاحباتها <<<<حزنت عليها مرررررررررره قالت دوري لي ابغى معاهم قلت لها انطمي وحطيت لها حقت الظهر كنت ناويه احط حقت العصرعقاب.. بس حرام
قلبي ابيض
للمعلوميه كانت الماده هذي تدرسها الساعه 8 صباحا وبسبب الـ"Error " صارت 1 الظهر..
شفتو كيف
تسلم يا اخونا الكبير
وعذرا على الاطاله