صـيـدلـيـة كـنـتـاكـي للـتـمـويـنـات الـغـذائـيـة << هج افمك يرزقك الله
حيــــــــــاكم
اقلطوا
من مكه ومن طيبه... من كل انحاء بلادي من ابها ومن صفوى... والرمله والوادي
انا جيت جيتكم ملهوف ... قاصد جداكم حافي ياحلوين المشم يامرحبمبم عيال النعمه ... وخطرهم على الجيل الجديد
استغرب صراحه اذا شفت واحد من معارفي او جماعتي مسجّل ولده بمدرسه خاصة ( غاليه ) رغم ان الآدمي حالته الماديّه ( وسط ) ومش أد كده يعني ما ادري وين يروح المخ هذيك الساعة.. من جد الواحد مايفكر قبل يبزع ؟؟ الحين انت ترمي ولدك بمجتمع غير مجتمعه وبيئه غير بيئته وراح يختلط بعيال نعمه يختلفون عنه جذرياً في كل شيء اول شيء --> راح تهتز شخصيته ويحس انه أقل منهم.. وخصوصاً اذا بدأ يقارن بين مصروفه ( المتواضع ) ومصروفهم ( الراهي ) او شنطته اللي بخمسين ريال... وشناطهم اللي فوق المائتين والأهم من هذا كله اذا جت الطلعة وجاء ابوه ياخذه بسيارته ( العاديّة ) بين السواويق والجموس والسيارات الاستعراضية ثاني شيء --> اذا كبر شوي وصار برابع او خامس راح يرهق ابوه بالطلبات ويبي يحاول قدر الامكان انه يحاكي عيال النعمه زملاءه بكل شيء يلبس مثلهم وياكل مثلهم ويشتري مثلهم اذكر واحد من الجماعة... موظف عادي بالمرتبة التاسعة سجل ولده ( اول متوسط ) بمدارس غالية... وعانى معاناة مو بسيطة الولد ماعاد يقتنع بشماغ بروجيه بـ70 ريال... وما يبي الا جيفنشي بـ250 ريال واذا راح للمدرسة يخلي ابوه يوقف بعيد على راس الشارع.. يستحي يشوفون السيارة ومصروف الولد زاد بشكل جنوني... وماعاد يكفّيه الشيء البسيط الى درجة انه ذاك اليوم جاه ولده يقول عطني ثلاثمائة ريال !!! قال له ليش ؟؟ قال الولد : بكرى الدور عندي بالفطور بالمدرسة !! أثاريهم عيال النعمه كل صبح يرسلون سواويقهم ويجيبون من هرفي وكودو والولد دخل معهم بالفطور وجاه الدور ياجماعة والله الموضوع مو سهل ابد مد رجليك على قد لحافك ما اقول لاتسجل ولدك في مدارس خاصة... لكن اختر شيء مناسب ومايكون غالي . . عيالك اوّل ياسعادة الوزير.. والا ( خل ماك بـ لزاك )
ضاعت علومنا مع لقاح انفلونزا الخنزورات << يدلعهن يدوّر السلامه ابوربيعه يحلف ويقول ( قسم عظم ان اللقاح مامثله ) والمندسين بعالم النت يقولون عنه كلام يجيب ( ام الهكّي ) وام الركب وحنّا طايرتن بوهتنا وماندري وش العلم .. وش الخيره ياوجيه الخير ؟؟ نلقّح... والا مانلقّح ؟؟؟ هو شقردي... والا داشر تسلاب << اقصد اللقاح فيه فكره مطروحه ومنتازه جداً جداً بالحيل وسبق استخدامها مع وزير الزراعة وجابت نتيجة ايام انفلونزا الطيور هذيك الايام قال الوزير : كولوا دجاج وماعليكم الا العافيه... الدجاج سليم قالوا له : ماناكله الا اذا شفناه على مائدتك العامره طال عمرك وبالفعل اعلن الوزير ان الدجاج الوطني يتصدر مائدته يومياً.. وكان هالشيء مصدر راحه للمواطنين والحين نقول للوزير الربيعه : ابدأ بعيالك اول ولقّحهم... وساعتها ابشر بعزّك . . على نخرتي
في لبنان... اكل العنب ( حبه حبه )... على مسؤولية فيروز وفي القصيم... ( زرط ) السكري ( سطل سطل )... والمسؤولية مقيّدة ضد مجهول // // تدرون وش اكثر شي يرفع ضغطي في الحياة ؟؟ اذا غسلت سيارتي بالليل... وقمت الصبح متفائل ومنتعش ومسفهل وانجلط اذا لقيت على القزازة الاماميه هذوليك الخطّين المتوازيين اللي لونهن ابيض // // فرحانين ومتشققين لأن تذاكر المباريات بتصير إلكترونيه نعن ابو بليسكم البلاء مو بالتذاكر نبي ( عسكر ) إلكترونيين واقفين على بوابات الملاعب // // الحين بعض الاسواق مثل مركز ( الهرم ) قبل الاذان بنص ساعة يقشّون الحريم وزحلطن بالشارع وبعد الصلاة بربع ساعة يفتحون الباب وخذ ياتدافع ( ولا رمي الجمرات ) طيب هذولا مايدرون ان نص هالحريم ماخذات اجازة اضطرارية عن الصلاة ؟؟ // // محلات الكوفي شوب.. في ايطاليا متخصصه بالاسبريسو والكابوتشينو.. وفي تركيا متخصصه بالقهوة التركية والشاي التركي المغلي بالبخار.. وفي مصر متخصصة بالشاي المصري الكشري والقهوة بـ( وش ) وبالمغرب متخصصة بالشاي الاخضر المغربي وبالسعودية ( اتحداك ) تلقى أي كوفي شوب متخصص بالدلّه والقدوع !!! // // وش قصّة ( مان ديفان ) ؟؟؟ صحيح انها مساهمة جيدة من عجلان واخوانه لخدمة المجتمع مع بنك التسليف والادخار وفيها تحقيق للهدف الاساسي وهو ايجاد فرص العمل للشباب السعودي لكن توزيع المحلات بهالشكل العشوائي يثير الضحك بالشارع الواحد بين كل بقاله ومغسلة تلقى له فرع ... ماصارت يابوعجلان // // يقولون... والعهده على الراوي ان فيه وظايف جديدة بتنزل في الخطوط السعودية وبتوفّر اكثر من ألف فرصة عمل للشباب السعودي الطموح والمطلوب فيها بس شهادة الثانوي + شويّة ركادة ( يمنع المطافيق ) الوظيفة عبارة عن ( ملبّق طيارات )
أنا عيال أختي 3 وكلهم بمدارس أهليه .. ما علينا
بس الحمد لله ربي مغنيهم ابوهم راتبه حلوه واختي مدرسه ...
يعني يمديهم يدفعون
لكن فيه ناس اعوذ بلله رواتبهم على قدهم وتشوف الفشخرهـ >> يا تتسبدي
ما علينا
اذكر ابو يوم اني طالب بالثانوي
اقوله ابي اهليه واحاول فيه قسم بلله انه عيا مع انه والدي الله يحفظه بالمرتبه الـ12
يعني مديه يدخلني
لكن مسكني ذاك اليوم ويقولي لو بتدخل اهليه بتضيع وطلابهم يفشخرون وآجد
ما علينا لكن ولله الحمد لو اني دخلت اهليه على ذاك الوقت كان اللحين بالتقنية ولا الاتصالات ..
كل اخوياي اللي باهليه واله انهم ملحطين اللحين
ع العموم اله يوفقك يا الصخرهـ وفعلا موضوعك بمحله ..
كفيت ووفيت ,,, ما ذبحنا الا الفشخرة الزايدة مسوي ولده بيتاثر ويصير مثلهم اذا كبر!!! ,,, الا بيتعقد ,, وما يمديه يوصل الثانوي الا وهو منجلط من ابوه ,,, ولا ابوه بينجلط من طلباته
.
إقتباس
عيالك اوّل ياسعادة الوزير.. والا ( خل ماك بـ لزاك )
الله اكبر الحين صار اللقاح هو المصيبة وخايفين منه وين ايام اول ,,, يوم الوزارة تقول لا تعطون عيالكم علاج ابو حصان اللي ينوم البزران والعالم هابين فيه زط في البزران ,,, عشان يرتاحون من ازعاجهم
جت على هذا اللي فيه بعض الاثار الجانبية !!!!
إقتباس
تدرون وش اكثر شي يرفع ضغطي في الحياة ؟؟ اذا غسلت سيارتي بالليل... وقمت الصبح متفائل ومنتعش ومسفهل وانجلط اذا لقيت على القزازة الاماميه هذوليك الخطّين المتوازيين اللي لونهن ابيض
جبتها ع الجرح وكنك ما دريت احس البساس ما تستانس الا ع السيارات النظيفة ,,, مسويه تتدلع على سيارتنا وفيه شي ثاني اعاني منه ,,, و قاهرني بعد ,,, اجلس كم يوم واقول الجو حلو ما فيه غبار ما يمديني اغسل الا والغبار يحتريني في وجه المغسلة
إقتباس
محلات الكوفي شوب.. في ايطاليا متخصصه بالاسبريسو والكابوتشينو.. وفي تركيا متخصصه بالقهوة التركية والشاي التركي المغلي بالبخار.. وفي مصر متخصصة بالشاي المصري الكشري والقهوة بـ( وش ) وبالمغرب متخصصة بالشاي الاخضر المغربي وبالسعودية ( اتحداك ) تلقى أي كوفي شوب متخصص بالدلّه والقدوع !!!
لا ياخوي فهد ,,, انت فاهم غلط هااذي من تحاور الثقافات اللي نعشقها ,,, نحب نجرب الاشياء اللي موعندنا كل اللي عندهم من اكل وشرب وكتب ومعلومات ,,, بس حنا مهتمين بالاولتين وناسين الاخيرتين ,,, وعئبال ما يجيها الدور
إقتباس
وش قصّة ( مان ديفان ) ؟؟؟
وش وراه ,,, ما دامه ربحان ربحان من وراها ان شاء الله يسوون برج لهم لحالهم ,,, اهم شي ربحان ,,, الله يرزقه ويرزقنا
صحيح تنظيمها غبي ,,, بس عادي ما فيها شي مع الايام نتعود ,,, زيها زي اي بسطة في سوق العويس كلهم نفس البضاعة بس فرق الاشكال اللي تبيع ,,, والسفن البارد
إقتباس
يقولون... والعهده على الراوي ان فيه وظايف جديدة بتنزل في الخطوط السعودية وبتوفّر اكثر من ألف فرصة عمل للشباب السعودي الطموح والمطلوب فيها بس شهادة الثانوي + شويّة ركادة ( يمنع المطافيق ) الوظيفة عبارة عن ( ملبّق طيارات )
شف كان الوظيفة في الرياض قل لهم فيه طيار بيصير ملبق طيارت ,, بس يتعين في الرياض
مشكور خيو وسميي >>> فــــــهــد
دائما مبدع ,,, وفي موضوعك هذا حسيت ببساطة غير طبيعية
... قاصد جداكم حافي ياحلوين المشم 
.. وشسمه والله بصرآحـه طآيرن عقلي من رسآيل الإيميل 
الوضع العادي
