مشاريع أعلنت مزنياتها ومواقعها لكن وينها الحين ؟! - نادي الهلال السعودي - شبكة الزعيم

ابو طـــــلال · #1 02/10/2009, 04:50 PM

أولها جامعة الملك عبد الله .. أللى تهاوشوا عليها وهي مابعد بدأت !!

وين الجامعة .. وين مبانيها ؟ مجسمها وتصميمها ؟؟

ناي تقو ل انه مشروع وهمي .. أنتم وش تقولون .. واللى عنده معلومة لايبخل علينا فيها

..

طيب وين مدينة الملك عبد الله الإقتصادية بحايل ؟! وش صار عليها ؟!

وين المدن الإقتصادية اللى أعلن عنها سابقاً ؟

طيب وين مشروع مترو الملك عبد الله !

وين قطار الرياض ... وشبكة قطارات خادم الحرمين اللى بتوصل الشرق بالغرب والشمال بالجنوب !

وين ساكنين الــ 300 طالب اللى درسوا بالجامعة .. وين بيسكنون الـ 800 اللى بيلتحقون بالجامعة هاليومين القادمة !!

رايــــــcom >> والله إني خطير

( يعني رايكم ) >> يقالي مخترع .. موهوب انا يمديني أسجل بالجامعة

اخو كم الصغير ابو طلال

بريماكس · #2 02/10/2009, 04:56 PM

يقولك جسر بمدينه جده قام واهدموه وقومه مره اخرى ( وكل شئ على ورق )

فهمت ..!!!!!!!

اما جامعة الكنق عبدلله بن عبدالعزيز فالناس تخرجت اللحين وانت للحين ماشفت المباني

تصدق مستغرب اذكر ما ابطيت قاري موضوع لابوصقر يتكلم عن مشروع الجامعه ..
واللحين يقولك يبدون فيها ..

اللي اعرف ان المشروع كلف 10 مليارات ريال .

شبوط · #3 02/10/2009, 04:58 PM

الناس سوت مترو في دبي والرياض حفريات

Fahad Al Sudais · #4 02/10/2009, 05:01 PM

لاتنسى الاستاد الدولي حق جدة اللي امر ببنائه الملك فهد الله يرحمه..

ولاتنسى لجنة تطوير الرياضة السعودية اللي تم تشكيلها برئاسة الامير عبدالمجيد الله يرحمه

ولاتنسى الكنافة اللي وعدنا فيها ابراهيم ولاشفناها الى الحين << ( هذا الله لا يرحمه ض1 )

طول عمرك ختييييير يابوطلّو

ابو طـــــلال · #5 02/10/2009, 05:02 PM

إقتباس

الرسالة الأصلية كتبت بواسطة بريماكس


	يقولك جسر بمدينه جده قام واهدموه وقومه مره اخرى ( وكل شئ على ورق ) فهمت ..!!!!!!!

الظاهر الموضوع كله بيع أراضي حول هالمشاريع .. ومت ياحمار لين مايجيك الربيع !

أتوقع هذا واحد من تضخيم المشاريع في مناطق بعيدة ...

يعني اللى عنده 200 و 300 ألف ريال تحويشة العمر يروح يشتري أر ض هناك علشان هالمشاريع واخرتها ياكل هواء .!

حياك بريماكس وبياك ياكابتن

ذآيب · #6 02/10/2009, 05:04 PM

للآسـٌف .. عصـٌرٍ آلنهـٌضة آلعـٌمرٍآنية بآلممـٌلكة وٍلـٌى .. آلآ وٍهـٌوٍ عصـٌرٍ آلمـٌلك فهـٌد رٍحمـٌه آللـٌه ,,

سموّ الحرفّ 2006 · #7 02/10/2009, 05:11 PM

ابو طلآل ...

زحلطهآ بسسسس

أحس الشيب بيغزآني وآنآ مآشفت شي .. يآ سسسآتر بس

Mr.Scrub · #8 02/10/2009, 05:29 PM

هذآ نظآم ربعنآ سرق في سرق
نفسي قبل ماأموت أشوف مشروع أو أي شي المملكه العربيه السعوديه تسويه صحيح ومافيه سرقآت

حتى من تآلي ماعآد يعترفون بالملآيين , الحين يسرقون بالمليآرآت يعني المليون ماعآد تملى عيونهم

والشعب من تآلي ماعآد يهمه شي وصآير غير مبآلي حتى لو يدخل السجن
أقل شي مستقبله مضمون

- المملكه وشعبهآ في حآله موش كويسه

يعطيك العافيه أخو نآ الصغير أبو طلآل

{a~ · #9 02/10/2009, 05:31 PM

.

إقتباس


	وين قطار الرياض ... وشبكة قطارات خادم الحرمين اللى بتوصل الشرق بالغرب والشمال بالجنوب !

يقولون انها بتخلص بالفين وعشره وهذاه بيبدا وماشفنا شي !

والله شي يغث ..

المدارس توها تبدا تنبني صح !

والجامعات شوي وتطيح على روس الي بها !

ظنك لمتى بتستمر هالخرابيط ؟!

متى بنتعدل ونصير مثل العالم قول وفعل ؟!

يعني جد جد شي يقهر ..

أبو طلال| عوافي

'

Mr.Scrub · #10 02/10/2009, 05:42 PM

إقتباس

الرسالة الأصلية كتبت بواسطة ذآيب


	للآسـٌف .. عصـٌرٍ آلنهـٌضة آلعـٌمرٍآنية بآلممـٌلكة وٍلـٌى .. آلآ وٍهـٌوٍ عصـٌرٍ آلمـٌلك فهـٌد رٍحمـٌه آللـٌه ,,

أي نهضه ياعمي وأي رآئد !!
تدري ياجدي وأنا أطلع من بطن أمي كآنت في الصآله وحآطين القنآة الأولى
كآن فيه خبر عن قطآر الريآض وعن كم مشروع بيفتتحونه
وبالمآريه أنقطع البث فجأه وطلع سلطآن بن فهد يقول أن الدوري السعودي بيكون أفضل دوري في العآلم
وبالمآريه قآل وفق خطط مدروسه , الخطط المدروسه متأكد أنه قآلهآ

تشوف هالكلآم وأنا توني طآلع من بطن أمي

سبحآن الله ماتغير شي كأني توي طآلع
ماشفت شي تغير إلا أن النصر صآر يتقدم والهلال يتعآدل معه هذآ التغير الوحيد

- ماعليش أخونآ أبو طلآل على المدآخله الثانيه

بس وش سبب الفرآغ اللي في كلمة [ أخو كم ]

c.u

مغرور حدي · #11 02/10/2009, 06:20 PM

وهل انت تتوقع ان هالمشاريع بتغمض عينك وتفتحها .. بتكون جاهزه .. صحيح ان النظام لدينا ماهو مواكب عصر السرعه .. والروتين ذابحها .. لكن ننتظر ..
يعني من المستحيل بناء مدينة متكاملة .. في ساعات او حتى اشهر ..

متحف اللوفر الي بيسوونه بدبي .. طبعا عبارة عن جزيره على ما اعتقد يقولك ينتهي في عام 2017 م .

بالنسبة لجامعة الملك عبدالله الي انجز فيها وانتهوا منه شي مو بسيط ..

تحياتي

الغرناطي · #12 02/10/2009, 06:37 PM

ما عندنا مشكلة ..
ننتظر 77 سنة

الـسـلـطـان · #13 02/10/2009, 07:12 PM

مشاريع طل ورب الكعبة

أذكر لما إستلم الوزير الجديد للتربية والتعليم منصبه قال خلال ثلاث سنوات بنقضي على جميع المدارس المستأجرة

(-- يجيب الله مطر

وعلى ذكر التأخير وعدم مواكبة عصر السرعة .. عندي مثال مدري وش يبي بس أبي أكتبه

عندك مثلا القنوات السعودية , ابطأ من ذي القنوات في التنفيذ ما عمري شفت , تحس إنك تشوف شريط فيديو قدييييم , وما ودهم يواكبون التقدم اللي صاير مع القنوات الثانية , والمشكلة إن عندهم ناس تنفذ وعندهم تصاميم قوية , مثل قناة اجيال الجديدة

قسم بالله إن الجرافيكس حقها اللي يجي بعد ما تقفل القناة قوي جدا جدا جدا

واللي مو مصدق يدور على القناة ويستنى لين 12 الليل على حسب علمي ويشوف

كان هنا · #14 02/10/2009, 07:17 PM

إقتباس

الرسالة الأصلية كتبت بواسطة الغرناطي


	ما عندنا مشكلة .. ننتظر 77 سنة

طيب ليش مو 79 سنة تيمناً باليوم الوطني ؟
وكل سنة نتيمن برقم يزيد طردياً مع ذكرى التوحيد لين نطقها موتة

BOSS20 · #15 02/10/2009, 07:56 PM

يحكى أنّ أحد الوزراء السعوديين سافر إلى إيطاليا في زيارة عمل
فقابل خلال الزياره نظيره الإيطالي وعقدا اجتماعاً بحثا فيه العلاقات بين البلدين
وبعد المباحثات واللقاءات الرسمية
دعا المضيف الإيطالي نظيره السعودي لتناول الغداء في قصره وسط روما
دخل الوزير السعودي القصر
وجلس مندهشاً من جمال وفخامة القصر وأثاثه غالي الثمن
فسأل الوزير نظيره الإيطالي مازحاً , من أين لك هذا !
تبسم الوزير الإيطالي : ثم فتح النافذة وقال : السر هنا , أنظر إلى هذا الجسر
نظر الوزير السعودي بإعجاب وقال : جميل , ولكن ما سر هذا الجسر !؟
ضحك الوزير الإيطالي وقال : تم رصد 10 مليون يورو لتشييده وتم بناؤه بمبلغ 5 مليون يورو فقط

::::::::::::::::::::::::::::::::::

مرت الأيام والسنين , دعا الوزير السعودي صديقه الوزير الإيطالي ( السابق ) لزيارة المملكة
وبعد الإستقبال وكرم الضيافة في صالة المطار دعى معاليه ضيفه إلى قصره الجديد وسط العاصمة الرياض
وصل الضيف الإيطالي ووقف بذهول ينظر إلى مساحة القصر الشاسعة والمزارع المحيطة به ومئات الخدم والعاملين فيه
ثم نظر بوجه تعتريه الدهشة وقال : ماهذا أووووه ماي قاد !
تبسم معاليه ودعى ضيفه لرؤية القصر من الداخل
الأثاث المطلي بالذهب واللوحات الفنية النادرة وقصر لم يرى الضيف مثله في حياته
تأوه الضيف الإيطالي وسأل الوزير : من أين لك كل هذا ؟
فتح النافذه معالي الوزير وقال : السر هنا , أنظر إلى هذا الجسر ؟
نظر الضيف الإيطالي ثم رد مستغرباً : أين هو ؟؟؟ !!!
قال الوزير بإبتسامة تملؤ محياه : أنظر مرة أخرى , وإمعن النظر
رد الضيف الإيطالي بحدة : ياهووو ويييييييييين الجسر !! ( مافي جسر )
ضحك الوزير السعودي وقال : تم رصد مليار ريال لتشييده ( وماسويناه )