مشكلة بعض الناس يحسبون كل صيحة عليهم

أضف للقائمة مشروع الملك عبدالله للأسكان الخيري اللي هو وقف لو الديه بنو فيه فلتين والى الآن كل شي واقف

والمليارات اللي دفعها الملك طارت في الهوا أو يمكن عشان ما نظلمهم الحديد غالي والأسمنت غالي

أن هالفلتين اللي بنوها كلفتهم المبلغ كله ويا عمري زادوا عليها فلوسهم

ويا بلادي واصلي والله معاكِ واصلي وأحنا وراكِ واصلي
ولا يهمك هرطقة أبو طلال ترى ما عنده سالفه

وترى مو كل المشاريع ما نفذت ولا يزال الخير موجود في بلد الخير

الا بالطاري ياعالم أستحوا على وجيهكم وأمدحوا بلدكم فشلتونا قدام الدول المجاورة

لو من كل هالمشاريع اللي توقفت ما فيه الا مشروع الحرم يكفينا

شوفوا التوسعه الجديده كيف وشوفوا المرجم كم دور وكيف يستوعب عدد كبير من الحجاج

أتقوا الله وكونوا واجهه مشرفة للبلد

للمعلومية هذا المستخدم مصاب بالشيزوفرينيا الرجاء عدم أخذ كلمه واحده منه على محمل الجد

بالحب والإشراق

^
اسمحيليه آخذ كلامج على محمل الجد
في إنه يكفي للمملكة العربية السعودية
إنها تقوم بتوسعت الحرم هب للسعودين بس .. إنما للمسلمين في كل العالم


وحتى حنا كإماراتيين بصراحه نشيد بجهود الملك للحرمين المكي والنبوي


بالمناسبة ليس المملكة التي تتوقف مشاريعها حتى حنا تتوقف بعض مشاريعنا
لكنه مب السبب مثل ما قالو بعض الاعضاء هنيها , يكمن السبب في تغير الشركات وأشياء أخرى .

انا اقول كل واحد يقط بالي يقدر عليه ونكمل هالمشاريع

لا بصراحه يبو طلال انا اشوف الآن بعض المشاريع يعمل فيها على مدار 24 ساعه

مثل عندك مبنى التأمينات الأجتماعيه الي جنب سوق غرناطه وفيه بعد عند بوابة المطار شغل جامد بس مدري وش هالمشروع

وفيه مركز الملك عبدالله المالي باديين الشغل فيه

انا اتوقع سبب تأخر المشاريع هذي عشان ماتسوي قلق للميزانيه يعني هم زي ماتقول يعطونك المشاريع بالتقسيط

لاتنسى انه حالياً بنيت مدينه كامله وغير كذا توسعة الحرم المكي الشريف بالأضافه مشاريع الي توزعت على البلديات ومنهى تجديد البنيه التحتيه وتصحيح الأغلاط الي كانت بالشوارع والطرق ووضع نظام صرف صحي جديد

بالأضافه الى التوسعه الجامعيه الي يبنونها حالياً بجامعة الإمام

يعني تتعب وانت تقول وتذكر الأشياء الي تبنى خلونا نناظر الجزء الممتلئ من الكاس

ابو طلال

^
^

فكرة حلوة مشعل فكرة القطه

أخوي صمت الخفوق

قلتها مليون مرة بس موب هنا وما أتوقع أنك سمعتها مني<<ما قلت لك شيزوفرينيا

المهم أنا قلت أن أحنا نحب بلدنا كثير

بس للأسف دائما ننظر لها بعين الناقد

نبي كل شي متطور ونبي كل شي الأفضل

متناسين أن أحنا طبياً الأفضل في المنطقة وتوسعات الحرم كذلك وحتى جامعة الملك عبدالله الأخيرة
رغم فلسفتنا الزايدة حولها <<عادي سعوديين نحب ننتقد بلدنا<<تبقى هي الأفضل حاليا في المنطقة

ما راح يملى عين الشعب السعودي الا التراب <<وأنت بكرامه

نقول عندنا أمن يقول شوفو السرقات يكفي أن سرقاتنا ما تمثل شيء كبير بالنسبة لأمن أخواننا في فلسطين أو حتى في بعض الدول الأفريقيه

يحبون يقارنون أنفسهم بدول بدت حضارتها من آلاف السنين مع دولة كانت صحراء
وأطور واحد فيهم معه جمل "خمسة سلندر "<<ما أعرف معنى هالكلمة
المهم أطور واحد فيهم معه جمل وخيمة ثلاث أقسام

أنا قلتها مليون مرة أن أحنا تطور العمران عندنا سبق تطور العقول <<وللأنصاف جزء من العقول تطورت
لكن الجزء الآخر لايزال متذبذب

ونتيجة القفزة بين العمران والعقول نتج عن ذلك حبنا الشديد للسخرية وممطالبتنا الدولة بمطالب تعجيزيه

ونقارن حجم دولتنا بحجم الإمارات أنا أحترم الإمارات لكن مساحة دولتنا أكبر فتحتاج سيولة أكبر

نا هيك أنكم تمتلكون رجل أسمه محمد بن راشد المكتوم

المهم

دولتنا تطورها ممتاز وتبقى الأرخص حاليا مقارنة بدول الجوار ونبقى نحبها

وحرة أبية يا السعوديه

ومن مشى على الرمضى حافي القدم يستاهلك<<ما عمري مشيت حافية يعني ما أستاهلها

خلني بهمي أروح أدور لي أي طعس أمشي عليه حافية بعدين نكمل الحوار


بالحب والإشراق

إقتباس الرسالة الأصلية كتبت بواسطة رائدة الزعيم ^ ^ فكرة حلوة مشعل فكرة القطه أخوي صمت الخفوق قلتها مليون مرة بس موب هنا وما أتوقع أنك سمعتها مني<<ما قلت لك شيزوفرينيا المهم أنا قلت أن أحنا نحب بلدنا كثير بس للأسف دائما ننظر لها بعين الناقد نبي كل شي متطور ونبي كل شي الأفضل متناسين أن أحنا طبياً الأفضل في المنطقة وتوسعات الحرم كذلك وحتى جامعة الملك عبدالله الأخيرة رغم فلسفتنا الزايدة حولها <<عادي سعوديين نحب ننتقد بلدنا<<تبقى هي الأفضل حاليا في المنطقة ما راح يملى عين الشعب السعودي الا التراب <<وأنت بكرامه نقول عندنا أمن يقول شوفو السرقات يكفي أن سرقاتنا ما تمثل شيء كبير بالنسبة لأمن أخواننا في فلسطين أو حتى في بعض الدول الأفريقيه يحبون يقارنون أنفسهم بدول بدت حضارتها من آلاف السنين مع دولة كانت صحراء وأطور واحد فيهم معه جمل "خمسة سلندر "<<ما أعرف معنى هالكلمة المهم أطور واحد فيهم معه جمل وخيمة ثلاث أقسام أنا قلتها مليون مرة أن أحنا تطور العمران عندنا سبق تطور العقول <<وللأنصاف جزء من العقول تطورت لكن الجزء الآخر لايزال متذبذب ونتيجة القفزة بين العمران والعقول نتج عن ذلك حبنا الشديد للسخرية وممطالبتنا الدولة بمطالب تعجيزيه ونقارن حجم دولتنا بحجم الإمارات أنا أحترم الإمارات لكن مساحة دولتنا أكبر فتحتاج سيولة أكبر نا هيك أنكم تمتلكون رجل أسمه محمد بن راشد المكتوم المهم دولتنا تطورها ممتاز وتبقى الأرخص حاليا مقارنة بدول الجوار ونبقى نحبها وحرة أبية يا السعوديه ومن مشى على الرمضى حافي القدم يستاهلك<<ما عمري مشيت حافية يعني ما أستاهلها خلني بهمي أروح أدور لي أي طعس أمشي عليه حافية بعدين نكمل الحوار بالحب والإشراق

مادهورنا وضيعنا الا هالكلام ..!!

من وين طبياً افضل ومدري كم كل فترة متوفي بسبب خطأ طبي ؟؟!!
وين طبياً افضل ومستشفيات تفتقد لكل شي طبي ؟!! مافيها اي شي ؟؟!
وين طبياً افضل وكثير من الشعب مهوب قادر يعالج ولا له علاج ؟!!
ويننا و وين الافضلية بالله ؟!!


يعني لازم نصير مثل فلسطين والا احد دول افريقيا عشان نقول ان الامن عندنا محيوس ؟؟!
وش هالمنطق بالله ؟؟! يعني مع كثرة السرقات اللي بالسنوات الاخيرة وكل هذا وما نتكلم في الامن وانه انعدم ؟؟!
ما يحق لنا نشتكي من ضعف الامن لان للحين ما وصلنا مثل فلسطين والا بعض دول افريقيا ؟!!



وش المطالب التعجيزية اللي نطالب الدولة فيها ؟؟!
اذا كنا نطالب بتحسين اوضاع الصحة وتحسين المتستشفيات .. تحسين التعليم .. الاهتمام بالامن . تحسين اوضاعنا كشعب من ناحية مادية وغيرها ..
اذا صرنا نطالب بالتبرعات اللي تطلع من هنا و هنا لكل ديرة حولنا وحنا ما يطولنا شي ..
وغيرها من المطالب المستحقة لنا كشعب نعيش في هالبلد ..
صرنا نطالب بطلبات تعجيزية ؟!



والله ما ضيعنا الا هالكلام .. حنا احسن ناس .. حنا مدري وش ..
جامعاتنا اكبر جامعة ونص الشعب عاطل ..
مستشفياتنا احسن مستشفيات ونص الشعب يموت يا من خطأ طبي والا من اهمال وما لقى له علاج ..
تعليمنا احسن تعليم ونص الشعب ما يدري وش الطبخة ..
احسن امن عندنا ونص الشعب ما يقدر يترك بيته يومين يخاف ينسرق ..



ايووه وش بعد ..!؟

إقتباس الرسالة الأصلية كتبت بواسطة صدى الامس مادهورنا وضيعنا الا هالكلام ..!! من وين طبياً افضل ومدري كم كل فترة متوفي بسبب خطأ طبي ؟؟!! وين طبياً افضل ومستشفيات تفتقد لكل شي طبي ؟!! مافيها اي شي ؟؟! وين طبياً افضل وكثير من الشعب مهوب قادر يعالج ولا له علاج ؟!! ويننا و وين الافضلية بالله ؟!! يعني لازم نصير مثل فلسطين والا احد دول افريقيا عشان نقول ان الامن عندنا محيوس ؟؟! وش هالمنطق بالله ؟؟! يعني مع كثرة السرقات اللي بالسنوات الاخيرة وكل هذا وما نتكلم في الامن وانه انعدم ؟؟! ما يحق لنا نشتكي من ضعف الامن لان للحين ما وصلنا مثل فلسطين والا بعض دول افريقيا ؟!! وش المطالب التعجيزية اللي نطالب الدولة فيها ؟؟! اذا كنا نطالب بتحسين اوضاع الصحة وتحسين المتستشفيات .. تحسين التعليم .. الاهتمام بالامن . تحسين اوضاعنا كشعب من ناحية مادية وغيرها .. اذا صرنا نطالب بالتبرعات اللي تطلع من هنا و هنا لكل ديرة حولنا وحنا ما يطولنا شي .. وغيرها من المطالب المستحقة لنا كشعب نعيش في هالبلد .. صرنا نطالب بطلبات تعجيزية ؟! والله ما ضيعنا الا هالكلام .. حنا احسن ناس .. حنا مدري وش .. جامعاتنا اكبر جامعة ونص الشعب عاطل .. مستشفياتنا احسن مستشفيات ونص الشعب يموت يا من خطأ طبي والا من اهمال وما لقى له علاج .. تعليمنا احسن تعليم ونص الشعب ما يدري وش الطبخة .. احسن امن عندنا ونص الشعب ما يقدر يترك بيته يومين يخاف ينسرق .. ايووه وش بعد ..!؟

وكلامك على متمة ياعميد.
أجل بالله منطقنا لازم نكون زي فلسطين ولا الصومال.؟؟
شعب نص او اكثر شبابه عاطلين.
شعب المريض فيه اذا مادخل بأمر طبي ولا الله يعينه ويعين أهله.
ثانيا بسأل الأخت رائدة سؤال.

أي تطور عمراني تتكلمين عنه .

شفتي شوارعنا .

شفتي طريق الملك عبدالله كم لهم يحوسون فيه .
شوارع جده كلها محفره وحالتها حاله.
كثير من مناطق المملكه وأنا اتكلم بحكم تنقلي بسبب العمل الشوارع كلها محفرة والسبب يغيرون الاسفلت وهم بالاساس يرجعونه مكانه.

شعب تقريبا سبعين بالميه مايملك بيت واكثر وعلى فكره هذي احصائيات موجوده.
بلد مافيه الا برجين عمرانيه طويله وقلت طويله لاني مبقول ناطحة سحاب ونقول تطور عمراني.

اذا التطور العمراني هو القصور وفلل الي فوق فهذا شيء ثاني.

بلد لجل اريحك على كبره مساحته وقوة اقتصاده ما فيه الا ملعب واحد فيه كراسي.

ولجل اضيف على كلام ابو طلال وعلى المشاريع الي ذكرها.
قالوا قبل بداية الموسم كل الملاعب بتصير بكراسي وإلى الآن ولا كرسي واحد والحجه السفينه تعطلت بالصين.

مطالب شعبنا مو تعجيزية شعبنا يبي عيشه كريمة بعيد عن طلب الواسطات ولا دفع الرشاوي لجل تمشي اموره الي المفروض انها تمشي.

ابو طلال اعذرني يمكن شطحت كثير بس استفزني رد اختنا رائدة

ابد ياخيي

ماحولناااش



ماشفتا الا ذيّا


اخيتي يوم تدخل جامعة الامام وهم يقولون تبي تدرسين بالمنى القديم بس ترم

ومير تدخل الخاامس وهم للحين يقولن باقي ترم


الله من الدنياا اللي ماندري وينها


يابني حسبنا الله ونعم الوكيل بس

والله ان اغلب اللي يشتغلون في الوزارات واللي مسؤولين عن المشاريع انهم حراميه

ويسرقون من هالفلوس وبس...!!

مانبي مباني ضخمه ولا شئ
نبي يعدلوون مكيفات ومباني المدراس الحكوميه
للاولاد ولللبنات
40 طالب /هـ
في فصل واحد
عسا ماشر

رائدة الزعيم

i understand u but u don't undrestand me

أجل هالمشاريع إلا نسمعها مابه واحد منها على أرض الحقيقة >>> وين عايش أنا

أنا اللي أعرفه قطار ينبع - الجبيل
هذا أشوفهم يشتغلون بهم



ويالله ياخونا الصغير شد حيلك وزين لك شركه تبرد التسبد

تحياتي

وحده مطروده وقويت وجه مصرة ترجع

المهم قلت لكم هذا المستخدم خارج نطاق التغطية ومصاب بفصام

بمعنى لا أحد يا خذ حاليا مني حق أو باطل

وبالنسبة للنقاش والحوار أنا أتفق مع الجميع اللي مع واللي ضد

هع هع هع

المهم أنا قلت ولا زلت أقول كلامي لاتاخذونه على محمل الجد

في راسي أمور أهم من مشاريعكم لابارك الله فيمن نهبها وضيق صدر أخوي الصوغنن أبو طلال

يالله عاد لا أشوف أحد معلق على ردي يقولن ما أحد يرد على المجنون الا اللي أجن منه وأنا معترفة أني حاليا مجنونه وفاصلة ومخي بإجازة

فتكو بخير

أختكم الكبيرة

بالحب والإشراق