.. [ تقديم الجولة السادسة لليجا الإسبانية ( متابعة + أخبار ) ] .. - صفحة رقم 4 - نادي الهلال السعودي - شبكة الزعيم

هلالي الكتلان · #46 04/10/2009, 04:13 AM

.

ألف مبروك الفوز والنقاط الثلاث

!

من أسوء ماشاهدت لبرشلونة بالفترة الأخيرة ، لكن الأهم الثلاث نقاط ماضاعت ،
برأيي أن أهم الأسباب اللي خلت برشلونة يظهر بهالصورة :

- الارهاق الكبير اللي كان واضح على اللاعبين ،
بعد عدة مباريات وبأربع بطولات مختلفة اليوم ظهر تأثيره على الفريق ،
وأغلب الاعبين كانوا مرهقين وبالأخص " ميسي ، ابرا " ،
الأول أدى اللي عليه بالشوط الأول ، والثاني كان غايب عن المباراة !
يمكن هالارهاق أحد أسبابه التشتت اللي يعيشه اللاعبين ،
وخاصة اللي يعيشون وضعية صعبة بالتصفيات ،
وبيتحدد خلال الأسبوع الجاي تأهلهم من عدمه ، وبالخصوص ميسي وابرا !

- أكثر اللاعبين اللي أثر انخفاض مستواه اليوم على الفريق كان تشافي ،
اليوم اللي كان بالنص خيال تشافي هيرنانديز ،
يمكن أكثر لمساته للكورة كانت لما يلعب ركلات الزاوية ،
ولا بقية المباراة كان كالمتفرج بسبب الرقابة اللصيقة جداً المفروضة عليه من أحد لاعبي ألميريا !

- تبديلات بيب !! أول شي بسكويتس أداءه كان سيئ جدا ً ،
ومايملك أي جرأة للتقدم بالكورة للأمام ، والمشاركة بصنع اللعب ،
كنت أتمنى من بيب أنه ينزل توريه مكان بسكويتس من بدري تأخر كثييييييير بهالتبديل ،
ولو أنه ماكان فيه أي مانع بالعكس كان الأفظل أن يبدأ توريه أساسي ،
وشفنا كيف الفرق بين بسكويتس وتوريه اللي يملك الجرأة بالتقدم للأمام وصناعة اللعب ،
وهالخاصية كنا محتاجينها في ظل الرقابة اللي على تشافي !

حتى التبديل الثاني برأيي كان خاطئ ، بيدرو صحيح قل أداءه الشوط الثاني ،
لكنه ماكان أسوء من انييستا ، على الأقل لياقيا ً أفظل من الدون ،
المفروض كيتا مكان الأندريس اللي مازال بحاجة للوقت ،
عشان يكون بالفورمة من ناحية اللياقة وحساسية المباريات !

أفظل اللاعبين اليوم بيدرو

يكفي هدفه الخيآآلي

،
يشاركه بالأفظلية ماكسويل ونوعاً ما ماركيز وبويل ،
و ميسي بالشوط الأول !

ركلة الجزاء الخامسة تقريبا ً اللي يتم تجاهلها مابين الليغا والأبطال لبرشلونة !!!

Madridi · #47 04/10/2009, 07:12 AM

فوز متوقع للبرسا

لكن الغير متوقع ان يكون بهذه الصعوبة

برافو سانشيز

عرف كيف يحد بكثيير من خطورة البرسا ، ووقف المحرك الاساسي للفريق وهو تشافي وانييستا
ووكل لهم رقابة مان تو مان على طول الـ 90 دقيقة وهالشيء خلى تشافي ما يكون توب امس ،
اضافة الى الارهاق اللي واضح شويتين على الفريق .

اعتقد البرسا يستحق ركلة جزاء و اكثر من لاعب في الميريا يستحق الانذار ، ما ادري عن لقطة
بويول اللي تكلمت عنها الماركا لأن فيه اجزاء من اللقاء فاتتني . . .

لنا رجعة ان شاء الله

Madridi · #48 04/10/2009, 07:33 AM

تقرير : رغم التناوب الذي يفرضه مانويل الا ان الاصابات مستمر

12 اصابة مختلفة منذ بدأ اعداد الفريق ، 8 من الاصابات كانت في العضلات !!! .

لمشاهدة التقرير كاملا :
http://vb.alhilal.com/showpost.php?p=13249421&postcount=7392

PUYOL Carles · #49 04/10/2009, 07:57 AM

سلام عليكم !

وه .. ماورى خلصت المباراه .. من أبطأ المباريات الا شفتها في حياتي صراحه

.. لدرجة اني توي مستوعب انها منتهيه وجيت اكتب تعليقي حولها

.. والا الحكم .. يا الله .. كل شوي .. تووووت .. تووووت .. كنت باحط التلفزيون ميوت من كثر مااسمع صوت الصفاره ..

اعتقد الفريق كله كان يمر بليله سيئه .. وحتى المميز من اللاعبين تضرر مع الوقت بمستوى زملائه .. بيدرو مثلا كان من المميزين جدا .. لكن مع الوقت صار يغلط في تمريراته .. ميسي أيضا ..

مااعتقد بوسكيتس كان سئ .. بالعكس .. اشوفه كان من افضل السيئين .. لكن الفريق افتقد لمرونة اللعب بشكل عام .. العاده حامل الكره يحصل اثنين او ثلاثه يتحركو في وقت واحد وبشكل سريع لاستقبال الكره .. ونفس هاللاعبين راح يفتحو لبعض اذا استلمو هالكره مثلا .. بس الأمس .. كان الرتم يبطأ مع الوقت .. كل ماتقدم الوقت .. كل ماخففوا سرعة اللعب ..

تشافي كان فيه واحد يطالبه بفلوس .. ويتابعه وين ماراح .. الا هو تشيكو .. كان مراقبته له شبيهه بمراقبة لاعب شاختار في مباراة السوبر الاوروبيه .. اللاعب هذا مااكتفى بمراقبة تشافي في مناطق الخطر .. ولكن كان يذهب له لما يتراجع لاستلام الكره .. والفتره الوحيده الا يتركها فيه .. لما تجي كره ثابته .. يروح تشيكو يراقب ابراهيموفيتش ..

لكن برضو كتفاهم لثلاثي الوسط .. كان تعبان .. الثلاثي كان بينهم جزر مو بس مساحات .. والثلاثي الآخر الهجومي .. كان ينقصهم الفعاليه الجماعيه .. وابرا كان يمر بيوم مختلف وبعيد عن الحاله الطبيعيه ..

عطفا على مجهوداته الكبيره وبغض النظر عن تمريراته الخاطئه .. بيدرو قدم صوره مثاليه للبديل الا نحتاجه .. الولد عنده جرأه هجوميه .. ويعرف يستعمل جسمه لمجاراة المدافعين .. وهالشئ مريح جدا في انتظار الاستحقاقات المستقبليه ..

أحيانا يكون اللاعبين من ناحية التمركز جيدين .. لكن التمريرات تكون سيئة .. وايضا استقبال اللاعبين لبعض الكرات كان سئ .. باختصار كنا بعيدين جدا عن الحاله الطبيعيه .. ولكن يحسب لهم انه وضع الفريق دفاعيا كان في حاله جيده جدا .. وكان فيه جهد كبير لافتكاك الكره ..

الخط الوحيد اللي كان في طريقه لانقاذ الليله .. كان خط الدفاع .. ولو انه ماركيز كان احيانا يتأخر في تمريره للكرات .. لكن كان مفتاح مهم في هجمات الفريق .. لكن على آخر نص ساعه .. شوي بدأ الفريق يفقد تركيزه .. وهاالشئ أدى الى بعض الهجمات .. الا حالفنا فيها التوفيق وقدرنا نتعامل معاها بشكل جيد ..

ماكسويل .. اشوفه يؤدي ادواره الدفاعيه والتكتيكيه بشكل كامل .. ممتاز في الواحد ضد واحد .. ويملك سرعه كبيره .. وعنده حس توقع جميل للكره .. لكن الى الآن ماشفناه يلعب بروح المغامره .. ماشفناه يتخذ قرار المراوغه على الأطراف .. ودائما يدخل للعمق ويلعب لأقرب لاعب .. علشان يضمن مايخسر الكوره .. مادري اشوف انه الشئ حلو .. بس نحتاج منه جانب ابداعي من هالناحيه .. لأني متأكد اللاعب عنده الامكانيات اللازمه لخلق الفارق ..

ماادري .. مااشوف انه الفريق بالفعل كان ادائه السلبي في الشوط الثاني بسبب الارهاق .. ولكن اعتقد بانه هدأو اللعب بسبب تقدمهم بهدف .. وقالوا هالفريق ماراح يطلع من مناطقه ابد .. ممكن خففو على نفسهم جهد .. لكن برضو اعتقد كنا نحتاج صلابه جماعيه اكبر وهالشئ كان بيسهل مهمتنا امام هالتكتلات وبشكل مريح ..

عموما الفريق هالموسم .. يفوز .. لكن فيه شئ ناقص .. حاجه في النص .. ثقل خط المنتصف دفاعيا وهجوميا .. حاجه بين الخطوط الثلاثه مومثل العام الماضي .. صحيح الفريق كل كم يوم تطلع له اصابه خفيفه + مرحلة عودة انييستا وماركيز من الاصابه .. وهالأشياء أثرت على انسجام الفريق بشكل عام .. الا هو أصلا تأخر في بداية مرحلة اعدادات الموسم مقارنة بالفرق الأخرى .. لأنه الفريق عنده التزامات دوليه كثيره .. لكن اتمنى فترة التأقلم ماتطول اكثر .. بيب يحتاج يعمل مداوره بين اللاعبين ولكن فيه لاعبين مبتعدين عن حالتهم الطبيعيه وهاالشئ يخلي بيب يلعب لاعبين اكثر من غيرهم ..

شئ آخر .. هالموسم فيه استيعاب اكبر لحملات ألفيس الهجوميه .. وراح يحتاج بيب في الفتره القادمه يوجد السرعه المفقوده في نقل الكرات الا يفرغ فيها مساحات لأظهرته .. حاليا ألفيس مراقب بشكل كبير وهالشئ خلاه يظهر بصوره اقل من صورته الطبيعيه .. لكن ان شاء الله مع توقف فترة الفيفا .. ومع حلول الجوله الـ 11 .. يوصل الفريق لحاله افضل ..

أخيرا .. الفتره القادمه .. لازم يرجع انييستا .. ونرسل تشافي الى الثلاجه

.. الولد يحتاج اجازه ..

مبروك ..

Madridi · #50 04/10/2009, 07:57 AM

بيزخوان ، ارض معادية لمدريد ..

في لقاءات الفريقين على ارض البيزخوان ، دائما ما يعاني ريال مدريد ، وهنا سرد تاريخي بسيط :

9/ 11 / 2003

فريق كيروش تلقى صفعة كبيرة وخسر 3 / 0 .

14 / 5 / 2005
بابتيستا كان الجلاد

من المفارقات ، ان ابطال ذلك اللقاء كانا راموس وبابتيستا عندما كانا لاعبين في
الفريق الاندلسي ، فقد سجل راموس برأسه ، ثم سجل بابتيستا في الدقيقة 88 ،
ليبتعد البرسا في الصدارة عن مدريد وبعد ذلك توج البرسا باللقب .

16 / 5 / 2006
الشتائم تتوجه الى راموس

كان اول لقاء لراموس في البيزخوان برداء ريال مدريد ، وقد اهانه الجمهور الكثير
وهتفوا بصوت واحد كبير : "Chapelgorris ، Chapelgorris!" ولم يؤد راموس
في اللقاء الذي خسره الفريق ، وخرج قائلا : لقد اهانوا والدتي والسبب ديل نيدو .

3 / 11 / 2007

بعد ان فاز اشبيلية بـ 2 / 0 ، لم يسلم لاعبوا مدريد من الجماهير ، فقد القيت
الالعاب النارية ، والقوارير الزجاجية ، على حافلة مدريد ، مما ادى الى تهشيم العديد
من النوافذ ،واصابة سائق الحافلة ، المدير الرياضي لريال مدريد بيدجا مياتوفيتش
استدعي للتحقيق بعد قوله معلقا على تلك الاحداث ، انها اشبه بالحرب الاهلية ويجب
ايقافها بالقوة .

26 / 4 / 2009

الجمهور استقبل الفريق بالدولارات التي عليها صور خواندي ، في اشارة الى استقالته
وتوجهه الى تدريب توتنهام بعد تحقيقه نجاحات كبيرة مع الفريق ، ولذلك لأن
الانجليز قدموا مالا اكثر ، وتوالت الصرخات ، خائن خائن ، ورفعت لافتات ، حتى
الفقراء لديهم المال ! .

لكن خواندي قاد اللقاء بقوة وفاز ريال مدريد بـ 4 / 2 .

http://www.as.com/futbol/articulo/fu...sdaiftb_41/Tes

Visca El Barca · #51 04/10/2009, 09:32 AM

" رونالدو لن يلعب في اشبيلية "

الصوره من جوجل لأن المصدر فيه فيديو

كريستيانو رونالدو المهاجم البرتغالي الدولي و مهاجم ريال مدريد الاسباني ، ليس في تشكيلة المدرب مانويل بيليجريني للعب في اشبيلية ، حيث اصيب بالتواء في الكاحل , وسيكون اول غياب الاول لرونالدو مع ريال مدريد منذ ان اتاهم الصيف الماضي .

SPORT

FLORINTINO · #52 04/10/2009, 10:35 AM

كوتش بطل بطل بمعنى الكلمة

توعد قبل المبـارة ولو انه ما طلع بنتيجة أيجابية لكن كسب أحترام الكل واحـرج
البرسا على أرضه .. كان على الأقل يستحق يطلع بنقطه من المتش عطف على
أداء كبير من زمان ما شفناه من أي نادي يواجه البرسـا وفي ملعبه !!

ضغط يبدأ من نص الملعب .. وتقليل لـ المساحات من العمق ولو انها خلت ثغره
واضحه من الأطراف لكن البرسا ما اعتمد عليها ابداً .. حتى ميسي الي يميل دايم
لـ الطرف الأيمن امس شفناه ينزل يستلم وهو في نص الملعب .. الهدف جا انقاذ
بمجهود فردي من بيدرو لأنه كان صعب تلعب براحتك مع فريق نشيط وحمـاسي
ويضغط عليك في وسط ملعبك وعنده سرعة .

اسوء مباريات البرسا من مده .. وان شاء الله من ذا الحال و أردى
مبروك يا عيـال

FLORINTINO · #53 04/10/2009, 12:09 PM

أصعب مبـارة لـ عيال بيلليغريني .. أشبيليه بدأ يصحح وضعه بعد أول هزيمة في
الليغا من فـالنسيا .. فريق فاز في كل مبارياته في التشامب و الليغا .. اخر مبارتين
اظهر قيمة هجومه بـ رباعيتين في بيلبـاو الي موسمه يعتبر جيد حتى الآن .. وفي
التشامبينز على رينجرز في جلاسكو الي أغلب كبار أوروبا يعانون منها ..

هجومياً عنده 4 خيارات ودايم يعمل بينهم تيرن أوفر .. نجريدو كوني فابيانو كانوتي
خلال الخمس مباريات الأخيرة كان يبدأ أكثر بـ نجريدو و فابيانو مع دخول كانـوتي
معهم في اللعبة .. وكوني دائماً ما يكون ورقة رابحه .. من خلفهم وكـ عادة اشبيليه
يلعب بـ جناحيين سريعيين .. نافاس الخيار الاول في الجهة اليمنى وخانته ما تمسٌ
بينما الصـراع على الجبهة اليسرى .. ثلاث لاعبين جيـدين يعطون في هـ الجهة
ويداور المركز بينهم .. لكن أكثرهم لعب بيروتي والي غالباً يبدأ اساسي بينما كـابيل
يكون ورقة رابحه لـ الفريق .. وعلى حسب المبارة ممكن يلعب بـ أدريانو الممتاز
هجومياً ونزعته الدفاعية طيبة ومنها تكون مساندة وتقفيل لهـ الجهة على الريال مع
الظهير نافارو ..

أشبيليه عنده عدد من اللاعبين الجيدين .. لكن بكل الأحوال ريال مدريد أقرب دائمـاً
لـ الفوز حتى والمبارة تُلعب في البيزخوان .. الحلول موجودة عندنا بكثره لكن الاهم
بـ النسبة لي الدخول بالتشكيلة المناسبة لـ المبارة ..اشبيليه صحيح قوي على ملعبه
وصعب انك تطلع فايز عليه وحتى في أخس ظروفهم لازم يسجلون عليك .. لكن الي
يشوف مبارة العام 4-2 يشوف قد ايش خواندي لعب بذكاء واعطاهم الكرة بالمقابل
وقف صح في الملعب وقفل عليهم من العمق وحاول يحد من خطورة الأطراف في
العرضيات والأعتمـاد على المرتدة السريعة القاتلة .. جاتنا فرص قبل ما يسجلـون
علينا لـ هيغوين وضيعها .. حتى بعد ما تقدمنا 2-1 جاتنا فرص كثير نضاعـف
النتيجة لأكثر وأكثر ومانحرج انفسنا بنتيجة 3-2 لاحقاً .. لكن طبعاً الأمكانيات كانت
ضعيفة جداً وما أستغيلنا الفرصة لـ مبارة تاريخيه ..

بالنسبة لي ولو انها مخاطرة لكن لازم يلعب بـ ديارا .. صحيح موب جاهز بدنياً لكن
على الأقل نزعته دفاعية اكبر وبيعطي راحة أكبر نشوف الونسـو يوزع الكورة
وتشتغل القذائـف الباسكيه .. لكن التوقع الأقرب دائماً هي المشاركة بـ جوتي
مع الونسو و جرانيرو كـ ثلاثي وسط .. بنفس الطريقة الي لعبنا فيها ضد مارسيليا
يميل جوتي لـ اليسار و يميل جرانيرو لـ اليمين و ألونسو يسقط بينهم .. بينمـا
الثلاثي الهجومي بيكون كاكا راؤول بن زيمـا .. راؤول رأس حربة ساقط في منطقة
الجزاء و كاكا و بن زيمـا يتبادلون المراكز من اليمين لـ اليسار .. الشي الي ممكن
ما يطمن هي كثرة نزلات راؤول لـ نص الملعب بدون أي داعي .. يعني لو نقـول
ان الأمدادات مقطوعة عنه ويرجع يستلم عشان يسحب معه كم مدافع ممكن .. لكن
ينزل لـ وسط الملعب ياخذ الكورة يعمل باص ويوقف مكانه .. لاهو الي سحب مدافع
معه ولاهو الي راقب وضعية الكورة وعرف يتمركز لأن ممكن يجيه أسسيت في أي
وقت من الونسو أو جوتي .. وضعية راؤول هذي شفناها كثييير خلال مباريات هذا
الموسم وما اتمنى انه يكثرها بكرة !!

بـ التوفيق لـ عيال مدريد
وان شاء الله يفرحونا ويرجعون بـ الصدارة

==

إقتباس


	9/ 11 / 2003 فريق كيروش تلقى صفعة كبيرة وخسر 3 / 0 .

http://www.youtube.com/watch?v=ehNi7OT8QEM
الأسطورة هيلغيرا جاب فينا الهدف الاول

هذا هدف الظاهره فيهم
http://www.youtube.com/watch?v=mkd4faTx-8M&NR=1
.

Hilali 3asal · #54 04/10/2009, 12:34 PM

تحقق الفوز والنقاط الثلاث وهي الأهم ،،،

مستوى غير مقنع من برشلونه ... أداء كان بطيء في وسط الملعب وتمريرات مقطوعة كثيرة وكانت الاجتهادات الفردية هي السائدة ونتج عنها هدف ولا أروع من المتألق بيدرو ، لكن اكيد لا يمكن ان نقلل أبدا من الجهد الكبير الذي قدمه لاعبو الميريا في الرقابة اللصيقة والضغط على لاعبي البرسا وكانوا قادرين على جعل المباراة صعبة على فريقنا ، وخاصة تشيكو الذي راقب تشافي مثل ظله في كل ارجاء الملعب ... حتى في تصريح اليوم لتشافي في السبورت عن المباراة يقول ان اللاعب كان يراقبني حتى عندما اذهب لتسديد الركلات الركنية كان يتبعني مباشرة .

الاتلتي أخيرا فازوا في الليغا مع ان الحكم ضغط عليهم في آخر الشوط الثاني ببلنتي خيالي قربوا فيه النتيجة ، وخورادو لاعب الاتلتي صراحة مستواه ابداع في المباراة .

في انتظار مباراة القمة الليلة ... مباراة اعتقد من يسجل فيها اولا هو اللي راح يفوز بالمباراة لان الفريقين عندهم قدرة على لعب الهجوم المرتد السريع في حالة تقدم الفريق المتأخر بالنتيجة للهجوم بوجود لاعبين امثال كاكا ونافاس وكابيل وغيرهم علشان كذا ممكن نشوف اهداف كثيرة في المباراة .

أخيرا أتوقع ( واكيد ما اتمنى ) اذا الريال يفوز في المباراة فانها راح تكون مباراة راؤول هو اللي يبدع في المباراة وبالتوفيق لابناء اشبيليه .

PUYOL Carles · #55 04/10/2009, 12:45 PM

أولا .. وبشكل مسبق

.. سامحنا على الانبراشه عبود .. يقول لك في الصيدليه .. يبيعو بخاخ .. حق العلاج الموضعي لاصابات الملاعب .. اذا ازعجتك انبراشتي راح احطه عليك

إقتباس


	الهدف جا انقاذ بمجهود فردي من بيدرو لأنه كان صعب تلعب براحتك مع فريق نشيط وحمـاسي ويضغط عليك في وسط ملعبك وعنده سرعة .

من اي ناحيه مجهود فردي

.. انه استلم وشات مثلا ؟

..

الكوره وصلت له بعد تمريره ماكسويل .. الا استلمها من ابرا ..

ويحسب له التحرك في العمق ..

حسيت من كلامك في الهدف .. انه حاور مدافعين الميريا .. وشوي راح نقز الكوره عند بيب .. وتباوس مع بينتو .. وبعدين رجع شاتها

===

انا ما اشوف انه الميريا صراحه استخدم ضغط عالي ضدنا .. بالعكس استخدم الرقابه الفرديه على مفاتيح لعب الوسط ودفاع المنطقه بالخلف .. وبرشلونه مااعطى مجال لألميريا بالصعود للهجوم .. بمعنى احداث خطوره .. الا في آخر المباراه ..

برأي .. الضغط العالي راح يكون موجود لما اشوف الميريا يفرض نفسه على برشلونه ويهدد المرمى .. بينما هو ماسوى شئ ابدا في ملعب برشلونه ..

ممكن الفريق بالشوط الأول عانى كثير من اسلوب الميريا البدني .. وهو اللي اشوفه السبب الأكبر في خروجهم عن جو المباراه مع الوقت .. لكن ايضا .. اعتقد انه من بعد الهدف ومع مرور الوقت .. تغير تفكير برشلونه .. وممكن التبديلات تعطي تفسير اكبر الى هالشي ..

موقصدي انقص من الميريا .. او تفكير هوغو .. لكن صراحه هو جا للكامب نو فقط لعدم استقبال اي هدف .. وحتى بعد مااستقبل هدف .. استمر على نفس المنوال .. الفريق مو جاي يحاول يوصل لشئ يعني

..

هو قال باستعمل اسلوب اسبانيول في مباراتهم مع البارسا بالكامب نو .. اسبانيول على الأقل ضربو اللاعبين فردا فردا بالشوط الأول

.. وهددوا الشبك .. وحققوا الفوز .. هذا لكن سانشيز .. اخذ من اسبانيول بس طريقة الضرب ونسى الأشياء الثانيه

===

اتلتكو مدريد فااااااز يعيال فاااااااااز .. قومو نسوي عرس

..

والله كاسرين بخاطري جماهير هالفريق .. لعيبه حلوين وعندهم .. وكل سنه يتأملو خير .. وفجأه مادري وش يصير عندهم

.. هي من اصابات .. هي من حظ .. كله قافله معاهم ..

FLORINTINO · #56 04/10/2009, 02:10 PM

إقتباس

الرسالة الأصلية كتبت بواسطة PUYOL Carles


	من اي ناحيه مجهود فردي .. انه استلم وشات مثلا ؟ .. الكوره وصلت له بعد تمريره ماكسويل .. الا استلمها من ابرا .. ويحسب له التحرك في العمق .. حسيت من كلامك في الهدف .. انه حاور مدافعين الميريا .. وشوي راح نقز الكوره عند بيب .. وتباوس مع بينتو .. وبعدين رجع شاتها

هههههههههههههههههههههههههههههههههههههههههههههههههههههه
لالالا ما توصل .. هذا سوبر مان بيصير ماعاد هو لاعب ههههه

لا شف حسونة .. لاعب يستلم كورة في منطقة ضيقة ويلف جسمه 180ْ ويشوت
بهـ القوة وفي زاوية مستحيلة على اي حارس .. ترا المقصد موب انه سحـب
نص لاعبين الفريق الي قدامه لالا خخ .. لا قصدي ان فيه مهارة عالية وهي الي
كانت الحل في حسم المبارة .

إقتباس


	انا ما اشوف انه الميريا صراحه استخدم ضغط عالي ضدنا .. بالعكس استخدم الرقابه الفرديه على مفاتيح لعب الوسط ودفاع المنطقه بالخلف .. وبرشلونه مااعطى مجال لألميريا بالصعود للهجوم .. بمعنى احداث خطوره .. الا في آخر المباراه .. برأي .. الضغط العالي راح يكون موجود لما اشوف الميريا يفرض نفسه على برشلونه ويهدد المرمى .. بينما هو ماسوى شئ ابدا في ملعب برشلونه .. ممكن الفريق بالشوط الأول عانى كثير من اسلوب الميريا البدني .. وهو اللي اشوفه السبب الأكبر في خروجهم عن جو المباراه مع الوقت .. لكن ايضا .. اعتقد انه من بعد الهدف ومع مرور الوقت .. تغير تفكير برشلونه .. وممكن التبديلات تعطي تفسير اكبر الى هالشي .. موقصدي انقص من الميريا .. او تفكير هوغو .. لكن صراحه هو جا للكامب نو فقط لعدم استقبال اي هدف .. وحتى بعد مااستقبل هدف .. استمر على نفس المنوال .. الفريق مو جاي يحاول يوصل لشئ يعني .. هو قال باستعمل اسلوب اسبانيول في مباراتهم مع البارسا بالكامب نو .. اسبانيول على الأقل ضربو اللاعبين فردا فردا بالشوط الأول .. وهددوا الشبك .. وحققوا الفوز .. هذا لكن سانشيز .. اخذ من اسبانيول بس طريقة الضرب ونسى الأشياء الثانيه

لو تشوف المبارة ثانية بتلاحظ مقصدي .. فريق عنده سرعة كبيرة في التغطية
وما اعطى برشلونة راحته في تحضير الهجمة بالطريقة المعتادة الي يحضر بها
برشلونة هجمته .. 20 باص واستغلوا هفوة هوب ثرو قول .. او مهارة وشوية
طقطقة ويخلصونها في الباب .. ما شفنا هـ الكلام الا في هجمتين او ثلاث وهذي
تحسب لـ الفروقات الفردية بين اللاعبين .. الرقابة كانت واضحه أكثر شي على
عقل الفريق تشافي .. هـ الكلام قلته في ردي الأول .

الميريا يا حسين ما يقدر يفرض اسلوبه على برشلونة مهما قدم من مبارة كبيرة !!
انت تلعب قدام البرسا على الكامب نو .. صحيح اللاعبين ما كانوا في الفورمة
بس برضوا فيه فروق بين اللاعبين .. هو قدر يتفوق على نفسه و وصل لمرمى
فالديز في الشوط الأول مرتين .. يمكن وحدة منهم بغى يجيب فيها العيد الشيخ
فالديز خخ .. الشوط الثاني زي ما قلت انت .. اخر المبارة وبالتحديد اخر
20 دقيقة من المبارة .. بغت تفلت من البرسا .. الميريا هاجم وفرض اسلـوب
البرسا على البرسا .. ويمكن لو بدل بياتي بدري كان نشوف مفاجأة حلوة

محتاجين انبراشات مثل هذي يا بويول

BENZEMA10 · #57 04/10/2009, 02:30 PM

مبروك لبرشلونه الفوز المباراة نايمه بس تحرك المشاعر شوي ههههه ..
والله أشوف إن المدربين من تالي كل واحد يقول بأطبق إسلوب إسبانيول أمام برشلونه في الكامب نو خخخخ ..
حتى المدرب حق إسبانيول ما قدر يطبق هذا الإسلوب على ريال مدريد و هو راعي التكتيك الأم .. < ترا هنا ما نقول إنه بايخ ..
ألعب بطريقتك و خل عنك القيل و القال
برشلونه قدامك ..؟! دافع إنت يا ألميريا و بتركيز 200% ..!!
عندك لاعبين سريعين ..؟! ألعب على المرتده ..
ما عندك لا هذا و لا هذا ..!! لا يكثر

..
لا تسوي لي فيها نفسيات و آخر شي ما عندك ما عند جدتي

..

لكن لا مانع من الإشاده بأبناء الأندلس البارح اللي أرهقوا البرسا
التغييرن اللي عملهم هوغو كانت راح تكون مثمره لو إشتغل عليها ألميريا بشوية ثقه و تنظيم ..
لكن عجبني بويول يوم شاف إن المباراة تميل مره هنا و مره هنا جلد أم بياتي هههههههههه
و قال عادي أحمر بس الحكم كويس عطاه أصفر و قاله لا عاد تتعودها

..
ماركيز غريبه ما طلعوا عليه الصحف حقتنا

و قالوا الحكم يساعد البرسا ..؟!

ترا ما نيب متأكد إنها في يده أو لا لكن من النظره الأولى شكلها بلنتي

على العموم مبروك فوز أتليتكو اللي ما بغو يفوزون ..

متيم زعيم القمة · #58 04/10/2009, 02:44 PM

تشكيلة الماركا المتوقعة للقاء الريال واشبيليا

من اخونا انس في رابطة الريال

PUYOL Carles · #59 04/10/2009, 02:50 PM

إقتباس


	حتى المدرب حق إسبانيول ما قدر يطبق هذا الإسلوب على ريال مدريد و هو راعي التكتيك الأم .. < ترا هنا ما نقول إنه بايخ ..

يمكن لأنه مانطرد من عندكم لاعب في هالمباراه

.. وبعدين سمعت بوتشيتينو مايطلع تكتيكيه الخاقوقي الا في مباريات خارج المنزل هههههههه

===

عبندي ..

فيه فرق اخيس من الميريا وقدروا يهددو برشلونه اكثر

..

موقاعد ابخص حقهم باللي سووه .. بس سرعة التغطيه الا صارت طبيعيه نسبة لأنهم اصلا ماتباعدو عن شبكهم .. الفريق دائما في ملعبه .. شئ طبيعي ماراح ياخذ عنده الوضع فتره طويله علشان يرجعو ينظمو نفسهم دفاعيا لأنهم طول الوقت بملعبهم ..

حتى نوعية اللاعبين الا اختارهم سانشيز معظمها دفاعيه .. مثلا .. غيليرمي امس لعب جناح يسار .. بينما هو العاده يلعب ظهير يسار ..

الشوط الثاني غناتي كان يمكن العن شوط شفته في حياتي من كثر التمريرات الغلط

.. ومع ذلك مااستغلوا شئ منها الا اخر شئ يمكن لما دخل بياتي بدأو يسوو شئ .. واللي اشوفه هو مومدخل اوتشي الا علشانه انه شيطان في الكور العاليه .. بينما هو لو مدخل بياتي كان يمديه يستغل عدم جاهزية ماركيز الكبيره ..

ترى الفريقين امس كان يمديهم ياكلو بعض اكثر

.. بس كانوا حبايب

مثلا .. برشلونه لو ظلو على طريقة اللعب الا بدأو بها الشوط الأول في الشوط الثاني .. كان ممكن استغلال الثغرات الا تنتج عن صعود المراقبين الا راقبو تشافي وانييستا .. لكنهم لسبب مجهول نوعا بالنسبه ليي .. خففوا حدتهم الهجوميه .. ومنها تركيزهم انخفض بشكل كبير في تمريراتهم ..

لكن على الجهه الثانيه .. بوكسيتس من الشوط الأول كان يضم كثير مع جهة ماكسويل علشان بعض عمليات المراقبه .. وهنا لو كان فيه جرأه اكبر كان يمدي سانشيز يستغلها .. زود على التمريرات الغلط الكثيره من جانب برشلونه بالشوط الثاني ..

===

ماطلبت شئ عبود ننبرش من يوم ورايح .. انا ماعندي مشكله مع الانبراشات .. بس فيه ناس يزعلو

.. فـ الأحسن التزام الصمت

FLORINTINO · #60 04/10/2009, 03:07 PM

^

وقف وقف .. وخر النقاش على جنب شوي

ياخي وش عبندي !
تحطمت ترا مع ذا الأسم الله يستر لا يمسكوه عليه

المشكلة اني ادلعك .. حسونة .. سحس وانت عبندي
الله يسامحك بس

اتفق معك في ردك الأخير بالكامل .. الله لا يضرك بس

اجل يزعلون اذا انبرشت !؟

كم فيه جدار ؟
خخخخخخخخخخخخخخخخخخخخخخخخخخخخخ

بس انبرش بدون عبندي تكفى