هلا اخوي الزعيم...
بودي لو نناقش الموضوع بزوايا مختلفة حتى تتشكل لنا الصورة الأفضل للموضوع :
اولاً / الإختلاط لا يجوز ( ما أختلفنا ) ولكن عندي سؤال ( شعيرة العمرة والحج فيها أختلاط ولالا؟ ) يا أخي اذا الطواف حول الكعبة يكون قدامي رجال وجنبي رجال !
طيب هذي شعيرة دينية والناس مالهم شغل ببعض كلن جاي يتعبد ربه ,
نقدر نقيس هالموضوع على الجامعة ( لأن الناس جايين يتعلمون ويعلمون) فهل بينشغلون عن التعليم في أشياء أخرى؟!
وغير كذا بدل ما الطالب ولا الطالبة يسافر برى يدرس ..الآن توفرت جامعة متقدمة تلبي إحتياجات دراسته وما يحتاج يتعنى لهناك ويسافر ! لأنه حتى لو سافر الوضع مارح يختلف من ناحية الإختلاط .
ثانياً / طالما أنها خاصة بطلاب الدراسات العليا حسب ما سمعت , فيعني هذا أن غالبية الطلاب والطالبات هم في سن كبيرة يعني مش مرحلة طيش ! بمعنى أن أعمارهم فوق الـ 25 وأنت طالع وقد يكونوا في الغالب متزوجين .
ثالثاً /قال رسول الله
: (إياكم ومحقرات الذنوب، فإنما مثل محقرات الذنوب كمثل قوم نزلوا بطن وادٍ فجاء ذا بعودٍ وذا بعودٍ حتى جمعوا ما أنضجوا به خبزهم وإن محقرات الذنوب متى يؤخذ بها صاحبها تهلكه).
ويقول بيت الشعر : لا تحقرن صغيرة *** إن الجبال من الحصى
( أفلام داجة ..تضييع وقت ..وسهرات ..وعلاقات صداقة بين الجنسين ) وبعدين يقولون ( لا ممنوع إختلااط !)
يا أخوي الي في بيته تربى صح , ولا يعرف يناظر في ( مذيعة أو ممثلة متبرجة ) مارح يرفع طرف عينه في امرأة غير محارمه ! لكن في وقتنا هذا للأسف صار النظر حتى للـ( الشغالة ) عادي !
وبعدين يجون يتكلمون ( اختلااااط حرااااام ) وكأن هالي قاعد يتكلم مقصر ثوبه و يصلي بالمسجد وما يسمع أغاني ولا يناظر في النساء ...والخ !!
وهي فائدة أحبها أقولها :
المعصية ما تصير الا بتجمع الذنوب الصغيرة التافهه ! مثل ما دل حديث رسولنا الحبيب صلوات ربي عليه .
يعني الي بيسوي علاقة محرمة أو يدج ويضيع سواء في جامعة مختلطة أو غيرها , هو في الأساس له ذنوب وخطايا صغيرة ترتبط بهالموضوع ..!
نعم لجامعة الملك عبدالله ..
اللهم اهدي شباب وشابات المسلمين ..