أسعد الله اوقاتكم جميعاً بكل خير ,, وكل عام وانتم بألف خير ,,
هذه كم نقطة بالموضوع :
# راح احط الصور باطار مصغر و" بعض " الصور الي تستاهل التكبير راح احطها بحجمها الطبيعي , اضغط عليها اذا تبيها بحجمها الاصلي وهو كبير جداً " 3264×2448 " ,,
# عدد الصور كبير وحجمها أكبر حوالي 11 قيقا , وبصراحة واجهت صعوبة في اختيار الصور المناسبة للعرض , عشان كذا اتمنى تنال الصور الي حطيتها على اعجابكم ,,
# الكاميرا المستخدمة من نوع سوني DSC -H10 ,,,
# الموضوع راح يكون على عدة اجزاء ,, ممكن 3 اجزاء وممكن جزئين ,, المهم الله يسهل علينا وننزل الي نقدر عليه ,,
# خط سير الرحلة كان من البحرين > إلى > هولندا > إلى > المانيا ومن المانيا إلى النمسا بالسيارة ,,,
# جدول الرحلة ,, 7 أيام في النمسا " زيل ام سي تحديداً " ,, 4 ايام في ميونخ ,,
# استأجرنا السيارة من يورب كار ,,
أول صورة راح احطها بالموضوع اتمنى من الجميع يشوفها زين ويحفظها عن قلب لاننا راح نحتاجها مستقبلاً ,, قارنوها بالصور الي بعدها ,,
هذه صوره واحنا بالجو , طبعاً مكاني كان ممتاز جنب النافذه ,,
هذه صورة للبران حقتهم وسبحان الي خلق وفرق , شوفوا اراضيهم ومزارعهم ومايحتاج تقارنونها بمزارعنا فالفرق واضح !!
المهم وصلنا ولله الحمد للمطار واول ماطلعنا عشان ناخذ السيارة الي استأجرناها من يورب كار لقينا حادث اعوذ بالله !! مدري الغشيم كيف دخل بالجدار !! قربت من السيارة ابشوف وش السالفة , اخر شي طلع الحادث دعاية لشركة فلكس واجن !! فكرة عبقرية بصراحة !!
لحد يسألني وش السالفة !! كل مافي الموضوع ان هذا الشايب والعجيز حقته كل واحد يشيل الثاني وكلهم بالحيل يمشون !! صدق الحب عذاب ,,,
هذه صورة للبيت الي استأجرناه , سكنا في منطقة اسمها كابرن وتبعد عن زيل ام سي حوالي 10 كيلو مراح تحس فيها ابد وانت تمشي لان المناظر هناك راح تسحرك ,,
هذه صورة للصالة في البيت الي استأجرناه , بصراحة الصالة حقت جو وكل شي متوفر زي ماتشوفون ,,
بصراحة اكثر شي توفقنا فيه ولله الحمد هو مكان البيت ,, بصراحة المكان روعة والمناظر الي نشوفها من البيت اكثر من روعة ,, الصور راح تعبر اكثر ,, كل الصور الي راح تشوفنها الحين مصوره من البيت !!
اتمنى تعطوني رأيكم في حجم الصور اذا كان مناسب او لا , واعذروني اذا كان حجم الصور صغير بصراحة حاولت ارفع لكل صورة رابط لحجمها الاصلي بس عجزت , كل مواقع الرفع تعلق @@
ماشاء الله ، النمسا بلد جميل جداً،
والمفروض يدفعون جزء من عوائد السياحة للهلال اللي عرف كثير من العالم على هالبلد الجميل
/،
من ناحية المقارنة، لا تشكي لي أبكي لك يابن الحلال، والله يرزقنا من هالخير ^_^
طبيعه اقل مايقال عنها روووعه , سبحان اللي خلق وفرق
الله يديمها عليهم من نعمه , انا لو عندهم مستحيل اخلاقي تقفل , او يجيني ملل
بصررراحه الطبيعه عندهم واووو + انهم يهتموا فيها
والله يعينا ع الغبار اللي عندنا
إقتباس
بس إذا سمحت انا سمعت أن النمسا من ناحية السياحة من اقل الدول السياحية تكاليف.. صحيح هي سياحتها رخيييصة ..؟
اي والله ياخوي ,, هي الرحله مكلفه ولا لا
لاني حاب ازور هالمنطقه , وابي اعرف كم تكاليفها ..؟
ترا العمر واحد وانا اخوك , ونبي نشوف هالطبيعه قبل مانموت
ترا مو مجبور ترد بالموضوع , خلنا نحلل الخاص
النـــمـســـ(1)ـــــا ,, الجزء الأول ,,,, 
هي الرحله مكلفه ولا لا 
الوضع العادي
