السلام عليكم ورحمة الله وبركاته ..

هوريو الجميع ..

4:05 بي إم .. سندي 9-27-2009

أبوساري يتحدث :



أجمع علماء النفس .. ويمكن ما أجمع .. إن الضغوط النفسية اللي تواجه الشخص يمكن تكون ضده ويمكن تكون لصالحه ..

حسب رغبة الشخص نفسه ..

اذا كان شخص انهزامي يرضخ لهالضغوط .. انكساره بيكون سهل وسريع


أما .. اذا كان شخص واعي عنده الرغبة في مجابهة العوائق والحماسة لمزيد من الانتصارات ..

فبتكون هالضغوطات حافز لتحقيق النجاحات ..


هذا كله يوم أجمع عماء النفس ..شلون لو ما أجمعوا ..


ياسر .. يا ياسر ..

يا شغف المدرجات .. يا كبير مهاجمي القارة .. يا أطلق شخص يسجل أهداف ..

لتعلم أن العدو أجهز العدة لتقليب الماضي .. لعدم إيمانهم بفريقهم ..

لجأو لحرب دنيئة قذرة .. وهذا اقصى مايمكن أن تتوصل له افكارهم ..

تركوا مؤازرة فريقهم .. وتركوا رفع معنويات لاعبيهم ..


ياسر اقسم بجلال الله .. اني لو مكانك .. مايتأثر مستواي لأنك يا ياسر انت لاعب محترف .. حياتك تعتمد وتاريخك يعتمد على ماتقدمه في كل مباراة ..

انت كلاعب كرة قدم محدودة سنينك في الملاعب ..

مهما حصل او قد يحصل .. قدامك طريق لازم تكون حاضر ذهنيا ونفسيا فيه ..

اشعل داخلك نارقبل كل مباراة ولا تخليه تخمد الا والحكم يأشر على نص الملعب هدف لصالح فريقك ..


ياسر قدامك مباراة طويلة .. جمهور يهتف لك وجمهور يهتف ضدك ..

مايسكت الجمهور اللي ضدك الا الاهداف في مرماهم ..


ياسر انت اكبر من الضغوط .. خاصة لا صارت ضغوط تافهة .. وانت تدري وش القصد منها ..

انت تدري وش مقصدهم .. وانت تدري انك بريء مما يقولون براءة الذيب من دم يوسف ..


رسالتي انتهت يا ياسر .. وانتظر جوابك ..



نقطة _+=

#-!=_ للأسف ان واحد مثل الدويش يصير من القصيم .. هالانسان المتخلف شطح أكثر من شطحة في مقالة الاخير

شطحة ماله دخل بالتعصب ولا له دخل بالرأي الشخصي ..

من حق جمهور اي نادي انه يختار لاعب ينتمي لفريقه كأفضل لاعب بالعالم .. ويمجّد به لمين يفيض مع إذانه ..

بس لحد الان ما مر علي عاهة وانسان كثر هالآدمي ..

من هو ماجد علشان تستنكر مقارنة سامي به ؟ .. والله الذي لا إله الا هو .. ان سامي يفوق ماجد انجازات ومستوى بمراحل ..

يا شخص .. وش سوى ماجد ؟ ..

انجازات ماجد قلّبت الانترنت وجميع الوسائل الحديثة ابي اشوف له شي .. مالقيت

قبل يطلع الانترنت .. كنت اسمع اشياء .. واقول كل شي يصير في هالزمن .. كنا شعب سهل ينلعب علينا

متى صار ماجد افضل لاعب في اسيا عام 84 ؟ ..

متى ارتقاء ماجد لمسافة 3 أمتار أما صالح النعيمة ؟ .. لاقيننا بشارع انتم ؟

متى سجل ماجد 200 هدف مع المنتخب ؟ ..

للمعلومية .. ماجد لعب مع المنتخب لمين داخ .. واهدافه ماتعدت الثمانين ..

وجائزة افضل لاعب اسيوي بدت عام 88 .. وما أخذو الجائزة الا أربع لاعبين سعوديين .. ماجد ماكان ضمنهم

وارتقاءته الشهيرة اتضح انه مجرد خرافة .. والله العالم انه يقصدون الكابتن ماجد اللي بكمبيوتر العائلة ..


متى صار ماجد اسطورة مايقارن ؟ .. قلي وش سوى بدون ما تزيّف التاريخ .. وتخليه احسن لاعب باسياء ست مرات وافضل لاعب بكاس العالم عشر مرات .. عطنى اشياء واقعية ..

بالاضافة ان سامي كانت اخلاقه كبيرة وهو يقول اننا عينين براس وحدة .. لك الشرف ولاسطورتك ان سامي يكون بهالتواضع والاخلاق ..


كل هذا كوم .. والدخول بالذمم كوم ثاني .. يا متخلف زيارة الامير الانسان لهزازي ماكانت لأغراض ثانية ..

كانت زيارة من سمو الامير لمريض أولا .. وثاني كانت مبادرة من الأمير لإصلاح العلاقات بين الهلال والاتحاد

كانت روح الاسلام وروح الاخوة اللي تربى عليها الامير .. اما اللي تربيت عليه انت شي ابعد عن اللي نتكلم عنه

وزيارته كانت في وقته وكانت مناسبة .. أول شي المنتخب كان يحتاج هالشي .. والاندية تحتاجه

وهزازي اصابته كانت بوقت خطير وحرج على المنتخب بحكم انه اللاعب الاهم حاليا بالمنتخب ..

ألا تخاف الله ؟ ..



بالتوفيق للزعيم في مواجهة النصر .. وبالتوفيق لياسر في مواجهة جماهير النصر ..

وبالتوفيق لجمهورنا الكبير .. ان شاء الله ماتطلعون خايبين