السلام عليكم ورحمة الله وبركاته

شباب ترى موضوع شوي قوي بس والله ماقلته الا انه من داخل قلبي


شباب انا صراحه ودي احظر المباراة يوم الخميس بس بشرط ان الشخص اللي يدعى كامبوس ما اشوفه حتى بالمدرجات ما اشوف وجهه

امس صار اجتماع والى الحين المدرب مو عارفين منهو مره الكرواتي وبعدين يوردانيسكوا وبعدين ريكارد وبعدين الصربي مدري والله يمكن بنسوي حفل للمدربين اللي يشوف حالنا مع المدربين يقول نادي ظمك مو الهلال والله ياشباب اذا استمرينا كذا بدون مدرب ولاعبين اجانب يفتحون النفس والله في العالميه ان نصير مصقعه لكل الفرق عاد هناك مافيه امي ارحميني


شباب لاتزعلون مني على هذه الكلمات والله اني منقهر
تكفوووون قولوا لي من المدرب مباراة النصر



وسلامتكم

أخي الكريم ادعوك لتغيير الفكرة السائدة ان المدرب بيده الامور جميعها . صدقني ان دور المدرب جزء يسير من امور كثيرة وكثيرة ولايصل تأثيره إلا بنسبة بسيطة وعلى سبيل المثال عمالقة تدريب لم ينجحوا في الكثير من الاندية وكانوا صدمة للجماهير الرياضية بنتائجهم تجدهم ابدعوا في اماكن اخرى وحققوا نتائج عن وجود تعاون اداري ولاعب محترف جاهز لتنفيز التكتيك المطلوب . وعلى سبيل المثال في اوربا عند اعتزال اللاعب فوراً تجده يستلم زمام الامور التدريبية في النادي دون سابق خبرة تدريبية _ريكاردو - جوليت- يوهان كرويف- زوف-وغيرهم الكثير
مع حق قد تكون مشكلة المدرب كامبوس انه صاحب اداء لاتيني بعد تجربة المدرسة الاوربية ولكن اعتقد ان تلك المدرسة اي اللاتينية هي قمة المدارس للإبداع الهلالي .
نقطة مهم ( ثقة اللاعب في المدرب هي الفيصل فلو تسرب الى نفسه ان ذلك المدرب يقل عن موهبة اللاعب فصدقني لوكان الهولندي يوهان زعيم المدرسة الشاملة واستاذ الوسط المبدع .

من غير وجه الفقر كامبوس..الله لا يوفقه دنيا واخره..

السلام عليكم ورحمة الله وبركاته

استاذي /حمد محمد الجنوبي

اشكرك على هذا التجاوب مع الموضوع ومشاء الله عليك على هذا الفكر الكروي ولكن لكل واحد منا له وجه نظر

انا اتفق معك ان المدرب تهمه كثيرا ثقة الاعب فيه كمدرب وان المدرب لايأثر كثيرا على الفريق ولكن متى نقول هذا الكلام يا استاذي حمد عندما يكون المدرب ذو فكر تدريبي ممتاز المدرب مانجح مع الشباب تبي ينجع مع الفريق الاول ولا بعد الحين مافيه لاعبين دوليين يسدون النقص يعني اكثر الاعبين شباب وانت لاتنسى انك تلعب مع انديه عندهم البديل المناسب افضل من الهلال

يعني بذمتك عجبتك خطة مع الاهلي او الاتفاق يعني فريق مطرود منه لاعب وماباقي الا خمس دقايق وانا لاعب بمهاجم واحد اروح واطلعه وين جالسين فيه


بذمتك خطة مع الاهلي هاذي تسميها خطه والله لو الاهلي مستثمر الفرص اللي له كان والله الصحف الى الحين يتكلمون فينا اللي ابي اقوله يا اخ حمد ان المدرب مهما كانت قدره التديبيه كبيره فهو لايضمن النجاح للفريق ولكن هناك تقييم لمستوى تفكير هذا المدرب

انا والله لو تبون رايي فيه حتى مدرب عيال حارتنا والله ما احطه لهم

تسلمون وتسلم لي حمد محمد الجنوبي فكر علي مستوي عالي

لاتخاف الهلال هويطلع المدربين وبعدين كامبوس فايزعليهم مرتين 1417و1421