موضوع مكتوب بالحبر السري حقناً لدماء المسلمين مرحبمبم .. انا جيت << متى فقدناك اصلاً ( اشواق ) بنت أمّوره دلوعة في بيت اهلها ابوها مدللها مره.. وامها تتنافض عليها ماتطلع من غرفتها طول اليوم ياتلقاها مقابلة النت .. او مقابلة النت .. او مقابلة النت واذا خرّبتها نزلت تحت وصلّحت لها خلطة زبادي بالعسل وقامت ( تلط ) وجهها و ( يبه تراي ابي حياة مول الليله ) و ( اذا رجعنا ابي دقيقة توقف عند الصيدلية علشان اشتري لوشن وصابونة ) وطبعاً ماتنسى تاخذ لها وجبة من تشيليز قبل يوصلون البيت وعلى طول لغرفتها وتقابل النت وتستلم المنتديات ردود ( لآهنت يآإألغلآ~ / فديتك يآدوووبه وهـ بص ) وبعد فترة تطفش من المشاركة في المنتديات.. وتمسك معها يصير لها منتدى خاص وتخلي اخوها يروح يشوف لها احد يصمم لها موقع بـ1500 ريال وتكشخ بيوزر احمر وخذ يا اسماء رنّانه ( قسم ولا مارغريت ثاتشر ) وتحط حيلها بالمنتدى توبيكات ياسر القحطاني وتصاميم ومواضيع شتشته وتنشب لكل صديقاتها يسجلون وتصير اقوى رئيسة مجلس وزراء بالتاريخ ساعتين مقابلة المنتدى.. وساعة مقابلة التلفزيون.. ونص ساعة تتروش.. والباقي ( نوم ) وهذي حياتي عشتها كيف ما جات.. انا بنت ابوي واللي مو عاجبة على قولة دنحي ( انقلع ) الموهيييم جاهم هذيك الليلة عريس وخطبها الى الحين مو مستوعبة انها بتطلع من العز اللي هي فيه الى معتقل الزوجية ومن يكون هالحقير المتحجّر اللي جاي ينتزعها من براثن الدلال ؟؟ وبعد عشرين عريس تم رفضهم.. وافقت ست الحسن والدلال على سعيد الحظ ( حدّها سعيد العويران ) وست شهور من سوق الى سوق ومشغل الى مشغل وخذ ياتجهيز خلصت المهر وفوقه حبتين قريشات من بابا الله يخليه لها ليلة العرس استلمها المعرس منتفشة كالطاووس ويا ارض اتهدّي ماعليكي أدّي واول مادخلوا الغرفة في الفندق الله لايورّيكم خذ ياصياح الى اذان الفجر مو مستوعبه انها بعيدة عن ماما وعن غرفتها وعن المنتدى اول يوم.. ثاني يوم.. ثالث يوم.. الامور تزداد سوءاً سافروا ماليزيا اسبوعين.. شاف فيها الزوج نجوم الظهر من المزاجية و ( التنعفق ) رجعوا من السفر وقعدت عند اهلها كم يوم ( نقاهة ) بطلعة الروح ركبت السيارة مع زوجها راجعة لشقتها وعش الزوجية وبعد ثلاث شهور من المطاعم والوجبات السريعة.. فجّر الزوج المفاجأة وقال لها ( اطبخي ) جتها حالة نفسية صعبة جداً وطاحت مريضة ثلاث ايام ماتنلام.. اجل ( اشواق تطبخ ؟؟؟ ) يبيها تدخل المطبخ وتمسك البصل والثوم بيديها لا والخافي عليكم اعظم يبيها تقطّع الدجاجة ( ارباع ) بريحتها وزفرتها وهرموناتها ياخي الله لايوفقك قل آمين... بنات الناس مو لعبة عند امك اذا رحت تتقضى ( ياثور ) هات دجاج مقطع تدري شلون ؟؟ جب لك طباخه اذا ماودك تجيب جاهز من المطعم انا ماقعدت طول عمري اتدهن واحافظ على بشرتي علشان تروح هدر بزفرة دجاجتك !! وذات مساء كئيب دخل الزوج الى الشقة ومعه اربعة شباب ( زقرت ) قلّطهم بالمجلس وراح لست الحسن ولقاها منسدحة على سريرها تصمم بالفوتوشوب وطلب منها تقوم تصلح شاهي وقهوة لضيوفه اللي بالمجلس قالت له : يمدحون الكوفي شوب اللي تحت بالعمارة.. صرّف نفسك انت وضيوفك !! هنا طفح الكيل بالزوج المغدور واستأذن من ضيوفه ربع ساعة... وسحب هالطاووس من شوشتها وقذف بها الى بيت اهلها وكره شي اسمه زواج بسبب هالـ( كربه ) اللي خلته يعاف معشر النساء وهي قالت خلاص توووبه ... وهـ بس الله يقطع الرجاجيل كلهم ... خلني كذا مبسوطة
.
.
. رومانسيات صخراويات يسلم عليكم ( القمندان ) ويقول : يامنيتي ياسلا خاطري وانا احبك ياسلام ليه الجفا ليه تجرحني وانا احبك ياسلام لك عنق الظبا ياسيدي وعين المها لك وتغريد الحمام ونحن عشاقك في الهوى جمله وانا احبك ياسلام يترنم على البانه عشيه قمري الروضه على غصن السلام ذكرني باحبابي وبكاني الهوى وانا احبك ياسلام جبيني لك بيضاء هلاليه وجعد اسود هنيدي رام رام يا آسري ليه تظلم في الهوى وانا احبك ياسلام بين الرماده والحسيني فاح عرف الفل والكادي والبشام يمسي يلاعب في الهوى هاجسي وانا احبك ياسلام ياهركلي غن بالباكري ثم من خلف الكدام حيث الصفا حيث سعدك والمنى وانا احبك ياسلام
أشوآق لاتزعلون أشوآق من يزعل أشوق يزعلني بيني وبينه يصير افرآق لااكلمه ولايكلمني < رد على موضوعك < حجر رومنسي , هلا وغلا صخ صخ , يالله أن تحييه بنت الدلع ماتقول يبه !! تقول بآبآ ,عآد أستهبل على أمي بعض الأيآم أقول لهآ مآمآ , مليت من كثر ما أقول أم عبدالعزيز < مايمديه يستهبل على أبوه ونص البنآت ماتتعلم الطبخ إلا إذا بغت تروح لبيت أهلهآ , والله يعين أمهآ على رفعت الضغط والتنآحه وبعدين هذآ وشلون يعزم وهو عآرف حرمته , المفروض أول ماتزوجهآ سفري لبيت أهلهآ خلهآ عند أبوهآ تتدلع أجل كآفي شوب ! الله يستر على بنآت المسلمين وأن شاء الله يتعلمون الطبخ من ذو الصغر
رومنسي ماشآء الله عليك , وش هالذوق واشتاق للي لها يشتاق واحن للي لها يحنـــــي وفي روآيه [ بمآ أنك من القصيم ] : يا أهل القصيم أنا مشتاق وحبه بقلبي يعذبني ........................... >
وآه من أشواق. قبل الزواج كنت خائفا من أشواق ولكن الحمد لله ربك ستر.
لذلك نقول لأشواق وأخواتها فالك العنوسة.
ودي أسترسل بهالنقطة كثير ولكن.
عندي قناعة ورثتها من خلال تربيتي.
البنت من أمها فوالله إن كانت الأم صالحة وتخاف الله في بنتها ستربيها أحسن تربية ليست فقط بسوالف المطبخ وشغل البيت لا والله بل في شتى أمور الحياه.
رزقنا الله وإياكم الزوجة الصالحة والذرية الصالحة .
وهدا الله بناتنا وشبابنا لما فيه خيرٌ لهم.
أما رومنسياتك
فهي تدل على شاعر فحل بس ياخي في شطر إستخدمت فيه كل المعاجم لأترجمه وللأسف فشلت
بيني وبينكم , كثرو امثال أشواق , الحيييييييين , والله اني مرهـ انقهرت من جد ,: ( قريت بأحد الاشرطة الإعلانية لأحد القنوات المحافظه , وآحد يقول بمعنى كلامه , يآ نآس وش اسوي خلصت فلوسي من المطاعم لي 6 شهور وانا كل يوم مطعم , أجيب لزوجتي كتب طبخ اقولها تعلمي تسحب علي وش اسسوي << اقسسسسم بالله حسسسيت بمعاناته !! ولآ 6 شهور مآ آكل من البيت !! اوووم القلق يا نااااااااس !!
ولا وآحد من أخوياي أخوهـ توّهـ متزوج , بعض الاحيان اجلس مع خويي العصر برمضان , يدق عليه اخووه , يقوله جب الفطور , < كل يوم يروح يجيب لأخوه وزوجته الفطور ,, ...
.. انا جيت 
<< متى فقدناك اصلاً 
.. او مقابلة النت 
< رد على موضوعك 
وش اسسوي 
الوضع المتطور
