ليش الدنيا ماشيه معي كذا؟!! اجيبها يمين تجيني يسار.. كل ما قلت هانت جد علم جديد..
كم مره حاولت اهون على نفسي مصيبتي و اقنع نفسي اني مانيب شين لحالي.. لكن الامور تجى
عكس ماابى .. افتح التلفزيون ابشوف واحد اشين مني.. مافيه امل :sad:
معاناتي:
بدت معاناتي مع شكلي من يوم اني صغير.. من يوم كان عمري ست سنين و الحريم يتغطون عني
يعني ما قد كحلت عيني ابد
كنت اسأل امي ليش الناس تتغطى عني؟؟ قالت لي
يحسبونك بسم الله علينا عوافيه الله :sad:
كبرت و كبرت العقده فيني.. حاولت اني اسوي عملية تجميل يمكن ترقّع شوي.. قالوا لي مالك الا في
الخارج.. يعني لازم اطلع جواز و بعد مراجعات و قلق طلع الجواز.. لكن كان فيه شي غريب..
شوفوا وش كان مكتوب:
الاسم: ابو الذهب الاطخم
العمر: قديـــــم بالحيل
الجنس: ادمي
لون العينين: كخخخخخخخ.. اللهم لا شماته
لون الشعر: انظر اعلاه
العلامات الفارقه: احمدوا ربكم لا يجيكم عيال زيّه
تسكرت في وجهي كل الابواب.. و ما كان عندي الا صديق واحد.. ما مشى معي الا بعد ماطرش كل ما
شافني الين صار تسنه مسواك.. اثره كان يبى يسوى ريجيم
صديقي هذا نصحني
اضبّط شكلي.. و قال لي خلنا نبدأ باسنانك.. اعرف لك دكتور شغلته يعدل في الشيون اللي زيك
رحنا للدكتور و اول ما دخلت العياده قابلني الممرض الهندي حقه.. قلت له ابي انظف اسناني.. قال
لي: سوري صديق مافيه قسيل بستم
طيب شكلي شين مهيب مشكله ...لكن ليش حظي زفت؟؟ مره صديقي ا ارسل لي رساله على الجوال
مكتوب فيهاناظر يمينك و يسارك و قدام و ورا بسرعه.. شفت كل اللي حواليك؟ انت احلاهم..
وش ذنبي اني كنت قاعد في حديقة حيوانات مافيها الا حمار وحش؟؟ و شايب بعد!!:sad:
مره صورت مع وحيد القرن.. و يوم طلعت الصوره وريتها صديقي.. قال لي: بالله انت مين فيهم؟؟
حــــلـــمـــي:
اني اصير حلو.. و شعري ناعم.. و اقدر اقول: حلو مرررره.. يهبببل.. و يصير عندي صديق
و اذا رحت للسوق يقولون اللي يشوفوني.. سبحان اللي خلقك
ودي يصيرون العالم
يدورون عند بيتنا.. و انا اقعد عند الباب و انواع التفحيط و التنطيل.. و اقول: يا ربي وش السالفه؟؟
ليش العالم مجتمعين؟
ودي اطوّل شعري بدون ما يحك في السقف
و اذا صار طويل مرررره دهنته بفازلين عشان يصير يلمع !
فازلين؟؟ افلقني يا شيخ اذا صرت حلو
يا جماعة الربع: اللي بيرد يقول: انت حلو.. و ترى كلنا شيون.. :sad:
و يستثنى من ذلك جاج لان خواله لبنانيين