بسم الله الرحمن الرحيم

السلام عليكم ورحمه الله وبركاته

كيف الحال للكل

انا بصراحه ما اعرف المقدمات ولا شي يعني بدخل على طول

بصراحه الجمهور العاقل والفاهم بيرتفع ضغطه ويمل من المواضيع اللي تكتب بالمنتدى بصراحه

في ناس مدري وش اقولكم ما نلومه بحب الهلال ولا بحب اللاعب نفسه

والله مافي يوم ادخل الا والقى الجمهور حاطين اللوم على جيريتس ليش...؟؟

عشانه استبعد خالد عزيز انتم اصلا جمهور عاطفي

وبعدين اغلبكم اتوقع انه ما تابع لقاء الامير عبدالرحمن بن مساعد ويقول اللي ما يحترق عشان الفانيله مصيره

المدرج الى ما ينتهي عقده مو نعيره لا الى ما ينتهي عقده وهو بالمدرج وقال المدرب يعجبني فيه يحب الانضباطيه

والقتاليه والمستوى داخل الملعب ما يهمه الاسم. اتوقع ان اغلب الجمهور مو عاجبه كلام الامير

المدرب لعلمكم كان مدرب مرسيليا واغلبكم هنا يعرف بن عرفه الجزائري الاصل هذا كان في مباريات مهمه ويلعب

ببرود وش سوى له المدرب حطه على دكه الاحتياط لمده شهررر كامل وكانت الجماهير تسب بالمدرب يبونه يرجع

بأسرع وقت ولا صرح للمؤتمرات الصحفيه اذا سأل عن بن عرفه الى ما انضبط اللاعب وصار اساسي

يعني بلاش مواضيع خالد عزيز وخالد عزيز الغنام موجود وبأفضل المستويات ورادوي

اتمنى من الجميع يحاول يترك عنه العاطفه لان المدرب ما يعترف فيها ابد والدليل تابعوا الدوريات الاوروبيه

شوفوا كيف الانضباطيه خصوصا المدربين المنضبطين ماهمهم الاسم وتاريخ اللاعب همهم المستوى اللي يخدم

الفريق.

طيب نفرض رجع خالد عزيز وحطه اساسي ومستواه نص ونص بتقولون عزيز هو السبب وهاتك سب بعزيز

ليش...؟؟

والله اننا جمهور ما ندري وش نبي

واغلبنا اساسا جمهور لاعبين فرق عن جمهور الهلال اول اللي يحضر عشان الفريق مو عشان يوسف الثنيان ولا

سامي الجابر ولا فهد الغشيان ولا ولا ولا ولا .........

يا ناس انتم تحبوون الهلال لا تفكرون باللاعبين واللاعبين اللي يحب الهلال من كل قلبه يبي يضحي بكل شي عشان

الهلال وعزيز كم مره يغيب عن التدريب ترى مو هذي اول مره للمعلوميه فقط

واتمنى ان الجمهور يكون واعي ويتحمل ويصبر والصبر مفتاح الفرج.

ومشكورين على حسن متابعتكم للموضوع

والسلام عليكم ورحمه الله وبركاته

تحيااتي

الله يعطيك العافية

المدرب أدرى وأعرف بوضع الفريق

مووضووع في غايه الرووعه اخي العزيز / وبخصــووص خـالد عزيز لاعب كبيرر بلالا منـاازع ,, واللي يصير معه حلياً من المدرررب شئ عـاادي وكل لاعب بالعالم يصير معه نفس هالشئ بوجود مدررب ,, انضبااطـي ,, لكن اللي يحز عليناا في قلووبناا ان هالشئ طوول ومايهون علينا خالـد عزيز , نبي نشووفه مااسك المحور زي زماان ,,

انا اشوف كلامك كله في محله

خصوصا موضوع جيرتيس

يعني حتى لو المدرب تحسه غير منآسب .. لابد تعطيه دافع وتشجعه عشان يبدع ويقدم اللي عنده دام الاداره واثقه فيه

ولامجال للتغير حاليآ

لكن وش تقول


تحيآتي لك ~

هذي المواضيع الي تستحق القراءة وتستحق من يعلق عليها .. اتفق معك اخوي في طرحك وفعلا اغلب جماهير الهلال للأسف
جماهير لاعبين .. يعني اذا ما لعبوا اللاعب الفلاني قام يفتح مواضيع مالها داعي .. واحيي المدرب على انضباطيته
واتمنى ان يكون صارما وشديدا مع جميع اللاعبين بدون استثناء والا يتم التدخل في عمله

وشكرا مرة اخرى