شريت جوال نوكيا 96 قبل اربع ايام قلت خلنا نكشخ فيه بالعيد عاد يوم اني شبكت الجهاز اول ايام العيد في الكمبيوتر وسويت برنامج نوكيا بي سي قال البرنامج ترى فيه نسخه جديدة من البرنامج التشيغلي للجهاز وانا اقوم واحمل النسخة وبعد ما خلص الجهاز طلع بدون عربي قلت الله يعين خلنا نتعلم انجليزي وبعد العيد نشوف له حل جيت امس وقلت ابي انزل نسخه للبرنامج التشغيلي من موقع نوكيا عربي يمكن يصير اللغه موجودة وسارت الامور على ما يرام حتى وصل الى اخر لحظه عندها قطع الاتصال مع الكمبيوتر وعلق الجهاز وصارت الشاشة بيضاء ولا حس ولا خبر .. سؤالي فيه امل بالاصلاح والا احطه بالسيارة وارقب السيارة حتى يجي واحد يسرقه وثم الحقه وابلغ الشرطة وسوي له محضر سرقهة.

قاعد انتظر رد على احر من القمر ( الجمر )

كل عام وانت بخير اخوي

مبرووك الجهاز الله يعطيك من خيره ويكفيك شره.

اولا اذا الجهاز عليه ضمان وده لوكيله وان شاء الله يصلحونه.

ثانيا حسب علمي المتواضع انه احترق الـ(بي سي) حق الشاشه وهذا سعره عند الحداد تقريبا 200 ريال

بعدين ياخي الله مكثر محلات الصيانه .. اقرب فرصة لك اذا الجهاز ماعليه ضمان رح شف وش علته .

وان شاء الله ما خلاف.

اتمنى اني افدتك.






لكم ودي

سفير الشوق.

اخوي قل امين الله يرزقك الجنة

انا في حايل والوكيل في الرياض والمحل اللي شريته منه جت الجوازات ليلية العيد وسكرته وكل من قال انا يماني شالوه شيله نخلة فيها السوسة الحمراء وبأذن الله بلا رجعه المفيد ان وكيله نجد ويقولون انه لابد من ارساله اليه ويالله السلامة عاد انا ترى حطية الاستفسار قلت يمكن احد مرت عليه التجربه على العموم انت فوق الراس الله يخليك