حرآميه لآكن بلوكآت جديه .. وآفكآر جديده ! - نادي الهلال السعودي - شبكة الزعيم

S@LEH · #1 22/09/2009, 01:34 AM

آلسلآم عليكم ورحمه آلله وبركآته ..

عيدكم مبآرك وكل ؛؛ عآم وآنتم بصحه وسلآمه ..

شخبآركم عسآكم بخير بشرونآ عنكم ..

//

[ مقدمه ]

طبعآ كل يوم للحرآميه طريقه للسرقه وكل يوم حركه وكل يوم لوك جديد ..
وكثير مره يعآني من آلسرقه خآصه آلع ـمآل آلضعوف ..
ولآكن آلآدهى وآلآمر سعودي يصرق من بآكستآني !!

//

[ آلسآلفه آللي تفطر القلب وتقهر ! ]

هآذآ عآمل بآكستني يشتغل حآرس عندنآ بـ آلحآره يمكن من آول مآ سكنآ وآنآ آشوفه ~
حآرس يمكن حوآلي 7 سنين له يجمع فلوسه بـ آلحلآل .. آلرجآل طيب ورآعي صلآه !
ويعني رآعي آختلآط مع جماعه آلمسجد !

آلمهم مآ علينآ من آلكلآم ذآ كله .. <~ بعطيكم آلسآلفه ع دوز بآرى !

يقول آلعآمل ( لـلجمآعه طبعآ ) آنآ كنت حآضر آلسآلفه <~ قل قسم

!
كنت في غرفتي آطبخ سحوري يوم 28 من رمضآن ..
يقول آلآ بآب آلعمآره يطق وآطلع آلآ آثنين عليهم بدله عسكريه ..
دخلوآ وفتشوني ودخل وآحد آلغرفه ..
يقول وآحد مآسكني يقول ممنوع تدخل آلغرفه وهي تفتش و وآحد يفتشهآ دآخل !
آنآ مبعدني آلعسكري عن آلغرفه .. جلسوآ حوآلي 5 دقآيق وتركوني ومشوآ ..
يقول آنآ دخلت آلغرفه آلآ هم فآتحين صندوقي اللي فيه آغرآضي ..
آلبآكستآني يقول مآ آصك آلصندوق آلآ لـ طلعت من آلعمآره بس !
آنآ موجود بـ آلغرفه مفتوح طبعآ يقولوآ آلفآجعه..
شقوت عمري فلوسي اللي تعبت عشآنهن رآحن !
يقول طلعت بـ آقصى سرعه وآنآظر آلآ هم رآكبين تكسى ودآزين !

آلآثنين آللي فتشوه حرآآميه ،، منتحلين شخصيه رجآل آلآمن !

//

يعني لـ آلدرجه ذي وصلت فيهم آلطفره ينتحلون شخصيه رجآل آمن ..
لو قبض عليه كآن خآسو بـ آلمحآكم ! يعني مآ تسلطوآ آلآ على آلضعيف ذآ

،،

لآكن آلبلآء مهوب منهم طبعآ آلبلآء من وزآره آلعمل !
وين آلوظآئف آلشبآب نصهم عطآل بطآل من وين يجيب لقمت عيشه آذآ كنت آلوظآئف ..
لـ آبن [ *** ] تلقآه متوظف بوزآره آلعمل !

ولآ يدآوم لآنه آبن [ *** ] / وآذآ دآوم سووآ دعآيه آلشغل مو عيب دآخل مطعم !

آنآ دآري آني طلعت عن طور آلموضوع .. لآكن هذي آلحقيقه ~

//

آترك لـكم آلتعليق .. وآلـ ( كل شئ )

وتوضيح لـيه كل ذآ آلحآل وصل .. آلخ ،
[ آن آصبت فمن آلله وآن آخطآت من نفسي وآلشيطآن ]

//

..

naiF' · #2 22/09/2009, 01:48 AM

والله السرقات برمضان تكثر

وقت السحور والصبح ووقت الفطوور ,

عامل مصري عندنا سرقوا منه لاب توب ومبلغ بسيط

وقت الفطور

يعطيك العافيه صالح ,

طفلة الهلال · #3 22/09/2009, 02:06 AM

لاحول ولاقوة الابالله
السرقات كل مالها تزيد مع ازدياد الفقر والحاجة والعمال الاجانب

لآكن آلبلآء مهوب منهم طبعآ آلبلآء من وزآره آلعمل !
وين آلوظآئف آلشبآب نصهم عطآل بطآل من وين يجيب لقمت عيشه آذآ كنت آلوظآئف ..
لـ آبن [ *** ] تلقآه متوظف بوزآره آلعمل !

ولآ يدآوم لآنه آبن [ *** ] / وآذآ دآوم سووآ دعآيه آلشغل مو عيب دآخل مطعم !

آنآ دآري آني طلعت عن طور آلموضوع .. لآكن هذي آلحقيقه

حرام ليه حاقدين على غازي القصيبي اللي وظف كل العاطلين

مين قال الشغل عيب

S@LEH · #4 22/09/2009, 02:30 AM

^^

آجل روجي آشتغلي ( عآمله منزل بـ قطر ) زي آللي رآحن !
يشتغلن [ قولي الشغل مو عيب ] !

.

GoldenEngineer · #5 22/09/2009, 02:46 AM

حسبنا الله على كل حرامي ..

العيب مو في وزارة العمل .. العيب في النفوس إللي ما تعرف إيش تبغى ..

فرص العمل متوفرة وبكثرة ،، لكن مين يبغى يشتغل ؟!!
مع احترامي للإخوة .. إلى متى تبغى الغير سعودي يأكّلك ويشرّبك ..

شكراً على سردك للقصة ..

سع ـود · #6 22/09/2009, 02:52 AM

لاحول ولا قوة الا بالله
الله يعوضه خير مما أخذ منه
بصراحه
ملاحظ رمضان السنة ذي كاثره السرقات
عم أمي انسرق منه في نهار رمضان دبة غاز وسلم

وخالتي انسرق منها مجوهرات ومبلغ مالي قبل رمضان بيومين
عسى الله يعوضهم

هلآآآلية ومن قدي،،، · #7 22/09/2009, 02:56 AM

,,

وش ذا وصلت فيهم يتنكروون بـ شرطي :|

والله من الأفكار اللي عندهم :s

الله يرحم كل حرآمي في ذا البلد ويشفيه يا رب < ~ مات ولا مريض وانا مدري

ان شاء الله ترجع له فلوسه واكثر يارب : (

мя.ħάίţħάм · #8 22/09/2009, 03:04 AM

حسيبهم رب العباد

اللي ما تنام عينه

والله رحمته

20قناصه هلاليه20 · #9 22/09/2009, 03:10 AM

حرااااااااااااااااااااااام يسرقووونه قهررر لو انا بمحل الباكستاني بيجيني انهياار عصبي سنين يجمع ثم يسرقوونه الله يعينه
هالحرااميه والله قويين وماعليهم من احد

قبل فتره طلعنا وكنا باستراحه وكانت سيارتنا عند الباب جينا طالعين اجي الاقي الباب مفتوووح وفاتحين درج السيااره ومفتشينها يعني هالحرااميه صاروا يسرقونك عيني عينك فتشوا السياره وماخافو احديشوفهم لاسرقو مفتااح البيت ولقو عطر بالسيااره وكسروه>>>>>>>>>حسبي الله عليهم الحمدالله ماشلحو السياااره

S@LEH · #10 22/09/2009, 03:25 AM

عيال ترى بـ آم آلحمآم آلحرآمي مهنه عندهم .. قسم بـ اله ينزلون الوآحد من موتره !
بس بعروق آم آلحمآم .. وهآذي دآيم تحصل ونقرآهآ بـ آلجرآيد ..
جمآعه آلمسجد مآ قصروآ مع آلبآكستني ..
لآكن للحين منعفس ..

حيآكم آلله جميعآ ،

مقطوع راسي · #11 22/09/2009, 03:47 AM

فكرة التنكر بذآتها ذكية ..!
لو آستخدم عقله في مجال آخر لكان خيراً له ..
,, آشكرك آخي الغالي ,,

إمارة الهلال · #12 22/09/2009, 04:05 AM

دعوة المظلوم راح تجيب اجلهم
سرقة غير جديدة وفكر مضى عليه زمن غير يسير انتحال شخيصة رجل امن او موظف بلدية .
مكتب العمل ووضع اللوم عليه أمر مضحك مكتب العمل انشى صندوق تنمية الموارد البشرية (هدف) دعم من الدولة ويتحمل الصندوق دفع نصف معاش الموظف تخيل ان نصف عدد المتقدمين لم يكملوا متطلبات التقديم ومنهم من رفض الوظيفة رغم رقيها وبعدها عن مسمى عامل مطعم !!! هؤلاء منحرفون لاتفكير لديهم بالمستقبل الوظيفي ياعزيزي.
شاكر لك ،،،

V.valdés · #13 22/09/2009, 05:30 AM

وعليكم السلام ورحمة الله وبركاته

وانت بصحه وسلامه..

..

..

والله جبت الموضوع في الصميم

والله والله السرقه منتشره بشكل غير طبيعي والله عمي انسرق منه موتر جديد ب19 \ 9

انسرق منه عيني عينك وقدام العالم والى الحين واحنى ندور

الاعياد اللي غيرها نسافر ووناسه الا العيد ذا والله منطقين..... ولا بعد غير التعب اللي جانا برمضان وحنى دوره

والله فرينا الرياض اغلبها ولالقينا شي

والله عاد فيها اوراق مهمه ولو بيراجع فيها عمي كان اخذ اقل شي 6 شهور وهو يراجع تعرف الدوائر الحكوميه راجعنا بكره

لاكن مانقول الاحسبي الله ونعم الوكيل

:ranting:

(( من امن العقوبه ساء الأدب )) لانهم خابرين مافي احد بيعاقبهم لو كل من سرق قطعت يده كان احنى بخير

ادري شطحت بس اعذرني والله من اللي فيني اجل بالله فيه واحد يطلع من الساعه 8 ومايجي الا الساعه 5 بحر الرياض وهو صايم

حسبي الله ونعم الوكيل

X1. · #14 22/09/2009, 07:07 AM

والله السرقااات منشررره بشكل غريب و عجيب

خصوصا بالرياض سرقت السياره بريااااااال

الله يستررر منهم

S@LEH · #15 22/09/2009, 08:53 AM

عمي آنسرق موتره مرتين ومآله آسبوعين شآريه .. وآلله جى يصيح عندنآ !
آلمره آلآول آنكسرت القزازه اللي قدآم وسرق الآستبنه .. وآلثآنيه سرق المسجل طبعآ كسر القزآزه ..
يعني وين آلرحمه لـ ذآ آلدرجه آلمآل آلحرآم صآر عآدي بين آلنآس ..