يالله كل هذا سار بعد المباراة.
ماكانت هذه من مباراة لعبها الهلال وانهزم
انا ودي اسال كل عضو وكل مشجع هلالي وسعودي على وجه هذه الارض.واتمنى الاجابة علية وبكل صراحة.
انتوا تبغى فريقكم المفضل ماينهزم ولا مباراة.واذا انهزم لابد ان ينهزم ولو بتقديم مستوى رائع؟

انا ما اخفي عليكم ان ودي الهلال يسير كذا لكن هذا مستحيل ابدا ابدا ابدا في عالم كره القدم.
يعني لازم في كل مباراة لابد ان يفوز الهلال او.........تبدا عليك الحرب المعتادة من الجماهير والصحافة.
والله بصراحة احنا اغرب جمهور على وجة هذه الارض.تدرون ليش؟؟؟؟؟

عشان اذا فاز الفريق اللي نشجعة رفعناه للسماء سواء من الادارة الناجحة او المدرب العالمي
او اللاعبيين النجوم .واذا انهوم الله يعينهم كلهم فتصبح الادارة فاشلة والمدرب ما عنده سالفة واللاعبيين مدلعيين؟؟؟؟؟؟؟؟؟؟
هذا اولا

ثانيا وهو الاهم:-
ويش فيها يعني اذا انهزم الهلال من الاتفاق باربعة اهداف عادي وهي نتيجة اعتبرها انا متوقعة
لان شباب الاتفاق معروف بقوتة وسيطرتة على بطولة الشباب لجميع الاندية(وزي ما هزم فريقنا الاول الاتفاق الاول الموسم الماضي باربعة ونحن الابطال هم ايضا سحقونا بالاربعة لانهم هم الابطال)
وهناك سؤال ثاني....

كم مشجع حضر لشباب النادي في مبارياتهم قبل تطبيق النظام الجديد؟
طبعا عدد ضعيف جدا جدا جدا جدا لو قورن بعدد الجماهير الهلالية.
يعني في احد فيكم كان يعرف مستوى الفريق الشاب من قبل ولا احد طيب ليه كل هذه الصدمة من النتيجة.
والمشكلة ان اللوم كله انحط فوق المدرب اللي كان فنان وعالمي والحين سار ((كخهه))((ماعاد ينفع)) لان الفريق انهزم؟؟؟؟؟؟!!!!!!!!
واللوم الثاني سار ايضا على المصيبيح اللي ينحط فوق راسة كل شي يسير في النادي اللي اعتقد انا ان في بعض من الجماهير(اتمنى انها ماتكون هلالية)انها تقول ان المصيبيح هو السبب في استقالة الرئيس
والله حالة من هالجماهير اللي ما يعجبها العجب ولا الصيام في رجب.
نسييوا كل اللي عملة الهلال في السنين الماضية وقالوا ان بدايتة اقتربت...
نسيوا كل اللي سواه ما تورنا وقالوا انه فاشل ما ينفع.ولو جاب بطولة سوف يصبح عالمي مثل العادة.
نسيوا كل اللي سواه المصيبيح وقالوا انه فاشل ما ينفع . وجائهم الرد من الاتحاد السعودي باشراكة في عضوية تطوير الرياضة السعودية وترشيحه ليكون احد الا داريين في المنتخب؟؟؟؟؟؟:
smilewink

عاشق الكيان الازرق

اسمحلي يا عاشق الزعيم ما تعود على الهزايم وشلون يخسر مرتين
واخر وحده رباعيه قاسيه من شباب الاتفاق

المهم الحين الدوور على البارسيون ان يختارو رئيس للهلال بسرعه فان لم يسرعو فللهلال
الى الهاويه

صراحة شي يرفع الضعط ولا فريق حواري يلعب احسن لا خطة لا تكتيك لا روح لا ولا لا الين بكره
يعني ولا شي والواسطات اه يا الواسطات ياهي بتلعب في الهلال لعب اولهم الخراشي

اولا اشكرك يا الثنيان لعب وفن و طيف الهلال على الرد.

ثانيا:-الثنيان لعب وفن.
ليه ما تعود الهلال على الهزايم ويش فيها يعني اعتى الفرق والمنتخبات انهزمت انت ماتبي الهلال ينهزم ؟؟؟؟؟؟؟
ولا تنسى ان اللي لعبنا معاه وهزمنا هو بطل اللملكة لا كثرمن مره في مرحلة الشباب.
وانا اتفق معاك في ان ياليت يشوفو لنا حل البارسييون .في الايام القادمة.

ثالثا:-طيف الهلال.
يا اخي انت قاعد تشوف شباب الهلال مو الهلال الاول صاحب البطولات(يعني الفريق الاخر اقوىمننا في هذه المرحلة).انا اسالك بالله....
كم مباراة شفتها في حياتك للفريق الشاب؟
طبعا الاجابة ولا مباراة..!!!!!!!!!!!!
والحين بعد ما شفتهم في ثلاث مباريات بتحكم عليهم على طول.-هل هذا يعقل-
ولا اعتقد ان للواسطات دخل في الهلال ولا كان الاولى ان يوسف يلعب مع الفريق اغلب مباريات الموسم الماضي بدل من ان يكون في دكة الاحتياط.
واذا كان في واسطات لكان لم يعتزل فيصل او اثنين بسبب كبريائة الزايد عن الحد.
او او او غيرهم كثير. اما بدر الخراشي فسوف اذكر به مستقبلا ماذا سوف يفعل هذا اللاعب.
وشكرا لكم.

عاشق الكيان الازرق;) ;) ;)

طبعا أخوي مافي فريق بالعالم ما يخسر أبد بس احنا ضاقت صدورنا لان المستوى سئ

والنتيجه ثقيله ولاننا خايفين ان هذا هو المستوى الحقيقي للاعبين اللي راح يكونون ان شاء الله

مستقبل الهلال

تحياتي.................

نحن الهلالين نريد هلالنا في الزعامة دائما وفي القمة على الد وام..........

فنحن ليس كبقية الجماهير التي ترضى بالمستوى المشرف وتعلق اخطائها على الحكام

فنحن زعما وسنبقى كذالك ولكن الوضع الان لا يسر,,,,,,,,,,,,,,,,,,,,,,,,,,,,,,,,,,,

اخي العزيز ابو شذى
انت حكمت على مستقبل شباب الهلال من ثلاث مباريات فقط. وذاق صدرك ايضا من ثلاث مباريات.
اصلا يا اخي العزيز في عالم التدريب لاتحكم على المدرب واللاعبيين الا بعد موسم كامل على الاقل .
ليس بعد ثلاث مباريات.

عاشق الكيان الازرق

بونسوااااااااااااااغ


كيفكم؟؟




ممكن سؤال؟؟





يعني ايش كلمة حواري؟؟


بس

يلا ميغسي بكوووووووو


تشاااااوووو.........