طيب وش السوات بأنفلونزا الخنازير !! والعيد كله تبويس بتبويس ؟! - نادي الهلال السعودي - شبكة الزعيم

ابو طـــــلال · #1 20/09/2009, 08:01 AM

كل عام وانتم بخير ..

صباح الخير جميعا أحبتي اعضاء المجلس العام فرداً فرداً

سؤالي بسيط ... ومحير ..!

الحين كاشخ وبطلع أعايد الأهل والأقارب !!

و خبركم فايروس الخنازير ( منتشر ) ووزارة الصحة تقول الوقايه خير من العلاج .. و عندنا عادة ( الجغف ) و ( الجغيف ) والتبويس سواء بالخشم او بالخدود .. او حتى بالراس !!

شلون تتحاشي الفايروس وإنت ملزوووم تسلم وتبوووس

صعبة تسلم مصافحة !!! صــــــــــعبـــــــــة ؟!!!

حسبي الله عليك ياخنزير قريح ... حطنا بموقف محرج مع الآوادم ..

وش الحل برايك ... ؟ وعلمنا بعد السلام .. إستخدمت ( البوس ) وإلا اكتفيت بالمصافحة .. وهل وجدت لدى من عايدتهم تخوف من الفايروس وتشعر بأنهم يفكرون كما تفكر !؟

تدرون .. اعقلها وتوكل ... والله خير حافظ

عيدكم مبارك ..

بريفت معلن هعهع ( وقف عند صيدلية وإشتر علبة صغيرة ديتول معقم لليدين ) برضه الإحتياط واجب

اخوكم الصغير ابوطلال

TOTTI(10) · #2 20/09/2009, 08:12 AM

المرض منتشر بشكل كبير لكن استخدام البوس امر لابد منه !!

عيدكم مبارك !

فافافوم · #3 20/09/2009, 08:16 AM

إقتباس

الرسالة الأصلية كتبت بواسطة ابو طـــــلال


	حسبي الله عليك ياخنزير قريح ... حطنا بموقف محرج مع الآوادم ..

..

تبي نصيحتي

اسحب عليهم كلهم واخمد ببيتك وكبر وساادك

وكل عام وانت بخير..

فـارس سـدير · #4 20/09/2009, 08:25 AM

وانت بخير وصحة وعافية ,,,

والله انا طبقت اللي شفته بحلمي ... على احد جيراننا البعيدين .. لزوم الاحراج

تدرون كيف سلمت عليه ؟؟

اول ماشفته حطيت يديني ورا ظهري و نزلت ظهري له ... وقلت كل عام وانت بخير(( ومن العايدين ... ومن اتش ون نايدين ))

نايدين = بعيدين <<< كلها تمشي الحال

بالعربي سلااااااااام يابانيين<< هذا اللي شفته بالحلم

واللي يقول عيب اقول طس الله يرحم والدييييك صحتي ولا المرض

واللي جازم على التحابيب ياخذله كمامات ... ماحصلت كمامات عندك شماغ وشوله شاريه؟؟؟؟

هلالي بن زعيم آسيا · #5 20/09/2009, 08:27 AM

الوسوآس هو الي يجيب المرض

عـز الهلال · #6 20/09/2009, 08:28 AM

يآ جعلك " سآلم " بس ..

..

والله انا في مكه من بدآيه العشر
و مريض وفيني اشتبآه بمرض الخنير

الله يشفيني ويشفي مرضى المسلمين .. !

!!زعيم الكل!! · #7 20/09/2009, 08:43 AM

اللي كاتبه لك الله بيصير

لو قعدت بغرفه لحالك وكاتبه لك الله بيجيك " الله لايقوله "
والعكس صحيح

Mr.Scrub · #8 20/09/2009, 08:45 AM

والله يآ أنت فآضي

يآخوي ماعليك الا العافيه

قل لن يصيبنا الا ما كتب الله لنا هو مولانا وعلى الله فل يتوكل المؤمنون

أدعسس يالذيب , ولاتنسى خذ عيآلك معك

وكل عآم وأنت بخير

المخده تُنآدي

muneera · #9 20/09/2009, 08:48 AM

سو سوات القصبي

ياشيخ الله الحامي اقرا وردك وتوكل
وعيدك مبارك

عاشقة الزعيم15 · #10 20/09/2009, 09:02 AM

ياهلا ابو طلوو

كل عام وانت بخير

سمعت فتوه مطلعينها انو مو مستحب نبوس بعض ايام العيد

ماشاءالله كل شي عليه فتوى

واحسن شي حط كمامه وسلم براحتك

فقد قال رجل للنبي صلى الله عليه وسلم: ( يا رسول الله احدنا يلقى صديقه أينحني له ؟

قال : لا. قال : فيلتزمه ويقبله ؟ قال : لا . قال يصافحه ؟ قال : نعم ) رواه الترمذي وقال: حديث حسن .

وهذا الحديث حاطينه من الفتوى ..

تحياتيـ
عاشقة الزعيم15

انا..! · #11 20/09/2009, 09:13 AM

سو زي القصبي

بقس

زي النقا

بريماكس · #12 20/09/2009, 09:17 AM

السلام عليكم ورحمة الله وبركاته ،
اهلاً اهلاً ابوطــــــلال

كل عام وانت بخير يالغالي

وشلونك

شكله اعداك حبيب قلبي الصخره بالمواضيع

الصخره ودي اصير صديقك لعلي انزل موضوع بس واحد ما ابي ثاني ولا شئ

ابوطلال .. انت لسى مارحت للعيد سلامات ؟

الناس راحت لبيوتهم تونس من شهر وهم ماذاقوا عسل الصباح مع العيال وانت توك تطلع

معقوله

؟؟ انت من كوكب آخر ههههههههههههههههههههههههههههههههههههههههه

!!
انا توني ارجع للبيت من الفجر طااااااااااالع عاد اطالع روحي اقول وويلي حالي بس

ما اقول الا منهي تعيسة الحظ عفواً قصدي سعيدة الحظ اللي بتاخذني

احس ان ابوها داعي له بالزوج الصالح الجميل

عاد جاني تجغيييييييييييييييييف يابوطلال اووف بس اخدودي صارن حمر

=> نصاب مايحبونه الا اللي مايشوفون من شينه ولا الباقين يسلمون عليه باليد ومجامله

والشيبان مدري وش سالفتهم خلوني اشك بروحي

شيبان الوقت يخوفون

عايدت خوالي وسيدااااااااا لعماني واجتمعنا واكلنا الاكل حق العيد

والله ياهو طعم واااو

وبعده مشيت لاني مواصل ( عبدالله

) من امس مانمت وابنام اللحين وابصحى المغرب

وابروح للاجتماع العااام حق الاسره الكريمه اللي فيه تصوير وحركات

لازم نترزز ونصور وحركات

كنت ابصور بس فيه شيبان قلت والله ان يكسرون الكميراء براسي

بكرى اجتماع الخوال

اهل امي ماهم اهل احم احم

موفق يا الغالي وسلملي على طلال

وفروسي

احلى ولدين واجغفهم لي تكففففى -> اممممممموووووووووااااااااااااح

اما الخنازير ماطقيتله خبر الحمدلله لاني مؤمن بقضاء الله وقدره

الله اللي كاتبه لي بيصير ليش اتضايق؟ لو قدر الله وجاني وبعدين ؟ نموت وخلااص

يعني مافيه شئ جديد .. الموت هو الموت وكلنا بنموت ليه الخوف ؟
وش شايف بالدنياء ياعمرري

رد عيييييييييييييييييييييييييييييييييدي

عدلت الخط واللون اكثر من مره واستقريت على اللون

على هالقلوب

احس اني حطمت الرقم القياسي بعدد القلوب بالرد

ذايب لو تجمع ردوك كله مع القلوب اللي بكل رد مليون قلب ماجن ولا ربع هالقلوب

هلالي من ارض اليمن · #13 20/09/2009, 09:24 AM

عندي فكرة صغنونة :

أول ما تدخل على مجلس الرجال وقبل السلام والكلام .. ( أعطس ) عطسة عنترة في قلب المعركة

وأبن أبيه من يقرب للسلام عليك

كل عام وانتم بخير حبيب الشعب ابو طلال

Mr.Scrub · #14 20/09/2009, 09:24 AM

أسمح لي أبوطلال

بريمآكس أنا أحسدك على نقطه الا وهيآ

إقتباس


	وابروح للاجتماع العااام حق الاسره الكريمه اللي فيه تصوير وحركات

أجتمآعكم الليل

, واللي أجتمآع العآئله الكريمه اليوم الصبح !!

ولا بعد في الريآض والله ياهي بدري

, أروح أجتمآع أخوالي الليله أبرك لي

الله يوفقكم

Miss.nora · #15 20/09/2009, 09:25 AM

و الله يا بو طلال لن يصيبنــا إلا ما كتب الله لنــا
و من جا يوم العيد و شفنــا اللمــة نسينــا الانفلونــزا

سلم و توكل على الله

و الله يحمينــا و يحفظنــا