ألهذا وصل رجل الامن المؤتمن .!!؟؟ - نادي الهلال السعودي - شبكة الزعيم

the king yasser · #1 20/09/2009, 02:04 AM

السلام عليكم ورحمه الله وبركاته

كل عام وانتو بخير وصحه وسلامه

من العايدين وعساكم من عواده

انا مالي بالمقدمات وبدخل للموضوع سيده

اليوم الصباح دق علي ولد عمي يقول خاوني مستشفى عرقه

المهم انا كنت مشغول ووصفت له المكان

مالكم بالطويله العيال راحو ودخلو وعينو من الله خير

فجأه شمو ريحه حريق راحو شافو لقو الحريق يعني كأنه توه متطفي

المهم هم خافو وطلعو

ركبو السياره وتعدو محيط المستشفى ومسكو الخط الا وتلحقهم شرطه

وتقول لهم وقفو ولا اطلقنا النار

المهم وقفو وهم منخرشين

وفتشوهم ومدري ايش وودهم القسم عيال عمي مايدرون وش القصه

راحو للضابط قالو وش مسوين فهمهم السالفه وعرفو انهم بريئين

وكتبو تعهد انهم ما يدخلون المستشفى مرتن ثانيه

المهم مو هذي سالفتنا

هم حاطين بالسياره لاب توبين

<<< يعني 2

وابواكهم رجعو للسياره مالقوهم

يمين يسار والله مالقوهم في الاخير اكتشفو ان الجندي الي موقفهم اخذه

رجعو للضابط قالو له السالفه قالهم ما جانا شي

يبن الحلال عدل بدل يمين يسار

قال والله ما جانا اي شي من الي قلتوه

المهم رجعو للبيت وكلمو عمي وعمي دق على كم واحد يعرفه

وجابو راس الجندي وطلعو الاجهزه

الي باط كبدي ان الجندي مو جاه ولا شي يعني ما تعاقب

والسبب ان الضابط نفس قبيله الجندي

عاد عمي ما سكت عليهم راح وقدم شكوى

وان شاء الله خير

نقطه مهمه الان الي يمسكونه وهم داخلين مستشفى عرقه يتوقف وتنسحب السياره يومين

*************************************************************

س \ هل وصلت دناءه هذا الجندي المؤتمن على اموال الدوله بالسرقه من مواطن مسكين ..؟؟

شطحه

لا تتدققون على ترتيب الموضوع لاني كتبته على عجاله

وكل عام وانتو بـ ألف خير