هذا ديدنهم ، استهزاء بالدين ورجال الامن ورجال الحسبة فقط

هم لايعرضون السلبيين من الملتزمين والملتزمات بل أن الملتزمين والملتزمات سلبيين ، وهناك فرق شاسع ؟

وإلا لعرضوا الايجابيين منهم ، لكن مكر الليل والنهار لهدم الدين هدفهم ومبتغاهم.......

جعلوا الدين سببا لتراجع التعليم في المملكة ويجب تطويرة ، وكلنا نعرف ان المواد العلمية التي تدرس وتكثف على الطلاب لم يستفد منها حتى في الجامعات وبعد التخرج ، ولم تواكب سوق العمل .............

ودائما الملتزم بصورونه متجهم ومكحل لعينيه بشكل مخيف ويتدخل في كل شيء وهمجي لابعد درجة

وبالنسبة لمن يقول أنهم مرآة المجمتع وتعرض مشاكله فلماذا لايعرضون مشاكل المستشفيات واخطاء الاطباء وغيرها من القرارات العجيبة في استقبال الحالات.....
لما لايعرضون مشاكل طلاب الجامعات مع الدكاترة والمدرسين وهيئات التدريس...............
لما لايعرضون مشاكل المدارس بين المدير والمعلم والطلاب .............
لما لايعرضون مشاكل الموظفين في الوزارات والقطاعات الحكومية ............
لما لايعرضون مشاكل الخريجين في البحث عن الوظايف ...............
لما لايعرضون تدهور البلدية في صيانة المشاريع وسوء التخطيط.............
لما لايعرضون خزعبلات العلمانيين .............

الدنيا مشاكل ومصايب لكنهم صوروا الدين ورجاله هم سبب تدهور المجمتع وعدم تطوره

اللهم اهدهم إلى طريق الصواب ومن وافقهم يارب العالمين

أحسن رد قراته في الموضوع

إقتباس طاش مشكلتهم يركزون على السلبيات بشكل كبير ومبالغ فيه ! ويتناسون الإيجابيات .. زي حلقه اليوم مثلاً .. جابوا مثال عن الداعيه " اللعّابه " اللي ماتمثل ولا 1% من الداعيات الملتزمات اللي يخافون الله .. واستخسروا على أنفسهم إنه يجيبون مثال للداعيه اللي تحث على الخير وهم الغالبية .. وليتها وقفت على حلقه اليوم بس .. قبلها حلقات كثير جابت لنا الحموضه .. دائمًا صاروا يتكلمون عن رجال الدين وإنهم أسوء السيئين .. يعني خلاص !! خلصت المشاكل إنت وياه ؟ سبحان الله صرت أحس كأننا خالين من العيوب وبس هذي عيوبنا وهذي مشاكلنا وهذي قضايانا اللي تستحق النقاش .. !! صح كنت أشوف طاش وأوسع صدري .. بس ( الدين ) خط أحمر لا احد يتجاوزه .. !

والف شكر لصاحب الموضوع

أخوي ,,, لاتحمل الموضوع أكثر مما يحتمل

الحلقه ماأشوف فيها استهزاء أبد ,,,, وإذا أنت تشوف إن الكلام اللي قالته الداعيه بالحلقه وهي تنصح صحيح وموافق للشريعه فهي داعية وهم استهزؤا بالدعاة وعليهم من الله مايستحقون

لكن ,,, الحقيقة عكس ذلك تماماً ,,, فما قالته الداعية لايمت للشرع بصلة لامن قريب ولا من بعيد ,,, يعني عاجبك كلامها وهي تقول تجسسوا على أزواجكم ؟؟ ,,,, بذمتك هذا كلام داعية !!!

يعني باختصــار وبدون فلسفة زايدة ,,, الحلقة كانت تتكلم عن اللي فاهمين الدين غلط

أخوي "هلالي ولا أبالي"

طيب نفرض كلامك صحيح ، ليه مايجيبون اللي فاهمين الدين صح ........... وكيف يأثرون بالناس عكس هؤلاء من باب التحذير

انت انسان ذكي وفاهم الموضوع لكن بعض ضعاف النفوس مايبي يفهمه

قلتلكم من البداية هم مايصورون السلبيين من الملتزمين ولكن يصورون الملتزميين سلبيين

والله يعطيك العافية

شنشنة نعرفها من أخزم ..

تابعنا طاش وأعجبتنا معظم حلقاته طوال سنين عرضه واختلفنا حول كثير منها ..

ولكن حلقة اليوم قطعت شعرة معاوية التي تمسك بها الكثير دفاعا عن المسلسل ونجومه الذين صوروا الداعيات بمثل هذا الصورة

القبيحة للداعية ..

وإنني هنا أتساءل : ما موقف الطالبات في المرحلتين المتوسطة والثانوية ــ على سبيل المثال ــ وهن يرين صورة مشوهة للداعية

وقد تمنيت لو أظهر مسيروا المسلسل الصورة الجميلة للداعية حتى يقارن المشاهد بين الصورتين ..

لكن للأسف التجسس على الأزواج سببه الداعيات !!

القصور في المناهج سببه الدعاة والملتزمين !!

الإرهاب سببه الدعاة والملتزمين !!

والمسلسل وكأنه قد اتخذ أسلوب العداء لكل ما يمس أهل الدين وكأنه يرد على من أفتى بتحريم مشاهدته ..

اللهم لا تؤاخذنا بذنوبنا ولا بما فعله السفهاء منا يا رب العالمين ،،،

المشكلة حينما ينتقد الشخص شيء وهو لا يعرف ما المقصود

ارجوا معرفة رسالة الحلقة قبل السب واللعن

فـا طاش مثل القصيدة التي لا يفهما اي شخص

بإذن الله
بنهم وبين عباد الله الصالحين صلاة الليل ,,

على طول مسيرتي <<الله أكبر يا هالمسيره هههههههه

أقصد طول عمري أحظر محاظرات لداعيات ولا عمري سمعت وحده تتكلم عن عصيان الزوج فما بالك بالتجسس عليه

هنا النقطة الأولى وأنا بنت ودائما أحظر لداعيات كثييير ويكون في علمكم أنهم ما يسوون محاظرات الا بترخيص

ثاني نقطة في الحلقة تكررت كلمة داعية كثير وفي تكرارهم تعميم لأنهم ما ذكروا نموذج آخر

لا أحد ينبرش لي ويقول الإعلام المهم يوصل القضية

بأقول أصلا ما فيه قضيه وما فيه داعيات من هالنموذج ولو أفترضنا فيه فوينهم لأني ماعمري شفتهم الا بطاش

وطول عمري أحظر عند داعيات ولما يجي طاري الأزواج يقولون عن أدلة الطاعه

وبالنسبة للتجسس فمعروف أدلة تحريم التجسس ومافيه متدين الا ويعرف هالأدله ويعمل فيها

فما أدري ليش تدافعون عن الحلقة

أوكي فيها جانب إيجابي لكن هالنقظة سلبية جداً

تبون تتابعون تابعوا لكن مو كل شي تعتبرونه صح لأن طاش قالوا صح

وتبررون وتلفون وتدورون عادي تقولون هالنقطه غلط ومبالغ فيها وفيها قذف للداعيات

بنما الجزء الآخر من الحلقة صح

أتوقع لو أنهم قالوا عن طاري التجسس أنه من جلسة حريم بدون تطرق لداعيات كانت الحلقة أجمل وأكثر هدف

لكن كيف بيوصلون للمجتمع ويتكلم عنهم الجميع بدون ما يدخلون مثل هالنقطة فهم ظربوا عصفورين بحجر

جلسات الحريم فيها أدهى من سالفة مسجل لكن جلسات الداعيات أرقى من النزول لهالمستوى

وفي النهايه<<من زمان وأنا أقول نهاية وما قضيت

الخلاصة

تبون تتابعون تابعوا لكن لاتدافعون على عماها ولا تنتقدون على عماها

وأستخدموا عقولكم وتذكروا أن الأعلام تأثيرة قوي على الأجيال القادمة اللي ماعندهم إتساع مدارككم

في التبرير لمثل هالأخطاء الأطفال ما يعرفون الا اللي قدامهم الداعية صورتها سلبية المطوع صورته سلبيه في مسلسل فكاهي

طبيعي الأطفال بيكرهون المطوع والداعية لأنهم يمثلون الشرير

الأطفال يكرهون بلوتو في باباي لأنه يمثل الشرير ويحبون باباي لأنه البطل المنقذ

قيسو النظرية على المسلسل وأعرفوا نظرة أطفالكم المستقبلية للدعاة وأهل الخير كما يصورهم المسلسل


بالحب والإشراق

الحمد الله اني ما اناظر طاش ولا اهتم بالمسلسلات كثييير

من الطفش صرت اناظر باب الحارة

بعدين ليش يحطون مسلسلات في رمضان

رمضان شهر صيام والقيام موشهر الذنبوب و المعاصي

انا ابدري الصيف انواااااع الفضاوة ليش مايحطون مسلسلات بالصيف

مثل هوليوود يحطونه بالصيف احس ان الامريكان يتحمسون اذا جا الصيف اكثر منا

انا اششوف ان الحلــقه مآبهآ شي ابدا

بالعكس
يوريكم بعض الحريم وفعآيلهم
واذا اجتمعوا بمجلس وآحد

السلام عليكم ورحمه الله وبركاته


انا حسيت اني بغيت اطب في القصبي

لا حول و لا قوة الا بالله

إلى متى و الشعب السعودي بـ هالدرجه ؟!!
إلى متى و مواضيع الجدل واحد تلو الآخر ؟!!
يا أخوان إلى متى الجدل حول طاش ؟!!

يـآ أخوان في حاجات أكبر و أجرم من هذي لم تطرح
و أنتم طاش استهزاء طاش ما استهزاء
الموضوع نوقش من كم سنه في جميع المنتديات , و إلى الآن و الشعب ما بين معارض و مؤيد
فـ لماذا هذا الجدل ؟ لماذا إضاعة الوقت بدون فايده ؟
الي يبي يتابع نقول له تابع و مشاهدة ممتعه ,,,,,,,,,
و الي ما يبي نقول له على راحتك ,,,,,,,,,

هي كلمه وحده و بس .!!
بغض النظر عن وجهة نظر , اتباع كلام المشايخ ووووووووواجب
و الحكم لكم


<<<<< أشوف ان ردي حقيقه لا جدل فيها و ليست وجهة نظر
فـ إن كانت في نظرك وجهة نظر فـ اعتبرها وجهة نظر خاااااصه ( يعني اذا ما عبجك كلامي قطه في البحر لا ترد عليه )

صحيح ..

وانا تابعتها قهرتني والله

حسبي الله عليهم