17/09/2009, 10:21 PM
|
زعيــم متواصــل | | تاريخ التسجيل: 13/03/2009
مشاركات: 84
| |
اذا تعدى التعصب الحطوط الحمراء.(مهم) بسم الله الرحمن الرحيم
انا زعيمه جديده وهذا اول موضوع لي في هذا القسم ...واتمنى ان الجميع يقرأ الموضوع للاخر لاهميته..
((التعــصــب))داء انتشر بين جــمــاهير الفرق في كل البلدان ((بحدود )) ولكن عندنا بالسعوديه للأسف الشديد تعدى الخطوط الحمراء ...
التعصب عندنا صار فيه ((التكــفــير))و ((الطعن بالشرف))و((اللعن والسب والشتم))؟؟؟؟؟
اولا:التكفير:
وهذا اشد شي للأسف لانه في العقيده والدين وهو انتشر عند بعض الجماهير ((الله يهديهم)) من شدة التعصب وكرهه لنادي معين يقول هذا نادي يهودي او صهيوني اوكل من ينتمي له يهودي؟؟
لا حول ولا قوة الا بالله ،، لهدرجة وصلت؟؟ خلاص مافيه شي اسمه الخوف من الله ..من النار..من الاخره ؟؟ هو عارف ان الرسول عليه الصلاة والسلام يقول:
(فيما معنى الحديث): ’’من كفر مسلم فقد كفر’’
هو عارف كم كفر من مسلم ممكن يكونوا 20 الف 40,الف,50الف او اكثر
والرسول عليه الصلاة والسلام يقول من كفر مسلم ((واحد مو بالالاف))فقد كفر..
طيب من تلفظ او كتب زي هالكلام يتخيل نفسه يوم القيامه وربي سبحانه يحاسبه ع كل صغيره وكبيره وش بيقول في هذاك الوقت ؟؟ لا تقول كلمه وقلتها وخلاص ..لا هذي يبيلها توبة هالكلمة كبيره عند ربي ومو هينه..
واتمنى ان الي قريته وسمعت به زي كذا يطلع كذب ..
ثانيا:الطعن بالشرف:
وهو للأسف الشديد منتشر بشكل فضيع بين الجماهير..
صارت المسأله بسيطة قوم دور اي صوره او مقطع فيديو ((طبعا هالمسأله مو صعبه ع المحترفين ببرامج التصميم والانتاج))و أالف فيها قصه طويله عريضه واكتب في المنتديات:فضيحة اللاعب الفلاني بالدليل ؟؟؟
ولاحظوا موشرط لاعب ممكن رئيس نادي او صحفي او اداري او اي احد ينتمي لهذا النادي المنافس...
اذا كانت كذب و تهمه ملفقه يتخيل نفسه في يوم القيامه وربي يحاسبه وسأله ليه طعنت في شرف فلان؟؟ وش بيقول ؟؟ بيقول ياربي هذا اكرهه ؟؟ او حاقد عليه؟؟ او مثل ما تكلموا جماهير ناديه عن لاعبنا الفلاني حنا لازم نردها
(يعني وحده بوحده)؟؟ يتوقع هو هذي الاعذار بيقبلها ربي سبحانه ؟؟ لا والله مايقبلها ابدا وبالعكس يشوف حسناته يؤخذ كثيير منها اليه ..و هو يتمنى لو يقدر يرجع للدنيا و ما يشجع ولا يشوف كوره اصلا ...
واذا كانت صدق ((وهذي ما اتوقع تصير))بدل ما يقول الله يستر علينا وعليه ويطالب بحذف الموضوع يقوم ع طول ينشره في المنتديات ؟؟؟
وراح يكون لها عقوبه دنيويه وكما تدين تدان..
ثالثا:اللعن والسب والشتم:
كلنا نعرف وش معنى اللعن بس بذكركم اللعن هو:الطرد والابعاد عن رحمة الله ..
هذي الشتائم غالبا نسمعها تصير بين الجماهير ..
بس الي يلعن ويشتم وحتى ممكن يلعن ام وابو فلان هو يقدريطردهم من رحمة الله؟؟ او هو حكم عليهم بكذا؟؟
هو عارف ان المسلم اذا لعن مسلم مثله وماكان يستحق اللعن ترجع لصاحبها اتوقع ما فيه احد ما هو عارف كذا..
طيب ليش تكلم بهذا الكلام وهو عارف عقوبته..
وبعد فيه الكثيير لو كتبناها في مجلدات ما راح نخلص لكن ركزت ع هذي لانها في الدين ...
اخيرا ارائكم و اضافاتكم تهمني ...
ودي.. |