السلام عليكم ورحمة الله وبركاته ..

هده احد قصائدي اللي كتبتها وانا حقيقة احب الشعر واكتبه من 9 سنوات تقريبا واغلب قصائدي كتبتها غزليه وتخضع للمزاجيه واحداث ومناسبات معينه وبعضها حافظها عندي والكثير منها للأسف فقدته وغالبا اكتب باسم ( صادق شعور ) وهده القصيده وعظيه واتمنى ان تعجبكم والقادم احلى بمشيئة الله وخصوصا لمحبين الشعر الغزلي


ياللي طواك الهم ودمعاتك تسيل
لاتشتكي للناس واسمع كلامي..

مهما شكيت وصادفتك الغرابيل
كله مقدر عند رب الأنامي..

رب(ن) خلق هالناس جيل ورا جيل
تمحيص لاهل النار ودار السلامي..

صفحه من القران في ظلمة الليل
ابرك من الدنيا وجمع الحطامي..

وشفع ووتر لاصار ماعاد بك حيل
داوم عليها لاتصير انهزامي..

وخمس الفرائض صلها دون تأجيل
فرض(ن) فرضه الله علينا لزامي..

وشمس الضحى للغرب لاجا لها ميل
شد الحزام وفز لأعظم مقامي..

خذ ركعتين(ن) وقتها فيه تطويل
تلقى اثرها يوم تبلى العظامي..

والورد لاتنساه مع عشر تهليل
وقت الصباح ولاغشاك الظلامي..

ونظم حياتك واطلب الله التساهيل
من عادة المسلم لوقته نظامي..

ابيات شعري واضحه دون تفصيل
اوجزتها في بيت واسمع كلامي..

داوم على الطاعات لو فعلها قليل
واخلص عملك لوجه رب الانامي


صادق شعور
7/11/1429


سامي صعب يتكرر = صادق شعور