~|[ افتقدنا لذة رمضان ]|~ - نادي الهلال السعودي - شبكة الزعيم

Helaliy 4 Ever · #1 15/09/2009, 05:15 AM

افتقدنا لذة رمضان

نعم افتقدنا لذة رمضان افتقدنا الشعور بالعطش و فقدنا
الشعور بالجوع الا قليلاً واحنا نتظر الاذان. فقدنا المسواك
فقدنا الشعور بالفقراء فقدنا الشعور بالتعب.

اين لذة رمضان

واحنا في رمضان نسهر لين الصبح وننام لين المغرب
اذا ما كان بعدالمغرب ونصحى نفطر و نجمع كل الصلوت
الصلاة الوحيده الي نصليها في وقتها صلاة الفجر .

عجيبه نصوم ولا نصلي

ليتهم يرجعون العطله زي ما كانت وندرس في رمضان

يمكن

نتذوق لذة رمضان
نحس بالعطش
نحس بالجوع
نحس بأخوننا الفقراء
نحس بالتعب واحنا نصوم
نستعمل المسواك
يمكن نحس ان احنا نصوم

افتقدنا لذة رمضان

ما نشوف احد في النهار كان رمضان شهر نوم
مو شهر عباده .

افتقدنا لذة رمضان

بعضنا ما فتح القرآن ولا فكر يفتحه
وبعضنا يفتح يقرآ كم صفحه يعني اني قريت.

افتقدنا لذة رمضان

فالقليل من يصلي التراويح والقليل من يصلي القيام.

ما يحدث ابعد ما يكون عن حقيقه شهر رمضان

اصبح ما يميز رمضان عن باقي الشهور

ما نقدر ناكل الا بعد المغرب

و السمبوسه واللقيمات

وزيادة الوزن

فهل هذه حقيقه شهر رمضان ؟

و متى ستعود لذة رمضان ؟

ودي

و
حبي

DeL PieRo & YasseR · #2 15/09/2009, 05:33 AM

أييه والله أنك صادق..

ماعآد نحس بالجوع ولا العطش..الأغلبيه..ينوم النهار ويقوم المغرب..وأولهم أنا

ياليت الدراسه في رمضان..عشان نحس بالصوم

....
يعطيك العافيه ع الموضوع الرآئع

ماننحرم

ذآيب · #3 15/09/2009, 05:37 AM

يـٌآآآآآسرٍع آلآيـٌآم .. آمـٌس تـٌوٍه دآخل آلشهـٌرٍ .. وٍآليـٌوٍم 25 ..!!

شوق الكويت · #4 15/09/2009, 05:38 AM

لا ان شاءالله مانفقد لذة رمضان صحيح هالسنه رمضان غير وماحسيت فيه

بس الحمدلله اجتهدت فيه ..

امي دايم تقولي الصيام بلا صلاه كالراعي بلا عصاه

يعطيج العافيه حبيبتي

مشعل911 · #5 15/09/2009, 08:31 AM

والله عجزت ارتب نومي الا كم يوم حسيت اني صايم من قلب

مشكلة الدراسه في رمضان

حــر وكرف ومدرس يعصب لانه صايم كان الصيام يخلي الواحد معصب استغفر الله

لذة رمضان راح تنفقد اكثر من كذا في المستقبل

rayan0099 · #6 15/09/2009, 09:43 AM

والله اني اقول بنفسي لو فيه مدرسه أبرك ..
يوم فيه مدرسه ..
اول شي كنت أقرى المصحف شبه 3 ساعات بالمدرسه ..
لأن المكان يجبرني اني اقرى .. مافيه لا نت ولا تلفزيون ..
صح ان فيه اخوياك واحيانن ياخذكم السواليف ..
لكن بعض المدرسين يجبرونك تقرى .. وغير كذا اذا اخوياك فيهم خير اكيد بتصير زيهم وماراح ياخذك الكلام ..
الأستاذ احيانن مايشرح يقول اقرو قران اليوم مافيه درس ..
او يقول قصه او حديث للرسول ويكون فيها عظه وعبره وشي مفيد يعني .

وغير كذا تحس بالجوع .. تحس بلذه رمضان والله ..

شااكر لك مووضوعك اخوي ..
ويع ـطيك العافيه يارب ..