بنهار رمضان يفطرون اقسم بالله لا يعزمون بعد هزلت - نادي الهلال السعودي - شبكة الزعيم

محبوب@نت · #1 14/09/2009, 12:02 AM

بسم الله الرحمن الرحيم

كيفكم يالغلا اشتقنا لكم كثيير

للاسف في رمضان

اشاهد بشكل يومي شباب كبار وصغار يفطرون بنهااار رمضان

انا موظف بشركة الكهرباء قاري عدادات

يعني كل يوم اطلع من بعد الفجر للين حوالي الساعه 9

يعني من اول رمضان وانا كل يوم بشارع وحي وكل ماريت الاقي نااس يفطرروون

لهذي الدرررجه

والله يصيبني الذهوول وانواااع الاستغرااب

كتبت هذا الموضوع بعد الموقف الي صااار

مريت من عند حاره بنص الحااره فيها براحه(ارض كبيره فاضيه

جداار شبه مهجوور شوي من الاشجار

فيها بالنص اكثر من سبع اولاد من اهل الحاره

المهم الشباب جالسين الي يشب الناار والي جايب من البيت بصل وبيض يعني الشباب قلابينها شكشوكه

واللله جالس اناظر وانا فيني مية استفااهم المهم جيت عند بيت ابي اقراء عداد وجاني واح من الي جالسين قال وش عندك قلت اقراء العداد قالي يرجال شكلك تعبان ماودك تفطر حيااك قلت الحين انتم ذابحكم الجووع ياخي حراام حنا برمضان ومايجووز الي تسونه انت كبير ودارس وعاارف

قال وش نسوي

عطيته ضهري ومشيت

وانا ماشي من عند الجلسه الا فيه دب فارش رجليه ومن بين رجليه قلايه ويقطع بصل اخص يدب طالع شيف كبير بنهار رمضان

وشوي وتجي هايلكس وتنزل ثلاث معهم كيس خبز ومشروباات

مشاء الله مسوي عزيمه الشباب واخذ لفه وارجع للحاره والقي فيه اكثرمن عشرر

يعني عازمين من خارج الحاره اضاهر

للاسف كثير مااشاهد من الاشكال

ولكن اي اولياء الامور عن مراقبة اولادهم

للاسف انهم ابناء مسلمين

تحيتي ...

هلالي معالي · #2 14/09/2009, 12:29 AM

يا هلا بك و الله

نورت المجلس

و الله كثير انا بعد احياناً اشوف هالاشكآل و يجيني بدل ال100 1000 استفهام

حتى في المدرسه و الله يعني ناس اكبر مني يفطرون و انا صآيم

انا بديت اصوم من 3 إبتدآئي

و صف 6 يفطرون و الله شي عجيب و يقهر

يعطيك العافيه على الموضوع سلمت يمنآك

و مباركة عليك العشر

حكر المنحكر · #3 14/09/2009, 12:49 AM

ياسلام عليك موضوع رائع ..

لكن بصراحه ماقد شفت احد بالسعوديه يفطر بالشكل اللي انت تقوله !!

قد يكون البعض يفطر بينه وبين نفسه شي ثاني ..

لكن الأخوان اللي تقول عنهم بصراحه غريبه .. افطر في رمضان قدام الله وخلقه !!

فتاهـْ خ ـرافيهْ ..! · #4 14/09/2009, 12:58 AM

يا له من شيئاً محزن ..

كثيرون من يفطرون ب ِ نهار رمضان من غير عذر ..

ألم يعلموا ان صيام شهر رمضان أمر من الله سبحانهْ وتعالىْ وقد ذكر ب ِ القرآن الكريم ..!

أيلا البعض يدري وعادي عندهـْ ..

الله يهديهم

ذكرتني ب ِ العام الماضي ب ِ شهر رمضان كنت طالعهْ ل ِ حد قريباتي وب ِ الشارع لقيت شابين جالسين يدخنون ..!

عجب كيف يدخنون وب ِ نهار رمضان ..!

لما رجعت البيت قلت ل ِ أخوي اللي شفتهْ قالي لا تنصدمين البعض تفكيرهم انو الدخان ما يفطر ..!

والعلكهْ كمانهْ ...!

سحقاً لهم لمن يحملون مثل هذهـ ِ الأفكار ..!

/

/

محبوب@نت

شكراً لكَ اخي الكريم على الطرح

لا عدمناكَ

لك ود لآ ينقطع

محب الجنه الخرج · #5 14/09/2009, 01:04 AM

يارجال وش تقول ومن تكلم

هذاك اول انا من صف اول ابتدائي وابوي يعودني عالصيام

يارجل في واحد من اخوياي يجيني ويقولي ذاك اليوم هوا ابوه عسكري وكان مستلم ذاك اليوم
المهم العيال ذاك اليوم كان جمعة ورمضان السنة الماضية يوم جات الصلاة

طلع يتمشى بالشوارع الين تنتهي الصلاة ويوم انتهت راح البيت ويشرب مويه

وهالكلام يقولي اياه وهوا يضحك ومفتخر بحركاته

طبعا انا نصحته بس كلامي طار بالهواء

هالزمن تغيير الواحد صار اهم ماعنده رغبته بالشيء حتى لو كان على حساب بالدين

الله يستر من الايام الجاية

خالد ، الدعجااًَني · #6 14/09/2009, 01:12 AM

رحَ لمآإكْ بعد الفجرر وشووف البلآويَ ..

كل وآحد زقآرته آطول من الثآنيهَ ...

ذآيب · #7 14/09/2009, 03:18 AM

سـٌوٍء ترٍبيـٌة ..!!

شكـٌرٍآ آخـٌوٍي ,,

أبوخـــلـــودي · #8 14/09/2009, 03:29 AM

طيب الان وين الهيئه والحكومه عن المجاهرين بالافطار في بلد مسلم

لكنهم التفتوا الى امور ثانويه ونسوا الدعوه

واولياء الامور سيحاسبون على تربيه ابنائهم يوم القيامه

والمفروض اي شخص يشاهد منكر ان يقول بتغيره انا بالنصح او تبليغ الجهات المسؤوله ولانقف سلبيين هؤلاء يعيشون في

مجتمعنا وغداً ولدي وولدك سيتاثرن لاسمح الله بهم

مااقول الا حسبنا والله ونعم ا لوكيل

ساريـــالليلـــ · #9 14/09/2009, 03:36 AM

والله فيه ناس اهلهم مهم يمهم انا اكثر الي اشوفهم يفطرون و يشربون ميرندا برتقال مدري وش السر في الميرندا في رمضان

BaRiO · #10 14/09/2009, 04:10 AM

والله انك مآشفت شي

, رح لشآرع تركي الاول بعد صلاة الفجر وشف الهوآآيل

يعطيك العآفيه اخوي واتمنى الشباب يستفيدون من موضوعك

Ş๓σώ Ąℓ7ѓƒ ღ · #11 14/09/2009, 04:17 AM

الله يعين في اخر الزمان والله لاعاد فيه خوف من الله ولا شي نسأل الله العافيه

هلالي ... دوم · #12 14/09/2009, 04:25 AM

نسأل الله العافية

بس يمكن صغار أخوي بأعمارهم يعني غير مكلفين

S@LEH · #13 14/09/2009, 04:33 AM

آلحمد لله الذي عآفنآ ممآ آبتلآهم !
وفضلنآ عن كثير ممن خلق !
؟

Al Suwalih 9 · #14 14/09/2009, 05:13 AM

اتوقع انك شايف مبزرة ابتدائي

IBRAHIM1985 · #15 14/09/2009, 05:27 AM

لا تستغرب ومر بعد شوراع التجمعات والدوران الصبح والعصر وشف وش كثر المفطرين

للاسف انهم يجاهرون بمعصيتهم

لاحول ولاقوه الا بالله الله يهدي شباب الاسلام ويصلحهم