ويش فيكم ؟ احمدوا ربكم فريقنا كله 23 - نادي الهلال السعودي - شبكة الزعيم

نور_الهلال · #1 29/08/2002, 10:57 PM

صراحه مانيب مصدقه ان هذا موقفنا انا الهلاليين .

هاللحين ما يكفي ان فريقنا هو الوحيد الفريق اللي معتمد 100% على لاعبين تحت 23 سنه و متقيد بالانظمه ؟

هالهزايم بتكون دروس مهمة للشباب الصغار و تخليهم يكتسبون الخبرة امام الجماهير و في مباريات النقل التلفزيوني .

الف الف الف مبرررروك لكل هلالي و هلاليه لهم بعد نظرررر

مبروك فريق الشباب القادم و سوف نسيطر على البطولات
لان فريقنا الاول الحمدلله سوبر
و عندنا شباب جايين سوبر

zoro the legend · #2 29/08/2002, 11:06 PM

كلام صح 100%
مانشستر قعد 8 سنوات بدون بطوله ولا كاس
لا حتى يلعب في الدرجه الاولى
حنى ما نقدر نستغني عن كأس واحد
ومهو الدوري ولا الكاس
الا كاس الاتحاد السعودي
الله يهديكم
الصبر حكمه

نور_الهلال · #3 29/08/2002, 11:13 PM

هذا التفكير السليم يا استاذ زورو
ماهوب مثل اللي مع الخيل يا شقرا اذا انهزمنا قاموا يصارخون و يزعجونا
و اذا فازوا فرحوا

هالفريق ذا رايح ياخذ ثقه بالنفس مافيه اي فريق بيكون مثله و احفظوا الاسماء الي لعبت اليوم .

النجم الهلالي · #4 29/08/2002, 11:24 PM

كلام سليم وتمام .

شرشبيل · #5 29/08/2002, 11:26 PM

أي فريق سوبر واللي يرحم والديكم الحين مهزومين بأربعة ولعب سئ إلى أبعد حد وتقولون سوبر " الحمدلله على نعمة العقل "
ياحبايبي مانشستر هاللي تتكلمون عنه يمكن إذا انهزموا قدموا مستوى زي الناس يعني تكون الهزيمة بشرف أما هزيمة ومستوى زي الزفـــــــــــــ......... صراحة أنا ماأشوف إلا إن الفريق من سيئ إلى أسوأ
ولنا في فريق أبو ثمامة خير مثال ففريقهم منذ سنين وهم صاجينا نبني فريق.....نبني فريق ...
والمحصلة ..ياترى؟ لاشئ إلا كل يوم والثاني الفريق قاعد يبتعد عن البطولات ......
ثم طبيعتنا النفسية حنا السعوديين إننا سريعي التأثر بماحولنا يعني اللاعبين كثرة الهزايم تأثر عليهم سلبا وليس إيجابا ......
والسلام عليكم ورحمة الله

ALBARG99 · #6 29/08/2002, 11:39 PM

معليش يانور الهلال

من سمع كلامك قال الفريق الي يلعب ضدهم اعمارهم فوق الثلاثين

نقول حسبي الله ونعم الوكيل

نور_الهلال · #7 29/08/2002, 11:41 PM

يكفي وليد الرجا
ماهوب من الفريق الاتفاقي الاول ؟؟؟؟؟؟؟؟؟؟؟؟

شف فريقنا كلهم تحت 23 ماهوب تزوير .

المفروظ يا استاذ شرشبيل ما تكلمني بهالاسلوب انا ما غلطت عليك بشئ

خليك واقعي شوي لو سمحت
هالاعبين بيصير عندهم تعود على اجواء الجماهير و الاضواء
فهمت قصدي ؟
و لا تنسى ان ظاعت علينا فرص بالحظ نسيت اخر ربع ساعه من الشوط الثاني ؟

انتم بس تبون تنتقدون و خلاص

--------------------

********

أبومشعل 2001 · #8 30/08/2002, 12:56 AM

نور الهلال حبيبي أنا معك في كل اللي تقولة

طالع نجوم الهلال متوسط أعمارهم فوق الثلاثين الدعيع سامي يوسف خليل الشريدة وغيرة يعني لوخدموك سنة ماخدموك السنة اللي بعدة لذلك لازم نصبر على هالفريق وندعمة معنويا عسى يطلع منهم من يدعم الفريق مستقبلا وهذا هو المهم واللي ماياخذ فرصته في هالبطولة متى بياخذها

موج وبحر · #9 30/08/2002, 01:07 AM

ون تو ثري فور والحمد لله أنها توقفت على ذلك .

1 & 2 & 3 & 4 & الحمد لله على السلامة .

mo_hakami · #10 30/08/2002, 01:11 AM

http://alzaeem.com/vb/showthread.php?threadid=81111

نور_الهلال · #11 30/08/2002, 02:09 AM

صراحه مانيب عارفه وش اقول يا اخ ابو مشعل

مااصدق ان كل ذا الحتسي يطلع منا

وين سعة الصدر ؟ و ين طولة البال ؟

صرنا مثل الافارقه اي شئ يشب فينا

نسيتوا
نسيتوا نواف التمياط
نسيتوا العتيبي
نسيتوا المفرج
نسيتوا احمد خليل
نسيتوا الشلهوب
نسيتوا كل ذولي ؟؟

ابيكم تفكرون يا زعولين لو لعبوا كل ذولي مع بعض بتتوقعون بننهزم اربع

عايدي ننهزم بس ماهوب باربع .

خلونا نستفيد من هالهزيمه

***********

حتى لو اعتزل سامي و الدعيع و الشريده و ذولي مابيعتزلون بكره
يمكن سامي بيعتزل بعد سنتين و الدعيع بعد سنه

كل واحد يفكر بهذه الطريقه الرجاء يساعدني

هلاليوووو · #12 30/08/2002, 02:16 AM

اجل نحمد ربنا..؟!!! اييه صح المفروض نحمد ربنا انها انتهت اربعه موب خمسه ولا سته..!! ايييه صح لازم نبارك..حنا الوحيديييين اللي لاعبيننا تحت 23 سنه.. اما الا تفاق فكلهم اعمارهم على 30 واربعين ..!!!!! لا حول ولا قوه الا بالله العلي العظيم..معقوله هذي هي قاعدة الهلال..!!!!!! الله يستر ..الله يستر..وياليتك انت ياللي كاتب هالموضوع انك ما تحاول تتكلم بهالاسلوب..يعني شلوووووووووووووووون تبارك لنا..ياخوي وش السالفه...؟؟ على ايش تبارك؟؟ عزيزي انا ممكن ابارك للاعبين بحاوله واحده..انهم يكونون يملكون المهارات اللي تخلي الواحد يتفائل فيهم عشان المستقبل..وعادي والله ..لو انهم منهزمين اربعه وكانوا يلعبون بنص مستوى لاعبين الاتفاق ومهارتهم..كان اوكي..صح..اقولك مره تصيب ومره تخيب ومع الخبره بيترجمون هالمستوى الى النتائج الافضل..امااااا انك تجي وتقول باركوا لهم وهم بهالحاله وبهالمستوى.؟؟؟ وييييين عزيزي ويييييين...على العموم شكرا وكل اللي نتمناه ان بندر بن محمد يرجع يشرف على القاعده ويطلعلنا لاعبين مثل سامي ونواف والدوخي والجمعان الخ الخ الخ ..اما بهالاعبيين..فـــــ الله يستر على باقي المباريات ..!!!!!

محمد الكحلي · #13 30/08/2002, 02:21 AM

نور الهلال كلامك ماعليه غبار ومنطقي لو كانوا اللاعبين يقدمون اداء جيد او متوسط

لكن اللاعبين اداهم سئ لابعد درجه يعني المدرب الله يهديه ما اعطى للفريق شكل وتكتيك ولا شفنا اي نجم من الجدد له مهاره خاصه

يعني معقوله شباب الزعيم القادم ما فيهم واحد زي ناجي مجرشي

وبعدين انا اتوقع ان لازم يكون هناك 3 لاعبين فوق الثلاثه والعشرين عشان يستفيدون الصغار منهم

اذا كان الهلال لعب مبارتين قبل مباراه الاتفاق وكانت غير منقوله وش استفادوا يرجعون ويلعبون في الدوري الشباب ابركلهم.

هوجن_15 · #14 30/08/2002, 02:44 AM

نعم كلهم تحت الــــ ( 23 ) حتى :
1/ تركي الصويلح .
2/ بندر المطيري.
3/ محمد النزهان .
================
استغفر الله العظيم ..

فهد طلال · #15 30/08/2002, 02:44 AM

ترىالاربعة مو سهلة على فريق زي الهلال و من مين (مع احترامي) ؟؟؟؟؟؟؟؟

للاسف مشكلة اللاعبين: الخراشي و الصالح و الشلهوب هي الانانية .

وشكرا