((يوميات رمضانية "21" )) المتميزه (عاشقة الزعيم 15 )--( في اليوم العالمي لـ( الغبار) برعاية (التوأم الشرير) ..!! - نادي الهلال السعودي - شبكة الزعيم

المنتدى الاستشاري · #1 12/09/2009, 05:49 AM

فكرة - سندريلا الهلال
اعداد ومتابعة - الهنوووف
تصميم - عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير

**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام
هذه السلسلة أنتم أهل بيتها ونحن ضيوفا في حضرتكم ،،،
+
+.........+
+
أهلا وسهلا بكم أحبتنا ..
ودعونا نرحب سوية بالمضيف " الحادي والعشرون "
المتميزه " عاشقة الزعيم 15

.- "
لك تحكي لنا احداث يومها مع شهر رمضان المبارك ..

السلام عليكم ورحمه الله وبركاته

اسعد الله صباحكم ومساءكم بكل خير وكل عام وانتو بالف خير >> للعيد من بدري

قبل ابدا بيومي احب اشكر الهنوووف على استضافتها لي باليوميات والله يعطيها العافيه يارب

قايمه بمجهود كبير ماقصرت هي وباقي الاستشارين والمشرفين

اول ما قالت لي هنوو على اليوميات سألتها هل من المفروض علي اكتب بالفصحى كوني اشوف الاغلب كدا

>> شايله هم الفصحى ما اعرف فيها

ضحكت وقالت لا

وشالت عني هم كبير بصراحه

خليني ابدا بيومي من الساعه 12 وقتها من نص ساعه
كنت راجعه البيت وعلى طول على الغرفه فتحت جهازي

وعلى المسن لقيت رعبوبة الزعيم سولفت شوي وقلت برب رحت غيرت ملابسي رتبت الغرفه ورحت الصاله جلست مع ماما
واختي الكبيره لقيتهم على تحدي

اختي تقول الحين بيبدا برنامج السويدان وماما تقول خلص بغير القناه

وماما قالت اذا خلص بديكي كف واذا بدا تديني بوسه

وبالاخير ربحت ماما البوسه

بعدين جاني

حموود قالي لينا عندك رصيد قلت ايوة
بس من امس اشتريت بطاقه وماشحنت من الاخر ايش
تبغى فيه ؟

قالي بكلم فيصل ولد عمي

ورجع لي قالي تعالي بسرررعه افتحي على فرييقك

(لعبة المدرب الافضل )

بخلي الجاسوس يتجسس لك على الفريق الي بتلعبي معاااه علمني فيصل

قلت طيب يلاااا فتح لي وشاف كيف لاعبين وقام يحط لي خطه مناسبه معاه

وبعدها نادت ماما عليا قالت لي
جيبي زيت زيتون بحط على ركبتي قلتلها الفكس مو احسن ردت لا الزيت احسن جيت ادهن لها ماخلتني

وقالت يسلمو لينا الاميره

وبعدها رحت لاحمد قلت له ايش تسوي قال ولا شي طفشان واقترحت عليه نروح البحر زمان عنوو قالي يلا

مشينا بس ماماتي مابدها تروح عشان ركبتها تعورها

قالت لي روحي انتي واختك بس ماتحمست ورجعت غرفتي مقهوره

وجيت اكتب مقدمه اليوميات واسولف مع رعبوبة بنفس الوقت

وعلى الساعه 1 وربع تقريبا جاني احمد قال اشبك ماتجهزتي انا خلصت قلت طيب برجع احاول بماما تجي

..

وبدونها الخرجه مي حلوة والله

.. باءت محاولاتي بالفشل وقررنا نروح البحر نزلو ينتظروا بالسياره واتصلوا عليا وقلت يلا نازله

وانا بكاشه ارد على يوميات A.K.N505 ارسلت الرد سرييييع

وطلعت لي العنود على المسن مدري ايش قالت
وماني معاها مره ابتسمت وقلت بروح البحر

،

وانا بالسياره سمعت صلاة التهجد وصار ودي اروح قمت اقترح ايش رايكم نصلي ولا البحر بس حمودي تكرن قال لازم تصلو يعني

ورحنا دووغري على البحر ولما وصلنا سأل احمد وين بتجلسو؟ قلت ابغى عند المراجيح

زمان مارحنا هناك >> وانا ببالي العب بس خفت اقوله مايودينا

جلسنا وكل شوي اطل اذا احد قام عشان اجري احجزها بس للاسف كلها فل وواقفين طوابير على كل وحده

واشتريت كوب ذره

وانا كله لقيت وحده من المراجيح فاضيه

قلت بروح العب

محمد اجري احجزها لي

قالي احمد انثبري عندك السياره تمرجحي فيها

ركبنا السياره وكُلي حزن على المرجيحه اللي ماركبتها

وشوي الا ترسل لي العنود رساله تقولي جيبي لي فشار

>> ولا انا غلطانه يالدووبه ؟؟

وصلت البيت على الساعه 3 وثلث جلست على المسن مع البنات ورحت تسحرت احلى سحوور
اترككم مع الصوره ((طبعا انا رجعت اكل وبس مالي علاقه بالمطبخ خاصه برمضان

))

(( هذا السحور برعاية اهالي الشام )) .

وبعدين قمت لاختي وسألتها ها ايش صار على الكوشه والبطايق خلصتو منها

..
قالت رحنا لـ هلا روز بس كل كوشها 20 الف وطالع

خير على ايش كلها كوشه

وراحت اماكن تانيه وما استقرت على شي وادتني الكرت اخبيه عندي لايضيع

جيت احطه بجيب المحفظه مو راضي يدخل احاول مره واثنين مو راضي

بعدين طليت لقيت عندي 51 ريال

وانبسطت فيييها كوني انسانه مفلسه

وبهالوقت تذكرت

(صحيني على صلاة الفجر يا بابا )

يوووووووووه قامت الصلاه ونسيت اصحيه رحت جري وصحيته _> يقالي بدري مصحيته

وقمت صليت وقريت اللي قدرت عليه قران رجعت اسولف على المسن مع بنوته هاديه وهيون

وجاني حمودي يقولي
(( لينا ممكن انزل احسس على البسه شوي وارجع

)) قلتله انزل خلهم يخطفوووك الدنيا صباح محد داري عنك لو تصرخ لين بكرا

وشوي الا قمت اكح مرره وانفض غبااار عن وحده اسمها هلالية سنعة

وجا بعدها غبار اقوى من شذى بعد انقطاعها فتره طووويله عن المسن

لذلك بسمي هاليوم ( يوم الغبار العالمي )

وبعدها تصفحت المجلس ورديت على الاخبار وقبلها مدري أي ساعه بلغت على موضوع انقلب شات _> مؤدبه ما اشتشت

وكلمت الهنووف شوي والساعه 8 وربع حان موعد نومي حسب توقيت عاشقة المحلي لمدينه جده

صحيت الظهر صليت ونوم والعصر نفس الشي لين اذن المغرب جا بابا صحاني

ومثل ما قلت لكم قبل انا غاسله يدي من المطبخ ولا ادخله برمضان الا ما ندر

( تعلمو يا صبايا مني )

وادعوا لي

.. اكلت تمره وفيمتو وشوربه وقمت اصلي وفتحت جهازي على مجلسنا الغالي دووغري

تصفحت ورديت على مغاط وبعدها قمت ادور باليوتيوب على حلقة عمرو خالد اللي فاتتني اليووم

وهالوقت صحت علي سوسو لينا قومي خذي السماعات الي بجهازي وحطيها بلا ازعاج

قلت طيب

_> اسمع الكلام

رجعت قلت ليش متى نايمه اشرت لي بيدها عشره وبعدين واحد قلت عشره ؟

رجعت نفس الحركه قلت كم وحده ؟

قالت يووووووه 11 اسكتي بنام _> حسيت اني شريره وانا اصحيها على سؤال سامج

نرجع لمحور حديثنا عن حلقة عمرو خالد الي فاتتني

.. بعطيكم مقدمه عن حلقات عمرو خالد هالسنه _> بستعد للتطبيق عليكم قبل بنات المتوسط

وقيموني من واحد لعشره

.
هذا الله يسلمكم عمرو خالد يحكي عن قصه تعتبر ثلث القران وذكرت ايات كثيره عنها وسوره الكهف ذكرت القصه كامله ..
قصة موسى عليه السلام مع بني اسرائيل وفرعون وحلقة اليوم اللي فاتتني بيتكلم عن
شخص أعلم من سيدنا موسى اسمه (الخضر)
راح له مع شخص من بني اسرائيل اسمه يوشع بنون عند مجمع البحرين والمكان
يا(في سينا او عند النيل الازرق) وبيروح وهو مو عارف وين مجمع البحرين يبحثوا عن الخضر ..
ومع انه موسى عليه السلام كليم الله بس ما حدثه وين خضر عشان يبحث ويعرف قيمة العلم .
كانت قيمة الحلقة الماضيه ( العلم

) واهميته .
رحلة سيدنا موسى مع الخضر ايش صار فيها وهل استمر موسى عليه السلام معاه .. كل هذا واكثر فاتني اليوم

وان شاءالله اني الاقي الحلقة باليوتيوب

..

بهالوقت صارت الساعه تسعه والصلاه قامت

رحت اصحي اختي قومتها بس مافي فايده

رحت لرشا ايش رايك نروح نصلي قالت شوفي مين في يوصلنا وكالعاده احمد نايم

وبابا راح من اول ورجعت انطقيت على جهازي بعد خيبة امل

اكتب لكم احداث يومي الساخن والذي لايخلو من الاكشن

وعلى الساعه 9 وربع تقريبا رحت الصاله لقيت حمودي جالس وطفشاااان قلت له ايش رايك نلعب كوره على السطح

انبسط مرره ورحب بالفكره بس قلت اصبر اصلي وجايه

.
دخلت الغرفه ادور على هديه جابها لي حمودي

وكوني بنت هاديه ونعومه اشترى لي (فنيلة توتي)

يا البيييييه عليه حمودي فديته

عارف مين احب

صح طلعت واسعه شوي بس تمشي الحال

ومشيت وانا بطريقي للسطح شافتني ماما (لينا قهوة يا حلوة

) شدني حمووود وقال بعدين يا ماما بنلعب الحين رشا سوي قهوة بسرعه

دخلت السطح وجيت العب مثل أي وحده من اخواتي التكارنه بالاسلام قبل الرضاعه

(حافية القدمين )

متقدمه وبقوة على السطح ارسل لي الكوره حمود الا واطل فيها منسمه وحالة اهلها حاله

قلت سوري ما العب بهالكوره المعفنه روح اشتري غيرها والعب معاك

وراح يشتري ورحت اسوي قهوة تركي لماما وحسبت حسابي كمان

وهذي الصوره

_>مو دعايه لنفسي اني شاطره وقدعه

وشوي الا حموود جااي بالكوره الجديده

ولعبت وماشاءالله
عليا لياقتي عاليه جدا مو ربع ساعه وتعبت

وجا احمد قلت يلا انا وحمودي ضدك مالعب معانا قال يلا على جوا بسرعه الحارس بيغسل

وخرب علينا اللعب

وخرجت من السطح ولا اقدع تكرونيه رجولها مثلي

وتذكرت كلام متابعة عن النظافه ورحت غسلت

وهذي صوره لحمود بالسطح

ودخلنا على الساعه 10 وتذكرت باب الحاره وجلست انا والعائله الكريمه عليها صح انها سامجه هالسنه
غير عن الاعوام الماضيه بس شسوي صرت متابعتها

وجاني اتصال منرعبوبة الزعيم تقولي وينك عن المسن قلت يلا بفتح جات دعايات

والساعه 11 رجعت على جهازي فكيت
اليوتيوب بشوف حلقة الشقيري كانت رووعه مرره عن الامانه اترركم تشوفوها

من جد ناس عندها امانه مو مثلنا بكفتريا الكليه شافو ريال يتسابقو عليه العبيد

غير السرقات و و و الخ

الله يعيين بس

وعلى الساعه 11 وثلث قررنا نروح بيت جدتي عشان عمتي تعبانه رجلها كانت بالمستشفى وخرجت من كم يوم دعواتكم لها

بس يوم اتصلنا نايمه واجلناها

ورحنا بيتنا القديم نزور (التوأم الشرير

) طلو وتوتو
اتصلنا وقلنا بنمرعليكم وسمعت صوتهم وكلي شغف لشوفتهم

طبعا قبل كل شي مريت البقاله اشتريت لهم كل اللي يحبه قلبهم

ووصلنا بيتهم لعبت وانبسطت معاهم كثير فديتهم زمان عنهم

هذي صورتهم يوم جونا اخر مره

..

قولو ماشاءالله بس

وانتهى يومي وانا عندهم

..
اتمنى انه يومي خفيف واعجبكم

واحب اشكر للمره التانيه كل المشرفين والاستشاريين
اللي ماقصروا مع المجلس ربي يعطيكم الف عافيه يارب

تحياتيـ

عاشقة الزعيم15

كل الشكر
لـ المتميزه **][ " عاشقة الزعيم 15"♥][ **

وانتظرونا غداَ
مع المتميز Blue Sun

.-

أرق التحايا وأطيبها من
مشرفي واستشاري
المجلس العام

رعبوبة الزعيم · #2 12/09/2009, 05:50 AM

محجوووووووووووووووووووووووووز
............................
هلا وغلا ياقلبي

يوميات ولا احلى وان شاءالله لي باك

تعبانه شوي

&

بــــــــــآآآآآكــ

هلآ وغلآ بـ صديقتي العزيزه

يالله حيهآ منووووووورهـ يالغآليه منورهـ كل الحته

قريت يوميآتك الصبح من شآشة الجوآل الصغيره ومآ أمدآني خلصت إلآ
وعيوني حولت وصآرت كذآ

يالله كلهآ تهون لعـيون أحلى لنوش بالدنيآ

وكل عآم وانتي بخير قلبي قبل الزحمة

ضحكت يوم ريت كلآمك عن الفصحى تخيلت لينآ تتكلم فصحى ابد مايليق

مآشالله يومك كله سوآلف مع رعبوبة الزعيم , الله يخليهآ لك ويخليك
لهآ

لينآ ليش ماكتبتي يوم تمدحك امك وتقولك ......................

بس يآليتك يوم رحتي البحر صورتي لنآ

علشآن نعيش معآك جو الطلعه صح ..

احنآ والمرآجيح قصة عشق لآمنتيه

انآ اذآ رحنآ الكورنيش مااتجرأ العب
لأن المكآن مليآن نآس وهنود وشبآب احرآآآج

لكن اذا رحنآ لبحر ارآمكو هنآك وقت الظهر مآفي أحد أو العصر مو مرهـ زحمه
آخذ رآحتي مع خوآتي ونلعب نلعب لين مآندوخ

إقتباس


	(( هذا السحور برعاية اهالي الشام )) .

يآلبييهـ يالله مآبقى الا عشر دقآيق على الفطور

بس مرهـ ثآنيه ادخلي المطبخ وسآعدي أمك وحآولي تتعلمين طبخ منهآ واطبخي
خلك سنعه مثلي

انتي مع عمرو خآلد والشقيري قصة لآمنتهيه , أنآ بشوف إذآ يبيعونهم على سيديآت
بشتريهم لكـ وارسلهم أكسب فيك اجر على الحلقآت اللي رآحت

ودي أذوووق قهوتكـ

شكلهآ يشهي

, بالعآفيه على قلبك قلبي ..

سلميلي على التوأم الشرير الله يخليهم ويحفظهم لكـ يأ امهم الثآنيه
مآ أحس اني عندي ميول للبزرآن مرهـ مثلك مآشالله عليك , اذا جبت ولد بعطيك إيآه
نتقآط أنآ ويآك ونعتني فيه .. مو أنتي صديقتي ..

&

يعطيك العآفيه يآ قلبي على اليوميآت الجنآآآن , والله استمتعت مرهـ
وأنآ اقرآهآ ..

والله يعيد علينآ رمضآن ويتم علينآ العشر بـ غفرآن الذنوب ..

الهنوووف ..
الف شكر لك يالغآليه

برررررررب فطور

.
.

AHMAD.10 · #3 12/09/2009, 05:54 AM

حجز
____________________________

بآكـ’

هلآ عآشقه , يومك كله أكشششن .. أحس مآ جلستي على حيلك مآشآءالله

و رآيحين البحر و لآ تصلون اقيآم ؟

وش بعد , ايه حيآتك بالمسن أنتي و البنآت ..

و أهم شيء توتي

, و الكوره المنسسسمه

.. بس هنآ تكمن حلآوة اللعب

و يآ حليل الثنين اللي رحتوا لهم

, الله يخليهم .. و بس انتهىا اليوم

تشكرآت
_

شكرآ الهنوووف .. و جميع القآئمين علىا ذلكـ

متآبعه بصمت · #4 12/09/2009, 05:55 AM

أحببببببببببببببببببببببببببببببببببببببببببببببببببببببببببببببببببس ض1

ـــــــــــــــــــــــــــــــــــــــــــ

هلا بالوحش

هلا باللي كلتني وأنا ما بعد تهنِّيت بدنيتي

صح إنك دوووبه بس أحبك

وكمان أموووت فيك

لبى معاليق قلبك

//

هنووو نفس الكلام أعلاه موجه لك

^
^

بالله وش رايكم باللون ؟؟؟ حلو صح

الفيروسه الزرقاء · #5 12/09/2009, 06:05 AM

هلا بـ عشوقتي

ما شاء الله عليك يومك خفيف

،

إقتباس


	ورجع لي قالي تعالي بسرررعه افتحي على فرييقك (لعبة المدرب الافضل )

أنتِ مختاره أي فريق

..

وه بس يازين حمودي

أعجبني أخوك

... لا تنسين سلميني عليه

ع طاري السلاام !
سلمتيني ع اللي له مستقبل باهر

ههههههه

هههههههههه

مدري هو طلو و إلا توتو

----> نستهم

الله يحفظهم و يخليهم لكم

صن كيو دلبو ع يومك الخفيف

و الشكر موصول لـ معدين الموضوع

سي يا

فيّو

الهنوووف · #6 12/09/2009, 06:05 AM

هلا هلا وغلا

وعليكم السلام ورحمه الله وبركاته

يومكم يـ اهل الغربيه اطول من يومنا الظاهر
ماشاء الله احسك رحتي وجيتي ورحتي وجيتي ولعبتي وكلتي وشفتي تلفزيون

ماشاء الله سحوركم خفيف
_____> طرالها نصف الشعب مايحسون انه سحور الا لاصار كبسه ولبن

والمراجيح

يـ هي ترجعك 20 سنه ورى
__> ياكبرها عند الله وانت بالمهاد تتمرجحين يعني

بجد هاللعبه مهما كبرنا تظل مسليه قبل شهر يمكن كنت عند اقاربي والعب فيها مابغيت انزل

تحسين انك تطيرين بالسماء وترمين وراك هموم __> شطحت هالبنت

امنيتي اذوق قهوتك هالي كل يوم تسوينها

لاجينا جده ان شاء الله استقبليني بالمطار بـ كوب

واهم شي حمودي رجع مثل قبل الله يحفظه

\

/
عوافي عشوقه ع هاليوميات

وسلميني على التوأم الشرير

( الله من الشقاوه فيهم

احساسي هيك

)
وتشكرات ع قبول الدعوه

بانتظار الكريم : بلو سن

الهنوووف

كانت

هنا

ورحلت

فتاه هلاليه · #7 12/09/2009, 06:13 AM

-

لينا

ياهلا وميّة مرحبا

ماشاء الله لك خلق على البزارين !
أشوفك نص يومك مع حمودي

..
ربي يخليكم لبعض ويصلحه ويكبره ويعقله

تسجيل دخول عشانك والله

.. يالبى كلش بس يالينا :$

هنّووو

.. شكرًا أكثر شيء ..!

متآبعه بصمت · #8 12/09/2009, 06:24 AM

إقتباس

الرسالة الأصلية كتبت بواسطة الفيروسه الزرقاء


	وه بس يازين حمودي أعجبني أخوك ... لا تنسين سلميني عليه ع طاري السلاام ! سلمتيني ع اللي له مستقبل باهر ههههههههههههههههه مدري هو طلو و إلا توتو ----> نستهم

يا قلبوو [سلميلي] على روحك

متابعة بجنون · #9 12/09/2009, 06:27 AM

لاتقولون مالي مكان بالصفحه الإولى .....

اف اتصال يكره الواحد بنفسه ...

ساعه ...... بس حلفت مااقفل الإ وانا راده >> مااحد درى عنتس ..

يومي ملئيء بالأحداث ..
يعطيك ربي الف عافيه ,,,,,

>>> وتطولين بلعب الكوره ..

كان ودي اعلق اكثر.. بس طفشني الأتصال ..

بانتضار بلو سن ...غداّ ..

شكراً لمن خلف هذا العمل ..........

ريــــــــــف · #10 12/09/2009, 06:43 AM

[SIZE="4"][COLOR="Teal"]

يوميات حلوووه مره زي صاحبتها

لعب ومتابعه تي في وطلعات ماشاء الله حسيت يومك طويل مره وانتي ماقصرتي استغليتي كل دقيقه فيه

الله يشفى عمتك ويرزقها السلامه

ويخلي لكم الكتاكيت الحلوين ويصلحهم

اختك

[/COLOR[/SIZE]]

مملوحة نجد · #11 12/09/2009, 06:44 AM

هلآ والله لينــآإ

..

مآ شــآآ الله يووم ممتع وحآفل

مير شوقتيـــن لـ رمضـآإن بـ جدة

>> تعلمتس إنه مسآفرة

بس شهويتين بـ الذرة بهالحزهـ

الله يسآمحتس يآبعدي

يآآلبىىآ حمودي الله يحفظه

وسلآمة عمتتس مآتشوف شر يآآرب ^_^

تسلميـــن يآبعدي ع يومكـ الرآئع

الله يديم عليكـ الأيام الحلوهـ

وكل الشكر لـ الهنووف والمسؤولين

يعطيكم العآفيه يآرب ^_^

مملوووح ــــــة

أوَار · #12 12/09/2009, 06:44 AM

ايوة ايوة
هلا والله ومسهلا لينا
شرايكِ تديني البحر الي عندكم وأديكي الضبان الي عندنا
حسيت إني داخله يوميّات مريم نور

إقتباس

عمتي تعبانه رجلها كانت بالمستشفى

ما علينا بس قوليلي شلون رجلها كانت بالمستشفى هاه شلون ؟!
< - مشروع سماجة على هالصبح عافاني الله وإياكم
ألف الحمدلله على سلامتها وماتشوف إلا العافيْة إن شاء الله

يعطيّك ألف عافيْة على هاليوميّة الظريفة الي كلّها حمودي راح حمودي جا الله يحفظّه ويخليه لكمْ يارب
هنو .. شكراً أكثر شي

الجنة الزرقاء · #13 12/09/2009, 06:49 AM

ماشاء الله حضرتك اللي تلعبي بالكورة وانا كل شوي انفجع وصحيت من النوم بسببك

كل كورك في بابي وصحيت مصدعه

المراجيح حتى انا كان نفسي اركب معك بس مالت على احمد ماخلانا

طلو وتوتو اليوم ابدعوا طردوا ابوهم عشان نجلس معاهم ومشترين (( تحتح)) طبعا هذه معناها القلابة ما ادري من وين الفوا لها هالاسم بس يا انهم يعشقوها عشق مجنون

بس في الاخير ضحكني طلو الا يبغا يروح معانا على المسجد حاقد علينا عشان من شهرين اخذنا توتو وهو لأ ياقلبو عليه لو رضيت امه كان اخذته في الاخير قال لامه (( ما حبك))

شكرا عشوقة ع اليوم الجميل في النت والمزعج في البيت

اختك
\
/
الجنة الزرقاء

мя.ħάίţħάм · #14 12/09/2009, 07:02 AM

إقتباس


	وماما قالت اذا خلص بديكي كف واذا بدا تديني بوسه وبالاخير ربحت ماما البوسه بعدين جاني