ياهلا والله مغاط
حياك الله يالغالي و اهلا بك في المجلس العام
قرات يومياتك لديك اسلوب مميز ماشاء الله تبارك الرحمن
دمت بخير

صنع النكتة..
و رسم الإبتسامة..

أمرٌ صعب جداً..

لكنّك أجدت فيه أيّما إجادة..


شواهدك كانت.. غايةً في البساطة و الفائدة..
و أوصلت ماتريد بلغة سهلة قريبة للنفس..
و هل البلاغة إلّا الكلام الكثير يختصره صاحبه في جملٌ معدودة..!


شكراً..

هلا وغلا مغاط
وعليكم السلام ورحمه الله وبركاته .. يا حيا الله مغاط منور يا باشا
كل ما افتح اليوميات ارد تطلع لي مليون شغله واليوم حالفه الا ارد

إقتباس تدرون إن الأم محتاجة حنان وكلمة دافية أكثر من أي مخلوق ثاني على وجه هالأرض !! تكفون لا تحرمون أمهاتكم منها !!

كلامك درر والله .. امهاتنا يتعبوا عشانا كثير واقل حاجه كلمة شكر لهم

إقتباس - تكفون ابتسموا !!

إقتباس يالحريم تبون الرجّال يحبكم ؟! فكوّه من شركم بمثل هالأوقات اللي يصير فيها تافلن العافية !! والله يا إن الحرمة اللي ترضي وتفهم الرجال بمثل هالـ(وقت) !!

صعبه افكهم من شري اصلا مايمداه يوصل البيت وهو راجع اتصل
جيب لنا كدا وكدا ولاتنسى كدا الله يخليهم لنا بس



ماشاءالله عليك اسلوبك حلووو وماحسيت الا وانا مخلصه قرايه


الهنوووف
يعطيكِ الف عافيه ياااارب




تحياتيـ
عاشقة الزعيم15

أحلى شي أنكم أستضفتوا الأستاذ مغاط

للحق من أفضل الكتاب في الشبكة وزيارته هنا لها وقع مميز عندنا

ونتمنى تكرار زيارته للمجلس بيوزره ويكون للمجلس نصيب من حروفه المتميزة

يوم جميل مليء بالأحداث

الله يجعل بقية أيامك مليئة بالسعادة والجمال


بالحب والإشراق

يومك ميزه اخ مغاط
ونصائحه رائعه
الله يحفظك
شكرا يالهنوووف

يا حليلكم .. ويا زين هالريحة .. والله يا أنتم حركات يا حقين المجلس .. مهوب مثل الجمهور الله يدفع البلاء .. قشام .. وقواطي سن توب .. وقطع كيك جبن !! الصراحة أنكم منتدى متكتك .. وإن كان لي من تعليق .. فهو : إنه يكون لكم " نافذة " في منتدى الجمهور الهلالي !! بحيث يكون هناك موضوع متجدد يوميا !! وروابط لأبرز المواضيع عندكم !! الصراحة أول مرة أجي هنا .. المنتدى فيه " روح وانسجام " !! ينقصه التفاعل المطلوب !! يعني " الكيف موجود " باقي الكم !! وهو " ضروري في عالم المنتديات " !!

لذلك تكفون يا استشاريي المجلس .. أحرصوا إنه يكون لكم موضوع (ثابت) ويومي هناك .. بالتنسيق مع (مشرفي واستشاريي الجمهور) وتكون روابط للمواضيع المميزة !! بحيث أي عضو يدخل الجمهور .. يقدر يوصل لكم عن طريق ( دريشة المجلس ) !!


-----------------------------

الهنوف :

أقدر أقول إنتس فيتس (روح ونشاط) عضو .. على عز طفرة العالم بالنت مبطي !! ما شاء الله عليتس .. تكفين لا تفقدين على هاللياقة !! وحافظي على هالنشاط !! وهالروح العالية و الراقية !! خفة طينة .. وجدّية في الآداء !! تف ما شاء الله عليتس .. يقعد يجيتس رباط ونبلش بتس !!

(صورة تريلة مليانة بزارين ومعهم ورد وماديـّنه لتس ) !!

-----------

هلالي من أرض اليمن :

مكسب لأي منتدى تتواجد به .. اللي يعجبني فيك يا هلالي إنك ما بقى إلا تفصخ وزارك وتصير " سعودي " .. منسجم بشكل غير طبيعي من كل ما هو " أخضر " !! و هالشيء اعتبره تحدّي وصعب !! لكن الإبداع خلاك تتجاوز الأقاليم !!

( صورة جنبية خضراء .. وعليها صورة علي عبدالله صالح .. وتحتها سيفين ونخلة ) !!


--------------



وجدان :

إقتباس وسالفة اننا نبي رجالنا يحبونا ! طيّب الاغراض من يجيبها لنا اذا رجّال البيت ماجابها

أزلب بقالة الحين عندها .. دبـّاب توصيل طلبات !! غير إن اليوم فيه 24 ساعة وقفت على هالوقت !! يا حبكم للضيق يالحريم !! يا تدبلون تسبد الرجال بحبابتكم !! يا تغثونه وتحومون تسبده !! <<-- إلا أنتم يالرجال اللي مدري وش يرضيكم !! تحياتي لتس وجدان هانم .. اقتباساتس و تعليقاتس كيفـت مندوبي ..

(صورة دباب بقالة مابقى شي ماجابه <<-- يبي يفتك منتس ) خخخخ ..


--------------

شوق الكويت :

إقتباس مدري وش اعلق عليه بالضبط الموضوع كله مميز تسلم يدك اخوي مغاط

يكفي مرورك يا جدي .. ويا جعلها ضحكة دايمة .. بلغ الأهل والأخوان سلامي ..

(صورة دشداشة عليها رسمة دباديب وورد ) ..


---------------

مستر ريلاكس ..

إقتباس ايه مغاط أخوي الكبير يسلم عليك كثير السلام

عليه السلام .. يالله باي .. <<-- سحب على مندوبك !!
تحياتي لك ولأخوك الغالي .. هاه متى أجي أتسحر عندكم ؟ <<-- والله الورطة لا عادت على هالرد !!
تسلمون يالغاليين .. وأتشرف بمداخلتكم ..

(صورة شجرتين أناناس طالع منهن ورد .. لك وحدة ولأخوك وحدة .. شموهن من فوق .. وعرموّهن من تحت ) ..


------------

الصخرة :

إقتباس انت مثلنا راضع حليب ياكوتش ؟؟

هلا بالغالي هههههه .. تحياتي لك ولمتابعتك المستمرة .. والانجاز تواجدك وحضورك .. وبالنسبة لسؤالك .. أحب أقول لك كنت متعلق بـ ( أورنجينا ) اللي تنرّج جيدا !! لدرجة يوم سجلوني بأولى .. صار جسمي من البطن وأنت طالع كله رقبه !! وخصري على خبرك خابر الين رجليني .. كله كرشه !! وعلى شوي شوي ومع التدليك والقراية .. بدن ينبتن سيقاني وفخوذي يوم وصلت سادس <<-- تحس إنها سواليف بزرين متعرفين على بعض بصحن الدوار ..

(صورة موسى نضاويبي يشوت فاول وأنت صاف حيطة قدامه وتنفخ على الحكم ماتبيه يبعدك من وساعة الوجه <<- وراه قلب عليك ) .. تسلم على هالمرور يا بعد تسلوتي ..

------------------


Mr:A.W

التميز .. بحضورك وتواجدك <<-- على فكرة ترى هالكلمة باللغة الفصحى تعني (الحزن والتباكي) وحنا عشان ثقافتنا منتديات في منتديات !! درجت هالكلمة على لسانا وصرنا نستخدمها بالمكان الغلط .. والمفروض نقول .. بـ(وجودك) !! <<-- وش عنده مغاطويه !!

(صورتي أنا وأياك وحنا طاقين إزار ورداء ومعنا أبو جلمبو ونكسّر أصنام قريش ) ..


----------------


الزعيم Osams

يشرفني هالمرور المتميز الأنيق وهالتواجد <<-- لا حول ما قلنا غلط !! ليه الغلط يصير له طعم ؟! اتشرف بحضورك .. وبخصوص طلبك أبشر بعزك .. بس نبي نشوف وش تسفر عنه الأمور بكرة وخلال هالاسبوع !! و عقبها يصير خير !!

(صورة واحد جالس على كرسي ويهز برجله وعلى أعصابه إلى السبت ) !!


------------------------

إحساس خالد :

يا هلااا ومرحبتين .. يطول عمرك يا بعد طحالي .. لا أخفيك أتشرف بك وبكل متابع !! لعنبو بليسك وشلون عرفت ذولي كلهن ههههه .. الف شكر على هالحضور الرائع ..

(صورة ددسن منشق أديتره الظهر .. وتحتري أحد يجيك .. ومشغل : زنبك إيه زنبك بحبك !! هو بعد الحب زنب !!<<- والله اللي مهوب وقتها ) !!

-----------------------

متابعة بصمت :

هههههههههههههه <-- خير ؟!


------------

كان هناك ..

هلا بحبيب قلبي .. يا اخي تكفي قرايتك مهوب لازم حجز ووجع راس .. وبعدين لا تبعد الشبهه أحس لك خديدات وفيك من ملامح سامي أبو خضير !! ولك ذوليك اللحيمات اللي تجي بآخر الظهر !! لا بسم الله عليك <<-- ضاق صدره ..

( صورة قلب حب مخطط بأزرق ومنشق مع النص لدرجة أقدر أشوفك مع الجهه الثانية ) ..

-----------------------------

ملك الثواني الأخيرة ..

يا هلا بالغااالي .. يا أخي أثمّن لك هالمتابعة وهالحرص .. والحضور المستمر .. يا أخي وش تبي مني بالضبط أنت ؟! <<-- يا شين اللي ما يعرف يعبرّ عن مشاعره ..
تحياتي لك يابعد مغاط ..

(صورتي وأنا ألبسّك مغاط بيدك اليمنى وكاتب عليه .. يا حبي لك ) ..

---------------

ASD

هلا والله ومرحبتين .. يا لبىّ هالضحكة .. ويا جعلها دوووم ..
ومنورني يا جدي ..

(صورة واحد معه قدر الشكشوكة اللي انت خابر ويحاول بك تاكل <<-- ما يبي يتسمم بلحاله ) ..

-----------------

شكر خاص للأختين المبدعتين اللي ما دريت عنهم والله إلا في هالموضوع وإلا كان شكرتهم بالبداية ..

( سندريلا الهلال )
( عسيرية )

بيّض الله وجيهكم على هالجهد الجبار .. ومن تميز لتميز ..

----------

الباقين راجع لكم إن شاء الله إن الله عطانا عمر .. ززززززززين طيب طيب هذاي نازل <<-- يرّد على الأهل !!

أحس أنك تقول وش يبي ذآ توه يرد !!
الله يوسع صدرك على هاليوميآت , ولك موآضيع بطله في منتدى الجمهور < جآيب جديد !!
بس من تآلي مآعآد أدخل وآجد لمنتدى الجمهور , يجيب الدوخه مدري ليه < يآسفآبي صح !!
كل الرد علشآن أقول لك , سيير في المجلس وترك تدل المحل الحين ولا لك عذر
< مآسكه علوم مرآجل

c.u

هلا والله حي الله اي والله

على هالرأبهـ سدادهـ

الله محيي اصلكـ يا عقيد

هلا بمغاط .. منور المجلس بهالطلهـ
ياعلي كماخهـ بعد
الحين قاريهـ اليوميات المغرب ولا حجزت ولا شي
لين اني تقلفعت الحين بالصفحهـ الثالثهـ

ماعلينا
تدري عاد اني حسدتكـ على شي واحد
مو حسد قصدي اغبطكـ عليهـ
تنظيمكـ للوقت بالدوام ماشاء الله قادر انكـ ترتب كل شي بوقتهـ
وتسوي لكـ قائمهـ بالمهام وترتبها بالاولويهـ ..
ماشاء الله تبارك الله .. الله لا يضركـ ..

تصدق بالنسبهـ للنصيحهـ
انا نفسي ماحبها
ماحب اكلم ابوي باي موضوع او اطلب منهـ شي وهو جاي من برا البيت
احسن وقت يحبهـ ابوي بعد مايصحى من النوم
يصير مروق مرررهـ وشبعان نوم

برايفت /
ياخي بما انكـ حبيتنا حنا آل مجلس
وش رايكـ ماتطب علينا كل فترة وفترة بموضوع
مستخسر علينا الضحك يعني

..

بانتظار عشوقهـ

الف شكر للجنود المجهوله <<<<< جنودن وش حليلها

فكرة - سندريلا الهلال
اعداد ومتابعة - الهنوووف
تصميم - عسيريه




مغااااااااااااااط وبإختصار انت مغاط الابتسامه ماشاء الله عليك تشققت براطمي وعطشت من الضحك وانا توني ممسك الله يهديك

يوميات رائعه من رجل منتج ورائع


مغاط يبيلنا يوم معك في روم الزعيم بالبالتوك لازم تعطينا من وقتك شوي

بس لاتجي عقب الفطور على طول مانقوى نتنفس وماحد ياخذ المايك اصلا <<<<<<<< ضامن مغاط يبي يجي