دلآخــــه أم حـــسن نـــيه - نادي الهلال السعودي - شبكة الزعيم

فـــهد · #1 07/09/2009, 03:48 PM

الـسلآم عليكم ورحمة الله وبركـاته

بالبدايه مضى 16يومـاً من رمضـان فماذا صنعنا فيه..؟سؤال لذاتكـ وجاوب به نفسكـ فلآتعلم هـل ستعود عليكـ هذهـ الأيـام مرة أخرى....

قبل أن ابدأ بموضوعي سأعلق على عنوان الموضوع فحين بـدأت بكتابته اتصـل علي ولد خالي وسـألني عن ماذا أفعل فجاوبت أكتب قصتي عن الأمر اللي حصل لي فقال اووهـ الدلآخـه فكان اسم الموضوع برأسي (( هل هي حسن نيه )) فقط ولكن بعد الإتصال أصبح
(( دلآخه أم حسن نيه ))
وأحس إني طولت ونحن لم نبدأ...!ولون هذهـ الفقرهـ متعوب عليه

قبـل أسبـوع تـقريباً وأثناء عودتـي للمنزل كانت الساعه تشير إلى العـاشرهـ مساءاً هاتفتني شقيقتي وطلبت مني بعض الأغراض المهمه فطلبت منها ترسلها برساله أفضـل من أرجع مرتين
فتحت محفظتى لأرى كم أملكـ من النقود وكـانت عشرون ريال فتوقفت عند أحـد صرافات الراجحي وكنت بحي الوزارت بالرياض ولآ أعلم ماهو سبب دخولي لذالكـ الحي الشعبي المليئ بالأجانب (( منظر مرعب الآف مؤلفه من العماله ياساتر ))
وانا في طريقي لمكينة الصراف رأيت رجـل أكل الدهر منه وشرب والحزن في وجهه وكان جالس على طرف الدرج فهممت بسؤاله (( عسى ماشر يا عم )) قال ((بطاقتي الصراف سحبتها المكينه ))فأبتسمت وقلت (( بسيطه روح لهم اليوم الثاني وتصدر لكـ بطاقه غيرها )) قال (( لآ مو هذي المشكله )) قلت (( افا وش فيه )) قال (( ولدي في مسشفى أهلي قريب من هنا وأنا أتيت للمنزل لآخذ بطاقتي واسحب ولكـن سُحِبت البطاقه ولآ أملكـ أي مبلغ لأدفع الحساب بالمشفى )) كانت دمعته على خدهـ والله تقطع قلبي حزناً عليه وأنا برأسي إن دموع الرجال لآتأتي إلآ من قهر وعجز فقلت (( انا بعطيكـ المبلغ كسلف )) فقاطعني بسحب رأسي وتقبيله حتى أحسست إني سأفقد رقبتي من قوة السحبه وقال (( لو تسويه لتكسب فيني خير ويحلف بأنه بيرد المبلغ )) وحاول مرهـ أخرى سحب رأسي لتقبيله ولكن محاولته بـآءت بالفشــل
على حد قوله بأن الآله معطله اخذت سيارتي واتجهت لصرآف آخر لآيبعد عن الأول مسافة ثلآث دقايق
بعد أن سألته عن المبلغ الذي ينقصه وسحبت تسع مئة ريال وعدت وأعطيته بعد أن أعطاني رقمه وأخذ رقمي ووعدني بـأن يتصل علي اليوم الثاني فطلبت منه أن يركب معي لأوصله فقال ( لآ باخذ تاكسي ما ابغى أكلف عليكـ )
عدت إلى البيت بعد أن قضيت نواقصه

مـر يومين على السالفه أخبرت شقيقتي التي تكبرني سناً فقالت (( يمكن ظروف أتصل عليه وشوف منها تسأله عن صحت ولد ومنها يتذكر المبلغ ))
ابتسمت هكذا

بوجه أختي وقلت نضرب عصفورين بحجر وآحد
اتصلت عليه بعد ثلآث محاولآت رد
ألو السلآم عليكم فرد وعليكم السلآم فسألته عن أخبارهـ واحواله
فقال من أنت قلت أنا اللي سلفتكـ المبلغ كيف صحت الولد عشاها زانت قال وهو يضحكـ أي مبلغ وأي سلف فبدأت أسرد له الحادثه فقال وبالحرف الواحد والله لم أزد على كلآمه حرف (( ياحمـار أنا ضحكت عليكـ وعلى غيركـ من المخفات يله أنقلع يا إبن الـ!!!!! ))
وقفل السماعه بوجهي رجعت أتصل عليه حاولت مراراً وتكراراً ولكن أنصدم بـ (( إن الهـاتف المطلوب لآيمكن الإتصال به الآن ))

فقلت لأختي ماحدث فلآمتني كثيراً وأصبحت أنا المذنب وأني لآافقه بالدنيا شي ولآ أعرف أتصرف ~~>>لآحول
فقلت إنتي لو شفتيه كبر الوالد ماتوقعت إنـه كذاب

فقالت لآتقول لأحد عشان محد يضحكـ عليكـ وإنه ينلعب عليكـ بسرعه

فقاطعتها بـأن نيتي وصدقي ماتوقعت إنه بيكون بهذا التفكير وإن المبلغ ماهو بذاكـ الكبر لكل هذهـ الضجه
فقالت يمكن بكرهـ يسرقونكـ إنت بكبركـ إذا ما صرت نبيه ورجال

~~>>قويه
فحاولت إني اقاطعها بالتبرير ولكنها بادرتني بذهابها لغرفتها

فقلت في قرار نفسي أن يعوضني الله الأجر وأنا لم أهتم للمبلغ ولكن اللي قهرني الطريقه ونوع التمثيليه اللي قام بها الرجل
وأن كـلآم أختي هو تحذير لي من مواقف اخرى فالدنيــا لآتؤتــمن

طلبت من أحد الأصدقـاء إستخراج برنت عنه ولكن للأسف اكتشفت إن رقمه مسجل بأسم عامل

ولكــن الـسؤال اللي محيرني

هــل هذهـ دلآخـــه على قول ولد خالي أم إنــها حسـن نيـه من رأيي

بلد الوليد · #2 07/09/2009, 04:58 PM

وش فيكم طايحين بكلمة دلاخه ؟!

هالوقت ياخوي ماتدري من تصدق والله ومن تكذب

على طاري الصرافات مره ابوي يقول رحت بصرف

وجاني شايب قال ياوليدي هذي بطاقتي وابيك تسحب لي ماعرف
يقول ابوي قلت ابشر وسحبت له
يوم عطيته المبلغ والبطاقه قلت له ياعم ترا ما يصلح تعطي اي واحد يسحب لك ترا سرقتك كذا سهله
يقول قالي كلمه بمعنى لا تسوي فاهم انا اعرف الناس من وجيهها

ومشا وخلاني

قسم بالله شايب وقح ودي اجلده

ابوي جاي منقهر ههههههههههههههههههههههههههههههههههههههههه

يقول خلني اشوفه بس مره ثانيه

بالنسبه لموقفك تراه حسن نيه
لكن حسن النيه مايمشي الايام هذي
كان قلت له مشينا المستوصف ادفع لك واعالج ولدك

مره جاني واحد وانا بالسياره طق علي الشباك
فتحت له بشوف وش يبي ذا الرزه الي عند الشباك

قالي لو سمحت انا مدري ايش وكلام كثيير
قلت والمطلوب ؟ قال ابي حق تكسي يوديني
قلت وين بتروح
قال الناصريه
قلت اررررررررركب اركب انا رايح الناصريه

قال هااه ؟ لا مابي اتعبك ابي حقها بس
قلت لا والله ان تجي معي
ومن هناك انا مقفل الباب لو جا بيركب بنحاش

قال لا اجل مشكور
قلت حياك ومشا
بكل بجاحه يروح للي جنبي

عالم صايعه ياجدعااااااااااان

هلالي فدرالي · #3 07/09/2009, 05:28 PM

لا والله ياخوي هذه حسن نيه منك جزاك الله خير تبي الأجر
حتى انا مثلك انخدع اذا شفت مثل هالأشكال عند المطاعم والبنوك
وراحمهم اقول شكلهم مايلقون شي يكلونه
وهم اخس ناس

*على فكرة فيه اشياء كثيرة نسويها عن حسن نية ثم يحدث ماتتوقعه
فيتهمك الناس بالغباء

تقبل تحياتي

الزعيم القصيمي · #4 07/09/2009, 06:01 PM

شف ياحبيبي

اللي مثلك وااااجد
هي ماهي دلاخة ،،،،،،،، لان العمل الخيري ومساعدة الناس امر مطلوب

لكن هذا يختلف في وقتنا الحاضر

في الوقت الحاضر انصرف الناس لجمع الاموال بكل الطرق المشروعة وغير المشروعة

وللاسف ان مثل اللي انت سلفته وامثاله من النصابين ،،، افسدوا على الصادق

يعني لو مثلا تجد واحد محتاج قعلا ماراح تعطيه للموقف الذي حصل لك

عموما احتسب الاجر ،،،، فالاعمال بالنيات ،،،،،،،ن والله لايضيع اجر من احسن عملا

الـمـشـاغـب · #5 07/09/2009, 06:16 PM

بالعكس اللي سويته حسن نية ..!
الدلاخة لما ينصب عليك بشي ثاني ما فيه أجر ..!
لكن مع هذا كنت غلطان لأن المفروض تتأكد من صدقه ولو حتى تروح معه المستشفى ..!
الله يعوضك خير .. ولا تستخدم حسن النية مرة ثانية إلا بعد ما تتأكد من صدق الشخص ..!

مرة من المرات .. كنت في المستشفى وفجأة شايب كبير ناداني وجيت عنده
وكلمني ووراني ورقة طبية ومعاه فلوس .. يبيني أكمّل له الفلوس .. وقعد يحلف لي
ويقول العلاج لحرمتي وشفها هناك ..
أنا من النوع اللي أقول عن نفسي أنه مستحيل ينضحك علي .. ولكني بنفس الوقت أتقردن بسرعة

قلت له طيب أبشر بأجيك بعد شوي بس خلني أخلص من الطبيب شوي .. كنت ناوي أستشير أخوي الصغير .. بس يوم جيت عند الطبيب نسيت الشايب وانشغلت مع فلسفة الطبيب

شوي وأتذكر الشايب وأرجع له .. بس ما لقيته .. وأعلم أخوي .. وقال حرام عليك تتركه كذا و و و .. حسيت بتأنيب الضمير

رحت أدوّر له وأسأل عليه عمّال المستشفى وطلعت من المستشفى ورجعت وطلعت وعلى هالحال كنت أدوّر له .. حسيت قلبي بيتقطع عليه

خلصنا من المستشفى وما لقيته .. ولحد الآن والله أني حزين على الموقف

ما دام المبلغ ما يستاهل .. وما تقدر تتأكد من صدق الرجال .. اتبع قلبك وش يقول وعطه .. في كل الأحوال المبلغ راح لوجه الله والله ما راح يخيب رجاك

فطوووووور

ذآيب · #6 07/09/2009, 07:26 PM

هـٌلآ فهـٌد ,,

آتـٌرٍك عنـٌك يـٌآرٍجـٌآل .. آنـٌـت مـٌآ سلفتـٌه آلآ آبتغـٌآء للآجـٌرٍ ,,

فآحتسـٌب آلآجـٌرٍ وٍآنآ آخـٌوٍك .. وٍآنـٌوٍهآ صدقـٌة للـٌوٍآلدهـ آللـٌه يرٍحمـٌهآ ,,

وٍحسـٌب وٍصفـٌك للمـٌوٍقف آللـٌي صـٌآرٍ .. لـٌوٍ آنـٌي محـٌلك سـٌوٍيت نفـٌس آلشـٌي ,,

مـٌوٍدتيّ ,,

● • ѦẐỔẐ »~ · #7 07/09/2009, 07:56 PM

اخوي معليك احتسب الاجر عند الله تعالى

وهذا بعاتقادي حسن نيه

تقبل مروري

اخوك ~عاشق التايب~

عسيريه · #8 07/09/2009, 08:23 PM

إقتباس

الرسالة الأصلية كتبت بواسطة بلد الوليد


	على طاري الصرافات مره ابوي يقول رحت بصرف وجاني شايب قال ياوليدي هذي بطاقتي وابيك تسحب لي ماعرف يقول ابوي قلت ابشر وسحبت له يوم عطيته المبلغ والبطاقه قلت له ياعم ترا ما يصلح تعطي اي واحد يسحب لك ترا سرقتك كذا سهله

فجأه حسيت ان ابوي هو ابوك

, ابوي حصل معه نفس الموقف بالظبط

هلا فهد , حيّاك الله

بالعكس لاهي دلاخه ولا شي ..
خله عنك , هو عقابه عند ربه وأنت أجرك على ربك

شفت الفرق كيف !

المره الجايه انتبه , هالمره جت سليمه والحمدلله ماخسرت كثير
المره الجايه ماتدري وش يصير , خلك حذر أكثر

بالتوفيق ,
مع التحيه

روبين هود · #9 07/09/2009, 08:35 PM

الناس مو مثل اول الحين

الطيب غبي او ادلخ

متابعة بجنون · #10 07/09/2009, 09:40 PM

أهلاً بفهد..

انا اشوف انها حسن نيه ..>>

لكن حسبي الله ونعم الوكيل عليه تحس انه شحاذ لكن بطريقه خبيثه ..

يتفاول بالمرض ع شآن فلوس ..
والله ماعاد الواحد يعرف الصادق من الكاذب .. هم وطرقهم ذي ..
كذا مره يجي أو تجي احد ت_ يشحذ ومعاه ورقه وفي حاله المرض ..

بس ماندري نصدقهم ولا لا ..>>> ومانعطيهم ..

وبالنهايه ..
لك الأجر ان شاء الله ع حسن نيتك ..

المحترف التميمي · #11 08/09/2009, 07:19 AM

وش فيهم طايحن على هالحركات واحد من الربع سلف واحد 4000 ريال وسوى نفس الحركه
على الاقل انت 900 وهو4000 من ناظر مصيبه غيره هانت مصيبته

$ابو علي$ · #12 08/09/2009, 07:45 AM

الـلي سوٍيته حسـن نـيـٍه ،،!!
وآنــت مـآ غلّـطت ،،

أي شخٍـصَ بـمكآنكٍـٍ بسوٍيِ مثـل مـآ سوٍيـت ،،

بس مرٍهـٍ ثـآنيـه أي آحد يطلّب منكٍـٍ شًي رٍح معــه للي يبــيه ،
يعني المفرٍوٍض آنكـٍ رٍآيح للـمستشفى معـه < عشـآن تكشفـه

آنـآ آلي قآهرٍني
حسب وٍصفكـٍ للـ رٍجآل شكلــه كبيرٍ بآلسسن ،،
مـآ تخـآف يجيكـٍ الموٍت ،، وآنـت تسوٍي هآلحركـآت

حصصـل خير ×

كـل ـآلود ،،
/
/

بسوومه · #13 08/09/2009, 07:59 AM

والله مايعرف لهذي الاشكال إلا آبي

يقول الواحد اذا بغى يتصدق يتصدق لمكان موثوق

مو هذول اللي في الشوارع مايدري الواحد هم صادقين ولالا

وامس حصلنا موقف كنا نتمشى بالسيارة وواحدراكب جيب لاندكروزرو أشر لآبي
وقف آبي يشوف اش يبغى وآبي يفكره مضيع الطريق
المهم الرجال بدا لايحكي قصه حياته ويقول احنا جايين من الشمال وعندنا عزا واحد وووو
المهم يقول احنا ماعندنا فلوس قالآبي الله يعطينا ويعطيك بعدين آبي يقول شحاتين آخر زمن راكبلي لاندكروزر ويشحت والمشكله انه مطوع ههههههه

DHOOOM · #14 08/09/2009, 08:43 AM

هذي يا اخوي حسن نية في وقت ما تنفع فيه حسن النية

هالمرة راحت والله يخلف عليك بخير , والاجر مكتوب لك ان شاء الله ومعوض خير
وصدقني مايضيع لمسلم حق عند رب العالمين

المحبره · #15 08/09/2009, 08:45 AM

مرحبا فهـد ..

إنت ماغلطت .. أبداً !
و ما أشوف أي دلاخة .. لكن حسن نيتك خلتك تصدق و تتعاطف مع الرجال ..!
لا تتحسف على اللي سويته لأن الاجر ثبت لك بإذن الله على نيتك .. و هو حسابه عند ربي على استغلاله للإنسانية .

المشكلة بكل وقاحة يعطيك رقم جواله الحقيقي .. يعني ماعنده مشكلة إنك تتصل عليه !

لكن مستقبلاً ضروري يكون الواحد حذر أكثر .. و فيه أكثر من طريقة تتأكد فيها من صدق المحتاج .. لأن النصابين كثير .. لكن مو معقول نكذًب كل الناس ..

الله يعطيك على نيتك يا فهد .. و يكتب لك الأجر و يعوضك بأكثر من اللي فقدت .. و يغفر لأمك و يسكنها الفردوس الأعلى ..