استمتعت حقيقة بقراءة اليوميات الرائعة .. ويكفي انها غيرت نظرتي عن بنات هالايام .. لاني كنت غاسل يدي ان فيه بنات سنعات هالايام .. ما اقول الا الله يخليك لاهلك ويسعدك دنيا واخره ..
يعطيك ربي الف عافية على اليوميات ,, وبانتظار حبيبنا الاستاذ مهند ,,
يعطيك ربي الف عافية الهنوووف على مجهودك بالمجلس .. يكفيك اجر برمضان دعاء اعضاء المجلس لك ..
الله يعطيكِ العافية يا ماهينور على اليوم الجميل ...
الشغل و العمل متعب و شاق لا خلاف في ذلك لكن اللذة تكون في النهاية
لمّا تكونين سبب في إفطار الصائمين
لا .. نو .. ناهي .. كذا ما اتفقنا وش هالشعبية وش هالحب كله؟ ترى بدينا نغار خلاص هانت يا حنين .. نزلي موضوع واضمني الردود حتى لو موضوعك كحّة ما شاء الله عليك يا حنين .. بنت سنعة غيرتي النظرة عن بنات منتدانا الفاشلات
إقتباس
ولكن تفاجئت إن الفرن طافي , يعني الغاز مخلّص
~> هذا وقتك ؟!
أنتي على الأقل عندك أسطوانة ثانية .. لكن وش تقولين عن اللي يخلص عليهم الغاز قبل أذان المغرب وينادونك تروح تجيب غاز بهالوقت؟ رحت أنادي راعي الغاز من غرفته وما قصر طلع .. ويوم وصلت البيت من زود ذكائي شلت الأسطوانتين مع بعض لين أهلكتني .. علبالي مستعجل عشان يلحقون يسوون الفطور ما استوعبت أني غبي إلا بعدين ..المفروض بدال ما أكسر ظهري بالاسطوانتين مع بعض كان شلت أسطوانة وعطيتهم يطبخون بها والثانية أرجع أجيبها عادي
إقتباس
ما أصبرت واستأذنت منهم وبدأت بالأكل , وتفاجئت إن سحوري ماااااااالح
عشان نكون منطقيين شوي .. شوفي .. هو مو معنا أنك كثيرة الحركة ونشيطة أنك راح تكونين طباخة درجة أولى .. لا طبعاً .. حنا فرحانين أنك نشيطة ونقول كثر الله خيرك .. لأن البنات اللي مثلك قليل .. وأما المذاق وجودة الأكل فـ ما لنا إلا الصبر .. والعوض في الجنة
إقتباس
يعلّق الوالد و يقول : ماهي بشي يابنتي , شوفي شلون إبن آدم ضعييييف هالشوكة تأثر فيه وماتخلّيه يقدر يمشي !! إذا الشوكة تعذّبنا كل هالعذاب كيف بيكون عذاب نار جهنّم ؟! وأخف الناس عذاباً يوم القيامة ينتعل بنعلين يغلي منهما دماغه ..!
تصدقين أن هالشي ما أحبه؟ يعني لما أسوي شي لأحد ثم يجي يخوفني بيوم القيامة .. ما أرتاح أستغفر الله .. لو أني مكانك كان خليت الشوك في رجوله وقلت : أجل خل هالشوك يبقى برجولك كفارة لك يوم القيامة صدق ما أحب أحد يخوّفني بيوم القيامة
إقتباس
" طيّب حرر وشمس والساعة 2ونصف ونطلع للحوش ؟!!"
ههههههههههههههههههـ لو أنها وحدة غيرك .. بتقول : يااااي والله ما أقدر يا بابا والله لأسيح في الشمس وأذووب بس أنتي ما شاء الله عليك .. لو حنا مصارية كان قلت أنك جاية من كفر الشيخ يالصعيدية
الله يعطيك العافية يا مهاميدنور << الورد ما طلع عندي ,, مشي حالك بهالفيس يومية جميلة وأسلوب يحط أسلوب ردة في أباطه للأسف أن وصولي كان متأخر .. هو في الحقيقة مو متأخر مرة .. لكن الردود والتسابق على الردود هو اللي خلى ردي في الصفحات المتأخرة المهم ننتظر يومية أمس .. حطيها هنا عشان ما تزعل وجدانوفيتش
شاكرة لكم تواجدكم وردودكم أسعدكم الله كما أسعدتموني
خليتوني احس اني انسانة ثانية المشاغب / تستاهل وجدان اني اكتب له يوميات رمضان كلّهْ
لكن مستحييل أضيف يومية امس بعد الي شفته بردود اليوم \
/
لي عودة إن لم يحبسني حابس
إلى ذلك الحين أستودعكم الله الذي لا تضيع ودائة
ــــ=====ــــ
عُدتْ من جديد ما أدري بتشووفون الرد بعد تعديل ولا لأ !! لكن بما اني ردّيت على أهل الصفحة الأولى لازم أعدل عشان ماتجيني نفسي اللاومة وتلموني ~> هي جايتك جايتك ردّيتي ولا ماردّيتي
المهم , توقفت عند الصفحة الثانية لذلك نبدأ من عند :
# الصخرة / أهلاً وسهلاً بمحارب العنصرية , مالقيت تنتقد الهنووف الا يوم جاء يومي شكراً على النصيحة , بخلّي امي تجربه , زيت زيتون وفلفل ماقد سمعت به .! , ماينفع زيت زيتون وحبحر ؟ شكراً لك أبو صالح أسعدني تواجدك رغم إعتراضك .. .. #Mr.RęLǻҗ/ أهلا وسهلاً , و شكراً لمرورك ودعواتك , ولك بالمثل .. # E.2007/ أهلين وسهلين بحرف الـ E كنت أظن انك ولد لكن الحمد لله اني شايفة ردّك على رائدة وتعرفت عليك , ليتك توضحين في ملفك الشخصي نوع الجنس عشان ماتصير مشاكل .. حياكِ الله أختي ,, الله يعافيك ,, شفتي كيف الشباب ماعندهم رحمة ويستانسون لما نُرهَق شكراً لكِ , وان شاء الله نشوفك دائماً بالمجلس .. #نواف محمد التمياط / حياك الله , وشكراً لتواجدك , أكيد خواتك سنعات لكن ماعطيتوهن فرصة , أو انهن يشتغلن بس أنت ماتدري .. # شمـ v.i.p ـوخ / أهلاً أهلاً بالغالية شمووخ أسعدني تواااجدك وإعجبك بيومي , الله يحلّي أيامك ويسعدك .. شُكراً شكراً شموخ .. # abo_nasser / هلآ ومرحبا , سنعة بمعنى الكلمة هذي كبيرة .. ملفي ماراح يكون فيه الا الأخبار وهو في شي أحلى من الأخبار .. اللهم آميين وإياكـ يا ابو ناصر .. أسعدني تواجدك , غريبة لم تذكر جميع اسماء معرّفاتي ,, وعلى طاري المعرّف , ليش تكتب ماهي نور ~> مُنفصلة يعني نور الشمس ماهي بأنا ؟! معقولة تغيرت بعد تغيير اليوزر ؟ شكراً فلآح .. # Mr.Marwan / أهلاً وسهلاً .. اللهم آآمين , وإياكم .. شكراً مروان .. # الــفهمــي / هلا ومرحبا .. شكراً لكـ معنى الإسم / ضوء القمر باللغة التركية .. #ذيب المنتدى/ أهلاً وسهلاً .. أسعدني تواجدك واستمتاعك بالقراءة شُكراً .. #سامي صعب يتكرر/ أهلاً سامي لما قلت استفدت من يومي فرحت , بس فائدتك ماهي بفائدة هذي معلومة توّك تكتشفها مادامك موظف أكيد انك مانت بكسوول , أهم شي في شغل , المشكلة بالعاطلين بالنسبة لدوامك برمضان وتعبك مالكم الا الأجر , بس احتسبوا أهم شي ما شاء الله انتم صايمين وتشتغلون وغيركم صايم ونايم , أعانكم الله .. شكراً لتواجدك ودعواتك وتقبل الله منا ومنكم .. .. # المحبره/ هلآآآ وغلآآآآآ أنا قرمى ؟ تسلمين يا قلبي وأنتِ أقرَم بالنسبة لخرفك للتمر , كلنا في الهوى سوى صح خرفت لي كرتون بس بدون تدقيق شكل كلّه بِسر إي والله هالزمن زمن الحريم ياحيف ع الرجال بس اللهم آآمين , الله يجزاك خير يالمحبرة على دعواتك .. الله يحفظك , أسعدتيني بردّك الله يسعدك دنيا وآخرة .. # اليزابيث هيرلي / هلاآآ وغلآآآ ياختي وينكن ماتنشافن ؟ لا أنتِ ولا كيكي ولا بقايا ولا بلو , خليتنن لحالي بالمجلس مابوه إلا انا ادافع عن الحزم -> ياهلا والله وغلا بليز أسعدتيني وأفرحتيني بردّك وما أخفيك إني كنت أنتظره , . تسلمين ياقلبي على هالمدح ههههههه أجل الباقي احتياط لا والله مانب بصلي مع الباهلي ولا مع غيره أصلي بغريفتي الله يتجاوز عنا , والله ان المسجد يحسسك بروحانية ونشاط , لكني أُبتليت بقيلولة مابعد المغرب ~> على قولة رعبوبة ما أصلي مع الباهلي الا القيام , على خير إن شاء الله أشوفتس الخميس ~~> يا رب ماتصدّق وش اسامحتس عليه , ردّ وترحيب خلآني أذوب من الخجل , معذوورة يا بعدي , ,, مسيرة عليك الله يذكره بالخير هلالية حره , إي والله من زمان عنه الله يسلمتس ويسلّم كاريزما ووالدي والديكم من عذاب النار .. تستااهل هالمدح ريري بلغيَهْ سلامي وأشواقي الحارة .. #الضحى / أهلاً أهلاً وسهلاً أشعر براااحة كبيرة عندما تتواجدين بالمجلس جزاكِ الله خيراً على دعواتك وإشادتك بيومي , ومدحك لـ بنات الرس اللهم آمييييين أسعدني ردّك أستاذتنا الفاضلة الضحى بارك الله فيكِ ولا حرمنا الله تواجدكِ بيننا شُكراً جزيلاً .. #هلالي من ارض اليمن / أهلاً وسهلاً طارق ~> ودّي أكتب أستاذ طارق بس في ناس الله يصلحهم عقدوني بكلمة أستاذ ~> " مواصل والمشاغب " >< الله أكبر الله يسلمك ويجزاك خير ويجعلنا خيراً مما تظنون ويغفر لنا مالا تعلمون بارك الله فيك أخي طارق وشكر الله لك بالنسبة لعدم استضافة اي بنت بعدي ,, حرام عليكم بنات المجلس فيهن الخير والبركة , وش هي ماهينور عندهم !! \ الصفحة الثالثة # وجــدان / هلآ وغلآ
~> رادّه على ردّك هذا بردّ مُستقل , بس لأني أحبتس بردّ عليك مرتين
أهم شي تكونين راااضية .. # مجن{الهلال}وون / أهلآ وسهلاً ,.
الله يسلمك ويجزاك خير على دعواتك ,.
بالنسبة للبرايفت من غير مانقوول شي المدخل يعرّف بنفسه , بس لازم ننصحهم بإغلاق النوافذ قبل المرور بذالك المكان , وليستمتعوا بالمناظر الخلآبة
وعليكم السلام
.. # رائدة الزعيم / أهلاً أهلاً عرييب
وأنا كنت أنتظر ردّ على أحر من الجمر
وأنا كذلك ,, أحبكِ الله
الله يسلمك ويسلّم اختك عفاف , ما شاء الله عفاف تشتغل طوول اليوم ! , لا والله أجل ماهي بمثلي
موقفك مع اختك ومواعين العشاء صار لي قبل يومين مع اختي اللي أصغر مني ~> بس مانب قايلته عشان مايقولون اني اتميلح
احنا سبب ظهوركم ؟! ,, الدنيا صح مابتطير لو مااشتغلنا , لكن حنا نبي نطير تخيلي بيت بدوون خادمة وأهل البيت مايشتغلوون
تبينا نقوول لا لـ مين ؟ لأمي أو لأبوي !!,, لو احد ثاني قلنا لائين مولا واحد
خسارة لو كان يومك لكن طبختي ولا ماطبختي يكفي انك عريب
جُزيتِ خيراً راائدة وبلغي سلامي لـ أختك .. # متلثمة بالشماغ / اهلين وسهلين متلثمة
العفوو , جزاكِ الله خيراً على مدحك .. # البرنـــــــس كاكا / اهلا وسهلا ..
اللهم آمين ,, جزاك الله خير على دعواتك
عساك اقتنعت بس
شُكراً لك على التوضيح بردّك الثاني , ماحد يحتك فيك , بس يمكن زي ماقلت فُهموك غلط ,, وأنا اولهم ~> حسّاسة
قصدك بفتاة مثالية , نفس الشهادة الي يومنا ندرس يعطونها البنات المتفوقات والمؤدبات وبنات المدرسات ~> اهم شي آخر صفة
شُكراً البرنس .. # ميمي / هلآ وغلآ
الحمد لله على كل حال يوم متعب وعدّى على خير
شكراً ميّومه .. # بلد الوليد / أهليين وسهلين فيصل
كل عام وانت بخير ومبرووك النجاح
الله يسلمك , كأنه يووم الطنطاوي الله يرحمه ويغفر له شتان شتااان بيني وبين الطنطاوي الله يرحم الحال بس
اللهم آآميين , شكراً لك ,
وبعدين خلي ليز براحتها تدافع عنّي وعن غيري من البنات
ماخربت فرحتي هي زادتها بردودها ولو حوّلت الموضوع لدكة أنا راضية ~> عشانه مانزل باسمتس .. #ع ـشقهـأ هلألـي / ياهلآ والله وغلآ بالعالمية
الله يسعدك ويحلّي أيامك ’ أسعدني توااجدك والله
فرّحتيني لما تواصلتي بمشاركاتك بالمجلس وماصار كل شي للعالمية
إلا على الطاري وين صديقتك سنيورة ~> أظن اسمها كذا ولا ماتجينا الا بوقت مباريات الشبكة
حياكِ الله يالغالية
توقيعك كل ماقريت لك ردّ وقفت عنده , من الأم الي ترضى ان رضيع بهالعمر يدخل الملعب .. # اليزابيث هيرلي / هلابتس مرتن ثانية وثالثة ورابعة
صدقتي بكل كلامك ياليز ,, والله أشووف بناات ما شاء الله تبارك الله شايلات شغل بيووت كبيرة , طبخ وغسيل مواعين , وغسيل ملابس , تنظيف ..
ماادري ليش البعض اخذ فكرة غلط عن بناات هالجيل !!
صدقتي كأنهم من كوكب آخر
آخذ ماء من الزومان لا ابشرتس قارية وردي الحمد لله مير وش بينحتونن عليه
اللي تفاجأ من يومي تراي أتسذب هذي ماهي بيومياتي هذي بنت جيراننا ~> ياحبي لتس يابنت جيراننا لو بتكتبين يومياتك وش بيقولون عنتس دعواتكم لها بالزوج الصالح
شكراً ابلا ليز ~> باقي اقل من شهر على الدراسة .. # همس الحراااير / أهلا همس
اللهم آمييين , واياكِ ,, شكراً جزيلاً .. # أبو لارا@ / اهلا وسهلاً
تبين اقطع صيامي أمنيتي اني انسى بذاك الوقت واشرب
أكيد في بنات مثل يومي وأفضل ,.
اللهم آميين , جزاك الله خيراً أبو لارا
/ الصفحة الراابعة # Blue Sun / أهلآ وسهلآ فهد ..
الحمد لله أجل كسبت أجر تغيّر نظرتكم لبنات هالجيل
الله يعافيك ويجزاك خير على دعواتك .. # سكب / أهلين وسهلين
أهم شي السحبة على الفطور لأنها تتكرر كثيراً ~> لله درّي
بالنسبة للراديو اول المسجل شي أساسي لأن لو مااشتغل شي عندنا كلّمنا أنفسنا
الله يعافيك ويرزقك بتوقيع
~> أنت المشرف الوحيد اللي ردّ على يومياتي .. # A.K.N 505 / أهلاً ومرحباً عبد الله
اللهم آمييين , جزاك الله خيراً على دعواتك .. .. # الـمـشـاغـب / أهلاً بالعريس ~> بنبتل نقولك العريس إلين تصير أب إن شاء الله شعبية ؟! متى آخر مرّة سمعت هالكلمة
عاد مايغار من شعبيتي " إذا كان لي شعبية " إلا أنت ؟ ماشاء الله تبارك الله تنافس ادارة الموقع بالشعبية
إن شاء الله أفكر أنزّل موضوع بس بعد ماانسى التعب الي تعبته بالردود اللي أشك إن في أحد بيرجع يشوفها
الله يسلمك , بنات المنتدى فيهن الخير والبركة وكل وحده أسنع من الثانية ما شاء الله
بالنسبة لسالفتك مع الأسطوانه لأنك كنت صايم وبوقت الذروة ماتنلام على غبائك " أنت قلت إنك غبي مو أنا "
ما شاء الله وش هالقوّة اللي عندك وقدرت تشيل إسطوانتين مع بعض !! صدق هالسالفة ؟! ~> تقل انه عيّت تدخل براسي مع احترامي الشديد لك
إقتباس
عشان نكون منطقيين شوي .. شوفي ..
هو مو معنا أنك كثيرة الحركة ونشيطة أنك راح تكونين طباخة درجة أولى .. لا طبعاً ..
حنا فرحانين أنك نشيطة ونقول كثر الله خيرك .. لأن البنات اللي مثلك قليل .. وأما المذاق وجودة الأكل فـ ما لنا إلا الصبر .. والعوض في الجنة
لا تعليق كل شي نعوّضه بالجنة إن شاء الله الله يجعلنا ممن يدخلونها بغير حساب ولا عقاب آآآمييين
..
بالنسبة لعدم حبّك للتخويف بيوم القيامة .. أيضاً أنا كذلك
خاصة بمثل هالوقت الي جالسة في مع ابوي ,, بالعادة هذي الوالد مايقول سالفة الا يجيب حديث عن القيامة
وإذا شافنا مقصرين بأمر ما ,, يقووول احذروا المعصية عشان نجتمع بالجنة ~> وهـ بس الله لا يحرمنا نصايحك
إقتباس
لو أني مكانك كان خليت الشوك في رجوله وقلت : أجل خل هالشوك يبقى برجولك كفارة لك يوم القيامة
مافقدت عقلي عشان أسويها دوكـ هذي المحاضرة إسمعها وادعي لي لازم الواحد يقويّ إيمانه بمعرفة أهوال يوم القيامة ..
لو حنا مصارية قلت إني جاية من كفر الشيخ , طيب دامنا سعوديين من وين جايه ؟ الله يعافيك ياسلطان ويوسع صدرك بالعافية ويجزاك خير , أنت الوحيد الي اقتبست كثير لذلك اقتبست من ردّك وطوّلت الأسلووب جميل !! شكراً شكراً أهم شي الأسلوب ولا اليوميات بكيفها لا تمدحونها أحلى من أسلوب رده !! هذي كبيره على طاري ابراهيم , يوم كتبت موضوع ماردّ , عادي كان ردّيت وقلت ان مااعرف أكتب
حياك الله يالمشاغب ولو كان الرد متأخر , أسعدني تواجدك
بالنسبة ليوم أمس برسل الي انا كتبت لوجدان بالخاص إذا هي ودها فيه .. # ذآيب / أهلين وسهلين , العفوو وحياك الله .. # بريماكس / أهلين وسهلين ابراهيم
أهم شي قريته واعجبتك مو لازم ترجع
سلامتك , الله يشفيك ويعافيك ..
أسعدني تواجدك .. # BLUE-STAR / أخيييييراً بنت من بداية الصفحة الرابعة وهم أولاد
ياهلآ والله وغلاآ بالنجمة الزرقاء ياهلآ بمندوبة شركة تويكس بالرس وانتي تهبلين أكثر
اي تشوفيين ماعندي وقت ابد وهو المؤذن بيعطينا وقت نتسحر ~> استغفر الله ماهو على كيفه
اللهم آمين وإياكِ
الله يعافيك ويخليك لعين ترجيك وفي الفردوس الأعلى أجتمع فيك
شكراً شكراً شكراً بلووو على ردك الذي أثلج صدري /
الردود اللتي أتت بعد ردّي هذا
#الخـالدي / أهلا وسهلاّ احمد ربك انك ولد , واحنا بنحمدد ربنا إننا بنات يا ربّ لك والشكر حيّاك الله وشكراً على الرد .. # яęęм / هلآآآآ وغلآآآ الله يسعد صباحك ومسائك بكل خير أسعدكِ الله ياريم في الدنيا والآخرة اللهم آمييييين ,, أحبكِ الذي أحببتينا فيه شاركة لك ردّك وتواصلك وتنبيهك لي الله يحفظك .. # ريــــــــــف / أهليين وسهلين يؤ أحرجتيني بردّك , مين أنتي ؟ أوّل مرة أشوفك ممكن نتعرف ؟ حياكِ الله يا ريف ~> ياحبي لهالأسم اللهم اميين وإياااكِ .. من سنة مسجلة , ليش توّك تشاركين ؟ ! لا يكون توّك تتفعلين ؟! شكراً شكراً ريوو .. # اليزابيث هيرلي / .. #لحن الروند / ياهلا والله وغلا ببنوتة جدة شاكرة لك تواجدك , والله يجزاك خير ويبارك فيك ~> متابعة لكِ .. #شوق الكويت /أهلييييين وسهليين شوق الله يعافيك ويجزاك خير إن شاء الله تكونين أفضل طباخة في الكويت ونزورك هناك ونتذوق طبخك مشكووورة شوشو ..
# DR.KHALID / أهلين وسهلين بالدكتور اللهم آآمين وإياك .. الطبخ عندهم عييب ؟!! إذا الطبخ عيب أجل وشو الي ماهوب عيب الله يعطيك العافية خالد وما شاء الله حتى انت طباخ ~> شايفة طبخة بموضوع وليد .. # !. مجنون في زمن العُقلاء .! / أهلين وسهلين وعليكم السلام ورحمة الله .. ع البركة تغيير اليوزر تقطّعه بالعافية الله يسلمك ,. أجل السنع مرتبط ببنات الرس بس من تسبب بالغاء يومياتك العام أكيد انت الي رفضت .. لو دريت أجل عطيتك يومي الله يعطيك العافية يا مجنون ~> نعوذ بالله من الجنون .. # حتى ظلالي هلالي / هلآآآآ وغلآآآآآ ولا أنا ما أدري وش أقووول إلا اني أحبتس وحبيت البكيرية وبقر البكيرية من حبّي لتس وهـ بس أسعدني تواجدك ~> تخيلي لو ماجيتي وش بيصير لي .. # رنـــــد / هلاآآآآآآآ وغلآآآآ رنوده تسكرين الصفحة قولي عادي انه حامت كبدك من يومياتي ترى حتى انا اقول كذا تصدقين نزلت ولا راجعتها ممكن تكون هنوو مغيرة شي أو ضايفة شي كلها خوفاً من الندم على كلمة او مقطع لا يستحق الذكر إي وش كنا نقووول ؟ وااخزيااه امتس شافت يومياتي ودعت لي وصْلي سلامي لها تكفين وقولي انك توّك صغيرة عن شغل يومين ورا بعض اللهم آميييييييين , الله يوفقك رنوده , وأكيد امك تدعي لك بظهر الغيب وماتنساك وهذا الأهم الله يحفظها ويرزقكِ برّها .. # alhilali15 / أهلاً وسهلاً وعليكم السلام ورحمة الله وبركاته الله يسلمك ويجزاك خير على دعواتك وحُسن ظنك .. شُكراً جزيلاً , وحيّاك الله .. # الخرزه الزرقاء / أهلييين وسهليين الله يسلمك , أحبكِ الله .. أنتِ ماتعفريني لكن أنا أعرفك الله يعافيك , لا بسم الله عليك ماانتي برفلا نسيتي المنتو الي ساعدتِ أهلك بطبخه حيّاك خرّوزه وشاكرة لك ردّك , الله يسعدك .. #^العنود^ / هلآبك عنوووووود يالبييييييه يالغيوور خلآص كل المدح الي جاني أهديه لك طلعتي الساعة 2 لا أبشرك ماشافت وجهي الشمس متغطية عنها بعدين ماتضر مادام لي سنة ماشفتها مو مثلكن يالطالبات ~> على طارري الطالبات ما شاء الله مبروووك النجاح مرة ثانية وثالثة ورابعة شكراً العنوووود والله يسعدك ويحفظك ويستر عليك .. # شبوط/ أهلاً وسهلاً الله يعافيك , وشكراً جزيلاً .. # عاشقة الزعيم 15 / يا حيّا الله البنوتة الأمورة ياحبي للي تنصح جعله نووم العافية يالنووش الله يسلمك , شُكراً شُكراً يا قمر أسعدتيني الله يسعدك دنيا وآخرة .. # Miss.nora / أهليييييييين نورا الله يعافيك يا رب , وجزاكِ الله خير على دعواتك شكراً نورا وان شاء الله تكونين مثل نورة السنعة الي بغبار الهجير الله يحفظك .. # ..بقــ حرف ـايا.. / هلآ هلآ هلآ بقايا حرف ياجعل حرفك ماينمسح ~> أومّا ذي الرابط يتناقل بالمسن وانا أقوول وشبهم عدد الزوار واجد أهم شي انتس جيتي وختمتي الردود وكان الختام مسك
إقتباس
تقل وقته ياشين الخبه بس والله صادقه ماحد يحرج البركه الا يديتس مثل ذاك اليوم اغسل الحووش وكل شوي منطلق ( اللي ) واشبكه وينطلق يختي يبي يدين سبع البرمبا مهوب حنا نساحرهن مساحر
هههههههههههههههه سبع البرمبا من نعومة يديننا مو راضي ينشبك
إقتباس
ياحبيلتس ودي امطختس
هاه بالجنة ان شاء الله
إقتباس
بس زين كانه وقفت على الام بلاتس من الخوات كل شوي متوجعات ياحمل ياولاده واشتغلي تهميز
اي عادي الخوات المتوجعات يستاهلن من يرعاهن , بلاتس من اختي البزر ما أمرها بشي إلا تشترط أهمز ظهره ~> عاد الظهر آلامه وراثة عندنا
إقتباس
( برب اذن بشرب ماء )
(عدنا ) < طراه قناة السعوديه عساه للهدام
أشوى أمداتس تلحقين , عاد تخيلي تصومين بدون ماتشربين ماء ولا الماء ينفق عند الاذان ههههههههه وليش تدعين عليه بس شكل الدعوة طالعة من قلب ..
إقتباس
أشهد لو تخليني اغسل المواعين مايصبح الصبح علي الا وانا منتحرررره
ذكرتين منول ايام التسبيع بالدور الله لا يعيده
أفأ بسم الله عليك أجل انتي من الي مايحبون التسبيع دوّرين عن التسبيع أنا ,, اييييييييه يازين أول كان بالدور هالحين مابوه الا انا
منهن ذولي ماعرفهن الله يسلمتس ويجزاتس خير ويستر عليك ويوسع صدرتس بالعافية يا بقايا
/
خلآآآآآص انتهيت الحمد لله شكراً جزيلاً لكل من قرأ وردّ أو لم يردّ مرّ مروراً سريعا وخرج شاكرة لكم ومقدرة حسن ظنكم باختكم
بارك الله فيكم جميعاً وأعاننا الله وإياكم على صيام وقيام ماتبقى من رمضان بقي 12 يوما وينتهي رمضان لعلّنا نستغلها بالطاعات .. جعلنا الله وإياكم من المقبولين ورزقنا قيام ليلة القدر وأعتقنا من النار ,.
~> شكلي بآخذ إجازة إلى العيد بعد هاليومية
أستودعكم الله الذي لا تضيع ودائعه
سبحانك اللهم وبحمدك أشهد أن لا إله إلا أنت أستغفرك وأتوب إليك
اخر تعديل كان بواسطة » مَاهِينُورْ في يوم » 09/09/2009 عند الساعة » 07:10 AM
السبب: تم الردّ على جميع الردود ولله الحمد وإن شاء الله إني مانسيت أحد ..! .. أستروا على ماواجهتوا .. :$
السلام عليكم والله دامتس من الرس أكيد السناعه راكبتس من راستس لرجلتس <-- ابوها عنصريه الا أنا فيه شي مستغرب منه أكثر الأعضاء مستغربين او بمعنى أصح تسنهم مستغربين أنو أكثر وقتها بالمطبخ ورابطين السناعه بالطبخ هذا شي طبيعي ولا هو غريب على بنات الرس الله يوفقهن ويزوجهن كلهن <-- باللهي
//
بصراحه أول مره أدخل على يوميات الأعضاء وأعجبتني البساطه اللي كتبتي فيها حرآم العام كنت مترشح اشارك بيوميات رمضان بس حسبي الله على اللي كان السبب <-- يلمح ^_^ ماهينوره << على قولة ميمي فالتس البيرق
, شوفي شلون إبن آدم ضعييييف هالشوكة تأثر فيه وماتخلّيه يقدر يمشي 
!!
--> يناظر بطرف عينه طاش 
===> ماسك بطنبه ومنسدح يعوره شكله مغص وعجاز يروح للدوره وانتوا بكرامه 
الوضع المتطور
